nithan

引用:

原帖由 nithan 於 2006-3-21 02:10 PM 發表
睇黎睇去都無乜邊場話好心水, 場場都有點亂, 應該以第六場較明朗少少, 希望無睇錯! 剛剛上面有兄弟提過這場, 上面回答過既分析可以用得著, 嘻嘻! 唔好話我懶呀, 我都係第六場同尾場度選, 尾場想要同心拍檔, 又驚皇 ...

熱熱地中條三重彩, 今晚之輸足咁多場, 好彩重心場次返返來, 有賺有賺!!! :014::014:

nithan

第一場: 贏得多, 喜洋洋, 馬駿寶 --------------------------> :006:
第二場: 駿馬繽紛, 高明王, 突飛猛進 --------------------> :006:
第三場: 雷風恒, 幸運武士, 步步金, 我來也 ------------> W, PQ
第四場: 開心多寶, 真心老友, 財馭, 圍彩 ---------------> P
第五場: 寶威軾, 奇寵, 飛快贏, 旅英名駒 ---------------> WQ
第六場: 幸運戰駒, 幸運精英, 追風快將, 紅衣凱旋 ---> T $471
第七場: 新東武士, 利利高, 飛躍之星, 再領風騷 ------> P
第八場: 同心拍檔, 皇者, 先機, 歡樂多 ------------------> T $3,089

上半場輸哂, 至第六場先歸本贏少少, 跟住第七場又輸, 尾場贏五十, 就買哂歡樂多, 因為同心拍檔熱成咁, 買黎無用, 而皇者和先機後上較蝕, 反而位置馬歡樂多有十倍兼跟前有利, 咪搏搏佢, 哈哈, 多謝柏寶頂死左韋達, 全晚贏五百, 雖然唔多, 最好過輸! :014::014: 不過今次反場推介成績算中下, 若無兩條三重彩直頭死得人, 韋達就估唔到佢咁乖仔, 居然唔熱唔贏, 唉, 打比日再黎過啦! 現在已著手刨了, 如無記錯, 打比日利熱較多, 執生啦! :014:

nithan

引用:

原帖由 siu_ma 於 2006-3-22 05:46 PM 發表
今日第六場渣唔到主意，所以呢場搏一搏半冷熱，呢場搵卓暉、幸運戰駒、過關博士做鐵角買Q同PQ 串落第八場(冷冷試下駿馬得寶) 皇者、同心拍檔、駿馬得寶

連埋單T 2串3 睇下今日有冇錢袋先;)

又過唔到關, 可惜, 下次再黎過! :013:

nithan

今次打比大賽日，寫了較詳細分析，不作個別場次詳解，馬膽推介兩匹較穩熱門，乃第三場的永歡騰和第十二場的步步穩，尤以後駒，個人認為篤定贏得。

第 三 場：永歡騰大有一出即勝之勢，告仔大賽日盡出實力籌碼，屬有起孖能力既馬房之一，同系馬戰意好，今場對手非強，雖然勢成大熱，但確有熱捧價值，有力即食；好聲氣四戰三位，只輸過一場谷草千二排大外檔，今場回師田草屬正路配腳；愛菊慘被梁定華玩至殘殘地，計馬曾在二班和馬王跑得接近，現在淪落至四班負超輕磅，不論咩路程都應有力爭上名，勢成冷門，可作冷腳看待；華忠寶初戴眼罩即易配白布朗，可能係出擊先兆，作配無妨。

第 四 場：大富之星上仗之勝水準不差，再戰同程經驗比同場三歲強手好，應可較佔優，只忌上仗有近十倍分頭，如非過熱可作首選；加得勁單論馬當然屬坐位望贏，如果用柏寶必屬首選，但配韋達成熱有介心，增程必好仍淪為作配；罐頭刀新馬期間成熱不值，本身非早熟兼非短途馬，入位乃靠新馬對手水準參差，如果一插四班再跑一千就連影都無，今仗轉馬房後小休初出，成熟進度應比去年好而未足，但千四比一千合適，在此已有留意價值；安威上仗俾馬燒住返黎仍輸唔遠，落四班有著數，再配王志偉減十磅，冷腳在此。

第 五 場：鐵血丹心千八必無問題，用楊啟棠減十磅，可能會有十倍分頭，值搏率高，本身質素比同場任何對手較佳，只搏騎者夠唔夠硬淨騎得起佢，若能好似贏衝線王咁騎，可搏半冷；東方遊戲神仙肯收果然有料到，再戰千八仍屬前列份子；銀鑰匙熱身兩仗後增程，馬上跑回應有水準，質新未盡，仍有再上名能力；紅酒甜心又泥又草又轉路程，收唔得好耐，上仗同程輸近，有過一次經驗，可爭更前名次。

第 六 場：雙T場合，要小心點好。安翹連場仍未有最佳發揮，當真死唔眼閉，接連兩仗俱未能率先走甩而反被福星拱照走先再追，輸人無輸馬，今仗磅位拉近兼重配高雅志，再加上賠率應有適量回升，希望能藉四檔順走，若沒有無端端留後或者又受困的話，應可順利闖勝門，繼續首選；勁彩寶蹄後上第四姿勢和水準都不差，若非大幅增熱，有作配必要；衝勁直前屬搵食馬，今仗雖然突然強配柏寶，但同場有馬可扯飛，相信仍屬半冷，田草有根據，冷配；福星拱照三連捷磅位和評分俱上升，若成為一枝獨秀大熱，分分鐘熱倒，否則屬正路配腳。

第 七 場：永利好有幾好唔駛多講，升班輕磅足以挑戰任何對手，穩位望贏；帝聖名駒有速度兼可快放唔斷，有力和前駒構成連贏；魔術師難得養回，雖上仗爆冷已失先機，但應仍不會太熱，質高可作配。

第 八 場：勁河上仗又見追得好，若能維持上仗走勢，今場有足夠能力贏馬開齋，千八外檔唔怕，可優先留意；奮鬥心上仗過熱而不值，但仍輸得近，今仗應收退熱之效，變相可作配；貝多芬底質厚，上仗轉馬房後有喜色，今仗重磅仍需留意；確叻寶已成非明星馬，近仗所輸非本身力有不及，而是被騎者無故留得後，今場用嚴顯強可望跟番前少少，成冷勿棄。

第 九 場：燦惑剛贏三冠頭關，續配洗毅力，可望再闖前列；精英大師早年長期谷勇，現在能否跑得番仍屬未知之數，宜腳勿膽；紅旗飛揚雖無冠軍相，但論實力三級仍有望；機關槍輸卡士，但上仗一千跑得不差，今仗千二必更好，強配有助，冷望。

第 十 場：爆冷外地跑過1975米，今場二千應有力應付，上仗預賽刻意讓其休息，養精蓄銳在此場出擊，十檔對其後上影響較微，喜有終身美麗幫手扯飛，令此駒不至於一枝獨秀有番多少肉食，首選無他想；終身美麗係眾多實力馬中抽檔最好的一駒，看上仗姿勢進步甚多，應該二千仲好，今場相信仍具坐位望贏能力；至於威利好好本來乃打比首選，但抽外檔對其跑法嚴重影響，作配較宜；喜利多上仗果然仍收埋，甚至唔放出黎跑，個人認為此駒實力未盡，而且長途必更佳，千六可放二千應有速度助其十三檔切入，冷門在此。

第十一場：幸運鑽石上仗增程即輕勝，論質深不見底，首選；寶樹勁盈上仗睇住食，同樣高質，此駒大敵，單Q機高；真好野上仗贏得精彩，今場稍輸質素兼負重，但有蘇銘倫助陣，三甲有望。

第十二場：步步穩仍未全熟，但上仗贏來姿勢驚人，今場連捷機會樂觀；俊歡騰進步幅度欠大，看來要再俾多少時間佢成長，但在此組仍有三甲實力；另具一格已養回，冼毅力可望有更佳發揮，作配無妨；小武士連仗搏輸，在此組賠率會大幅上升，正路配腳。

總結：
第 三 場：永歡騰、好聲氣、愛菊、華忠寶
第 四 場：大富之星、加得勁、罐頭刀、安威
第 五 場：鐵血丹心、東方遊戲、銀鑰匙熱、紅酒甜心
第 六 場：安翹、勁彩寶蹄、衝勁直前、福星拱照
第 七 場：永利好、帝聖名駒、魔術師
第 八 場：勁河、奮鬥心、貝多芬、確叻寶
第 九 場：燦惑、精英大師、紅旗飛揚、機關槍
第 十 場：爆冷、終身美麗、威利好好、喜利多
第十一場：幸運鑽石、寶樹勁盈、真好野
第十二場：步步穩、俊歡騰、另具一格、小武士
紅色乃機會較高者、藍色乃有力和紅色構連贏。

[ 本帖最後由 nithan 於 2006-3-23 10:02 PM 編輯 ]

nithan

第 三 場：永歡騰、好聲氣、愛菊、華忠寶
第 四 場：大富之星、加得勁、罐頭刀、安威
第 五 場：鐵血丹心、東方遊戲、銀鑰匙、紅酒甜心
第 六 場：安翹、勁彩寶蹄、衝勁直前、福星拱照
第 七 場：永利好、帝聖名駒、魔術師
第 八 場：勁河、奮鬥心、貝多芬、確叻寶
第 九 場：燦惑、精英大師、紅旗飛揚、機關槍
第 十 場：爆冷、終身美麗、威利好好、喜利多
第十一場：幸運鑽石、寶樹勁盈、真好野
第十二場：步步穩、俊歡騰、另具一格、小武士

今天成績算中等偏下, 單看win就只有金岡盃非所選擇範圍, 然而普遍就膽易有而腳難求! 再講我推介就更惡劣, 因為較早時間登分析, 而所預測第三場永歡騰會以強勢出現, 卻原來有成七八倍, 完全係兩回事, 可惜因不在港未能及時提出, 而尾場步步穩無跑錯, 輸可能係場地或成熟進度, 同場另具一格則場地有助, 形勢亦好, 馬房能養回亦居功至偉, 而俊歡騰和小武士自殺式鬥燒更非賽前所能預計!

今日最開心係安翹終於能用最佳跑法兼贏到馬, 有四倍獨贏應可報卻上兩仗之仇, 一早講左此駒要順走速跑, 唔可以要等佢追人, 今場騎者能放出乃贏馬主要因素! 奮鬥心果然熱倒一仗馬上以八倍施回馬槍, 贏得險, 加分後難再贏! 爆冷贏打比, 一望空就完全無對手, 但今屆水準不高, 此駒實力能否達馬王級仍屬未知之數, 有待更多考驗! 幸運鑽石贏進度和跑法有利, 寶樹勁盈要待進, 將來應以後駒實力較高, 可惜養在文家良馬房! 永利好繼續贏得精彩, 但今場雖為一班, 對手卻欠說服力, 和爆冷一樣, 實力亦待考驗, 但慶幸仍處三步, 若非早熟早殘, 成就樂觀! 金岡盃隔夜開飛大熱, 死都唔信, 結果真係爆左出黎, 賽前低估了此駒實力, 但往後亦不會因今場而過份看好!

nithan

引用:

原帖由 kc10412 於 2006-3-27 01:08 AM 發表
希望寶樹勁盈唔好重蹈寶樹多盈覆轍
明年今日要見到佢跑打比

如能棄暗投明, 前途無可限量! 可惜...................:022:

nithan

引用:

原帖由 yickchingw 於 2006-3-27 06:06 PM 發表
第三場- 「永歡騰」

表現差劣的「永歡騰」於賽後曾由高級獸醫（賽事管制）檢查，當時他說並無發現明顯異常之處。獸醫（賽事管制）今晨在練馬師告東尼的馬房再次檢查「永歡騰」時，發現該駒右前腿肌腱部位疼痛。 ...

腳痛已是後話, 臨場睇飛已知叮叮多...................告仔初出馬一係就再好分d, 一係就熱到無人買個種, 這個半天吊既飛多數凶多吉少!

nithan

乜翡翠舞士跑一場位置就好分到十倍?? 係超值定係無飛等輸?! :022:

nithan

今次馬膽推介本想要天行者或得多多，但前者屬全日誰都識買既馬，而後者則初跑泥地，所以就轉為一試半冷心水，亦是全日唯一草地賽事，就係尾場既首飾之星。

第八場：首飾之星本身乃白布朗坐騎，因事易配巫斯義，此駒上季尾大敗一場後，健康出現問題，該仗被驗出氣管內有很多血，接著久休半年多，今季才告復出，以上季尾二輕勝表現計，實力必未盡，就算傷後打節扣，二班亦應有頭馬，至今未勝可能係神仙認為本身上升空間非大，所以想以佳賠率贏馬，亦有可能神仙想要有把握場合一擊即中，前幾仗千八若不是遇上突然神仙既一定好，相信幕後已豐收，接著又再收埋，今場馬房用韋達騎多快樂扯飛，此駒原用冷殺手白希朗，大有可能是出擊時候，但現在用巫斯義，戰鬥力和吸引力亦相合不會大幅變動，再加上今場有自家飛領放，首飾之星排四檔可安然留在二三位，步速應不會快，若能及時突圍，不難一放到底，而且用巫斯義負120磅幾乎無死磅，再著巫斯義亦有能力迫出此駒步騎步有既跑法，目前有八倍，半冷佳選；有資格上仗轉彎已見推騎，返來時極之均速，未見乏力亦未見力速力，今場若跑千八必屬首選，但仍跑一哩令人難有信心，然而可寄望今場步速不快，可跟得較前和較輕鬆，贏或不易，但要謀一席三甲應可辦到；多快樂成大熱，以上仗後上如飛的驚人表現，的確當之無愧，但近仗贏馬俱有好倍率，現在熱至兩三倍兼馬房有支線，未算穩陣，但轉馬房後進步甚多，若肯雙龍出海，亦屬爭勝份子；源來原去泥地當然好，但草地亦非完全無競爭力，近況大勇，兼且近仗草見田草和谷草亦見接近，用戴勝不似係完全放棄格局，今仗轉草受注意度大減，大冷配腳在此。

其餘各場簡析：
第一場：新聖泥合人強兼不會太熱，千二九檔可以接受，有前有後，三甲有望；歡歡喜喜泥地性能未明，但同父系不乏泥地好手，續配主帥有力再爭上名；躍勝落班配見習生減磅，雙重著數，四檔有利早段領放，有力一爭。凱旋煌五班佔優，再跑泥地仍有威脅。

第二場：黑鷹泥地兩戰俱接近，首仗留太後，次仗則走得太急，今仗若能藉二檔留在中段稍前位置競跑，則威脅力大增，況且上仗跑得第四天便復課，比以往較早，可寄望為有利條件，再著堅信四班超級而等馬房下令出擊，如今仗有決心，勝望不弱；笑住贏五檔好跑，泥地出色，三甲甚穩；春風化雨泥草俱佳，近況亦好，以往配澳洲騎師表現不俗，今仗易配柏寶問題不大，可作配。

第三場：今仗有鬥彩和碧紗籠抽好位而俱領放，翡翠舞士居中後上有利，只望十二檔能於轉彎前切入，而不用沿途走最外叠，若能重走前仗位置，今場有力坐位望贏；逍遙自在泥地合而非特佳，本身仍有進步，葉楚航配柏寶不俗，正路配腳；哈哈大少同樣能藉有步速場合後上，有冷位機會。

第四場：常山鎮寶細馬負重不利，但質素卻比此組馬佔優，本身外地有軟地成績，可寄望泥地能發揮水準，一早搵鄧迪過檔，可小試；七星樂園前仗久休表佳不差，上仗易配韋達無心攻堅，今場用馬房見習生減十磅有利，阿根廷種有望合泥地，中長途馬逐場增二百合理，今仗增至千八有利，冷配；恰到好處四班輸質，但近況好兼負超輕磅，慢放一席冷位或可辦到；海中寶失準馬，但泥地好，屬正路配腳而忌膽。

第五場：天行者正路熱門，增程有利無害，本身當銳亦未止境，勝望壓一；好樂意增程好而轉泥變冷，質素不比對手差，作冷配無妨；領先者轉投李易達後初配主帥，泥地千八比一哩好，二檔好跑，爭三甲不難；哲學家健康影響成就，本身演出水準飄忽，易配戴勝放頭定後上亦屬未知之數，但泥地性能及質素俱不差，有分頭應作配。

第六場：太極之光若能回配勇態，在此組難尋對手，楊啟棠減十磅有利，上兩仗小休後表現不算突出而尚可接受，寄望今場有持續進步表現，坐位望贏應可辦到；加州雄心泥地千二乃唯一出路，但早段難跟，今仗多快馬，可試一心留中後上，三甲有望；長勝福將刻意用見習生減磅，意識良好，前段若不自殺，可捱一席；原路人同系馬終身美麗曾於外地贏大爛地，今場泥地可試，一拍即合不意外。

第七場：得多多泥地性能不明，但實力必高於此組甚多，只要合泥地，在此足以橫掃；三陽啟泰泥地好，三班較蝕，但以四班贏此程時間應可在三班一爭，冷望；卓暉今場少人留意或許又會有不俗表現，泥地及千二俱佳，冷勿棄；勁精神上仗久休半年多仍能以大熱身份一放到底，評分必未盡，用徐君禮必嚇怕不少人，但放頭馬用見習生可一搏，作配無妨。

第一場：新聖、歡歡喜喜、躍勝、凱旋煌
第二場：黑鷹、笑住贏、春風化雨
第三場：翡翠舞士、逍遙自在、哈哈大少
第四場：常山鎮寶、七星樂園、恰到好處、海中寶
第五場：天行者、好樂意、領先者、哲學家
第六場：太極之光、加州雄心、長勝福將、原路人
第七場：得多多、三陽啟泰、卓暉、勁精神
第八場：首飾之星、有資格、多快樂、源來原去
紅色乃較有信心可以勝馬、藍色乃較有信心可跑入三甲。

nithan

引用:

原帖由 JockeySmart 於 2006-3-29 10:51 AM 發表
今期沒有提供 ? 吞卜 ?

俾幾件您對...

笑住贏
逍遙自在
常山鎮寶
長勝福將

當然無吞卜啦! 本想昨晚在家打的, 點知部電腦罷工, 咪今朝先出到囉, 遲到好過無到!! :014::014:

笑住贏 <-----> 黑鷹
笑住贏同意三甲甚穩, 但黑鷹屬有力挑戰馬匹, 就用佢做代表啦!

逍遙自在 <-----> 翡翠舞士
逍遙自在要有更多進步, 今場三甲不反對, 但翡翠舞士我會較喜歡, 只怕霍達未能做到最好發揮, 但有分頭可試用佢挑你!

常山鎮寶 <-----> 常山鎮寶
估唔到心水一樣, 唔駛對, 齊齊等收錢!

長勝福將 <-----> 太極之光
長勝福將我怕步速未必有利, 太極之光泥地穩健, 只要有更進一步既狀態支持, 不難在此發難!