KIRIN688

伊波賽期第三日
第二場G2倫斯度杯跑三千三米大長途 古摩唔出饒舌達人就派海角遠景出戰 不過呢隻馬睇嚟能力見哂 聖格盧大賽連譽滿杜拜都跑唔贏 毅然上嚟跑三千三米有啲為跑而跑就唔睇好 四平八穩都係揀返上場撼饒舌達人入P嘅貴格兒 降格跑G2仲有一檔好位更有利 Q方面揀包義定拍莫艾誠嘅夜間閃耀 今年四戰除左場哩半輸得遠外其他三場跑二千八以上大長途全數入Q 難得呢場饒舌達人唔喺度梗出盡奶力謀求交代

第四場G1戲肉楠索普錦標 跑一千直路 英國嘅短途賽事向來爆冷温床但今年呢場G1有幾隻近績穩定嘅馬喺度 當中喺之前嘅英皇查理斯三世錦標包辦前三嗰三隻 嚟自澳洲嘅雲雀 一區霸主 份量十足 仲有上年冠軍大夢成真同埋第三嘅調酒源流 呢五隻之中先飛大夢成真 獨沽一味放頭跑而對手比上年強得多 另一隻放頭馬一區霸主又係放唔出就係咁先 呢啲要賭出閘定輸贏嘅馬仲要係一千米短途小弟唔考慮 所以雲雀 份量十足同調酒源流就係呢場心水 雲雀同份量十足之後去古活嘅英皇佐治錦標包Q足證狀態大勇 而調酒源流勝在今年上半年完全無用過 八月頭過多維爾跑圓環錦標熱身都贏 嚟到呢場有望俾到威脅

[ 本帖最後由 KIRIN688 於 2024-8-23 06:49 編輯 ]

KIRIN688

港馬開爐 戲肉嗰場買威力奔騰搭美麗第一睇跑馬 其他場次方面集中睇三場千四米
第六場四班第一組扒冷龍之珍 上季五戰係同程跑得最接近 至少證明有一定競賽能力 埋門早交俾田雞整個直路大閘喺後面掩人耳目 首選 Q方面喺綫路萬里同博愛先鋒之間選前者 除檔位分別外就係騎師 博愛先鋒要靠布文級數先有威力而用鍾哥仔就打折扣
第七場二班半90分賽事 高分嗰堆孭重磅始終蝕底多少 再搏晴王 新鮮跑千四啱哂 磅位適中足以挑戰 Q方面搭話你知 上季除初出直路賽輸得遠其他幾乎場場喺度演出準 只孭127磅同樣有利
第八場無時間打 揀極速贏搭共享富裕

[ 本帖最後由 KIRIN688 於 2024-9-7 19:53 編輯 ]

KIRIN688

星期三谷戰最後三場心水
第六場四班1650杯仔場合 希斯代表作赤馬雄風四班有利 腎虧潘騎返上去又一檔而馬房相當積極季初搶攻 開鑼日嘉應高昇重磅都贏連副車人和家興都幾乎入P 呢排留神 Q方面告仔出三隻揀同樣好檔美麗歡聲 易位難贏之馬同赤馬雄風一樣 趁季初質新馬未起夠就搶攤先 呢場實在唔少馬都見盡 加上跑法機動拖埋
第七場三班1650 再追喜蓮勇略 北三英愛馬第一季有馬贏個水土適應相當好 上場同程三甲不入可歸咎搶口 埋門交俾布文過檔喺操控上可望比希威森有更好發揮 Q方面本來諗有一檔嘅開心勇駒但上季尾兩場輸到唔似真 唯有要返此程專家建測羣英
尾場三班千二有心想事成 幸運旅程 有鴻利 天足貓呢幾隻前置放頭 買哂一對後上馬快搏同正氣青驅

[ 本帖最後由 KIRIN688 於 2024-9-10 17:04 編輯 ]

KIRIN688

引用:

原帖由 鴻略 於 2024-9-11 21:34 發表

剛與朋友飯局回家。

第六場赤馬雄風論馬稍超，只是不肯定年長馬會否再退化，換潘頓成大熱欠分頭。


第七場喜蓮勇略繼續兩倍幾大熱，上仗沿途守好位，雖搶口但不算嚴重，直路就不多，前仗贏在地稍濕？我就放棄，博下上次贏之的博望 ...

獵人成高招 無馬搶就索性叫布文放頭跑 估佢唔到
星期日又玩最後三場三班賽
第八場泥地千二廖康銘同希斯一樣都係季初搶攻 精英雄心本身就係跑短起家 而上季能夠喺泥地1650贏馬憑質搭夠 雖然初跑泥地千二都唔敢睇小 Q方面喜至寶已經定型同程最好 賽前功夫空前積極大細閘做埋 抽五檔大大有利走位
第九場直路賽再追多次魔術控制 初出谷一千做哂功夫但走位一塌糊塗 最終廄友底出入Q搞到拉倉 巫偉傑接手後重頭做起 蔡仔試準好抽十檔力足翻身 對手之中星際快車此程三戰未甩P 換艾道拿抽貼看台14檔分多幾銀 三重彩腳加埋寶妮妹妹嘅萬事快
尾場嘅千四米膽易腳難場合 陽光勇士當然係四平八穩 孭磅唔算重而有大紅袍放頭應有步速幾好跑 腳方面扒下韋賊嘅新貨將義 上季尾初出谷1650走勢唔算太差 本身喺紐西蘭都係跑開千四米而勝在嗰邊只跑三場 可望搏進步空間 拖多隻和平波 有二檔可以跟前守好位而本身跑千四應該比千六更好發揮

[ 本帖最後由 KIRIN688 於 2024-9-14 19:16 編輯 ]

KIRIN688

引用:

原帖由 鴻略 於 2024-9-15 05:10 發表

尾場三班千四，陽光勇士上仗輸走位不順，仍有進步之馬，當有力補中，正路首選，但後上馬仍有塞車風險，賭Q傾向互串。將義初出一仗不俗，但比較和平波及太陽勇士的田草賽績，不論賽事級數和落敗距離都有所不如，我會一併兼顧後兩駒。太 ...

佢老母腎虧潘隻勝意龍阻頭阻勢食唔到大三元 收少截旅費 正仆街嚟 早就講黎昭昇係水嘢 又被爆樽 活該
星期三方面尾場買中下磅三隻黃腳鱲 赤兔猴王同超超比  
第五場應該爆唔到啲乜嘢出樣 久久為攻同駟跑得同程有根據 熱食都拎嚟過關

第七場鈦易搵喺開鑼日尾場走位差劣 隔十日匆匆再戰換布文 135頂磅都要揀 Q方面就喺電源之駒同競駿非凡之間揀有檔位之利同賽前準備相當積極嘅前者

[ 本帖最後由 KIRIN688 於 2024-9-18 02:23 編輯 ]

KIRIN688

22/9

戲肉G3慶典杯就單Q中華盛景搭潮州精神算數
頭場泥地四班跑1650 好多馬似是而非 要返近績叫似樣嘅年年友福 泥地中距離賽程已經唔多 出得到要好好把握 之前泥閘千二走勢吸引 呢場得十隻跑走位上有更大彈性 Q方面揀發財秘笈 變數在轉馬房同埋跑返早有證明但差唔多成年無跑嘅泥地 田雞一早仄好有埋個一檔天然包廂 趁季初對手唔多先下手為強

第六場三班千六 先揀燉馬馬房嘅光明傳承 暫時千六最好而煞科無影可歸咎之前一場硬拼抖得兩星期回氣不及 暑假返從化做功夫又試埋大閘 蔡仔攞返嚟騎知點跑 Q方面揀明亮天下 勝在六月尾已經抖暑休息期夠 一早搵布文過檔而有一檔 睇能否跟前啲


尾場二班千二 表面睇係合夥奔馳同競駿輝煌單挑但合夥奔馳要讓九磅有危機 搏佢唔入Q只拖三重彩腳 除先要競駿輝煌外扒冷要凱旋時光 嚟香港第一季頭幾場都係跑草地而嗰季最後一場後上如箭僅敗 反映根本可以跑後追 係上季大多數時間跑泥地俾人覺得係泥地馬 但個人認為隻馬草地能力唔會差得過泥地 抽十檔肯定被動但換嚟分頭而受讓合夥奔馳16磅有利 如果臨場有雨利外面追肯定更好

[ 本帖最後由 KIRIN688 於 2024-9-22 05:26 編輯 ]

KIRIN688

25/9

第五場三班1650 希斯兩隻建測羣英俾腎虧潘但檔位外移 個九檔極考際遇 要返跑法簡單嘅赤馬雄風 上返三班輕磅而四眼綸又贏過 呢啲老馬唔會保留 Q方面揀有路程根據嘅爭金奪冠 一早開操又有大閘 田雞去日本前要壯下行色
第六場要返有好檔嘅江南勇士同得意佳作算數
尾場三班跑一千 上季819場次前三再碰頭正路計 巴薩諾瓦加磅應該機會差多少但腎虧潘隻年少多好孭134磅唔好得幾多 巴薩搭返紅逸舍呢條翻版Q算

[ 本帖最後由 KIRIN688 於 2024-9-25 02:29 編輯 ]

KIRIN688

28/9 星期六
第七場三班千二杯仔場合 天天同樂估計1.幾W大熱無分頭 135頂磅搏唔入Q 先揀操足嘅球星 成個暑假留喺從化做功夫 做埋大閘返落嚟 雖然要孭132磅但布文孭少好多死鉛 有埋好檔跑出水準應入Q 扭一扭要埋同樣從化做嘢又有好檔嘅超霸勝

第九場上季表現穩定嘅遨遊武士加到130磅再抽11檔又初出千六 睇一場先 兩星期前中將義結果腎虧潘條仆街即刻搶嚟騎 中開唯有照跟 半冷風火恆雲 雖然係季初但操練功夫顯示有一出即拼意 上三班輕磅有利


尾場腎虧潘老早搶騎盈研威楓 暑假開操前後試三個大閘做哂嘢先出嚟 伍仔呢啲上季無乜用過嘅馬睇嚟會打快攻  不明就係富國兄弟 上季尾最後一場後追第五雖然對手機錶霸無威脅但證明開始上力 暑假返從化雖然快跳唔算多但個大閘走勢唔差 韋賊呢日手馬都有動靜 趁有分頭拖一票

PS：前南早寫手MICHEAL COX早兩日喺自家網媒出左篇魔頭訪問 相關連結

https://idolhorse.com/zh-hant/horse-racing-news/hong-kong/john-moore-is-back-as-an-owner/

[ 本帖最後由 KIRIN688 於 2024-9-28 04:48 編輯 ]

KIRIN688

星期日嘅日本賽事戰線
第五場藏紅花賞 兩歲馬女跑草地千六 李慕華喺呢啲場合大把馬揀 結果都係要上場喺新潟一騎就大勝 出自頌讚火星嘅絲綢會名下巧繡生花 小休復出跑呢場對手無多 首選 單Q要同樣上場新潟大勝嘅尚麗海兵 有一檔可以守好位好跑

第六場櫻花進王杯 三歲以上兩勝賽跑草地千八 絲綢會又有隻牌面馬繁華古街 跑同場同程四戰全部入Q 今場有一檔又有拉哥點都要揀 Q方面出自金之霸嘅治世王爵今年下半年復出兩戰全勝 同樣勝在可跟前而石川裕紀人又騎開 單Q

尾場外房錦標 三歲以上三勝賽跑泥地千二 又係向李慕華埋手 姬驪姐姐出道六戰其中四場跑泥地三勝一位 擺明泥地王又機動跑法先揀 單Q玉藻蓬壼 近三場阪神同東京泥地千四都後追接近 縮返嚟跑一戰上名嘅中山泥地千二雖然換坂井難忽視

戲肉G1中山短途馬錦標跑草地千二 日本短途大賽近咁多年除左一隻龍王獨大外向來出現輪流贏大混戰 今年就有隻冒起新星里見夢境 出道九戰七勝而近兩勝G3函館短途錦標同堅蘭杯贏得輕鬆 雖然排12檔但前速夠快可以咬好位 連達文雖然有兩日客串牌但都係只接呢隻馬連其他場次都唔接可見重視 先揀 其他腳方面大海女神 消暑樂祭同奈村佳盈雖然叫做近年日本短途馬嚟講比較似樣但都無當年龍王霸氣 反正無分頭就向冷門埋手 第一隻就係未贏G1但近期喺G2G3有馬贏嘅出奇致勝 今年係佢連續第三年跑呢場 前年第二 上年雖然第六但輸唔夠三個馬位 足證中山千二合發揮 松山弘平騎開而三檔好好跑 另一隻冷門就係上場堅蘭杯一換拉哥就入Q輸俾里見夢境嘅榮進瞭望 雖然拉哥接騎維港智能但換騎後上馬硬淨嘅德國冠軍薛達祺未損戰力 要得里見夢境無理由唔揀呢隻 至於香港隊兩隻維港智能抽14檔未跑判死刑 而綠族無限跑後追就睇下步速幫到佢幾多 三重彩腳

[ 本帖最後由 KIRIN688 於 2024-9-29 03:38 編輯 ]

KIRIN688

十一賽事
第八場唔駛點睇 手機錶霸同陽光勇士單打獨鬥局面

尾場金勝名駒上季五月後一早抖暑 復課後積極打磨 董明朗今季支持唔多 出得到梗砌 Q腳之一紅愛舍 變數在轉韋賊初出重頭做起 暑假再減4分嚟到71分有反彈餘地 只係二檔未必好跑但肯定火燒唔熱 另一隻腳星運少爵 整體演出算準 兩星期前同程喺直路初對著魅力知遇大紅袍攞位唔順 到真正望空衝刺人地將義已經開行turbo 佢就啱啱撻著 結果輸個幾身位俾將義跑第七 呢個名次反映唔到真實情況 兩星期後再戰換霍阿仔如果際遇好啲有權入P


戲肉G3直路賽 焦點之一應該係上場中嘅魔術控制 但由三班賽一下子上嚟G3 而本場又要緊張大師 狀元及第放頭 隨時燒乾 買返上季尾一Q返嚟又可以咬好位嘅龍之輝同美麗第一 三重彩加返勝不驕

[ 本帖最後由 KIRIN688 於 2024-9-30 02:01 編輯 ]