祝伊欣

哈哈，雲哥哥同Lo兄尋日响處咁好玩呀，又3Q又任篤二穴。 睇迪迪樓上口吻直頭已經係董事長，勁過CEO，欽敬、欽敬喔！


尋日禮拜就day off，《戀戀》第四章晏啲今晚貼，敬請留意

祝伊欣

(04) 「你試過未？」      自從嗰晚之後嘅兩星期，我同教授雖然無確實約定對方，但每晚一到11點，燈火闌珊，夜色朦朧，响campus度無無聊遊離浪盪嘅亞茂都差唔多走晒嘅時候，就會有默契咁响嗰棵櫻花樹下面前後腳出現－同時，我哋亦唔會逗留太耐，凌晨前一定會道別。 馬：「我話你知啦，『作家』只不過係我嘅表面職業，我嘅真正身分其實係一個⋯⋯」 我：「係咩呢？」 馬：「哈哈，而家唔話你知，等你心思思。」 我：「噓，又賣瓜子㗎⋯⋯你唔好教『小說寫作班』喇，教『調侃學生妹臨床心理學』吧啦，我全力支持。」 馬：「『調教學生妹』，仲要『臨床』㗎？有咁嘅course我都想教喎，最衰無人邀請過我啫，有嘅你係咪做我助教先？ 哈哈⋯⋯好過嗰啲教『俄羅斯文學中的存在主義』之類嘅老學究，一味打飛機自high。」 我：「哦，好吖，你終於講到你最擅長嗰範嘢喇。」 馬：「下？好失禮呀？同自己鍾意嘅人做愛呀，呢種精神係幾咁高尚，你試過未，明唔明？」      「同自己鍾意嘅人做愛」，我明唔明，我試過未？條問題咁深，點答呀。      用「同自己鍾意嘅人做愛」嚟比喻「打飛機」呢個行為嘅教授，我都係第一次見，幾咁有趣，幾咁自信－你話係自戀都好啦。頭兩晚，我同馬教授只係談「文」，傾佢筆下寫過嘅人物，邊個最可愛，邊個最可恨，講得好開心，而點到即止。 後來，就好似上面嘅對話咁，彷彿大家並無忌諱嘅身分或者話題，天花亂墜乜都可以傾一餐，互相挖苦、調戲都唔拘：因為一場赤裸裸無隔膜嘅心與心的對話正是如此純粹－佢唔係教授，我唔係學生，大家都只係星塵下嘅一個凡人，喺廣漠無際嘅星空之下，兩個本來大纜都扯唔埋嘅男女坐响度談天說地，呢種「親密」，難道係筆墨所能形容嘅咩？      馬教授好鍾意「食字」同語帶雙關，講嘢有時夾住英文單詞甚至成句都係英文，有時好市井好潮，又趁你未surprised完未笑完之際忽然涉幾句古雅文縐縐嘅過你歎，成個响武俠小說裏面行出嚟文武雙全嘅才子咁，好似喺度提醒身邊入世未深嘅半熟女子：欣賞男人，係需要nostalgia嘅時空距離。於是我全情奉陪。 呢種有意無意嘅曖昧，相當撩人，撩到人心癢癢、手震震、腳騰騰－因為四十分鐘原來可以過得咁快嘅，會令人唔敢立亂眨眼，令人大氣都唔敢抖，喺圓心度感受周圍前所未有嘅張力。講起嚟，尋晚我「唔覺意」早咗五分鐘落樓下「等」，等教授出現嘅時間，已經好似進入「讀秒」階段咁，漫長到不得了，好痛苦，又好甜。      呢一晚，星期六，大半數住宿舍嘅學生都趁weekend返咗娘家lu。本來我都會，但我「有約」不得不赴－10:59pm，我又「準時」落到樓下，然後，同教授並肩响月光下連續傾咗成三個鐘都無起身嘅意思－直至佢突然問： 馬：「伊欣，我可唔可以同你講啲嘢？」 我：「教授，你講呢句嘢嘅時候，咪講咗囉。」 馬：「哈。 咁，你有冇同樣嘅嘢，想同我講？」 我：「講咩呢？講咗，咁會點呢？」 然後一陣沉默。 我：「⋯⋯教授，都夜喇，我返房⋯⋯瞓覺喇，你，都早啲返去休息啦。 唔好意思，今次打攪咗你咁耐添。」 馬：「嗯，係嘅，都夜喇，咁，你都早抖啦，sweet dreams。」      我左手撐喺草地上借力，雙腳蹺得太耐，要稍慢咁抽返出嚟再企起身；當我腳板底踮地、膝頭伸返直嗰一瞬間，右腳好似觸電咁麻痺咗，完全無力企穩，霎時間要向前跌－「哎呀！」然後就好似啲爛鬼青春劇場會發生嘅經典情節一樣，馬教授及時喺我面前，捉住我雙手，一扶穩我，就順勢一把攬我入懷，一隻手抱住腰，一隻手晾喺我頸後，再喺我未反應得切嘅時候，錫落我嘅嘴唇⋯⋯但係佢無更進一步，就只係咁樣，錫咗我一啖。 。。。。。。。。。。。。。。      深夜兩點鐘，我面紅紅咁衝入宿舍浴室最角落頭嘅一格，頭先一幕情景仲喺腦海入面揮之不去；花灑嘅水早已打濕全身，但係肚臍下面有把聲音哀鳴：「Take me...」我瞇埋雙眼，幻想馬教授仍然企喺我面前，攬住我，逐吋逐吋地吻、啄、啜、輕輕咬：⋯⋯教授，點解你動作咁慢，要吊我喺半空之中呢？ 你一隻手不斷搓住兩球⋯⋯有節奏咁挑逗兩點⋯⋯一隻手伸落去係咁捽我嘅⋯⋯而家先用一隻手指頂開門縫，然後慢慢攝多一隻手指，出出入入，淺淺深深，啊，好舒服呀⋯⋯你抽返手指出嚟，畀我睇見上面盡是晶瑩，但我腳好軟，裏面好空虛，我求你唔好停低動作，救我，教我，「同自己鍾意嘅人做愛呀」，到底係咩感覺吖？

～第四章完～

[ 本帖最後由 祝伊欣 於 2016-7-22 03:11 AM 編輯 ]

祝伊欣

(05)  表露心跡      「各位同學早晨！今日天氣咁好，最啱戶外上堂，帶你哋嚟跟『佢哋』學嘢。」      馬教授企响我哋前面，左手插褲袋，右手好似輕揮魔術棒咁嘅動作，向眼前嘅藍天白雲、八仙嶺同吐露港比劃兩圈。 呢度係山頂「天人合一亭」，而我正响處天人交戰緊：唉，用「五內如焚」嚟形容我嘅精神狀態似乎又過火咗啲；你話「心花怒放」喇又甜蜜有餘但煎熬不足－話晒前晚，面前而家呢位講緊嘢談吐翩翩嘅教授先至同我喺月色下發生咗⋯⋯一個初吻，跟住，過咗一日「冷河」，今朝又咁樣見返大家。 此時彼時，恍如隔世，而家好似發緊一個你知道發緊但都唔會醒嘅夢咁，無辦法唔搞到人烏下烏下。      「大自然呢本『無字天書』，教我哋嘅嘢就多咯，視乎大家領唔領悟得到。⋯⋯嗱，近近地先，前面吐露港，就要教大家點樣『吐』住、『露』住咁『講』。」      點㗎？教授又食字，用詞仲要鬼咁曖昧，又吐又露咁，定抑或根本只不過係言者無心、聽者有意，我自己太敏感過度解讀咗呢？ 「教授，上幾堂你就教咗好嘅『故事』元素，點樣鋪敘處境，引爆衝突，分解矛盾⋯⋯咁，『吐露講』又係點apply落去寫故仔度㗎呢？」有同學舉手問。 「That’s right. 上幾堂嘅焦點擺咗喺『故』嗰度，今堂拉返出嚟，就係要講下揸筆嗰個用咩方式嚟『講』故。而家我哋一齊留意下個海嘅動態，點樣配合佢個名啦－四眼仔，你嚟描述下，唔使怕醜。」 「哦、哦。⋯⋯吐露港海面好平靜，無大浪，可能近啲會睇到漣漪⋯⋯而家日光日白照响上面，海面波光⋯⋯波光粼粼，⋯⋯但整體嚟講，無咩料到，好含蓄下⋯⋯」 「無錯－就係個『含』字。 哈，四眼同學well done呀。 大家記住，Johnson話過：『天下有大美不言』，雖然啲咁優美嘅景色冇『出聲』，但係道理已經盡在不言中－『大道至簡』，就係鄙人嘅格言，正與貴校理念相同。 吐露港，用咁『含，蓄』嘅方式嚟將心聲『吐露』，先要『含』，才能『吐』，才能『露出』，咁至係高手。⋯⋯大家get唔get到呢？ 我簡稱呢樣嘢為『表露心跡法則』。」      男同學女同學聽到塊面一陣紅、一陣白，你眼望我眼咁，呆咗呆先醒起頭先教授叫「莊子」做Johnson，又一陣笑聲；書呆子聽到有抛書包位可以入，即刻舉手講： 「教授，『心跡』，我知，古語有云，『百善孝為先，論心不論跡，論跡貧家無孝子。萬惡淫為首，論跡不論心，論心世上少完人』。『心』就係人嘅動機、心意，『跡』就係其動作行為。 教授嘅意思，係咪想話我哋知，寫故仔嘅時候，要分清楚『心』同『跡』兩樣嘢嚟刻畫咁呀？」 「妖，你講返廣東話得唔得呀？」Jessie正企响書呆子側跟，不耐煩咁「妖」咗佢一聲。 「同學，」 教授笑笑，望一望Jessie，接住講：「我同大家簡單咁『翻譯』一下啦。 『愛』，就係發乎『內心』，再付諸『行為』嘅一種體現；換言之，『愛』唔係齋『講』齋『嗡』嘅，係要『做』出嚟嘅－因為你嘅行為本身就已經充分說明內心，同大自然一樣不言自明，唔使講嘢，大家就自然識得去enjoy。 呢個就『表露心跡』法則裏面，『心跡』嘅意思。」 「噢⋯⋯」同學們聽得津津有味，一臉陶醉咁聽住教授繼續解話。 「而『表，露』，返返去吐露港嘅啟示，就係如何收放，點樣『表露有遺』，用『隱藏』嘅手法嚟『揭露』你想講嘅message；好似你戴副黑超咁，你雖則『隱瞞』緊雙眼，但同時亦都畀對方『知道』你『匿埋』緊，於是乎從呢個『捉伊人』嘅動作，比起一般人直接餵嘢，對手可以更加深刻咁接收到你嘅信息。 呢招，表面上係反其道而行，實情係極之有用嘅匿名測試。 唯有當匿名嘅時候，觀眾讀者都仍然分得出你嘅角色邊個打邊個，你先至為之成功塑造咗有血肉嘅人物。」 。。。。。。。。。。。。。。。。 「唉，伊欣，好深呀教授講嘢，語帶二三四五關咁，就嚟mid-term喇，我都未落筆撩個功課大綱出嚟。不如今晚我哋一齊食飯，再一齊溫書度下計吖？」 Canteen內，Jessie一邊飲住包麥精一邊問，而我則㧻住杯熱好立克甜絲絲咁發吽哣。 「喂，喂！伊欣，點呀？」 。。。。。。。。。。。。。。。。      兩個鐘頭嘅堂眨下眼就過，馬教授雖則只係客串嚟教下班，其實比起系內好多Professor都更加識教書，又無學生走堂，又無人釣魚嘅，最多都係間中雲遊太虛啫。 Class dismiss之後，大家又滿足咁作鳥獸散，但係教授特登叫停我： 「伊欣同學，唔該你留一留低吖。」 我心跳超速－「咩事呀教授？」 「你今日幾點放學？」 「五點呀，喺山腰，之後⋯⋯」 「啱喇，之後你上嚟我office，Room G05，我知你打字快，倉頡輸入法一分鐘百二字，我今晚趕住要起份稿，用『口講輸入法』唔得掂呀－你嚟幫我手，我請你食飯，响佐敦道同彌敦道交界有間茶餐廳，好正嘅，帶你去。就咁啦，see you later。」 。。。。。。。。。。。。。。。。      所以，我婉拒咗Jessie，落堂之後就去咗department office度搵馬教授。      教授閂埋門，落咗簾，示意我坐低，哄到我耳邊講：「伊欣同學，而家淨係得你知我用『口講輸入法』打文㗎，你要保守秘密呀。 你知啦，電腦唔係咁識分讀音似嘅字，好似『寒戰』咁佢就同我出『床戰』，又唔會同我分埋句逗喎，即係會有『兒子生性病母感安慰』之類嘅句子呢。」  我突然覺得口乾，搦起水樽飲啖水，再一個深呼吸：「教授，我幫你校對返啲錯別字，只需要好少時間㗎啫，至於分句方面，你試下唔好當咗部電腦係我咁『吞吞吐吐』，應該就唔會有問題㗎喇。」我隨即好似專業秘書咁，專心改文。「Gimme five！」結果，呢個簡單嘅校對工作，十分鐘就已經搞掂喇。      我一企起身給佢一個「五」嘅瞬間，馬教授轉身就坐低，兼順勢拉我坐上去佢大髀，用手攬實我條腰，面對面，身貼身，又一下咀埋嚟，仲伸脷「撬」開我嘴唇，明目張膽咁喺office入面同我呢個女學生打車輪，同時，教授褲襠中間慢慢頂起一根柱，頂到我兩腿之間嘅棉質小內褲凹陷咗入去。呀⋯⋯喘息時，我問：「乜星期六晚，錫嗰下唔係一個『意外』嚟嘅咩？」教授笑笑，答我：「如果你話係『意外』，咁，我不嬲鍾意做好準備，等『意外』發生。」      激情蒙蔽咗過程，唔知幾時，小內褲已經跌到落腳踝邊；教授繼續溫柔咁擁吻我，由得身體自主，繼續做我哋會繼續嘅事。 點知，呢個時候突然「各各」聲大作，有人敲門－「喂，老馬呀，我入嚟同你傾下出mid-term測驗卷啲嘢吖，唉，老細話今個禮拜要交喇，⋯⋯」文滌生教授正喺門外！

～第五章完～


[ 本帖最後由 祝伊欣 於 2016-7-22 03:15 AM 編輯 ]

祝伊欣

引用:

原帖由 過路人文迪 於 2016-7-14 12:38 AM 發表
我真係企左響門外架…

嘻，迪迪，真係畀你捕住喎！

祝伊欣

故事要進入直路喇，諸君慢慢歎啦。

本想今晚早啲入嚟打躉，慢慢覆返啲留言呀盛，不過今日DSE放榜，有表弟要陪，成班老表yo夜咗。 快快手貼完第五章我都走先喇，聽朝再見:smile_15:

[ 本帖最後由 祝伊欣 於 2016-7-15 05:49 PM 編輯 ]

祝伊欣

引用:

原帖由 鋒馬故如雲 於 2016-7-14 12:41 AM 發表
X2

祝伊欣

引用:

原帖由 荊州集團 於 2016-7-11 12:08 PM 發表
睇左一半 ... 仲以為自己睇緊文學史:smile_35:

見祝姐姐咁有文學味 , 又好奇下 , 祝姐有無睇<月滿威尼斯> ,
我覺得好有文學架 ... 不過講真 , 我睇文真係睇唔出 ,
祝姐係 "棄引從文" , 因為通常引果邊都係啖啖肉 ,
好少好似祝姐咁清新

小弟唔身唔係文學出身 , 試寫過但係都係寫唔出長文 ,
今次睇祝姐呢篇 , 我反而睇得好舒服 ... 我文學唔叻打唔到咩特別
但衷心支持祝姐 !!!

荊兄講緊湯唯同歌神呢套「月滿軒尼詩」哩？ 我仲未睇呀。 其實湯唯主演嘅戲我都冇特登去追晒，除咗「北京遇上西雅圖」兩集，就只係睇過「色戒」同「黃金時代」。 講開又講，我亦唔係專好文藝片的，文戲武戲、荷里活片cult片乜叉都睇，可以互相調劑。 最近伊欣睇完嗰套係杜琪峯「三人行」，臨尾高潮有段七分幾鐘大混戰一鏡過，成班演員慢動作演出嚟，四方八面子彈橫飛反襯輕鬆配樂，好精彩，真係睇到想偷師，將呢幕效果响篇《戀戀》到搵位攝入去重現下添呀:smile_40:

多謝荊兄支持，第三章「情書」篇，我花咗好多功夫去撮寫段「史」㗎，斷估鍾意睇呢章嘅都唔係尋常人 －話晒咁「重口味」嘅嘢相當之趕客，只係在呢篇故事而言梁實秋與韓菁清之戀係不得不寫嘅重要情節，所以我先硬着頭皮去馬。 當然好多時寫起嘢上嚟唔顧得太多，只能做返份內事，有讀者欣賞就實在係bonus喇。 多謝晒先

引用:

原帖由 荊州集團 於 2016-7-14 09:38 AM 發表
哇 , 個教授係教溝女架???:smile_47:

欸，「溝」還「溝」，都要對方「受」先得嘅，係咪？


[ 本帖最後由 祝伊欣 於 2016-7-17 07:15 PM 編輯 ]

祝伊欣

引用:

原帖由 職業挖窿隊 於 2016-7-11 07:34 PM 發表
師妹好嘢，你形容教授打開你塊"門縫"嘅時候，我個腦有同一樣嘅畫面

多謝！

引用:

原帖由 loyanpai303 於 2016-7-11 09:38 PM 發表
草地 o既濕同軟，重令人有無限眷戀。
d 手指系上面輕掃，來回，感覺，正。

除咗Lo兄講嘅「濕、軟、輕」嘅美妙觸感，「斜陽」照「青草」，混和埋嘅嗰種「芬芳氣味」，亦好催情。

引用:

原帖由 過路人文迪 於 2016-7-11 09:51 PM 發表
文滌生教授又要跟隊 。。。。。。

文教授好忙㗎，要應酬好多粉絲同女學生，唔得閒理伊欣同學呢

祝伊欣

引用:

原帖由 鋒馬故如雲 於 2016-7-12 10:01 AM 發表
90後，你仲威過我，我得一件添咋

引用:

原帖由 鋒馬故如雲 於 2016-7-13 11:04 AM 發表
因為，「同自己鐘意嘅人」「做愛」＝ 唔鐘意嘅人，就唔做愛啦。。No Love，No Sex
其實，馬教授呢一點，對伊欣而言。。真係肺腑之言，伊欣咁聰明，當然明白唔止「二指」咁簡單啦，哈哈，因為馬教授驚突然又停電就慘無人道喇
而重有最終極一點，就係。。（用番DlY，打J去估既解碼）。。「愛人，如己」呀 :smile_30:
Good job 欣兒，好文

嘻，以後就算再停電都唔怕㗎喇，因為伊欣心中有「光輝」嘛


[ 本帖最後由 祝伊欣 於 2016-7-15 05:48 PM 編輯 ]

祝伊欣

引用:

原帖由 jessica413 於 2016-7-14 12:53 AM 發表
今日第1次見到呢篇叫「戀戀馬教授」，內容未有時間睇.
但第1時間令我諗起馬如雲，篇嘢唔會係講佢掛

Ka姐，歡迎光臨呀  幻想喜劇一齣啫，「馬教授」嘅形象，如有雷同，實屬巧合喔:smile_40: