nithan

引用:

原帖由 yickchingw 於 2006-3-20 05:32 PM 發表
另外想問下你點睇我隻銀行馬 幸運戰駒呢???
同場 其他鐘意好檔既幸運精英同虎虎生威...

引用:

原帖由 siu_ma 於 2006-3-20 06:09 PM 發表
呢場我都係到研究緊，隻幸運戰駒質素夠殺，但係未跑過谷草少少擔心，3歲負131磅始終有少少介心，同場我鐘意卓睴，唔知有冇機呢？nithan 兄點睇？

乜今次你地咁早做定功課?
我都係依家返到屋企先開始刨, 先講幸運戰駒個負磅, 雖然三歲, 但本身成千二磅馬, 相對令其影響減輕, 此馬當然有質, 但未必有想像中之高, 意思即係超三班, 但唔會係馬王級個種, 一班都可能會勉強, 然而今場對手和上兩仗已全線減弱, 和上兩仗既頭馬永利好和步步穩相比, 甚至係入位既新東武士, 另具一格和耀目等對比, 今場真係弱得緊要, 而且今場由連輸兩場既千四再返回千二, 純跑速度及質素已有力再此再闖勝門, 只望唔會熱到十幾蚊, 若有三倍已極度值搏!
幸運精英我一向都看好此駒有三班質素, 只係經常無厘頭放棄其最好既放頭或跟前既跑法, 而成日無端端留後跑, 近仗能立心配靚仔用番最好既跑法, 其實力已再能展現, 今仗排三檔, 對其跑法有利, 繼續用湯智傑減十磅, 負磅仍算輕, 只要能咬緊幸運戰駒, 串Q或搏幸運戰駒力弱都有可能, 只忌賠率已不值搏, 若繼續受輕視, 乃絕佳冷配, 冷搞熱避之輩!
虎虎生威久沉, 今季一蚊獎金都未收過, 雖有底質兼強配鄧迪, 但仍難令我有信心, 同自家飛一樣, 睇佢唔起, 若入位算係我點都唔中之駒!
卓睴谷草千二乃首本, 用鄭雨滇多數成冷, 然而此駒一和幸運戰駒或幸運精英對比, 質素便完全被比下去, 充其量我會當佢係T腳!
今場追風快將和紅衣凱旋都有爭三甲能力, 前者有黃金一檔不在話下, 上仗已跟得唔差, 開始有料到, 由田草過黎對手亦減弱, 重配柏寶可望爭更前名次, 而後者就剛戰開齋贏馬, 萬成停賽由冷人賴維銘上陣, 排二檔好跑, 上仗對手係較弱, 但姿態好, 可望贏馬後能繼續進步, 此兩駒都有力一爭三甲!
今場較睇好幸運戰駒, 腳要幸運精英, 追風快將和紅衣凱旋, 三隻配腳優先次序以有賠率行先!

nithan

引用:

原帖由 拜金 於 2006-3-21 04:28 AM 發表
7場至勇名駒....呢隻超班馬..如果我早1個月多開始賭...佢果陣短途超曬班....幫我羸到好多錢....依家隻野做左大熱...............7埸唔係咁好賭

你話如果早一個月多開始賭先幫你贏到好多錢? 係咪即係佢無幫你贏到好多錢? 若是的話, 咁今次如果係大熱我就唔建議買啦, 我之前都講過, 此類放頭馬唔需要用韋達, 而刻意用佢, 似驚佢唔夠熱咁款, 求其搵個都分多兩蚊, 用見習生減磅又可分多幾蚊, 偏偏用韋達, 我就唔買啦!

nithan

睇黎睇去都無乜邊場話好心水, 場場都有點亂, 應該以第六場較明朗少少, 希望無睇錯! 剛剛上面有兄弟提過這場, 上面回答過既分析可以用得著, 嘻嘻! 唔好話我懶呀, 我都係第六場同尾場度選, 尾場想要同心拍檔, 又驚皇者, 歡樂多, 先機和增程既有才有勢, 當中歡樂多117磅巫斯義都騎, 應有料到! 所以尾場膽又選唔出, 咪索性要番既卡士冠全場既幸運戰駒, 望告仔於杜拜和打比前先響頭炮!

第六場: 幸運戰駒
幸運戰駒負重磅, 雖然三歲, 但本身成千二磅馬, 相對令其影響減輕, 此馬當然有質, 但未必有想像中之高, 意思即係超三班, 但唔會係馬王級個種, 一班都可能會勉強, 然而今場對手和上兩仗已全線減弱, 和上兩仗既頭馬永利好和步步穩相比, 甚至係入位既新東武士, 另具一格和耀目等對比, 今場真係弱得緊要, 而且今場由連輸兩場既千四再返回千二, 純跑速度及質素已有力再此再闖勝門, 只望唔會熱到十幾蚊, 若有三倍已極度值搏! 幸運精英我一向都看好此駒有三班質素, 只係經常無厘頭放棄其最好既放頭或跟前既跑法, 而成日無端端留後跑, 近仗能立心配靚仔用番最好既跑法, 其實力已再能展現, 今仗排三檔, 對其跑法有利, 繼續用湯智傑減十磅, 負磅仍算輕, 只要能咬緊幸運戰駒, 串Q或搏幸運戰駒力弱都有可能, 只忌賠率已不值搏, 現在勢成熱門之一, 作配為佳![*見註] 追風快將有黃金一檔不在話下, 上仗已跟得唔差, 開始有料到, 由田草過黎對手亦減弱, 重配柏寶可望爭更前名次! 紅衣凱旋都有爭三甲能力, 剛戰開齋贏馬, 萬成停賽由冷人賴維銘上陣, 排二檔好跑, 上仗對手係較弱, 但姿態好, 可望贏馬後能繼續進步, 此兩駒都有力一爭三甲!

[*見註]
因目前幸運精英有六倍多, 無想像中咁熱, 有力和幸運戰駒構成雙膽, 檔佳有實力, 可多加留意!

[ 本帖最後由 nithan 於 2006-3-21 09:57 PM 編輯 ]

nithan

各場精簡分析, 稍後奉上! :013:

nithan

引用:

原帖由 nithan 於 2006-3-21 02:18 PM 發表
各場精簡分析, 稍後奉上! :013:

嘻, 無時間, 今次無逐場分析! :013:

nithan

引用:

原帖由 abmysty 於 2006-3-21 08:41 PM 發表


可惜€～如果有時間就打返個馬名上黎參考下都好呀～;)

唔好意思, 無解釋只有馬名, 請見諒! 不過都謝謝你捧場!:014:

第一場: 贏得多, 喜洋洋, 馬駿寶
第二場: 駿馬繽紛, 高明王, 突飛猛進
第三場: 雷風恒, 幸運武士, 步步金, 我來也
第四場: 開心多寶, 真心老友, 財馭, 圍彩
第五場: 寶威軾, 奇寵, 飛快贏, 旅英名駒
第六場: 幸運戰駒, 幸運精英, 追風快將, 紅衣凱旋
第七場: 新東武士, 利利高, 飛躍之星, 再領風騷
第八場: 同心拍檔, 皇者, 先機, 歡樂多

照舊, 紅色乃同場機會較樂觀者!

nithan

引用:

原帖由 拜金 於 2006-3-22 08:44 AM 發表

:022:我今日望一望係條粉皮騎...總要之前佢騎親都掂........我諗外圍又係想用常用手法儲人頭...殺到我地一頸血
佢粉皮騎,我的信心比呢個大古惑...減到我得5/5波...................今晚夜馬真係算係難分析..其 ...

無時間賭馬咪唔好賭, 馬會唔會迫你架! :022:

nithan

引用:

原帖由 sssstttt 於 2006-3-21 10:21 PM 發表

點解第二場唔睇隻 "金百利" 既, 佢今次有黃金一檔 wor ~

因為隻馬唔值四點幾倍, 個人認為過熱唔抵, 咪將第三選由佢變做突飛猛進!

nithan

引用:

原帖由 keith131 於 2006-3-22 03:18 PM 發表
第二場 鐘意  威霸龍
等佢跑快活谷千二好耐

乜唔係千四千六先好咩??

nithan

上半場睇死星惑金百利, 就偏偏走哂出黎, 睇好邊隻就最叻得個place, 希望下半場重心場次能好d啦! ..........................