其實我無想標籤男人，我只係更欣賞直接既人
(例如直接問包我etc)
雖然我都係會say no
但我欣賞，起碼唔洗哂大家時間
以下發言我自知好天真(尤其呢度係成人區唔係情愛區)
我信呢個世界仲有一個男人
佢會睇av，會同我一齊𥄫女
會永遠為我保留最重要的位置
佢唔會背住我去媾第2d女，或呃人地蝦條或打返幾場"波"既波友
因為我信，所以我無轉性取向
講真，我工作係係一大班麻甩佬之中，
佢地有喜歡唱光豬k，仲要分析光豬k好壞
有出火如飲涼茶，有如"一路向西"般組團
但佢地亦有好愛老婆既，放工即仆回家湊仔既男人
所以我信我一定會遇到
而我自己問題，我亦知，我太易信人
我總是太容易相信佢地係真心做朋友或更甚
最後我當然每次都落空，
跌多幾次，開始會懷疑對方熱情友好係咪有咩目的
但到最後我信了，是又一次的跌親，仲要愈仆愈嚴重
我會嬲，係嬲自己道行未夠高，才會又被呃
更甚會諗(from 某blogger): 你都不可愛，怎值得被人愛?所以佢對你px，是應份的。
