KIRIN688

6/10

頭場五班跑千八 揀兩星期前同班泥地1650跑三四嘅豐盛多彩同喜悅一生 呢兩隻至少證明有競賽能力而草地同程又上過名 同樣抽好檔唔駛留咁後 單Q

第六場四班千四第二組 又見到友瑩仁出嚟 呢隻馬上季贏馬後接二連三跑到一無是處 上場已經縮落谷千二雖然話有籍口大外檔而輸 呢啲無投注價值嘅馬就係最好攻擊對象 先揀一定掂 上場雖然走有利場入Q但都證明馬有進步 今場十檔對後追影響唔大 另一選五班上嚟嘅桃花多 雖然升班但本場整體水準唔高 靠118輕磅已經有競爭力 而馬房是日陣容有搏殺手影


第七場三班直路賽不可擋上返三班加埋得一招放頭跑法頂多接近 估計唔係舉步生風嘅對手 舉步生風繼續攻直路賽腎虧潘唔玩嘢嘅話坐二望一 Q腳方面寰宇豐采上場初跑直路沿途望空都追返個第三算唔錯 本來對黎昭昇呢個未開齋馬房無乜信心但又整返個貼看台13檔 不得不考慮

尾場二班泥地1650 有電訊巴打 保羅承傳 嘉應傳承呢啲前置放頭 買哂告仔三隻算數

[ 本帖最後由 KIRIN688 於 2024-10-5 21:58 編輯 ]

KIRIN688

凱旋門賽日
馬女G1歌劇錦標跑二千 正路之選今年法國橡樹盟主爍爍多 上場跑紅寶錦標哩半路程明顯不合 放棄凱旋門落返嚟中距離嘅馬女二千米順理成章 古摩兩隻莫雅騎依蘭芳菲今年得個近字 蘇仔騎嘅滿足就二千嫌短 成熱當然對賭 半冷心水就係有一檔之利嘅一日伊始 五月先開始上陣無跑一千堅尼同橡樹但越跑越有 鞍上人黎景輝夾熟哂又有一檔係黑馬
戲肉凱旋門大賽今年亂局 全場無一隻馬係壓倒性 日本方面派出20年凱旋門盟主設計名師全細佬真命新帝 東京優駿後立心以呢場為目標 之前喺愛爾蘭冠軍錦標重重受困下跑第三表現出色 肯定左呢隻馬跑歐洲啲地仲好過日本 哩半能力唔需要懷疑係擔心坂井面對咁多高手會輸蝕短兵相接 但點都要揀 至於其他選擇就喺兩場前哨戰尼爾錦標同紅寶錦標埋手 睇埋檔位後最後要左紅寶錦標包Q嘅才情麗驥同遊歷萬里 近年凱旋門大利內檔馬匹而呢兩隻馬女又有受讓 至於三重彩四重彩腳就加尼爾錦標入Q嘅國民樂派

[ 本帖最後由 KIRIN688 於 2024-10-6 01:13 編輯 ]

KIRIN688

9/10 集中下半場賽事
第五場四班千二第二組杯仔場合 型佬全開埋齋 唔計游達榮遲派馬得返黎昭昇未開胡 連雪茄鄭季初都手起刀落贏五W 黎昭昇有幾大壓力想像得到 今場耀寶駒季內跑同程失手即刻換布文上去 戰意無疑問 Q本來有諗跑同程輸得近嘅漣心星但又一次十檔 唯有要返擺明跑形勢有好檔嘅光輝所願

第六場四班千二第一組 幾日前快活谷有大閘就繼續向內檔馬埋手 精英至尊四平八穩又好檔都唔需多講 Q揀賢心星 上場一落五班得米 雖然上返四班布文造唔到磅換湯普新但又有二檔 仲要拆三組水準拉低 論機會唔差得過上場

第七場三班1650 連埋負磅因素估計係黑桃火箭 堅闖 駟跑得同我做到呢四隻機會比較高 先揀就要檔位之利嘅我做到 幾場抽外檔都跑得好 呢次個二檔可跟守好位係前列份子 伍仔另一隻堅闖執十一檔就比較麻煩 隻馬拉士爆發力麻麻 加上已經交代左隨時呢場係放頭幫我做到開路 餘下兩隻都係後追馬 揀返鴻兄上次中嘅黑桃火箭 贏馬開左竅上返三班就搏繼續反彈

尾場三班千二田雞又有隻牌面馬飲杯 上三班輕磅又一檔 機會係點唔駛多講 Q會搏下季內初出同程輸近嘅金牌活力 改用跟前跑法而際遇麻麻返嚟只輸個幾馬位 董明朗繼續騎而呢場有前速馬唔算多 前置二疊有cover嘅話 並非毫無勝算

[ 本帖最後由 KIRIN688 於 2024-10-9 00:29 編輯 ]

KIRIN688

13/10
第三場三班突分跑二千 腎虧潘攞返神仙隻安騁 打比後重頭做起 試大閘睇表面似返到八九成但始終係試閘 初出孭頂磅跑二千係一大問號 可以贏哂又可以影都無 穩陣啲都係要非惟僥倖 同ME.BEAN合拍而今場係三班突分有安騁出嚟變相減磅好跑 跑左場千六開氣後會更好 對手之中奮鬥心連續幾場追得近而受制重磅又後追不及 今場終於上嚟二千換埋布文磅位有利要防

第九場三班千四 預計大熱應該係初上千四鑽石星空 勝在機動可前跟而石哥可用兵源唔多 肯加程出戰唔會打無把握之仗 Q方面搏還看今朝 兩星期前初跑同程中段墮後直路又曾經被困都係輸俾頭馬半個馬位 反映隻馬依家跑千四可能更好 受讓鑽石星空十磅差距隨時係勝負分野關鍵


戲肉G2讓磅沙田錦標越駿歡欣退出得返九隻 神仙全日屯重兵而呢場出永遠美麗同紅運帝王又嚟同室操戈 功夫做哂而呢場出馬唔多 走位上有更大彈性 最強對手當然係上季尾連勝兩場G3嘅錶之銀河 分頭欠奉最多T腳

[ 本帖最後由 KIRIN688 於 2024-10-12 20:26 編輯 ]

KIRIN688

16/10

尾場先 呢場同第六場另一組三班千二嘅混亂程度相比 明顯係家樂龍駒 瑰麗人生同競駿非凡呢三隻撼 鐵角就唔化算 睇臨場
第五場四班千二第一組 兩隻新勝馬精彩駿將同椒椒醒加磅後碰頭 睇埋形勢跑法秤高精彩駿將 至於椒椒醒個七檔相對未必好跑 單Q搏下初跑谷戰嘅金榜之星 雖然到依家未贏但之前喺沙田千四入Q級數計擺呢度已經有用 今季初出頂磅望空放頭輸唔遠唔算太差 呢次比上場減六磅抽埋個三檔守好位會好好跑

第七場三班1650 又見極速奇兵孭重磅雖然好檔但繼續唔要 正路當然係爭金奪冠 後上馬啱田雞發揮 半冷心水太陽勇士 以上季453場次際遇差情況下同陽明天空話你知呢啲馬撼都係輸少少計三班唔會輸蝕 英國嗰邊賽績已經贏到千八 十日前嚟課谷閘試準 跑法可以前置有出冷條件 另一選再追多次星運少爵 沙田過嚟谷戰賺啲級數 11檔係難搞但換嚟分頭拖埋

[ 本帖最後由 KIRIN688 於 2024-10-16 03:30 編輯 ]

KIRIN688

引用:

原帖由 鴻略 於 2024-10-16 18:56 發表

第七場三班1650，我上次就在太陽勇士身上輸錢，閘前落飛似乎有風，可推斷狀態有準備，但縮程太促，表現不如千六幾仗，現在熱身後回到千六而轉谷草賺級數，前置馬有好檔易適應亦易形勢好，同場乏超級對手，夠贏。為免走甩，極速奇兵及爭 ...

太陽勇士俾手到再來咁樣放死但都係差少少無P 俾多次機會
20/10


第五場手機錶霸雖然初上千六又排最外檔但準繩又好難唔揀 Q搭話你知


第九場繼續追將義 俾返艾道拿更好 對手方面和平波上場唔要就跑出嚟激到彈下彈下 至於42場次包Q嘅都靈星球同明亮天下磅同檔調整後死數計明亮天下有反先之力 至於三連勝千四米嘅金勝名駒初上千六對手強一截仲要抽個易被困嘅一檔 機會無上場咁高


尾場三班千四 64場次前三馬再碰頭 評分 磅同檔調整後秤先非凡之星 當時處境就同還看今朝一樣內欄打困籠 一望空就如飛殺上跑第三 還看今朝再出入Q咁非凡之星呢場際遇好啲嘅話隨時贏得 Q方面本來對寶妮妹妹騎後上馬無乜信心但快搏上場喺佢發揮下跑得似模似樣 呢場外檔必然難搞但搏分頭就係要冒險 留得到隻馬要入P唔係無機 補充多隻嘅話就加埋好檔可以跟守好位嘅信心星

第七場讓磅G2精英碗 全世界一定睇著嘉應高昇但必然無分頭 而上場頂磅贏比卡超杯有啲非贏不可味道 呢場可能回一回 扭一扭要返加州星球 縮落千二明贏級數 上季頂磅都贏沙田錦標擺明跑新鮮特別勁 Q方面揀神虎龍駒 上季百周年紀念杯跑到不知所謂 今季狀態嚟得早而呢場只孭122磅有利 去到G1應該唔夠跑要求交代就喺呢啲場合

[ 本帖最後由 KIRIN688 於 2024-10-19 23:42 編輯 ]

KIRIN688

19/10
呢日英澳又有賽事 小弟對澳紐馬賽事無興趣只集中寫英國嗰三場中長途G1 古摩又有幾隻出但講真除頭場長途杯隻饒舌達人壓倒性外 其他場次都各有缺點

第三場冠軍馬女錦標哩半 形勢混亂 古摩兩隻滿足喺歌劇錦標大敗 而蘇仔騎嘅知恩上場贏皇家地錦標但兩隻同樣抖得兩星期 一於向冷門馬埋手 先揀老牌練者衛爾德拍阿加汗嘅雪霧霞 三歲尾先出道跑得少 之後上哩半潛力盡現 上場小休復出蓋達靈錦標跑第四 熱身後直指呢場 另一選皮士高爵士拍莫萊斯嘅蹄風麗 雖然近勝不過係德國賽事但贏到三場點都有啲實力 勝在可跟前跑而如果場地偏爛更好 冷門就係前騎師薛寶力訓練嘅關達姑娘 上場過多維爾贏G2相當輕鬆 柏士祺騎兩場都入Q人馬合拍

第四場女皇伊利莎伯二世錦標跑一哩直路 今年彈起嘅一哩王卓倫谷呢場將會係告別戰 上場隆尚磨坊大賽俾本族主義偷雞得米實屬不幸 告別在即戰意無疑 Q揀返喺傑克莫華大賽輸俾卓倫谷嘅都會


第五場戲肉冠軍錦標跑二千 外圍佬開出經濟學同南加名城係熱門但呢兩隻有危機 經濟科上場愛爾蘭冠軍錦標力拒多產巨匠表現出色但同時認為跑得好盡 而初出輸嗰場就係變化地 而南加名城就唔明岳伯仁諗乜 睇嚟睇去起碼都要哩半以上均速馬 兩星期前搏完凱旋門就縮落嚟二千唔知係乜玩法 所以對賭攻擊要左一對法國公公格倫島同鮮紅葉 格倫島早喺愛德華七世錦標大勝而之後朱德望錦標撼名戰古城入Q彈甩後面馬群 場地越爛越有利 而鮮紅葉同樣會賺場地因素 本身跑開哩半對著雅士谷上斜二千只會更有利


日本戰線三歲三冠尾關菊花賞跑三千 亂局一場但點都要返東京優駿盟主野田分位 父系出自13年呢場冠軍神威啟示 對著同齡馬跑三千應該問題不大 抽埋四檔更好跑 其他馬之中揀多兩隻其一就係上場神戶新聞杯車前倒後大熱倒灶嘅更加好 之前一場贏小倉二千六米相當輕鬆 出自中長途好手高尚駿逸增程八百更合發揮 小弟雖然唔鐘意川田都要揀 揀多隻就係蘿蔔會嘅拯救者 雖然出自中距離好手統治地位但都出過17年菊花賞盟主神業 騎開嘅李慕華結果揀名城潮流 不過戶崎算實而不華唔敢忽視

[ 本帖最後由 KIRIN688 於 2024-10-19 01:14 編輯 ]

KIRIN688

23/10 全泥戰

第三場四班1650第二組 雪茄鄭喺泥地向來搏殺主場 呢晚算強陣 桃花多跑過場同程喺上季尾得第四至少證明合跑 草地呢個分似乎無乜競爭力唯有跑泥地 對手之中揀返開始上力又有同程根據嘅客家之光

第四場四班1650第一組 年年友福上場同程贏馬加磅後都係孭128磅 新哥騎到熟哂仍然有前列機會 Q方面又揀獵人成隻堅有利 雖然返四班但輕磅又一檔又無理由唔揀


尾場三班千二應該都係喜至寶又撼勝意龍呢條翻版Q局面 上場事後睇唔要勝意龍係超錯 呢次又有二檔又有大老撾福國寶 嘉應喝采呢幾隻快馬擺前面開路好好跑 喜至寶同樣賺步速


第七場待續

[ 本帖最後由 KIRIN688 於 2024-10-21 14:07 編輯 ]

KIRIN688

引用:

原帖由 鴻略 於 2024-10-22 00:06 發表

昨日我又病了

今次第二及三場都是幾匹同場馬再對壘而頭馬不在，評分改變少就容易開翻版，第二場是星火燎原及高明力量，第三場是客家之光及歡喜福星，預計機會較大但會頗熱；第三場桃花多上季尾同程得第四在五班不算好，似乎 ...

隻一鹿如果跑泥地千二可以搏下 但一出就1650泥有啲難度 個人觀望

第七場三班1650 都係睇檔位揀馬 腎虧潘攞返都靈福星落三班但換嚟135頂磅 可贏又可以無影 四平八穩當然精英雄心 上場事後睇都承認隻馬跑千二真係追唔切 返嚟1650 啱哂 次選方面扒下燉馬馬房競駿光輝 雖然上季爆嗰場同程喺四班但之前兩場草地都係包尾 泥地可能跑高啲 雖然遲到依家先出但暑假已經開始做嘢 燉馬馬房家陣似足當年夏志信咁以串大熱門馬QT為目標 不明係整蠱專家 上季到港後場場輸條街 暑假索性閹左佢重新做起 今季復出雖然都係三甲不入但輸唔夠五個馬位喺主馬群返嚟已經有明顯改進 呢次再跑泥地好檔而馬房強陣 肯定有分頭預一票

[ 本帖最後由 KIRIN688 於 2024-10-22 22:57 編輯 ]

KIRIN688

引用:

原帖由 鴻略 於 2024-10-22 21:43 發表

季內初出跑1650當然難度不少，單Q目前有9倍非大熱，第二及三場類翻版Q則大熱。

另講第六場，良駒好友上次贏馬一仗，今次有六匹再碰頭，良駒好友加分多，估計與宇宙動力接近而稍低，機械騎士該仗未跑出水準，其後跑草地表現有提升，再 ...

恭喜中 不過又激死上次買嗰幾隻全部跑哂入嚟 伍仔包T又係自認眼拙

星期日谷戰日馬


第二場三班千八 大千氣象加到頂磅係有壓力 但三檔買Q好難唔預佢 其他馬之中再追赤馬雄風 雖然已經八歲但今季仲有兩腳 又同徒孫合拍 依家守好位衝一段肯定更好



尾場二班千二 今次跑C欄跑到尾場中外欄啲地估計會好跑 追返著褲城隻舞林密碼 到依家係得呢個路程贏馬 之後上千四同千六都係無功而回 終於跑返贏馬路程 雖然11檔但睇在著褲城逢出必拼份上就押落去 其他馬之中搏隻久休復出嘅精算暴雪 上季四月退出後索性上從化由頭做起 睇試閘似乎神仙指示教留效果唔差 呢場表面排十檔不利但合夥奔馳同八駿巨昇要讓佢八至十磅拉勻返而預計有步速 神仙用艾道拿肯定火燒唔熱隨時係英勇快車2.0

第六場四班千八 龍船快同皇仁福星又碰頭 今次仲加埋同樣放頭嘅符號呢隻新勝馬估計有步速 先要大將 開始起緊而上場季內初出第四 睇落要跑一場先上力 步速形勢加埋個二檔好跑 Q方面揀盈益善 上場轉游達榮初出有驚喜 雖然個第二對勁好運無威脅但都跑贏其他馬 上千八係合理部署 馬房要省招牌贏馬肯定好鬥志

第七場老牌杯賽廣東讓賽杯四班跑一千 黎昭昇隻極光彗星上場退出但好快又出得 之不過馬房成績差而啲拉倉馬一隻又一隻咁贏 對呢個馬房無乜信心 寧願信神仙嘅鴻圖新星 布文繼續騎有埋一檔更好跑 Q方面紅海風帆雖然到依家未贏但分數跌到落嚟41分已經有反彈餘地 純跑際遇呢個三檔好跑

日本賽事秋古馬三冠頭關G1秋季天皇賞跑二千米 呢場買三重彩同四重彩 今年15隻跑 睇形勢個人覺得係四至五隻機會比較高但就無上兩年春秋分咁壓倒性 爭取六年內第五次贏天秋嘅李慕華今次就騎上年香港瓶慘敗嘅生活格調 俾佢接手後連勝葉森杯同產經賞 東京場係未甩Q但今次執14檔十分難跑 東京場二千米起步後百幾米就入彎 唔想過早望空就唯有縮喺後面跑 如此形勢之下加埋排檔反而對橫山家兩兄弟騎嘅寶徠歌劇同初日高升就有利 尤其寶徠歌劇本身跑法機動 有其他馬放頭可以守好位 而初日高升都係留守中間恃機而動 呢兩隻先揀 另外兩隻機會馬自由島跑完司馬經典後久休復出直指呢場天秋 計馬本身係三甲之選但川田將雅有時發揮就係神經刀 加上前一個星期墮馬雖然可以照騎但話無影響就肯定無人信 三重四重拖還可以 另一選野田猛鯨 11戰只贏兩場勝出率極低 但喺G1賽事周不時跑得接近 呢啲咁難搞嘅後追馬最啱杜滿樂發揮 三重四重拖保險票

[ 本帖最後由 KIRIN688 於 2024-10-26 00:59 編輯 ]