第十場唔少人睇好隻赤胆福星, 但我就唔多鍾意, 雖然佢今季贏馬個場水準尚算不俗, 然而畢竟已年介八歲, 而且盛年拼得甚盡, 今場要面對一眾年輕力壯且正踏入成熟期的對手, 不且在此發難!
我為本帖做個個投票有成三十幾人投過票, 實在高興! 多謝各位的意見! 從中看來大部人都較喜歡"重心提供一隻馬膽及配腳", 所以由今次起我都唔長篇大輪一番, 一來我研究和寫都真係要成一日, 的確未必能保證每次都有咁多時間, 二來也算是徇眾要求, 不過如果有兄弟姐妹喜歡討論個別場次或意見, 我當然極之歡迎一起討論研究一番, 不過本討論區的討論風氣當未算盛, 希望能日益改善吧!
講番今次賽事, 由頭到尾都只覺得第十場較明朗少少, 希望無睇錯啦!
第十場: 安翹
最後都係要番隻安翹, 哲學家始終非穩健, 作配較恰當! 安翹六戰五收獎金, 一冠兩位, 上兩仗若非騎者犯錯和有點失運, 大有可能已上二班跑了, 今場仍在三班作賽, 論實力必不處下風, 而且已接戰欠運和犯錯, 今場再出現此機會相對減低, 志叔應該唔會連錯三鍋, 而且增程二千, 必更有利其均速跑法, 加上今次排個三檔, 大有能力沿途留守放頭馬龍馬精神後面, 今場步速亦有機會偏慢, 對安翹可謂有百利而無一害, 前仗谷草信心十足下因跟唔上步速而敗, 必會盡快為幕後謀交代, 否則小心一下唔覺意就益左方嘉柏, 所以估計戰意尚算鮮明, 而且近仗已逐步增程, 明顯是有部署而來, 再加上今季初出十四檔都能馬主精神和丹山格格等對手, 質素在三班必夠有餘, 同系馬亦非早熟早殘之輩, 四歲應能繼續進步, 仲有一點, 如果今場佢佔到步速之利, 末段彈得甩既輕勝既話, 分分鐘仲趕得切打比尾班車都唔定, 在此可作重心首選! 配腳當然要番哲學家, 二千排一檔, 起碼出閘後就唔駛蝕位, 加上此系馬四五歲正處盛年, 若非健康有事, 相信成就必不致此, 寄望方嘉柏搞番掂佢, 在此評分必不愁寂寞, 必然首要配腳! 再其次當然係先前提過的福星拱照和萬勝峰, 福星拱照上仗輕勝千六, 今仗卻突然加程四百, 屬看不透一類, 但神仙馬增程成績不錯, 兼排六檔又輕磅, 115磅韋達都騎, 應有一定機會, 守中段有力後上挑戰對手! 萬勝峰今季成熟後, 由五班贏到上黎, 殊不簡單, 今場縱然排十一檔出閘有可能蝕位, 但甚喜歡配上霍達兼, 而評分方面隨著不斷加分後, 雖然談不上有大優勢, 但應該仍有虛位, 正路配腳!
馬膽及配腳: 安翹 ---> 哲學家, 福星拱照, 萬勝峰
