鴻略

引用:

原帖由 KIRIN688 於 2022-3-24 07:44 PM 發表
一落雨又唔知跑乜嘢出嚟 中三寶都要輸 星期日又話有雨 到時先算
先睇星期六杜拜賽事 最後四場 第七場草地大賽似乎爆唔出樣 衛冕盟主諾斯勳爵贏上屆後唔知係咪傷抖差唔多一年 高仕登安排跑場膠沙地熱身就直指呢場 呢 ...

星期三唯有賴落雨，跌晒眼鏡，雖則有幾場很假，有一齊忽然捉實，有一齊忽然搶死。

我有事辦，不寫明天，下次再算。

鴻略

引用:

原帖由 KIRIN688 於 2022-3-28 01:15 PM 發表
星期三全泥戰都係最高班嗰三場 其他場次實在揀唔落手 重心第七場最後先講

第五場一班110分千二 都無乜懸念 精靈勇士雖然報左之後G2短途錦標但可以選擇退出 有理無理跑埋呢場先算 起步順利三甲穩入 Q腳喺韋小寶 上 ...

第五場略嫌賠率太低，其他馬如暖在你心又有攻擊力，單棍少注最簡單

第七場好好心得正路，上次贏千六將皇帝金越拋越遠，外公乃灌木叢，多一百五十米應非問題。其他前列選擇則很多，皇帝金及浪漫組合極接近，早前包Q證明千八勝千六，但超速上場留後越過皇帝金，超速增程是否更勝兩駒，又難計。無心睡眠似有回起，若傷患不影響實力，泥地在此班上風，千八未證明但似可應付。另有上場極失望但回到贏馬路程的滿冠熊也可考慮，天池怪俠未必會揀，但路合檔佳，首次跑泥地，同父馬少跑但有兩匹好手。會臨場看賠率一膽幾腳。


速講兩場，第一場妙算歡騰類似好好心得，膽。腳1-2-3-6中揀。第二場緣份似是又再強手已去，四平八穩，亦兼顧接近的榮冠大道，略嫌Q太熱，再兼顧上仗算近的摘星光輝，四班泥地輸給指標馬不遠。

鴻略

引用:

原帖由 KIRIN688 於 2022-3-31 02:51 PM 發表
肥航單嘢點睇 官方講到好似幾嚴重咁 唔通想玩當年旦哥嗰招暫時釘牌？
星期日兩場G2 主席錦標要將王同幸福笑容睇馬算
短途錦標當家猴王同福逸今年贏G1要加五磅 操練正常睇嚟QT難飛 加多隻喺神仙三隻之中點都要返旺蝦王 ...

肥航晨操犯規事件，我在對面留了言，似乎最可能就是停牌一段時間：
https://www.discuss.com.hk/viewthread.php?tid=30494196&page=4&pid=547071515#pid547071515

主席錦標始終看好金鎗，一檔根本就有利，只是騎練不懂利用而已，較低壓力下估計不會走錯位，Q就大賽翻版要幸福笑容，檔位形勢較似該仗。

還在歐洲嗎？能在此時工作中抽空一遊挺好。

鴻略

引用:

原帖由 KIRIN688 於 2022-4-3 01:47 AM 發表
起碼用盡歐盟90日配額 反正都係打散工 駛費計去超市買嘢做晚餐消費其實唔高 可惜自己能力有限 走得到梗想走 返嚟香港又捱過 金鎗六十老實講想佢再輸一次 今次一檔係咪又想玩大外一氣唔知 但輸得第二第三次 必然有第 ...

我另外簡單講幾場。

頭場錶之科學在此屬穩紮穩打，前列份子，能否開齋要看潛龍伏虎。木火兄弟進展快，試閘見出閘敏捷而留後追勁好，前駒大敵，有頭馬相。可單Q，嫌熱博冷就兼顧尊才，必須留前鬥後之馬，有好檔穩守內欄會與上次不同，肥葉此刻也盡搏。

第二場仲得威四班屢入位，同程入Q甚有水準，上仗路短有追勢，狀態已在，今降班有內檔見優勢，頭馬之選，有分頭作Q膽。天意前仗排內檔壓倒指標馬堅有料，雖稍退步但只要有內檔則是前列份子，兼顧。功夫茶早前沉下來而在復起中，有望狀態再進闖入前列。育成精彩四班同程近過，又是肥葉馬，排內檔作保險腳。

第六場臨場在一舖縱橫、爆騷、鎂之妙、開心蔬菜之間揀。一舖縱橫降班即有好檔，早前贏馬如斬瓜切菜，如跑出水準贏面高，用班德禮棄減磅贏馬配搭陳嘉熙，肥葉似求勝心切但重磅反添變數。爆騷有班底，上仗是唯一從後追上之馬。鎂之妙趨穩定。開心蔬菜上仗衝過隨後此程入Q的精明勇駿。

鴻略

引用:

原帖由 KIRIN688 於 2022-4-4 08:21 PM 發表
星期三晚有幾場出馬少 真懷念舊快活谷嘅日子 可惜小弟有錢賭嗰陣已經係重建後 就要返出馬少嗰四場
第二場求其望兩眼要返升班輕磅好跑嘅奇妙年華同埋近績好雖然換馬雅都未可忽視嘅香港精神


第六場睇又爆唔出樣 先要 ...

舊快活谷少馬不論草沙都好賭，死馬多仍好分頭，鄧兄話齋有數圍；現在大熱Q得幾十，還要潘頓停手輸埋，再加三四匹馬邊線仍派彩低。今晚幾場如是，第二場你揀奇妙年華同香港精神，殺完雷神大熱的自然力量也只得11倍。

我先講尾場，三班賽但似三四混合，自然輝煌連續接近，亦試過不同跑法，上仗搶頭意圖克服外檔，僅輸頸位得第三，今排一檔易跑，順勢跟紅酒之寶後突圍，贏面高。勇趣早前好檔一亞一季，最近三仗檔劣減分，今有三檔而對手減弱，跑出水準屬前列份子。紅衣火旺適應三班，近三仗有Q有位，今排中檔不佔利也不吃虧，位置馬，保險腳。天行健仍檔劣，步速亦多數中等非偏快，放棄。

第六場焱焱元帥上仗首增程到千八入Q，是進步抑或路程更合適？今又回到三班無威脅的千六而變成熱門，我博上仗屬後者，繼續放棄。天寅合一、總理、有何不可三匹上次甚接近，前者跟得太急，今次跟隨慢放的變數，形勢應好過上次一截，要揀。總理表現反覆，最大問題似畏群，一冠兩亞皆早得望空；有能力而不超級，不宜常走外疊，希望今次在步速不快下稍跟前及早望空，可跟多一次。冷門博下多利神駒，兩仗不合的短途後追不俗，在巴西第三仗兩歲一級賽得亞軍已跑1500米，增程可敲。

鴻略

引用:

原帖由 KIRIN688 於 2022-4-8 05:44 AM 發表
星期日心水 頭場同最尾三場
尾場應該係中華盛景 旭日昇同少爺仔呢三隻控制大局 中華盛景上場拉哥騎騎下收工屌哂鬼 換周仔必然拼個明白 旭日昇放棄打比集中跑千四明智 少爺仔始終千四首本 分數估計仲有水位

頭場方仔 ...

星期三信東雷組合而放棄平穩的變數，結果總理勝出也中不到Q。尾場中華盛景又是東雷組合，上仗馬冇，人就自然收工，只是馬冇原因不明，可再跟，惟現在頗冷落，臨場如此可能又像天寅合一冇影。少爺仔三班千四比旭日昇更優勝，既然旭日昇在二班有攻擊力，少爺仔應更惡，有快馬亦利其後上。

我講兩場，慣常揀五班。第二場首選屬意降班的蟲草之凰，四班兩仗季軍之表現比當家信心那個級數更高，在此組優勢大，後上馬谷轉田相信更合，近仗失準可能博減分或體重驟跌，現復入位體重，可期跑出水準打開勝門。美麗歡呼及皇龍帝國近戰同程同場分獲季殿相距3/4馬位，今次前者繼續一檔而後者檔位大幅內移，皇龍帝國找到留後的最佳跑法，乘檔佳可中置待衝，有力反先美麗歡呼，賭Q則一併兼顧。坪山新星狀態穩定但評分差不多，預期三三四四。小玩家在四班見過能力但狀態可慮。

第六場烈風上仗賽前試閘早段落腳慢，真跑亦如預期但後上反應佳，今次增程可望更合適，神仙馬可靠，首選。金像非凡降班似上風，正路配腳但乏味，而且升班前表現非特別標青，似是負重磅影響大，千四亦不如千六，大膽放棄或只作保險腳。大勢至富上仗排外檔初跑同程放得不俗，今次形勢差不多，再進步就有望跑入一席，兼顧。精明勇駿上次亦初跑同程，一檔守好位下入Q，今次嫌檔位稍差，形勢不及上仗但可望切入二疊，仍可兼顧。另取亞洲籐王，上仗與烈風同場，後追而相距不遠，增程或更合，今次亦有檔位之助。

鴻略

引用:

原帖由 KIRIN688 於 2022-4-10 03:48 AM 發表
中華盛景係換左周仔 減幾磅你又點睇？

搞錯了騎師，以上仗表現計，三磅難助，能否跑回前仗水準是重點；東廄馬反覆時得人驚，不知是否雷神棄騎，如是就勢危，今日賠率會反映馬房信心，不能太冷。

鴻略

引用:

原帖由 KIRIN688 於 2022-4-12 12:45 AM 發表
結果係樂滿貫去馬 似乎拉哥放手中華盛景有佢理由 少爺仔實在失望 衝落無往時咁勁
聽晚三條單棍算 第七場牽旺加富12檔係難題 睇腎虧潘功夫 另外贏科超影返嚟贏馬路程又好檔難以捨棄

第六場一對上次贏馬嘅陽明高高同 ...

第七場我放棄牽旺加富，近戰見千二不賴千四最好，千六三班全跑四至六名，可應付而非最佳路程，12檔進一步削弱，不看好。贏科超影狀態來時上季三班亦贏同程，上仗路短追得不俗，加上好檔就繼續追。威之星上仗田草快跟負於健康快駒一馬位得季軍，其他實力馬已有距離，今回到已在短途上名的谷草，合此跑法，對手較弱而檔位不差，可期打開勝門。美麗邂逅上仗初起放到一席第三，今次有望進步兼檔位更好，雷神騎，保險腳。

第三場鼓浪精綵近兩仗輸得近而對手強，今轉谷草賺級數，雖檔位欠佳，但有快馬有慢馬可望拉散馬群，若能切入二疊有贏面，首選。餘下在團結必勝、桃花盛、多多歡笑之間揀，或一併做腳。團結必勝前仗輸得稍遠但同到馬有能力，上仗同程輸檔輸地濕，今次檔佳順放可望一席。桃花盛近兩次外檔一亞一季，今次外檔亦不怕，跑出相約水準屬前列份子。多多歡笑常近而無威脅，轉倉而雷神肯騎則有幻想進步空間，保險腳。

第四場有幾匹頗接近，見有分頭，粗略揀成才、爆谷、彩虹之光。

鴻略

引用:

原帖由 KIRIN688 於 2022-4-14 03:30 PM 發表
跑星期六 草地賽無乜賭頭 賭689呢三場泥地算
第9場田雞停賽拉哥即刻搶閃電 連上次贏嘅萬衆力得都唔騎 機會可想而知 單Q繼續神之水滴 久休初跑同程唔算太差 跑左場個態應該好過上次 今場步速估都會快 神仙拍波仔時刻 ...

趕及發現跑星期六

星期三鼓浪精綵本來預計亂跑都應該有行，賠率冷到等於話明拉，結果留到尾早段仍走三疊而直路追近，敢講頂住桃花盛或後一些二疊空位坐亞望冠。

明日頭場簡單3-4-10，最熱三匹Q賠率都有十倍以上。

第4場揀1-2-5，放棄聚風雲則因為加分及上仗小勝之對手再出表現普通。

鴻略

引用:

原帖由 遊 於 2022-4-20 04:15 PM 發表

忠誠駒似足上星期3隻日日型  升班輕磅換細潘 前後輕20磅


另外6場水箭龜+莫雷拉 有古怪

日日型三班早現能力，燉夠落四班大勝重回三班再贏；忠誠駒則四班連環入Q未勝，水準穩定但不見進步，難以相提並論。之前負於同場勁駒三個馬位，一個拉住輸，一個拉住贏，今次來回9磅，忠誠駒仍覺下風，除非重磅極差，否則升班輕磅亦難看好，目前6倍屬低值博率。包裝大獎從未好檔亦連勝，今次更得內檔，如虎添翼，正路首選。健康在望前仗攝到好位就力迫百勝名駒水準相當，今仗排一檔應可天然守好位，次選。保險腳就勁駒，雷神騎此駒高一截，上仗田草亦入Q。想博冷可考慮幸福至上，不能負重又不能早段壓迫，換陳嘉熙既減磅又可能誤打誤撞跑啱留放。