KIRIN688

8月6日戲肉 G1紀爾斯大賽跑千三米直路 水準唔算高 全場十隻馬無一隻今年贏過G1 上年盟主喜菲皇女今年唔跑留返英國跑英皇佐治錦標一樣贏 如果擺喺度贏面九成 扒半冷就要主隊嘅帝金 勝在老馬識途而喺杜拜返嚟後四戰三W一P算硬淨 柏士祺夾慣夾熟而排檔排貼大看台三檔更有利 次選方面全場唯一嘅三歲馬真相未明部署幾奇怪 五月頭贏左場英聯邦杯預賽後反而無跑皇家雅士谷正賽 而揀左兩星期前喺紐百利嘅G3夏活錦標千二直路賽首度挑戰年長馬結果入P 估計係試水温吼住今場 戰意本來係好但蝕底在千三米分齢讓磅北三馬只受讓四磅 呢四磅差距係咪可以拉勻返爭勝條件有懷疑 所以擺次選 至於三選就係追諜 今年復出算準 早喺一個月前已經喺呢個場跑G3輕勝 鞍上人clifford lee要騎真相未明換個更硬淨嘅紀仁安未可睇小

[ 本帖最後由 KIRIN688 於 2023-8-5 20:56 編輯 ]

KIRIN688

8月13日戲肉 G1 傑克莫華大賽一哩直路 旋進軌跡上場包尾極度失望 隔得十幾日嚟衛冕呢場 補鑊味濃嘅馬唔會考慮 至於女皇安妮錦標贏旋進軌跡嘅三拍子唯一一場去法國跑就大敗 加埋抽近內欄十檔更蝕底 搏冷誠實心 日本杯後抖到今場復出跑一哩肯定搏大家唔信 哩半級數縮落嚟一哩直路賺氣量已經夠殺 Q腳毅為王上場伊斯巴翰錦標雖然三甲不入但只輸半個馬位 重配最合拍嘅蘇仔戰意無疑問

[ 本帖最後由 KIRIN688 於 2023-8-13 16:01 編輯 ]

KIRIN688

8月20日戲肉 G1尚羅萬尼錦標 四歲以上馬女跑二千 英愛陣營四隻佔一半 睇近績都係向英愛馬埋手 之前蘭秀錦標入Q嘅出群今場因應檔位估計放頭 但多維爾馬場近期草地轉彎賽事放邊隻就死邊隻而1同2兩隻主隊都係前置馬 莫雅跑前置馬嘅處理走位意識普通 買三重彩先考慮 首選要精緻之道 11次出賽8次上名準繩 上場法爾曼斯錦標對著凌雪飛加上一哩嫌短當然無得跑但用力相對唔多 呢場G1同兩星期前紀爾斯大賽相比水準叫好少少但都係得兩隻馬喺今年贏G1 佢係其中一隻 史賓沙騎熟先揀 另一隻今年贏過G1就係喺羅斯齊爾德大賽贏馬嘅文采候婦但嗰場贏得辛苦隔得三星期係咪抖夠 勝在同程四戰三個第二有根據 另一選就係蘇仔嘅先贏一次 之前已經喺法國贏G3雖然維希場水準低 勝在一檔好跑 要入位唔難

[ 本帖最後由 KIRIN688 於 2023-8-19 18:20 編輯 ]

KIRIN688

大機構星期三至五一連三日播約克伊波賽期 星期三主題戲肉朱德望國際錦標跑二千一米得四隻跑 帕丁頓面對高仕登雙雄瞄得對同凌雪飛 賭Q過關想扭下買高仕登馬房Q
第二場兩歲G3雅琴錦標跑千四 首選新區男兒 出賽經驗跑三場算多 上場喺古活跑列治蒙錦標都係輸俾宏達驥入Q 宏達驥之後喺幾日前G1莫尼大賽再下一城 水準有保證 雖然初上千四但以隻馬級數應無不可 Q腳方面幾難揀 最後揀深謀遠慮 父系出自丘吉爾所以初出紐百利就已經跑同程 尚算贏得輕鬆 約克馬場千四都係無上斜對馬匹氣量要求唔高 跑法估計都係搵遮擋 換布宜學留神
第三場獲狄嘉錦標三歲馬公跑哩半 高仕登拍FRANKIE又有一隻三戰未輸過嘅貴格兒 皇家雅士谷跑女皇瓶增程上二千八照贏 呢場雖然縮返哩半但只得四隻對手敢應戰 雖然呢場比起其他馬要孭多三磅但跑fit一樣已經夠做贏面高唱 其他四隻馬藝妙星同川河得駒喺哥頓錦標跑得不外如是 都係古摩陣營同高多芬之爭 比較之下浪接浪跑法無殺著 上場愛德華七世錦標入Q但輸成三個幾馬位俾鋼鐵大王 質素肯定唔係想像中咁高 話唔埋呢場之後就拎出去放售 高多芬嘅進堡路似乎今年有啲傷所以無跑三歲經典賽 但上場跑二千六嘅巴林錦標不過係今年第二場都照贏 跑法咁機動睇下能否對貴格兒構成威脅

[ 本帖最後由 KIRIN688 於 2023-8-22 20:15 編輯 ]

KIRIN688

約克賽期第二日 主題賽事三歲馬女撼年長馬女嘅約克郡橡樹跑哩半 分齢讓磅年長馬女孭135磅 三歲馬女孭少9磅 因為呢個負磅差距最近十屆呢場馬三歲馬女佔上風贏七屆 今年出戰嘅四隻三歲馬女其中三隻喺愛爾蘭橡樹碰頭 包括包Q嗰對壓陣妙舞同才情麗驥 計整體嚟講古摩陣營嘅壓陣妙舞應該睇高一線 馬房仲出埋嗰場跑第五嘅熱心肯定係造步速俾主帥搏殺 唔擔心步速問題 年長馬女方面偉石堡上場跑蘭秀錦標賺盡步速贏馬 但未跑過哩半唔知會點 仲要係主帥JIM CROWLEY 停賽換易健寧 呢場感覺下風 至於高仕登拍FRANKIE嘅風隨心近績更失望唔知出左乜嘢問題 搏冷可諗崔家所有嘅海行絲路 跑法相對機動 重配馬昆係一路奇兵
第五場紀塞斯錦標同樣係三歲馬女撼年長馬女嘅分齢讓磅哩半表列賽 同第四場分別在呢場只俾從未贏分級賽同埋從未喺G1賽上名嘅馬女上陣 1號馬因為今年贏表列賽所以孭多4磅孭139 呢場又係揀haggas拍馬昆嘅海洋主題 3歲馬女個分齢讓磅有利不在話下 上場初上哩半雖然唐加士打場水準稍次但始終贏得輕鬆 上嚟呢場表列賽對手未見好強 跑法又機動 首選 大倉高仕登呢場三隻反而會揀再俾莫雅跑嘅一夕 似乎馬健康都幾多問題 已經四歲但只跑五場 今年總算可以正常出賽 前一場跑二千八似乎路程嫌長 上場落返哩半現真身入Q 高仕登同莫雅少交收但都有贏馬 始終跑得唔多希望仲有水位上升 扒冷揀門戶村莊 勝在出賽經驗豐富 出賽21場係全組最多 對上兩場頭馬都係今場鞍上人女將osborne 足證人馬合拍 之前跑過兩場哩半都第四 可能二千更好 但哩半又唔算太差 對手有乜閃失就嚟了

[ 本帖最後由 KIRIN688 於 2023-8-24 08:04 編輯 ]

KIRIN688

引用:

原帖由 月影偷情 於 2023-8-23 14:20 發表
師兄☕😁第六、七場有冇分析

馬多場合已經投降 聽晚嘅話寫埋第五場呢場馬女賽 有啲賭頭

KIRIN688

約克賽期第三日主題 楠索普錦標跑一千直路 歐洲短途賽事水準向來唔高 就算跑G1都係十幾廿隻大混戰 邊隻犯錯少就贏 正路衛冕盟主喜菲皇女 今年接連跑兩場皇家雅士谷賽期短途G1都搏殺失手 但連番入位足證準繩 上場唔過法國衛冕紀爾斯大賽留返英倫跑英皇佐治錦標贏得輕鬆 Q膽不作他想 對手之中喺皇席錦標殺低喜菲皇女嘅調酒源流以三歲身份挑機得手肯定能力 連七月杯都唔跑一心等呢場一千直路 只係嚟到八月份三歲馬受讓只得兩磅拉成均勢 呢場咁多馬估計條翻版Q分頭唔會少 另一配腳就係喺禧年錦標殺低喜菲皇女嘅樂於助人 爆冷贏馬後未知係咪用力多上場七月杯表現平平 千二縮落一千賺級數而重配史賓沙未可忽視
至於另一場G2倫斯度杯跑兩哩好睇唔好賭 小注Frankie嘅壯膽識單W算數 反而下半場兩場讓磅賽有啲賭頭 咸頓酋長陣營手執好籌 第五場馬女跑二千米佢地名下露花凝出自葉森打比第三嘅DUBAWI應有一定長力 出道以嚟準繩 跑法夠機動 主帥 Jim Crowley 繼續停賽換上MR.BEAN當然盡砌 Q腳方面肥卓前太座訓練嘅婚前協定上場沙丘園跑大爛地千八孭139磅都贏 嚟到呢場減19磅非常好跑 同樣跑法主動

尾場嘅讓磅一哩索性要哂咸頓酋長兩隻 巨爆上場挑戰分級賽結果令人失望 落返嚟呢場讓磅賽換兩戰全勝嘅易健寧隨時現真身 同主唔同倉嘅鬆快勝在有一哩經驗 質素未必高要不然都唔會拎去切JJ 不過呢組馬整體水準唔算強 要入一席唔難

[ 本帖最後由 KIRIN688 於 2023-8-25 12:29 編輯 ]

KIRIN688

今日大機構播兩場G1 巴登大賽唯一一隻外隊馬法國嘅閃灰計今年所跑G1水準擺落呢度係掃 蘇仔連隆尚都唔去特登為呢隻押陣 無乜差錯嘅話坐二望一 對手之中擅快行準繩 出賽經驗豐富 年頭去中東跑兩場三千同三千二路程不合 一落返哩半就現真身 而只讓三歲馬七磅到11磅機會唔會差得過三歲嗰批

隆尚磨坊大賽今年無外隊參戰 四平八穩當然係主動跑法嘅大石 上場輸俾旋進軌跡非戰之罪 單係本身千八二千級數跑一哩係幾惡 Q腳幾難揀本來上場輸俾帕丁頓嘅送達駒唔差但又換人係最唔LIKE 寧願揀當起未甩過Q嘅極級競速 柏士祺係實而不華次次都被低估 三重彩腳揀返同樣跑法主動又同彭國年夾開嘅法式甜酒 要彈就係今年跑得多
隆尚另一場直播G3邁松拉菲特杯跑二千 頭二選都係揀葛威法訓練嘅一對馬 當中阿加汗名下嘅王貴子雖然閹左但居然唔賣似乎對呢隻馬潛力幾有信心 睇賽績應該係正宗二千馬 跑法又機動 另一隻由靚女騎師温籮主策嘅仙女座又係奇準無比 出道9場得一場入唔到前二 加埋馬女受讓更有利 第三勢力方面前騎師薛寶力訓練嘅必猛雖然係德國馬但最近呢一年都係法國出賽 隆尚二千米跑四場雖然未贏但都有三個位置 今年七月先出返嚟跑 而今場只係第三場出賽 體力一樣已經夠做 呢場G3整體對手唔算強有力一戰

[ 本帖最後由 KIRIN688 於 2023-9-3 11:30 編輯 ]

KIRIN688

話咁快又一季開爐

頭場五班千六老西都繼續追飛來勁 啲操練辣到前所未有 用埋布文夠誠意 Q腳方面柒頭叻散倉隻揚威四方開始上緊就俾韋賊接手 騎練輪住操排埋二檔好跑

比卡超杯又見金鑽貴人即係唔駛賭 但肥文喺其他場次出馬都幾惡 想一出打快攻爭取再練多一季？第六場直路賽紅海風帆插班編正常分數而對手相對唔強 艾道拿騎開可信 半冷魅力一丁 計同程輸俾不可擋同怡心聲水平個分跌到40分照計係反彈好時機 當然馬性反覆就考慮值搏率
第七場肥文又有牌面馬綫路神驊 上季煞科排檔不利都有P 今次一檔形勢大利 最強對手當然係腎虧潘趁何堯未出得就攞嚟騎嘅能文能武 直落贏三場同程越贏越易 同樣好檔機會唔差得過綫路神驊
第八場腎虧潘同田雞嗰兩隻退出 形勢對馬林有利 主動跑法檔好而本場超過一半馬匹負磅差距都係八磅左右 對手之中駿行星雖然未贏但連番入位算準 換返艾道拿要留神
尾場新力高升輸完打比後就抖暑 6月已經重新做功夫 雖然加到134磅但千四始終係首本有好檔 難以捨棄 Q腳方面肥文另一隻牌面馬紅愛舍越跑越進步 受讓新力高升九磅絕對有力一戰

[ 本帖最後由 KIRIN688 於 2023-9-9 18:06 編輯 ]

KIRIN688

開鑼日肥文大搏殺結果全部位置交代 星期三晚嗰幾隻唯獨睇好第二場紅海勁 上季初出已經跑同程睇明顯唔會咁短 今場有四檔幾好跑 對手之中睇唔透架勢奇爸 以上季初出同一先生 紅運泰斗呢啲三班馬撼而今場落四班佔盡班利 周仔仲上埋從化幫手試大閘似想一出就搏
第五場腎虧潘又有隻牌面馬精彩生活 小弟承認低估左佢 上季踏入六歲先爆發喺現今香港馬圈算少見 雖然排檔表面麻麻但有赤馬雄風同金寶兩隻放頭就好跑 最強對手當然係博望坡 同樣排檔好而谷戰始終有把握 熱食都要拎嚟過關
第七場三班一千 又見輗多福 人和家興必有步速 搏隻可以守好位嘅怡勁力 靠贏谷千二嘅往績擺嚟呢度級數高哂 早已經俾艾道拿操鬥志無疑問 另一選就係路程專家帖木兒 上場同程幾乎殺低四季醒路有專長 出動到布文依家唔搏之後啲質新馬上嚟就更難交代

尾場少見有幾隻放頭馬例如八駿巨昇 雅典武士 心想事成 包裝伯樂 步速必然快 買後上馬越駿知己同穿甲鷹算數

[ 本帖最後由 KIRIN688 於 2023-9-12 20:40 編輯 ]