KIRIN688

本地馬季煞科 一如之前暑期外地賽主力睇英法
第二場二班千二雖然得七隻但起碼三隻快馬 八駿巨昇 人和家興同龍之輝必有步速 先揀賺形勢占士德 雖然上場對著不過鑽石星空但檔差索性拍住放頭居然當人地透明輕勝 反映更進一步 升班減磅而呢場出馬唔多更有利佢跟守好位 Q方面威哥一對寧願要雖然頂磅但有檔位之利嘅包裝必勝

第八場杯賽場合 掛名一班但全部都係二班嘅千六 對常拼常勇未死心 繼續排一檔希望巴度出彎前攞定生位衝刺 總覺得上場火車潘發揮未如人意 同樣上場塞車仲有隻增有 當然嗰場頂磅爭勝打折扣 比上場減9磅換埋田雞肯定好跑


第十場71當日792場次齊齊輸俾晴王嘅光明傳承同和平波同樣賺檔位 熱食攞嚟過關

本季最後一場賽事三班千四 正路始終都係手機錶霸 雖然頂磅但馬忠心加埋布文騎熟哂 威哥爭冠軍當然奶力都出埋 對手之中兩隻美麗始終秤先上星期贏馬嘅一定美麗 雖然加七磅但檔位搭夠 至於同樣美麗梗係怕左腎虧潘條仆街 三重彩搏好分加埋縱橫天下 近幾場同程雖然得個P但實際場場都追一段輸唔遠 一個月前走去跑谷千二擺明減分遊馬河 個分減到69分孭標準磅換MR.BEAN唔敢批死無機會

[ 本帖最後由 KIRIN688 於 2024-7-13 19:51 編輯 ]

KIRIN688

暑期海外賽只集中睇英法賽事
嚟緊星期六英皇錦標今年九隻跑算多 古摩方面多產巨匠 有童話傳世開路就好跑 計路程雖然盧森堡上場贏加冕杯但水準實在有疑問 始終覺得呢隻跑二千係最好 至於高多芬嘅桀驁之戀上場跑遮打杯根本談笑用兵  不過賽績幾過癮 19戰贏13場反而P都無 但能怔慣戰點都拖埋 第三勢力就要朱德望陣營嘅才情麗驥 同場同程有根據只係騎師Rossa ryan大賽經驗稍差
第三場馬女G3威勇錦標跑轉彎一哩 年長馬女讓三歲馬女八磅 所以向三歲馬女埋手 高多芬嘅熱切王后其實已經喺上年十月出賽 但之後進度未夠索性唔跑三歲一哩嗰啲大賽 換嚟時間成長 呢場馬仲要幾隻年長馬女實力見盡 雖然初上G3但仍是爭勝份子 對手之中揀女高音 雖然10戰只贏2W但上名率高 前一場雅士谷跑直路一哩沙特利咸錦標喺30隻馬場合能夠殺出重圍 當年簡SIR話齋馬多場合能夠贏馬上名至少證明鬥心好 新紮師兄BILLY LOUGHNANE騎開知點發揮

[ 本帖最後由 KIRIN688 於 2024-7-27 10:21 編輯 ]

KIRIN688

一連五日光榮古活賽期星期二開始
大機構只播頭三日有G1嘅大賽
第一日嘅戲肉跑兩哩嘅古活杯退出埋踏實驥得返六隻跑 古摩嘅饒舌達人一出嚇走其他馬 呢場都係佢同貼心威廉之爭

第二場兩歲G2葡萄酒錦標跑千四 有兩隻喺之前皇家雅士谷高雲地利錦標入前四 其中一隻解離技術之後再跑一場表現平平 反而同場嘅路爽蹄就專心備戰等呢場 至於兩大集團高多芬嘅青森同古摩嘅山嶺神廟喺諾定咸同高運園呢啲級數細嘅馬場頭馬出嚟有待證明實力 外圍檔口開飛屬超買 倒不如扒下隻喺雅士谷大場贏新馬賽千四嘅威虎面具
第三場同樣係千四米G2里諾斯錦標但就係三歲以上跑 八隻中有一半已經係六歲以上 三四歲各得一隻 又見到千四王湖畔鄉鎮但今年無左FRANKIE加埋已經七歲戰力大減 喺呢場再贏機會唔係幾樂觀 而樂景傑錦標盟主旁觀者清上年呢場包尾難蟲變龍 首選揀夏橡參天 今年復出跑三場同程而近兩戰越贏越易 雖然初跑古活又初上G2但勝在跑法主動 對手唔算太強下入位唔難 對手之中孕育之河都唔敢睇小 上場贏馬唔奇 奇在之前一場踩到對手後蹄墮馬 相隔唔夠一個月復出贏馬睇嚟能力唔簡單 馬昆騎到熟知點發揮

[ 本帖最後由 KIRIN688 於 2024-7-30 13:13 編輯 ]

KIRIN688

引用:

原帖由 鴻略 於 2024-7-29 20:36 發表

英皇錦標由一匹未有具級數賽績的德國種法國馬輕勝可算驚人，除本身進步外，或許此駒對應付135磅比對手強很多。

可惜係公公 講起嚟呢場英皇錦標既然係喺英國咁有代表性（三歲撼年長馬哩半重要舞台）應該要同凱旋門睇齊唔俾公公跑

KIRIN688

光榮古活第二日戲肉 薩色士錦標跑一哩 被譽為全歐洲全年最重要嘅一哩王大戰 本來連掃兩場三歲一哩G1嘅緋色威獅係擂台躉可惜呼吸系統有問題退出 表面上係高多芬名演說同古摩嘅蜚聲詩界之爭 但名演說上場有啲失望 連位置不保唔知所謂何事 蜚聲詩界勝在可以擺前走 北三受讓八磅呢個優勢不可話不大 三隻年長馬重拳威力輸級數 上年呢場第二嘅送達駒明顯係爛地王 除非臨場落狗屎否則機會唔高 Q腳就搏阿聯酋航空老細名下嘅美駿 上場女皇安妮錦標雖然個第三對頭馬無威脅但至少證明合跑好快地 古活一哩場係落斜難度比雅士谷低 呢場得五隻跑更合佢守好位
第二場馬女G3橡樹錦標跑千四 雖然係G3但跑分齡讓磅 贏過分級賽就罰磅 都係繼續追莫雅 呢場佢外借當年嚟香港做咸華主帥 依家做練馬師夏偉卓訓練嘅艷愛琪 出道七戰五W而其中四W都係千四米相當拿手 唯一三甲不入嗰場就係雅士谷上斜一哩不過嗰場太多馬跑又有擠碰未可作準 上場過法國多維爾直路千四跑表列賽換莫雅現真身 跑法夠彈性首選 Q方面法國一千堅尼第二嘅木殿王都同樣勝在可擺前走 上場莊柏德大賽表現普通可能係本身放頭型喺直路賽無轉彎回氣 呢場有個彎轉下相信機會比上場提升 三重彩腳就揀同美駿同主嘅壯美驥

[ 本帖最後由 KIRIN688 於 2024-7-31 10:44 編輯 ]

KIRIN688

光榮古活第三日賽事

第三場三歲G2哩半哥頓錦標 又係得五隻跑 古摩呢場派出兩戰全勝嘅唯妙唯肖 一出即勝二千而跟著落嚟上G3二千再贏 呢啲馬整定會係哩半以上更好 有無饒舌達人級數就後話 當然睇部署都似係向英國聖列治進發 四隻對手之中師出有名同開場白都跑過葉森打比雖然名次唔差但都輸好遠 哩半能力有疑問 另一隻五星連珠就跑開哩半以上而上場贏希鐸二千八米感覺均速多少 餘下嘅高速發展就有古活場經驗而上場女皇瓶輸得遠似係二千八路程不合 跑返哩半機會同五星連珠相若而對著唯妙唯肖就稍為下風

第四場G1戲肉蘭秀錦標 三歲馬女對年長馬女跑二千 必成熱門之一古摩嘅歌劇女聲血統睇二千應合 但本身跑法擺前而古活馬場頭兩日轉彎賽事邊隻放頭差唔多死九成 衡量過後首選都係要返上流貴婦 高仕登今季用kieran shoemark主力但明顯比FRANKIE差成班係勝在跑返馬女賽準繩靠質搭夠 次選方面搏上場贏法國橡樹嘅爍爍多 換彭國年都照爆睇嚟二千係首本路程 杜滿樂攞返嚟騎仲要三歲馬女受讓難忽視 三選方面扒冷寶佳麗 出道七戰未甩前三又係準 雖然哩半落返嚟又初上G1但呢場馬整體嚟講水準未算好強 求一席位置唔難做到

[ 本帖最後由 KIRIN688 於 2024-8-1 13:04 編輯 ]

KIRIN688

星期日法國紀爾斯大賽
第二場三歲G3戴芙莉錦標跑轉彎一哩 限今年未贏過G1G2馬匹參賽 今年贏過G3就罰三磅 首選就係曾經跑過法國二千堅尼輸得近嘅超酷哥 之後再跑場表列賽上名相當準繩 柏士祺經常被低估可搏 Q方面揀今年未曾喺三歲經典賽上陣阿加汗陣營嘅時裝金童 5月尾跑完因為同倉有其他馬跑三歲經典所以呢隻就留以有待 勝在可跟前 而多維爾場曾經贏過無問題 盧傑拍杜滿樂係信心保證


第五場三歲表列賽月影雲霞錦標千二直路 限今年未贏分級賽三歲馬跑 多維爾嘅直路賽同沙田一樣都係個閘貼看台 但排檔號碼同沙田相反由小至大向內欄排 即係一檔就係貼看台 最大號碼就近內欄 呢場揀兩隻近看台檔位分別係有多維爾同程經驗嘅三葉閃動 同埋出道七場贏四場跑法同樣機動嘅周全良策
第六場同樣係表列賽圓環錦標跑一千直路 同第五場一樣只俾今年未贏過分級賽嘅馬跑 分別在呢場係三歲以上 所以上年贏皇席錦標嘅調酒源流受惠賽制 今年第一場出賽因為上年贏皇席錦標已經超過一年 所以今場同其他馬平磅作賽相當有利 揀呢場復出明賺級數 對手方面出道14戰10次贏馬上名嘅明麗兒今年跑五場除初出膠沙大敗外全數入前列 雖然騎練名不經傳但馬實在忠心 雖然十一檔難跑啲都唔敢睇小

第四場戲肉 G1紀爾斯大賽千三米直路 上年盟主帝金打衞冕戰但今年對手比上年強一截 仲要抽近內欄13檔 放棄唔揀 至於喺莊柏德大賽戰線嚟嘅前三馬匹就睇好排二檔好位嘅文學巨擘 靠千六級數落嚟千三千四屈機 至於盧傑另一隻哈城醇味勝在忠心 之前無跑三歲經典賽而喺莊柏德入Q 唔知係咪稍遲熟 蘇仔啱啱贏英皇錦標一吐烏氣 至於嗰場第三嘅俊偉蹄就似係受惠排檔賺場地 所以要返今次喺英國作客過嚟法國 今年踏入四歲大爆發贏七月杯嘅磨坊川

[ 本帖最後由 KIRIN688 於 2024-8-3 21:01 編輯 ]

KIRIN688

星期日繼續法國賽事

頭場四歲以上G3拜倫錦標二千米得五隻 基本上係神尊全智搭火上加油格局 攞嚟過關

第四場表列賽雷里耶夫錦標 限今年未贏過分級賽三歲馬跑二千米 亂局一場 有幾隻曾經喺之前皇家雅士谷賽期不同場次出賽 同樣落敗而回 揀隻兩戰全勝嘅監察官 高多芬加高仕登再加莫雅呢個組合相當罕見 之前已經有報道高仕登倉部份馬主唔多滿意今季馬房主力騎師shoemark 既然呢隻高多芬兵團搵定莫雅跑必有所圖 勝在可跟前跑而法國賽事成日慢步速 Q方面全力投入出道6戰5場入前三 三甲不入嗰場就係大不列顛錦標可歸咎雅士谷上斜唔適應 上場新市場七月跑道增程上二千算贏得輕鬆 同樣可前置賺步速未敢睇小
第五場米羅夫錦標雖然係G3但跑平磅 參賽條件限今年未贏過G1嘅三歲馬女跑長途二千五米 四平八穩應該係藍衫白袖威爾瑪家族名下嘅拼出艷彩 出道六場除初出外其他五場跑哩半全入前三相當準繩 主帥紀仁安繼續親征排埋一檔好位首選 其他馬選擇範圍都多 其中一隻就係之前表列賽帝貝維爾錦標同拼出艷彩串Q嘅法國嘻哈 勝在可以跟前守好位而休息時間比對手長 對方有乜閃失可取而代之 第三選揀心寧靜 單睇血統父系出自名種海都之星子嗣sea the moon而母系嚟自凱旋門盟主望族肯定哩半以上更合 上場跑隆尚哩半雖然對頭馬無威脅但都證實長力 本身跑後追而換上跑呢啲馬有一手嘅文迪沙寶要留神

主題賽事戲肉第三場 總獎金100萬歐元傑克莫華大賽跑一哩直路 上年包Q嘅旋進軌跡同大石今年同樣表現大失所望 而賽後又驗唔出有乜問題 即使換莫雅同杜滿樂睇嚟都唔多樂觀 都係要返上場女皇安妮錦標彈甩贏嘅卓倫谷 既然可以喺雅士谷上斜直路一哩贏得咁輕鬆 轉戰無上斜嘅多維爾直路一哩理論上只會更好跑 蘇兆輝返到歐洲就靠佢 對手方面上星期紀爾斯大賽出左隻無敗馬別具風味而呢場又有隻四戰無敗嘅模範嚟挑戰G1 上場跑夏日一哩錦標擺前守好位一樣照贏未知仲有幾多 呢場仲要排貼看台一檔又係有利 至於三重彩加埋法國二千堅尼盟主都會 上場初次作客英國雅士谷場算跑得唔錯 只係今次首度同年長馬交手而一哩分齡讓磅只受讓六磅唔算太著數

[ 本帖最後由 KIRIN688 於 2024-8-10 21:07 編輯 ]

KIRIN688

星期三約克伊波賽期第一日

第三場三歲G2條件平磅跑哩半獲狄嘉錦標 得六隻而古摩佔一半基本上控制大局 南加名城同大草原州呢對自己友單打獨鬥 有埋另一隻自己友爽到極開路都唔駛多講 單Q過關
主題戲肉朱德望錦標 總獎金100萬鎊跑二千一 估唔到今年13隻跑 似乎其他陣營唔係好怕古摩嘅名戰古城 咁又的確唔係無對手 首先係連約克群橡樹都放棄走過嚟呢場挑機嘅才情麗驥 準到不得了如果跑橡樹贏面九成 但上場英皇錦標面對馬公係追得好 名戰古城有乜差錯就輪到 法國嗰邊都有不明份子 包括同才情麗驥一樣上場跑哩半愛德華七世錦標但贏條街嘅格倫島 初戰雅士谷哩半居然贏甩肯定有一定實力 約克平地場二千一相對易跑 柏士祺騎開留神 另一隻閃亮金上場同樣跑雅士谷但就係二千米威爾斯親王錦標幾乎殺低多產巨匠 轉嚟約克平坦場地威力無減
PS：前幾日搵到本好嘢 當年跑馬月刊係好正

[ 本帖最後由 KIRIN688 於 2024-8-21 17:37 編輯 ]

KIRIN688

伊波賽期第二日
戲肉G1 三歲馬女對年長馬女跑哩半約克郡橡樹 才情麗驥唔跑得返八隻 估計係愛爾蘭橡樹包Q嘅觸動心扉 古摩嘅滿足同埋高仕登拍卡塔爾賽馬集團嘅獅群傲后呢三傑對峙 賭Q傾向休息時間相對較長嘅獅群傲后搭滿足

第五場表列賽紀塞斯錦標 同樣三歲馬女對年長馬女哩半 但呢場只限從未贏分級賽同埋未曾G1上名馬女角逐 仙姿谷同海都時令退出得九隻 上天恩典因為舊年後贏表列賽所以135定磅下再加4磅孭139磅 首選善因美果 近績穩定而對上兩場跑約克二千一米表現不俗 雖然初上哩半但出自凱旋門盟主金號角理論上可應付 連最大勁敵海都時令退出埋機會大大提升 次選同樣出自金號角嘅上天恩典 勝在可跟前走而上場初用Billy loughnane即贏表列賽足證人馬夾檔 雖然再加4磅但呢場對手平均水準普通 跑法彈性足以一戰 三選揀雖然往績贏得一場嘅明媚景致 早已證明長力夠而上場過法國多維爾跑三千米表列賽入Q足證狀態大勇 呢場搵莫艾誠戰力大大提升要留神

[ 本帖最後由 KIRIN688 於 2024-8-22 18:00 編輯 ]