nithan

引用:

原帖由 kc10412 於 2006-3-29 12:28 PM 發表

心水一Q返乎? 其實我都睇好呢條馬房Q

機會不錯, 只怕有資格從中作梗! :017:

nithan

引用:

原帖由 abmysty 於 2006-3-29 01:43 PM 發表
我今次ｄ水心全部係自己刨出黎
有ｄ都差唔多
不過賭左馬唔係好耐～指教下丫～^^

2.笑住贏 神殿 春風化雨  黑鷹
5.天行者 甜在心頭  哲學家 領先者
6.長勝福將 太極之光  順利取勝 有信心
7.多利高 勁精神 駿球 凱旋駿驥

不過重未諗到投注方式～＞＜
nithan兄有乜建議呀？

投注方式很難講個喎, 要視乎注碼和賠率, 簡單點的話, 你可以在每場捉一隻喜歡既膽, 拖三隻買連贏, 咁就可以睇足四場, 本錢都係百二, 中一場都應該有錢贏, 唔建議買位置Q係因你每場四隻中並不多大冷馬, 連贏會較有肉食, 中一條回本機會亦較高! 但若每場買, 贏極都唔會話好多, 若有本錢可以買二串三, 過到口孖就肥仔, 不過就要多點本錢, 風險相對增加! 而你心水中五至七場係連續的, 亦可以試下選兩場較有把握的, 每場要兩隻, 買口孖寶, 本錢都係40蚊! 再唔係可以在四場中, 每場選一隻你認為有機會跑入三甲既, 整條位置過關四串一, 幾錢條就睇你喜歡! 我亦見到你第七場個四隻都算較有分頭, 若有信心可以四隻互串連贏, 六十蚊本, 走多利高搭駿球就肥囉! :014::014:
其實投注方式各式各樣, 很難提供一個周全建議, 最緊要時來運到, 你剛用既方式就有錢收, 否則每場刨四隻, 隻隻走入前四都可能無錢收! :022:
順便預祝你今晚大豐收啦! :014:

nithan

成績表:
第一場：新聖、歡歡喜喜、躍勝、凱旋煌
第二場：黑鷹、笑住贏、春風化雨
第三場：翡翠舞士、逍遙自在、哈哈大少
第四場：常山鎮寶、七星樂園、恰到好處、海中寶
第五場：天行者、好樂意、領先者、哲學家
第六場：太極之光、加州雄心、長勝福將、原路人
第七場：得多多、三陽啟泰、卓暉、勁精神
第八場：首飾之星、有資格、多快樂、源來原去

首飾之星梗頸四, 無法子............:022: 天行者就死得不明不白..........
星期六再寄望火焰之星增程贏馬啦! :014:

nithan

大摩星期六除新馬賽隻創惑和一班隻閃電, 其他都唔多似樣, 相反蔡神仙就似有料到, 駿馬繽紛, 甜心, 新東武士, 哈哈妙, 駿河, 全勝福星, 悅目和好利威, 咁多隻入咁, 係咁易都最少有三兩隻有冠軍相馬, 邊線馬亦唔少, 大有打反擊戰之勢! 再刨多陣睇下先! 不過心水推介多數都係愛駒火焰之星架啦! :014::014:

nithan

引用:

原帖由 siu_ma 於 2006-3-30 09:47 AM 發表



我都唔好得你幾多，呢排唔知做乜，成日都係Q中頭馬，但係第二個隻就唔知跔左去邊，鷹隼、金鋼盃、荊玉山都中到但係未試過有錢收(因為我只買Q，輸到我怕，都唔敢再寫(費時害大家輸錢):007::022:

做乜失左縱??? 有無心水都黎吹下水嘛! 我近期推介既膽都係位置交代多, 昨晚更係梗頸四, 剛發現原來我成日都係梗頸四, 至今已有七次了, 我目標係希望這檔野能維持至季尾, 而勝出率能提升至過25%, 如果唔得過20%都接受, 上名率則希望過到65%, 又如果唔得最起碼都要做到60%, 唯有繼續努力吧! 其實我這檔野好少人有回應, 慶幸閱覽人數上升得好快, 已過萬四, 咁都俾我覺得有唔少人定期都有睇, 先叫我能厚顏繼續長氣咋...........:011::011:

nithan

引用:

原帖由 keith131 於 2006-3-30 10:24 AM 發表
有心機寫o既一定有人睇！
比著我就無呢個心機場場分析

琴晚首飾之星梗頸四 如果唔係我提供三隻 連三重彩都仲埋 = =++
不過賽後 首飾之星 多快樂 都發現氣管有血

佢梗項四, 好彩我賭得細, 否則賽後我氣管仲多血添................:angry:
:014:

nithan

我每次會重心分析一場心水，若有時間會俾埋其餘簡析，即可能每隻都係兩三句講講，務求照顧不同讀者，因為重心分析個場未必係每個人心中想投注既場次，所以順帶提供其餘心水僅供參考，無時間就會只打馬名，當報紙咁睇都好嘛！只望能更多讀者參予本帖！講番星期六個場地，目前天文台預測該天有薄霧及幾陣驟雨，介時個幾陣驟雨幾時落真係好緊要，若刨馬時搵到好地變化地都得既馬當然會令推介成績較穩陣少少啦！馬膽推介再要火焰之星，場地性能不限，負磅亦輕左九磅，有力補中！

第八場：火焰之星上仗休後狀態未十足，而且讓一口田近廿磅而輸少少未算失禮，今場增程千八必更適合，負磅亦減去九磅，對此一千磅出頭既馬幫助極大，佢有幾好上次已講得好清楚，實力、戰績和卡士都不比任何對手蝕底，再加上好地又得，變化地都無問題，慶幸馬房無易配而續用戴勝，今場贏馬呼聲高唱入雲，信心十足，獨贏和三重彩單式馬膽不作他想；閃電和百勝駒同馬房而調轉騎師，實力以前者較高而賠率則以後者較佳，閃電一心去澳門威而未竟全功，回師香港應盡快爭取成績，易配洗毅力可望有不同發揮，有爭上名能力，而百勝駒變化地有助，上仗用洗毅力一心想爆而僅負，今場若續配洗毅力必熱，反而調轉騎師可令百勝駒繼續成半冷而戰鬥力不減，一對都要拖；出奇今季回光大勇，跑好地評分己摸頂，若有變化地可藉此提升名次，同馬房有土星可扯快步速，有利此駒後上，落雨成最佳冷腳。

nithan

各場簡介：
第一場：頭場都唔駛點講，創惑、馬友利和好有勝三雄鼎立，只係次序問題，無獨有偶，三隻血系都係傾向早熟兼俱顯示擅變化場地，唯有以往績定先後，馬友利首戰負創惑，但上仗時間和姿態都和第一次有長足進步，再加上跑到好有勝毫無還擊之力，今場應是首選，而創惑和好有勝能有多少進步仍屬未知之數，以馬友利作指標，創惑應該排在好有勝前面，前者一早搵定冼毅力過檔，星惑效應也，今場應以馬友利為首，創惑次之，好有勝隨之。

第二場：領先機現在廿五分，出黎跑要打醒十二分精神，否則分分鐘四歲就玩完，論馬不至如此不濟，今場三檔應該幾好跑，只忌落雨，無雨有力坐位望贏，有雨作配較宜；福建王子四班有走勢而落五班應有著數，但唔明點解唔用楊啟棠減磅，而搵韋達引來飛數，看是壞多過好，但論實力理應作配；萬象更生九歲老馬無保留，有幾多追幾多戰意好，冷配無妨；浪濤峰當打，三甲可預一席。

第三場：水準參差，非重心場合，宜互串。飛劍上仗水準不差，但嫌休耐左少少，論質可勝而非穩健；得眾有底質，用馬房見習生，搏你唔信；得勝非凡初出走勢不差，雖話嫌盡位，但後上可人，易配柏寶要小心；楊啟棠有師傅馬無騎而騎葵樹王，分分鐘有計，視冷腳睇睇；

第四場：又到雙T場合，正常情況下又係熱門墳墓，冷門天堂。光速變化地好，五班亦不差，馬房可用籌碼不多，欠三場上岸，光速有力再增一場；樂華寶上仗心律不正後小休，有新鮮感下千六可應付，論馬五班有優勢，可小試；新添馬再輸分分鐘玩完，在此應該唔會熱，重配主帥三甲有望；京城之光應仲有料到，十五分唔救無得救，望唔係馬有問題而係馬房收埋等爆，今場冷腳試試。


第五場：甜心續跑千四，神仙真係唔贏唔增程，三場第二已加左八場，變相一場頭馬，今場若再位置，下仗唔上班都唔得，論馬負磅重但四平八穩，戰意好，坐位望贏；卓越時代上仗增程放得有聲有色，續排好檔，賠率未必大幅下降，首配；寶安進有質而未全熟，在此組負中磅，可予留意；超級神駒續配戴勝意識好，正路配腳。

第六場：此場雖為二班，但不少都係老弱傷殘，喜皇寶雖初出，但應亦有優勢，此馬主一系馬在沈集成手上成績未算理想，此有前境既馬應該醒醒定定，此駒外地三戰全勝，來港後操足而臨，戴勝連試閘沿途走位都異常認真，有中檔唔走，仲要左望右望切入外欄，再一髹就輕勝，試閘對手唔係強手，但沿途姿態走勢俱佳，大有一出即拼之意，亦的確有力一出即勝；新東武士檔佳但重配韋達，賠率升溫下忌膽，然而論馬若肯留應有三甲；金雷達用湯智傑可順走，評分未盡之輩，用見習生亦能提升賠率，作配。

第七場：紅旗威揚重返田草兼可能遇上變化地，四檔好跑，小休而來有力再闖勝門；藍基因繼續負重磅留三班跑，用梁明偉減五磅作用不算大，但馬有份量，望騎者無犯錯下理應作配；海之逸進步幅度稍遜色，寄望重配戴勝有助，正路配腳；哈哈妙回配韋達遇有對手場合，賠率理應不會過熱，實力未算佔優而輕磅有助，可爭三甲。

第九場：喜德寶有幾高唔駛再多講，等成熟進步，論質隨時可以輕勝之馬，繼續首選；有作為當起大熟大勇，增程應仍有可為，前駒若有失，可取而代之；糖果精英大隻馬不怕重磅，場地問題亦不大，今場應有步速之利，可爭三甲一席；得意勝跑好地無得玩，臨場要有雨才能加入作配，變化地戰鬥力大增，搵定史科菲可能係等落雨都唔奇，大冷要妨；

第十場：好利威大超班無人唔知，神仙爭冠軍兼此類馬無得點收埋，同系馬有變化地好手，分分鐘又再跑高多少，首選無他；加州皇子轉投告東尼後一冠一亞，無理由棄之，三甲應有一席；威勁多上仗發神經留到咁後跑，後上一段飛到咁上黎，跟前少少今場都有力一爭之力；馬無敵變化地好，可用見習生而強配杜利萊，馬房決心不少，可作配。

總結：
第一場：馬友利、創惑、好有勝
第二場：領先機、福建王子、萬象更生、浪濤峰
第三場：飛劍、得眾、得勝非凡、葵樹王
第四場：光速、樂華寶、新添馬、京城之光
第五場：甜心、卓越時代、寶安進、超級神駒
第六場：喜皇寶、新東武士、金雷達
第七場：紅旗威揚、藍基因、海之逸、哈哈妙
第八場：火焰之星、閃電、百勝駒、出奇
第九場：喜德寶、有作為、糖果精英、得意勝
第十場：好利威、加州皇子、威勁多、馬無敵
紅色乃坐位望贏之選、藍色則三甲較穩。

nithan

引用:

原帖由 keith131 於 2006-3-31 02:03 PM 發表
第五場 11.金威龍有力出冷 巫斯義 四月中牌照到期 望爭取成績 近期所騎之馬都必拼盡，同場對手皆見盡，可望有進步空間比較大有三駒，紅皮柚 金威龍 超級神駒，超級神駒上場已有提供，但上場所見最後直路走勢仍然不太規具，紅皮柚應會有進步表現但方嘉柏聽日陣容唔強有介心，金威龍大閘試準，有配備轉變，都係果句 … place 當 win 賭

我諗你未必有得place 當 win 賭, 今次大把人唱緊隻金威龍, 上兩仗走勢未算好且輸遠, 論馬帶均速, 增程應合, 但跑多二百係咪可以把供名次有保留, 半冷不反對, 若明天熱底過六倍就唔抵!

nithan

引用:

原帖由 sssstttt 於 2006-3-31 01:38 PM 發表



真係 > 快 靚 正 ~ :014:

我連排位都未有時間睇.........:embarrass

搵食梗係快手d啦! 快同靚都可以講, 正唔正就要明天先知啦! :014: