nithan

引用:

原帖由 keith131 於 2006-4-12 11:12 AM 發表
nithan兄
等緊你出返每場o既分析
報紙都唔係日日中次次準
加油 ;)
你之前講過希望人地當報紙咁睇
但係呢兩次賽事我無報紙睇:014::014:

哈哈, 我刨好哂, 只係無打! 想靜靜雞偷少少懶都俾你發覺添, 午飯後必有, 等陣!

nithan

各場分析，絕非馬虎之作，請細閱！

第一場：友活力以前仗此程贏馬姿態和時間，俱顯示有能力在四班爭勝，今仗負113磅，適逢萬成復出，兼且抽得三檔，絕對不懼任何對手，蘇保羅亦唔會以一場頭馬滿足，必求再捷力省招牌，可望再一放絕塵；力奇之寶重遇巫斯義，此程亦屬首本，對手不多，有力入位；幸運武士有質未熟，全熟後必非此班，此程將來亦必嫌短，憑質出戰，成熱宜作配。

第二場：無乜頭緒既場合，但覺京城之光應不致如此不濟，再不救分分鐘提早退役，吳定強亦未夠數，五班輕磅又有分頭，不拼何待？可小試；菠蘿飽增程應合，奈何抽得外檔兼成熱，作配為佳；騰達今場應該退熱，五班一哩當有份量，用高雅志後上深慶得人，可冷配；神龍奏凱幾經減分終於落回五班，未郁手應該係想謀定而後動，以此駒能力，於五班時刻要留意，作配無妨。

第三場：雄心五班有卡士，明顯刻意減夠分黎，用到韋達唔係講笑，大有想盡計仔幫馬主贏第二場頭馬之感，慶幸未是大熱，可作首選；起得勁上仗轉倉後脫胎換骨，加強配搭可能想贏馬省招牌，惜由冷入位變熱屬大忌，淪為次選；嘯傲天河此程時有神來之筆，目前大冷，可作冷腳小試；健康大師有主帥不用刻意用楊啟棠減磅，上仗過熱但跑來仍不太差，若想輸大可繼續用主帥，換人或有計。

第四場：又黎雙T場合，友誼第一上班連輸五場，上兩仗更刻意跑泥地減分，五仗減去三分，今場剛夠資格落班，動作雖然未明，但唔用戴勝反而搵王志偉卻引來我注意，要輸要扯飛當然用勝哥，但搵王志偉減去十磅，對此放頭馬甚有利，橫視今場未見多馬鬥搶，若能慢慢放，當有資格問鼎三甲；本來今場最心水紅彗星，此駒實力絕非今場對手所能及，轉倉後已連番試準，同系馬谷草成績不錯，轉谷草增程而來有壓倒性牌面，可惜賠率過熱，在無T場合不能不擔心，故淪為次選；奧利皇子近仗留放未見佳處，今場對手不多兼本身屬冷門，看看會否馬上醒神變身，六檔有利跟中間位置，冷配之選；真係贏雖然俾神仙搾輸哂，但轉入吳定強後，喜見仍有幾場有走勢，強配杜利萊成冷，可吼冷腳。

第五場：詳見今日推介！

第六場：永寶投蘇保羅後亦見有接近表現，今場此馬房出馬四隻，隻隻都唔差，大有出擊之勢，此駒在田草屢和強手接近，上仗重返谷草留到最後，直路才衝一段，試馬味濃，今場易配韋達而非萬成，有可能唔會留後跑，應跟在中段甚麼更前位置，在此組輕磅兼強配，當有力一戰；一口田嫌檔差，谷草直路較短，今場排在外檔出閘和後追都較蝕底，用黎海榮減磅有利但未知能否幫到劣檔，然而單論實力必最高，作配為宜；好耐力二檔可跑靚位，此程表現不差，稍嫌以往贏馬多有好賠率，成熱忌，論實力則要拖；威騏上仗黏地大敗未可作準，今場雖為二班，但對手非多，可憑彈性跑法在此偷襲，有廿幾倍賠率，可作冷配。

第七場：飛快贏谷草入位時間非佳，但要回想鞍上人乃桑迪斯，打個折後應有份量，前仗韋達估估惑惑輸一場，上仗搏殺則僅負，但威脅力已大增，加上連仗負重仍有穩定表現，上三班負輕當有力一戰，鄧迪一早已過檔試定，應介開齋之時；有聲氣上仗後上走勢，在此的確有成熱價值，一早搵定巫斯義過檔試馬，意識良好，谷草及千八都有過經驗，可憑靚檔可此威脅前駒；好樂意一路等佢增程，上仗跑泥千八本來屬心水，但見同場遇上天行者，馬上把目光引開去，近八倍獨贏就咁無左，今場返回草地仍跑千八，但又無端端換上王志偉，可能係練馬師見快到季尾，減磅會較好跑，此駒跑法不難，守中前段比後上較易應付，論實力必可威脅，目前算超賠率，可作配；茂年精英又換人跑，杜利萊騎實力有增無減，本身無千八經驗，但谷草表現準，同父或母系既馬，都見有長力依據，成冷必拖。

第八場：詳見今日推介！

總結：
第一場：友活力、力奇之寶、幸運武士
第二場：京城之光、菠蘿飽、騰達、神龍奏凱
第三場：雄心、起得勁、嘯傲天河、健康大師
第四場：友誼第一、紅彗星、奧利皇子、真係贏
第五場： 雷電追擊、德裕之勝、多威勝、彩虹鑽石
第六場：永寶、一口田、好耐力、威騏
第七場：飛快贏、有聲氣、好樂意、茂年精英
第八場： 同心拍檔、明確、三刀王、機緣之都
紅色乃坐位望贏之選！

nithan

引用:

原帖由 yickchingw 於 2006-4-12 12:41 PM 發表



等左好耐啦!!!!必作參考..
話是話, 你o個公司打嫁??

明知係都唔好咁大聲講嘛.................. :011::011:

:014::014:

nithan

引用:

原帖由 beanman 於 2006-4-12 03:07 PM 發表

哈哈, "雷電追擊"啱心水, 此駒轉倉未交代, 鬥志好, 希望馬偉昌唔好留咁後....另冷門鍾意"齊齊掂", 真係希望大家齊齊掂啦:014:

尾場較喜歡"鷹隼", "歡樂多"及" ...

鷹隼稍嫌已食到飽, 未必咁快又郁手! 可能等下季再黎一場!
歡樂多則實力過於平庸, 上仗出盡九牛二虎之力終交代, 無左巫斯義未必爆到個段力出黎!
同心拍檔上次衰過一鍋, 今次唔會再錯同一條路, 慢則放, 快則留, 唔會頂到三叠卦, 除非韋達找死啦! :014::014:

nithan

唉! 喜一龍奇寵好似食左豬油咁, 上次就放得咁勁, 今次就走三叠都唔上去搶, 又一次錯估形勢, 咁慢, 雷電追擊點衝.................希望一陣同心拍檔能贏啦!

nithan

成績表：
第一場：友活力、力奇之寶、幸運武士
第二場：京城之光、菠蘿飽、騰達、神龍奏凱
第三場：雄心、起得勁、嘯傲天河、健康大師 :006::006:
第四場：友誼第一、紅彗星、奧利皇子、真係贏
第五場： 雷電追擊、德裕之勝、多威勝、彩虹鑽石
第六場：永寶、一口田、好耐力、威騏
第七場：飛快贏、有聲氣、好樂意、茂年精英:004:
第八場：同心拍檔、明確、三刀王、機緣之都  Q $943.50

各場成績不滿意, 尤幸尾場都中番條冷Q, 不過我自己就搵左同心拍檔做膽..............:002:

至於所推介兩次馬既成績就只有兩個字....................慚愧! :embarrass

nithan

近期成績慘不忍睹, 今次推介兩隻心水泥地熱門, 勝望俱佳, 整條獨贏2x1復仇先得! :014:

第五場: 得多多
上仗連番意外, 一望空就撲上黎輕勝, 做到1.09.00既時間, 今次原班再戰, 加九磅相信影響不大, 由巫斯義換上鬥志更鮮明既蘇銘倫, 仲抽埋個靚檔, 可穩守三四位, 入直路再一攻而破, 至於質素方面, 同場泥地性能以太極之光最有威脅, 但後駒仍未能返回頂點, 加上楊啟棠和蘇銘倫相距甚遠, 再者得多多仍年輕, 仍有大幅進步空間, 在此連捷機會高唱入雲! 配腳當然要番隻太極之光, 有五檔騎師又減十磅, 雖未能回頂點, 但在此足以入位! 勁財寶上班跑表面蝕底, 但上仗泥地後上可人, 輕磅換上戴勝更有可取之處, 橫視同地泥地有實力馬不多, 有入位能力! 卓暉千二最好, 有個一檔比上次十一檔好走好多, 留住衝一段, 可視冷腳!

第八場: 源來原去
本身草地能力有限, 所贏和入位成績俱在此程, 四戰同程兩冠兩季, 而且越贏越精彩, 前仗同程守靚位入直路, 一衝就贏哂, 完全視對手如無物, 第二名既貝多芬其後再出亦輕勝, 足見水準不低, 更令我深刻印象的是該仗時間, 竟然快到1.37.90, 睇番今場對手, 真係無邊隻可以威脅到佢, 特登搵番高雅志, 可再次重施故技, 在此再輕勝一仗機會甚高! 寶樹多盈泥地亦算好手, 上仗負重亦輕, 今仗上班減磅, 易配杜利萊問題不大, 有四檔可守好位, 有力和前駒串成連贏! 包裝福星無疑實力退化, 但在此組用黎海榮, 輕到110磅, 再加上泥地合適, 應可走入冷位! 同場睇得上眼既泥地馬真係不多, 最後一席想搏下隻五穀豐收, 本身有二班贏馬能力而一班不夠, 落班用楊啟棠減番十磅有著數, 泥地不明, 但本身一哩好兼變化地特佳, 可搏大冷腳!

nithan

各場心水簡析!

第一場: 特區寶上仗一出票數硬淨, 縮程一千問題不大, 係A欄抽番個四檔好跑, 在此負輕可挑戰任何對手, 應可開齋贏馬; 創惑不明不白輸左一場, 換上蘇銘倫應該醒定好多, 初出一場贏馬無花無假, 跑出水準應在前列歸來; 權勇駿操到足哂, 本身亦算早熟, 在此初出能有一爭之力; 千萬財星血系同樣早熟兼應有質素, 奈何操練不足, 不明所以, 但若成冷拖埋無妨, 新馬賽畢竟水準太參差了!

第二場: 無心水場合, 選擇不提供, 以免誤導讀者! :014:

第三場: 又係無心水, 只係情意結又再為黑鷹為藉口, 跑一哩成日跟前左, 縮到千二谷住要後上, 徐堃偉發揮也許不易, 但卻輕到108磅, 上次仲係同笑住贏跑緊, 今次對手弱好多, 大冷十蚊WP吼下無妨!

第四場: 雙T場合偏偏愛上有可能成熱既一對馬活力驍和齊齊發, 前者日漸成熟適應, 泥地既合應可再闖前列, 後者轉投蘇保羅後場場有獎金, 其中兩仗更贏馬而回, 四檔好跑, 可繼續有好成績, 兩雙以號招力計應以活力驍較熱, 故以齊齊發為正選, 活力驍副之; 必發之星同程有佳績支持, 有楊啟棠黎海榮不用, 而刻意用較弱既徐君禮, 求冷乎? 冷配無妨; 不論泥地性能, 在此組中呈祥應有份量, 轉倉後初跑泥地, 可搏冷腳!

第五場: 詳見馬膽推介!

第六場: 翡翠舞士泥地千二贏左一場後, 連續兩仗於千二亦未能延續佳績, 今仗轉為增程, 應有可搏之道, 本身泥地已證明能力, 而同父系馬幻影神偷和悉尼新聞俱顯示有一哩能力而非短途好手, 輸兩仗後才增程應不會太熱, 在此可搏再闖勝門, 賠率必佳; 高風雖十一檔, 但應夠速度切入, 四班泥地夠哂卡士, 同杜利萊更有威脅能力; 神殿屢拼未逞, 泥地實力雄厚, 續用冼毅力, 三甲有望; 首瞻一線落四班機會大增, 重磅用黎海榮減番七磅, 泥地本身不俗, 只礙於三班實力不足, 以致近績不佳, 重回四班當有一戰之力!

第七場: 勝利飛駒上仗輸得冤枉, 今次抽個九檔應唔會再塞車, 特登搵番蘇銘倫黎騎, 決心甚大, 應有力在此捧杯而回; 天仲之寶千四不及千六好, 但實力在對手之上, 可爭三甲; 精英大師評分最高, 論馬一定跑唔番以前水準, 但求有七成已滿足, 唯見同場對手水準真係不高, 應有三甲能力; 紅旗飛揚千四同樣不及千二好, 但跑法有彈性, 兼長處水準狀態, 爭一席不難!

第八場: 詳見馬膽推介!

第九場: 順利取勝檔劣可索性留到包尾, 正合其意, 萬成餓馬而久, 一場友活力未充其飢, 鬥志可取, 本身泥地及一哩好最, 對手不多下, 有坐位望贏能力; 醒飛飛轉倉後明顯急於求功, 轉戰泥地棄見習生而強配鄧迪, 出擊之心昭然若揭, 有力挑戰前駒; 開心錢十三檔唔好跑, 但求寄望開閘夠快切入, 若能如願, 以其贏馬時間及姿勢, 在此放回一席不難; 真旺財跑番泥地機會重現, 史科菲騎慣騎熟, 應可克服劣檔, 勝在有分頭, 作配不妨!

第十場: 幸運之寶轉倉後上仗馬上入位, 同樣急於省招牌, 年輕時曾兩勝同程泥地, 告仔搾到盡既馬大摩肯收必有因, 同場有馬拖快步速, 此駒可守好位伺機而動, 配蘇銘倫如虎添翼, 可作首選; 勁精神上仗重磅換徐君禮, 騎者始終欠硬淨, 加上對手乃得多多, 敗不足辱, 今次上班重配高雅志, 實力大大增強, 仍有入位能力; 多多勁駒終於回師泥地, 輕磅仍配萬成, 雖排劣檔, 但泥地跑高不少, 可爭一席; 五五波同系馬屬泥地好手, 本身泥地俱負勝利飛駒, 排四檔換上巫斯義, 可視半冷腳!

心水總結:
第一場: 特區寶, 創惑, 權勇駿, 千萬財星
第二場: :014:
第三場: 黑鷹
第四場: 齊齊發, 活力驍, 必發之星, 呈祥
第五場: 得多多, 太極之光, 勁財寶, 卓暉
第六場: 翡翠舞士, 高風, 神殿, 首瞻一線
第七場: 勝利飛駒, 天仲之寶, 精英大師, 紅旗飛揚
第八場: 源來原去, 寶樹多盈, 包裝福星, 五穀豐收
第九場: 順利取勝, 醒飛飛, 開心錢, 真旺財
第十場: 幸運之寶, 勁精神, 多多勁駒, 五五波
紅色乃坐位望贏之選!

nithan

引用:

原帖由 yickchingw 於 2006-4-13 11:45 AM 發表
麥快得咁緊要牙..
我唔係好想刨]]]
又泥地.又新馬
只買剩低2場..其他跟你!~

嘻嘻, 其實我幾鍾意買泥地, 有時真係好買過草地好多!
快d做完功課, 迎接復活節節四天假期嘛! :014::014::014:
順祝各位兄弟姐妹:
復活節快樂!!!

nithan

引用:

原帖由 kc10412 於 2006-4-15 12:50 AM 發表
兩場正路馬膽,但我堅持寶樹多盈係一班馬,實力必高於源來原去。所以我會揀寶樹多盈行頭

結果係....................你無講錯!! :006::006: