上次推介兩隻不幸都跑第三, 卻有幸能捱個第三, 自己安慰一下自己吧!:014::014:
今個星期三夜賽, 較看好賀賢馬房, 喜樂趣, 原路人, 精彩繽紛, 先力之城和好樂意, 五隻都有坐位望贏能力, 若肯全軍出擊, 頭馬坐兩場望三場, 加埋運氣分分鐘贏四五場添! 當中最愛當然係好樂意和喜樂趣, 但後者上仗贏左, 回報率近十倍, 今場對手繼續不強, 只加六磅影響亦不大, 而換上柏寶後前段更有把握力, 十一檔都唔怕, 唯獨因未有獨贏倍率, 稍忌會變成兩倍大熱, 一來變得推介乏味, 二來又怕在此雙T場合有危機, 所以以好樂意一隻單騎應戰, 希望能重響勝鼓吧!
第八場: 好樂意
此駒十四戰八上名, 只有三場沒有獎金收, 準繩度極高, 迄今只有一場頭馬, 可歸咎於跑十四場之久, 只跑了四場一哩, 本身乃中距離馬, 但偏偏多向千四或以下埋手, 未知是刻意求賠率還是鍚住隻馬, 想等佢慢慢成熟後先步向中距離強項發展, 今仗首次於一哩接連出賽, 大概是時候讓此駒發揮其真正既實力, 講番上仗, 若非霍達搏錯位, 頭馬應已手到拿來, 可以話係跟本無得輸, 搵錯一個位就無左幕後悉心部署既六倍幾回報, 怪不得今場馬上換人, 其實此駒上季一直在柏寶跨下出賽, 到今季才長期換上霍達, 今場再換上馬房首席愛將, 大有補中既決心, 今場當然沒有上仗既倍率, 但有明星馬有資格復出, 此駒應不致熱過頭, 大概可能仍有三至四倍左右, 乃合理倍率! 今仗再戰四戰一勝三位既一哩賽程, 仍排四檔出賽, 對其跑法有利, 換人出賽應不會再出現上仗搏錯位鏡頭, 相信入直路應會順勢走二至三叠望空衝刺, 率先衝過終點機會樂觀, 可作膽! 對手論質當以有資格最具威脅, 但有過傷患兼要久休達五個月, 一出便負上133頂磅, 要讓好樂意成12磅, 有一定難度, 三甲有機而未必能跑贏好樂意, 視為正路熱腳! 贏得寶轉入岳敦後場場唔同騎師但場場都有獎金收, 論馬非高質但四歲仍處當打, 稍嫌換上韋達較礙眼, 但由田草轉谷對手減弱下仍具威脅能力, 可作配! 歡樂多有三檔, 七歲老馬大摩肯收而未交代, 在此組有爭腳能力!
