KIRIN688

引用:

原帖由 鴻略 於 2023-7-6 18:09 發表


講開畢奇同摩加利，可重溫當年凱旋門大賽，一併欣賞他們的騎姿：
1981 Prix De L'Arc De Triomphe Gold River Inc Replay - YouTube

你講幾場都不易賭而不易有分頭。鄭廄馬視乎情況，如眾歡笑難得復起，估計星期日仍會搏。 ...

畢奇嗰年騎邊隻？跑第幾？

KIRIN688

引用:

原帖由 鴻略 於 2023-7-6 19:23 發表

外檔追趕金河跑第三那一匹，賽後隨即與摩加利握手。


第二場精靈勇士跑第三幾乎追及狀元及第，輸檔位。其實復出後只跑過一場千四，路長且對手級數高，不作準。之前一千直路相當有水準。 ...

唔記得精靈勇士係留住都得 不過呢啲歐洲嗰啲短途馬普遍水平始終差澳紐一班 就算魔頭仲繼續練頂多都係爭下G3

KIRIN688

引用:

原帖由 鴻略 於 2023-7-6 20:37 發表

第四場我同你又犯錯，上次已講平行時空千八跟得太急，回到二千二，同香港精神串半翻版Q(頭馬威武勇駒今次不在)，正路到極有40倍，走雞......

就係諗住雪茄鄭上岸 結果就唔買
星期日又講三場
第九場四班千六 腎虧潘又有隻牌面馬勤德威力 同程四戰全入Q路有專長 半冷心水睇住隻幸運雄威 跑第三場已經係千六仲上埋名 上場754場次際遇極差結果全程無乜點騎過 換埋艾道拿似乎係想求交代
第七場四班千四 都算難搞 揀左隻先就係馬王同主嘅金鎗武士 跑四場基本上跑法同馬王一樣定左形後上馬 前一場初跑同程撞正落雨跟前結果全無後勁 上場跑返正常場地用返後追交出應有水準 唯一疑問就係跑嗰陣開哂燈唔知有無影響佢作賽心情 不過揀得佢梗係希望無 燉馬馬房隻可愛新星上場一近即刻又俾腎虧潘搶 不過初上千四對著其他跑開同程嘅舊馬有啲下風 成熱就對賭攻擊 倒不如要返抽四檔隨時再賺形勢嘅進優自在
尾場形勢平均 無乜邊隻突出 都係信神仙 魅力一心睇外地賽績同喺香港頭幾場表現應該係遲熟馬 但越嚟越入局 760場次同程想搏入面就塞但都有第三 跑到尾場入面啲地踩到八八九九 如果巴度肯立心飛出去嚟個大外一氣隨時有意外收穫 同佢跑法同處境差唔多仲有隻馬爾代夫 都係被動但勝在上場贏馬後只加左三磅孭125仍然有利 呢場三班水準唔高要殺入一席可以做到

[ 本帖最後由 KIRIN688 於 2023-7-8 21:26 編輯 ]

KIRIN688

引用:

原帖由 鴻略 於 2023-7-9 16:53 發表

這幾場我的看法不同。

第九場非常亂局，勤德威力上次負於路路爽，後者之前狀態未復換來減分極多，上仗贏得易，羅廄馬好開就好，尚有回升餘地，前置馬，14檔切入二疊亦非難事，機會不在前駒之下。幸運雄威前仗跑第三算不俗，落後發財 ...

光明又叮 燉馬房睇嚟收硬警告信 星期三隻競駿光輝無左戴文高又跑谷戰又加左分 今次唔敢再追

KIRIN688

引用:

原帖由 鴻略 於 2023-7-9 19:27 發表

可能因為黃俊換潘頓變成雙重加磅，上次出腳挺，今日跑姿都變形；第七場可愛新星增程輸到無影，根本可以繼續跑千二，不過看票數都似冚旗，同着着領先一樣，自知收檔。另外進優自在早段不夠積極結果越封越後，末段有勢，若早段頂到金鎗 ...

買進優就係俾巴度激死 咁樣由9隻自來金走 直頭要屌 就算贏唔到起碼有P 搞到後面勤得威力中嗰條Q仲嬲 魅力一心反而又唔肯縮去後面 好撚嘢

谷戰最後一日四場心水
第三場紅衣火旺又抽好檔但加到134磅已經有難度 贏面比之前兩場低 至於迎樂同前風上場希威森都騎過最後佢揀迎樂 上場恰如其分入Q 目前分數要贏唔難但今場檔位外移未必有咁夢幻形勢 前風俾腎虧潘 叻就唔叻又係跑際遇 今次個二檔幫好多 大舊石搏得到就搏 揀多隻就飛騰騅 又係得一招跟前守好位搵食 抽三檔機會提升
第五場一打開排位已經唔諗咁多 太多馬似是而非 索性興高采烈搭金德義呢條翻版Q算
第七場競駿光輝終於上場賺盡形勢贏返場 八檔睇際遇就算換布文都唔睇好 當然再揀博望坡 老早喺澳洲已經贏到二千米 今場增程更合腳法 仲有埋個一檔就真係四平八穩 另一心水滿月 兩個月前同程腎虧潘又腎虧hea騎結果俾倒屎告誡 連佢咁撚寸咀都要被告誡肯定隻馬大把喺手 換火車潘仲好分多幾銀
全季最後一場谷戰二班1650 退出添濼意同超好日子補出嚟嘅其中一隻斛斗雲令到成場馬形勢大變 斛斗雲啲運氣睇嚟仲有 第二後備都補得出仲要係3檔食胡位 上場放頭其實都唔係最好跑法 呢場有自己人隻總理同電訊巴打開路非常好跑 俾艾道拿應該都有分頭 配腳方面又龍串鳳上場個第三係無威脅但始終係安遇跑谷戰太勁 咁樣彈甩贏非戰之罪 四檔更容易跑 呢場總理同電訊巴打放頭必有步速 加多隻賺步速之利嘅勇猛神駒 1650係短啲希望快步速形勢搭夠

[ 本帖最後由 KIRIN688 於 2023-7-11 21:01 編輯 ]

KIRIN688

話到無咁快又一季 不過暑假又有海外馬睇 雖然嚟緊先播新加坡打比不過小弟對新加坡馬毫無興趣  等到英皇錦標先寫
煞科賽心水4,8,10同11場

第四場香港精神同發財秘笈又碰頭 香港精神之後谷戰大勝換嚟頂磅仲要落返千八 論贏面不及以逸待勞嘅發財秘笈 Q腳方面諗下勝利之皇 轉光頭蘇後開始穩步上揚 當然有部份原因就係上手高佬新hea練 增程二百更合
第十場柒頭叻陣營差兩場非四班頭馬先掂 最後一個賽日大曬冷 天天得樂今次有四檔好跑 贏唔贏到睇天 另外佢徒弟小巴榮跑埋呢日就收山 雪茄鄭護級成功就雪中送炭彈隻上場爆入冷Q嘅好如意俾佢 雖然嗰場係其他馬失準但睇當日嗰場分段時間其實唔慢 今場繼續有二檔應該可以唔駛點用力就帶出 小巴榮能否贏馬光榮收山睇佢
第八場杯賽大熱必然係自勝者強但今次又孭133磅 上到一班呢個磅要讓磅其他實力接近馬匹係幾蝕底 首選綫路之星 同程有根據而上場精英杯用中置後追都入Q反映隻馬進步 雖然孭131磅但用布文減少死磅更好 三檔跑法有利 如果有雨更好 半冷安遇 上季煞科同程最後一場殺低自勝者強至少證明實力 上場谷戰三疊望空返嚟仲彈甩贏進步好大 跑返沙田必定火燒唔熱搏得過
全季最後一場二班千二 順勢而飛匆匆再戰但一下子加廿磅點都唔會揀 766場次大熱死火嘅金馳再抽11檔更難跑 威哥一對相信不分正副 包裝必勝跑返千二點都好過千四同谷戰 出路已經唔多又好檔 先揀 同馬房心之行算準只係上場撼嫡愛心後隔廿日先復操有疑點但之後課期正常 跑法簡單易發揮 串QT必然加入 加多隻美麗奔馳 雖然贏馬加磅都係孭127唔算重 8檔估計都係留後 搵到遮擋仍有機會爭三甲

[ 本帖最後由 KIRIN688 於 2023-7-15 19:53 編輯 ]

KIRIN688

英皇錦標今年有11隻跑算多馬 全場嗰兩隻三歲馬多產巨匠同鋼鐵大王首度挑機年長馬 以呢兩隻馬喺葉森打比後再跑嘅水準嚟計 進度睇落未夠 投注上唔考慮 先要衛冕盟主致勝一擊 贏完上年呢場賽事有啲傷 幕後索性抖到上個月夏域錦標復出都贏 可能係遲熟份子 連埋嗰場跑同程三戰未輸過 學張福元所講串QT必要加入 第二隻就係咸頓酋長陣營嘅命令 同致勝一擊一樣上年年中後無上陣 今年復出揀場格烈準將錦標熱身後就瞄準呢場 又係雅士谷同程未甩過前三 另外一隻上流貴婦上年呢場大敗極可能係之前葉森橡樹撼得太勁回氣不及 今年無遠征中東先贏加冕杯而之後日蝕大賽輸俾帕丁頓不過係輸分齢讓磅總算回復水準 FRANKIE最後一次跑英皇錦標梗搏老命

[ 本帖最後由 KIRIN688 於 2023-7-29 07:05 編輯 ]

KIRIN688

星期二光榮古活賽期第一日戲肉 G1跑兩哩嘅古活杯都無乜好評 路遙知馬力難爆冷 之前雅士谷金杯一Q返嚟嘅壯膽識同好勝駒單打獨鬥格局 三重彩頂多加埋古摩陣營嘅巧詩才
重心揀之前嗰場三歲以上G2里諾斯錦標跑千四米 高多芬隻愛星河因為今年贏過G2要罰磅 首選湖畔鄉鎮 正宗千四馬可惜歐洲嘅千四米大賽少之又少 凱旋門日嘅森林大賽已經係最出名 今年未贏馬變相賺磅 一檔好跑 次選方面高仕登嘅旁觀者清七月頭休後復出喺G3準則錦標贏得輕鬆 夏偉寧雖然係高仕登副帥但能力其實唔差 呢隻仲要騎開人馬溝通無問題 湖畔鄉鎮有乜差錯呢隻可取而代之 三選方面如果場地偏淋嘅話法國二千堅尼第二嘅建州立國都要留意 上場對帕丁頓全無威脅 今場降格落返嚟千四換返熟手嘅李輝加埋場地有權變身

[ 本帖最後由 KIRIN688 於 2023-7-31 21:13 編輯 ]

KIRIN688

古活賽期第二日戲肉G1 薩色士錦標跑一哩 又係評無可評 古摩嘅帕丁頓加埋高仕登嘅旋進軌跡控制大局 搞到只有另外四隻馬敢出嚟 因為總獎金一百萬鎊 就算跑包尾都有萬幾鎊 其他馬當然想安安全全跑完攞獎金就算
另外分析兩場就係第三場同第六場
第三場兩歲G3摩金錦標跑直路一千 同雅士谷上斜唔同 古活嘅直路賽係落斜 氣量要求相對無咁高 上場雅士谷跑温莎堡錦標輕勝嘅份量十足勝在主動 喺23隻馬場合都殺出重圍睇嚟鬥心唔錯 另一選就係連勝兩場嘅奇力兒 上場去沙丘園跑同程表列賽換莫雅一加速就大勝 原庄配搭去古活挑戰G3 估計跑法都係吊住份量十足嚟跑 雖然唔係波士古摩馬但莫雅跑外線馬都好少揸流攤
第六場三歲以上馬女分齢讓磅賽跑二千 以當地評分範圍睇估計等同香港嘅二三班賽 都係集中喺孭磅130樓下三歲馬女 首選就係猛獅怒吼碩果僅存產品之一嘅攝政女后 雖然之前賽績都係膠沙但以父系嚟講應合草地 古活馬場氣量要求無雅士谷咁高 加埋幾乎係馬主半個主帥嘅莫艾誠出戰唔需懷疑戰意 次選美人島同樣出賽唔多但上場大炒對手 上班減磅算好跑 另一選就係古摩陣營但交俾韋利安訓練嘅靚飾 勝在有一檔跑法機動得多

[ 本帖最後由 KIRIN688 於 2023-8-2 16:55 編輯 ]

KIRIN688

古活賽期第三日玩兩條Q單棍過關算數
戲肉G1蘭秀錦標 馬女跑二千又係評無可評 法國一千堅尼同法國橡樹盟主靛彩薇作客向凌雪飛挑機 雖然咸頓酋長陣營隻偉石堡上場係贏凌雪飛但當時係G3跑膠沙 高仕登又點會咁早就谷起凌雪飛 之後嘅法爾曼斯錦標就現真身 呢場得六隻跑估計凌雪飛又係睇住靛彩薇跑 雖然好地可能最好但其實上年歌劇錦標入Q都係爛地 場地對佢嘅影響唔係咁大 當然靛彩薇優勢在主動跑法同埋三歲馬女有八磅受讓 條Q熱食都要
另一場第三場三歲G3 哥頓錦標跑哩半 古摩陣營派今年只跑過一場嘅諜探出戰 上半年完全唔出留待下半年搏殺用意明顯 而且之前跑嘅賽事全部變化地 古活馬場呢幾日落雨對呢隻馬毫無影響 對手唔多之下坐二望一 最強對手就係藍營高多芬但擺喺老牌練者crisford倉嘅對弈棋子 前一場女皇瓶個第三無威脅應該係二千八米路程太長 落返哩半啱波路

[ 本帖最後由 KIRIN688 於 2023-8-3 17:32 編輯 ]