第三場: 火焰之星
火焰之星有卡士, 實力已證明值頂班, 今季不論千六或是千八, 場場都能做到極佳時間, 係好好個種, 屢遇強敵亦接近, 級數冠全場, 戴勝兩戰全勝, 人馬合拍, 更難得係戴勝能做到留前鬥後的最佳跑法, 前仗更在此組合下輕勝喜得法, 而上仗雖然於二月十九號退出, 但廿二號已開以踱步, 廿八號更已快跳, 相信上仗右前腳不良於行退出, 並非太嚴重, 埋門戴勝親踱親跳更試埋大細閘, 可謂已備戰充足, 再著此駒其實已非一哩馬, 應為千八二千更佳, 但今仗小休而來, 在新鮮感下剛好適合在此場一哩出擊, 本身十一戰四勝三位, 準繩度極高, 再加上馬房對此駒並不急進, 讓其自然地逐步向上, 至今雖然已介五歲, 但用得未算盡, 且實力仍未見底, 今次負磅雖無著數, 但以其能耐絕對有力在此稱雄! 配腳方面要番隻輕上加輕既一口田, 上仗在黎海榮跨下跑得不差, 今仗再戰一哩應有更佳表現, 再著黎海榮延遲停賽, 今次賽事應有天子在其中, 或許是此駒也不奇! 五穀豐收繼續忠心馬本色, 經常後上接近, 只要留到實有段衝俾你睇, 重磅本應用楊啟棠減磅, 但刻意找來韋達壓陣, 可能想藉今場對手較次, 盡力再煲一煲, 正路配腳! 浦東精神上仗久休表現仍不差, 今仗換上柏寶增至較合適一哩, 磅重可視為冷腳!
