今日夠靜，無思分享。
最近睇左me before you，亦即係遇見你之前，由Emilia Clarke做女主，佢係邊個??佢無高佻身材，佢無一眼就迷人的面孔，亦唔擁有玲瓏浮突的曲線，但就有種討人喜歡的親和力，(你必須知道，靚女通街都係，但能入屋既親切感卻1千個都無一個。)講佢最為人熟悉既劇可能你會即時想起，佢就係權力遊戲既龍母。
我今次係第2次睇，故事男主係成功人士，即食好住好著好工作好有型有款有女埋身都不是什麼那種，咁好快入正題，就係佢遇上交通意外，錢，仍然係有，但已手腳唔郁得無性能力要人照顧，而女主角係樂觀度101的女生，佢既陽光完全掃走男主既黑暗，我無打算劇透結局係皇道ending還是什麼，但我想講，男主既決定，我以前唔明，而家，多少有點認同。
男人既自信來自能力與對事情既運籌帷幄，而自卑正好就是佢對自身既無力感與對將來無信心無希望。
說坦白我唔認同男主既決定，但第2次睇時，我都不禁再問，可能天下間會有一半男人都咁樣做。
https://www.youtube.com/watch?v=J-lcPRmI6jY
