nithan

見上次逐場簡介成績尚算過得去, 今次又再黎過, 希望唔好嫌長氣! :014::014:

第一場：新馬賽有開表現既馬甚少突然失蹤，好有勝上仗初出在飛數十足下，輸俾有過一場經驗兼熱到十六蚊既馬友利已算唔錯，開左氣增程二百問題亦不大，排在一檔且戰且走，力足在此開齋補中；特區寶柏寶一早操住唔放手，同系馬早熟有速度，三檔可順留二三位好跑，初出已可兼顧，應為馬房主力；榮進寶寶上仗在不可能既位置連追多個馬，雖然頭兩名左閃右閃才俾佢追近，但新馬有此走勢已算不差，換人由冷變熱大忌，但新馬賽對手不多，可拼則有力再入前列。

第二場：金星草地亦可，減分快兼同時四歲當打成熟漸足，五班應有威力甚至可能略超，用霍達不用負頂磅，絕對有力能在此組突圍而出；馬威力減分亦算頗快，三歲之齡已落至五班，實力應稍佔優，上仗桑迪斯能入位，今仗換柏寶更佳，可望再入前列；光速於五班有留意價值，磅重用黎海榮減番七磅有著數，田草千八亦屬射程範圍，可作配。

第三場：今期推介，上文已有分析。

第四場：狙擊手非獨沽一味谷草馬，留放得宜既話，田草亦具殺傷力，續配功臣柏寶，兼仍在四班出賽且只加四磅，再加上長途好手不多，而且賠率應繼續有分頭，乃今場坐位望贏之選；多樂寶上仗落飛無影，戴勝跑來試馬味濃，長途實力應不差，須提防今仗先係真波；東方名駒前仗谷草衝得唔錯，回配鄭雨滇條件相若，成冷可吼；雙T場合小心無厘頭冷殺入黎，森林精英八歲亦不退役，小心靠班底在此殺入大冷位。

第五場：黑鷹繼續為吾首選，實行同吳定強鬥耐性，次次跑完都停一排課，操練手法令人費解，勝後已連輸五場，上仗更縮至千四，玩完一輪今場再回田草一哩，極有可能已為此程成功退熱，今仗再來應成半冷，要吼實；苗禮德隻七星樂園上仗休出接近，今仗馬上換韋達，驚死唔熱咁款，我寧願吼此馬房既見習生楊啟棠隻天域，王志偉爆完上仗都可以在有飛下入位，今仗大摩初配心儀愛將楊啟棠，應該唔會俾隻流野佢，三甲可期；濰坊屬有質素但未熟，冼毅力難得再為此馬房效，必展渾身解數為此駒取得佳績，四班有份量，時刻要留意。

第六場：甜心仍未肯上千六，馬房似誓要在千四贏一仗才增程，前仗久休亦可馬上入位，上仗轉熱也僅負，應心急謀交代，輪馬在此組力足言惡，可期順利贏馬開齋；光明快車回師田草應有更佳表現，係時候見真章，屬爭勝份子；爪皇泓金杜鵬志受傷，易配巫斯義，實力有增無減，晨課刻意安排騎者過檔連操兩課，唔似係陪跑而來，未熟馬仍可憑質爭三甲；首騎士越跑越進步，回配前仗輕勝既黎海榮，可期繼續上名。

第七場：勝利飛駒仍未見底，戴勝騎後上馬一流，對手非大幅增強，有力再捷；天仲之寶回跑一哩兼平磅，雖易配馬房生面口柏寶，但論實力力足挑戰前駒；祝福上仗水準和難度都較此組高，在此平磅勝在唔會太熱，有力再爭三甲；詩情畫意上仗差點偷到雞，今場不敢怠慢馬上回配洗毅力，但論馬非穩健，作配較宜。

第八場：將軍乃馬房另一匹戰駒配柏寶，可能係新組合，騎師近期當紅，戰意可嘉，論馬評分必未盡，上仗發揮無問題但僅入位，然而以前仗能力及時間，力足在此組再闖勝門；財到得勝屬失運馬，至今九戰五位仍未勝，用韋達會偏熱，處女馬獨贏雖不值搏，但三甲卻不可棄；金獅勇將上仗表現不差，易配鄭雨滇唔會引來飛數太大變動，成冷可作配；一鳥在手唔知咩料，但前排蘇銘倫當寶咁操住唔放手，應屬有料之輩，初出賴容安受傷而易配馬房殺手之一冼毅力，可留意。

第九場：零用錢三班無理由無頭馬，今仗易配杜利萊再加個眼罩，有變身能力；正隆唔係咩好馬，但韋達可棄質新既獲利多而就，可看高半線；鐳射寶進步幅度未有如期中理想，但仍屬準繩兼未盡，可再爭入位；勝利雄威又一馬房自購馬，大摩今日籌碼不弱，加上冼毅力一手操足，不明物體作配無妨。

第十場：喜嘉寶馬房前陣子安排二班減分，今次落三班後初跑千八，有力在此出冷；加州好運外地已贏二千，操好才來港，初出配馬主及馬房新愛將柏寶，可吼實；同馬房上海金告東尼肯收果然有料到，上仗馬上打破其處女之身，七歲無保留價值，續可跟進；九龍飛跑番田草千八兼上仗慘敗，賠率上應有適當回升，論馬尚算準繩，屬正路配腳。

總結：
第一場：好有勝、特區寶榮、進寶寶
第二場：金星、馬威力、光速
第三場：火焰之星、一口田、五穀豐收、浦東精神
第四場：狙擊手、多樂寶、東方名駒、森林精英
第五場：黑鷹、天域、濰坊
第六場：甜心、光明快車、爪皇泓金、首騎士
第七場：勝利飛駒、天仲之寶、祝福、詩情畫意
第八場：將軍、財到得勝、金獅勇將、一鳥在手
第九場：零用錢、正隆、鐳射寶、勝利雄威
第十場：喜嘉寶、加州好運、上海金、九龍飛
紅色為同場機會較高，有坐位望贏能力，可作膽。

[ 本帖最後由 nithan 於 2006-3-17 03:13 PM 編輯 ]

nithan

引用:

原帖由 yelo@411 於 2006-3-17 07:22 PM 發表
你?嬼羲k我都十分認同..隻火焰之星實力確係好高(同天仲之寶串Q果兩場己經係最好例証)但會唔會博多?�?(小弟比較仲意一口田,之後就火焰之星.浦東精神.五榖豐收):013:

又係一模一樣個四隻, 一齊等收錢!

引用:

原帖由 yickchingw 於 2006-3-17 08:22 PM 發表
頭先出POST o個陣睇唔到TIM..原來你同我D心水一模一樣...:014:

係囉, 只係次序唔同, 不過我相信大家一樣有錢收

引用:

原帖由 yickchingw 於 2006-3-17 08:26 PM 發表
估唔到你今次又係推介呢隻WOR, 睇黎上次退出你有心今次本利歸還BOR..嘻嘻, 上次都講過, 唔知點解上場HV表現咁差, 128磅都唔係輕, 我比較鐘意一口田, 一Q番黎啦...:014:

我等佢出好耐囉, 早排已吼住佢退出後復課快, 諗住應該唔嚴重, 小休千六可能仲跟得好衝得勁! :014:

nithan

下午起我又不在港了, 要明晚或後天才能再上網, 祝各位贏多d啦! 沈集成可能坐二望三, 留意下無壞!

nithan

第一場：好有勝、特區寶、榮進寶寶 ----------------------> Q
第二場：金星、馬威力、光速 -------------------------------> P
第三場：火焰之星、一口田、五穀豐收、浦東精神 ----> Q
第四場：狙擊手、多樂寶、東方名駒、森林精英 -------> PQ $610.5
第五場：黑鷹、天域、濰坊 ----------------------------------> P
第六場：甜心、光明快車、爪皇泓金、首騎士 ----------> PQ
第七場：勝利飛駒、天仲之寶、祝福、詩情畫意 -------> T $1,252
第八場：將軍、財到得勝、金獅勇將、一鳥在手 -------> T $2,287
第九場：零用錢、正隆、鐳射寶、勝利雄威 -------------> Q
第十場：喜嘉寶、加州好運、上海金、九龍飛 ----------> W

今次十場心水, 都算有交代, 我今日自己買個d, 火焰之星輸win輸到應, 跟住勝利飛駒都香雞左, 好彩之前心血來潮買落第八場直落三重彩, 指定第一將軍, 第二財到得勝, 第三金獅勇將和一鳥在手, 咁就廿蚊中二千幾, 算係近期傻更更既代表作囉! :014::014:

nithan

引用:

原帖由 hkthomas 於 2006-3-18 08:16 PM 發表
真係到火焰之星出頭啦
有戴勝狂鞭之助~加上路程首本
坐位望win~~

火焰之星輸狀態未十足, 目前評分必有頭馬, 下仗幾熱都再買!

nithan

引用:

原帖由 JockeySmart 於 2006-3-17 01:16 PM 發表
總覺得今場自家飛有冷味... :004:

好野喎, 真係有味, 我自問點捉都捉唔到!

nithan

引用:

原帖由 siu_ma 於 2006-3-18 06:42 PM 發表
第九場除左零用錢同鐳射寶外，我會要埋隻上浦福星;)

中條熱既, 二串三應該歸唔到本, 下次再努力! :022:

nithan

引用:

原帖由 siu_ma 於 2006-3-19 10:10 PM 發表



又會咁岩o既，我又臨尾買返第八場將軍、財到得勝串第九場：零用錢、鐳射寶連嬴加位置Q 再執埋天仲之寶同詩情畫意單頭Q同位置Q，最衰冇串暈咁多場(筆直有限;))，唔係就真係和味羅。不過今天都執番一千，睇o黎 ...

好! 一於殺個佢片甲不留! :014::014::014:

nithan

引用:

原帖由 拜金 於 2006-3-20 03:52 AM 發表
你買親都好熱wo,d馬..........我今日第4場貼左隻33倍跑第2........又冇睇小飛像行圈.....-.-'''唔係實走去買連勝......最後我都係冇買.......如果早d起身.........呢場連羸 賺4200幾.........我會買100蚊..你地可以計計-.-''
我d 拍拿簡左4埸..中曬頭1,2位.......<<佢走佢買20蚊........夜馬冇咁好賭...都係再遲下先買.....總要抄股票...日日d時間比曬呢兩樣野...真煩

我買d馬有冷有熱, 全睇心水咋! 火焰之星和勝利飛駒當然熱啦, 但將軍和零用錢雖唔係冷, 但都算有肉食, 我冷個d狙擊手, 黑鷹等跑唔出都無辦法.........:022::022: 第四場隻東方名駒前仗跑得咁好, 今次實要拖, 我都貼左佢, 不過無膽...............:011:

nithan

引用:

原帖由 JockeySmart 於 2006-3-19 11:43 PM 發表

就係冇信您 , 十蚊單 T 都冇得中 , 失敗...

中唔到單T唔緊要, 最緊要有錢收! :014: