KIRIN688

皇家雅士谷賽期第四日
第四場G1加冕錦標 三歲馬女跑轉彎一哩 形勢單純 主力都係睇愛爾蘭一千堅尼嗰場 前三再碰頭 首選都係阿加汗名下嘅蹄起勁 如果唔係之前英國一千堅尼輸俾望潮早已係四戰無敗 之後喺愛爾蘭一千堅尼順利補中 鞍上人基士希斯騎開四平八穩 Q腳都係冤家 同蹄起勁第四次碰頭古摩陣營嘅凝神靜想 之前三次碰頭都係輸 但對比同場其他馬個績已經算突出 至於嗰場第三嘅對話感覺係其他對手失準就入嚟 換布宜學又睇幫到幾多

第六場G2愛德華七世錦標 三歲馬仔跑哩半 1號昌榮千里因為對上一年內曾勝G1就罰磅加3磅 隻馬今年都係平平無奇 加埋磅更難跑 除左佢之外同場另外三隻上場都跑葉森打比 名次最好就係跑第二嘅鋼鐵大王 嗰場係驚喜 大幅增程 完全無熱身情況下幾乎劏古摩軍團 今場得六隻跑要贏返場攞尾彩難度其實唔高 對手之中高仕登拍FRANKIE同朱德望陣營嘅追捕上場太失望 當然可歸咎臨場周身大汗沿途際遇差 呢場個檔算好跑但如果都贏唔到可能要重新估計佢能力

主題賽事G1英聯邦杯 三歲跑千二直路 陣中有幾隻喺之前一二千堅尼大敗而縮程跑呢場 其中一隻就係古摩軍團嘅大熊仔 英國二千堅尼明顯路程不合包尾返嚟 三星期後過希鐸跑返千二 G2搵FRANKIE客串現真身 嗰場跑第三嘅調酒源流就喺前晚皇席錦標挑戰年長馬仲贏埋 水準得到印證 典型正宗六化郎馬 主帥親征梗鍊盡 最強對手就係個績同大熊仔差唔多 同樣跑千二非常出色 但上場走去跑英國一千堅尼同樣大敗嘅動物園 不過呢隻馬之後操而不戰等今場千二 FRANKIE搭莫雅呢條冤家Q走唔甩 至於第三勢力同樣又係千二耍家 又係跳程跑英國二千堅尼食悶棍嘅颯驥 以上年贏G2水車礁石錦標嚟睇千二能力係唔差得過動物園同大熊仔 易健寧喺今個皇家雅士谷賽期無乜好座騎 呢隻已經算暗牌馬之一

[ 本帖最後由 KIRIN688 於 2023-6-22 21:39 編輯 ]

KIRIN688

皇家雅士谷賽期最後一日

第四場G2夏域錦標 四歲以上哩半 英皇錦標前哨戰 上年英皇錦標盟主致勝一擊久休復出跑呢場 態肯定未夠 觀望 首選就係上年加冕杯贏致勝一擊嘅命令 贏完後要到今年格烈准將錦標復出但照贏稱冠沙漠 跑一場後只會更好 呢場無嗰條贏G1就罰磅規條更有利 JIM CROWLEY騎開熟悉馬性 其他馬都唔易揀 古摩嘅換崗儀式上場同樣久休復出不過不失 係勝在呢個場贏過但感覺未到位 FRANKIE嘅風隨心計近績係唔錯但全部都係馬女賽 呢場係考驗 有一定機會但唔壓一 不明係川河系何生嘅川河威駒 國內戰績其實好準 二千八至三千大長途馬而初出哩半唔嫌短 趁其他對手各有一定隱憂就先下手為強


第三場主題賽事 G1女皇伊莉莎伯二世禧年錦標 總獎金100萬鎊直路千二 皇席錦標跑第二嘅喜菲皇女決定匆匆再戰 如果唔走樣嘅話三甲穩入但想贏要問過其他馬 其中一隻就係FRANKIE嘅湖畔鄉鎮 上年呢場馬表現普通但下半年就爆發 英國冠軍短途錦標手到拿來 今場蝕底在久休初出 但另一角度睇練馬師似係想搏第一鋪新鮮感 FRANKIE騎師生涯最後一個皇家雅士谷賽日戰意唔需懷疑 至於福逸正如之前講 下半季個form跌得太勁 有位置純粹係其他馬更差 用莫雅隨時係隻馬競賽生涯最後一擊 冷門搏下haggas拍馬昆嘅聖駒 純粹同湖畔鄉鎮一樣靠縮程賺氣量嚟突擊 唔會話贏得但三三四四唔敢講

皇家雅士谷賽期壓尾一場都係擺呢場全賽期路程最長但獎金極低嘅賽事 總獎金十萬鎊亞歷珊卓皇后錦標 超長途4330米 今年得十隻跑包括對上兩屆呢場頭馬層層遞進 但隻馬今年已經十歲 仲有幾多戰力真係唔知 呢場唔睇好佢可以三連霸呢項錦標 學張生勉強提供兩隻 第一隻就係擺莫雅上去嘅天初亮 跑幾場跳欄有馬贏後前一場跳欄就拉停 抖一排復出跑場平地G3嘅二千八米熱身入位置 之後就直指呢場四千三米 6歲喺超長途同跳欄界別算後生 跑體力一瓣夠殺 其他馬實在水準參差不齊 揀多隻就搏下君權核心 祁義理呢位昔日騎FRANKEL紅透半邊天而近年都無乜好座騎 主力都係跳欄 呢隻有四千至五千米跳欄經驗 而平地賽績三W又似乎無想像中咁差 睇能否幫祁義理攞返個尾彩
PS：命令退出咁就川河威駒搭風隨心單Q算

[ 本帖最後由 KIRIN688 於 2023-6-24 19:06 編輯 ]

KIRIN688

星期日本地賽事四場心水
但其中三場排位後已經有 無乜時間打咁多
精英杯就神仙Q
第6場同精英碟都係東蔡Q
當中第6場告仔要左美麗奔馳
第五場四班二千米杯仔場合 亂局一場 有部份馬成日碰頭例如九龍神駒 香港精神 奇妙年華呢啲 但有幾隻初上二千係暗牌馬 其中一隻就係發財秘笈 幾場泥地步速不利但都追到一段 草地能力喺之前嘅千四米都近過 睇官方血統話媽媽嗰邊有馬贏到哩半 有理由相信呢隻跑二千可能更好 另一隻一支箭上場已經買但直路塞車無騎過艾道拿被問話 之前已經話隻馬出自紅杉木同樣可以再跑長啲而換腎虧潘 白頭佬呢排殺得性起要留神 再多隻配腳雷霆戰駒 同發財秘笈一樣草地能力唔會太差 呢場一至十號馬孭磅127以上出現斷層 雷霆戰駒只孭119實際係有利

[ 本帖最後由 KIRIN688 於 2023-6-24 17:45 編輯 ]

KIRIN688

引用:

原帖由 鴻略 於 2023-6-24 22:28 發表

福逸下半季回落而未至欠競爭力，估計與季初相差四個馬位及與贏國際賽差兩個馬位，惟莫雅肯騎，當地馬可能更弱，儘管看看休後新鮮感是否有助回復狀態，精神上支持 ...

起步起擒莫雅撞爆鼻爆缸 不過就算無發生呢件事睇走勢都唔似有三甲 英國啲短途擺明大混戰 跑錯一步都死得
至於今日嘅日本寶塚 之前瞄得對贏威爾斯親王錦標 令到喺司馬經典贏到對方無得跑嘅春秋分熱上加熱 買條三重彩指定佢第一拖另外兩隻算 第一隻當然係天春盟主駿天宮 鮫島騎過知點跑 攝到有cover就有三甲機會 另一隻吉典娜睇嚟又係同速度大師一樣遠征X 返嚟主場阪神換豐哥希望有更好發揮

[ 本帖最後由 KIRIN688 於 2023-6-25 09:14 編輯 ]

KIRIN688

引用:

原帖由 鴻略 於 2023-6-25 15:05 發表

攝了另一匹跑第二。春秋分整個彎位八疊照贏，不過二三四名都飛到好出，似香港跑爛地。

速講第一場。只有善傳萬里及星河小子有近績支持，Q亦一面倒，太熱就作膽賭T。難贏馬世澤歆星勝後加分已欠競爭力，博其他冷門，一是星洲之 ...

近兩年入親場都輸 都唔知係咪自己黑過墨斗
星期三只賭兩場算
第五場四班1650第二組 英資老牌怡和杯上次買嘅飛來勁一起步同對手撞完就墮馬算黑仔還好無乜用力 之後整多個泥閘 千二根本係短當然無嘢睇 今次排個一檔老天俾多個機會 Q腳樂捉鳥跑谷戰原來都得 咁就唔愁無出路但明顯唔係放頭馬 俾返騎兩次都入Q嘅周仔要防

第八場忠誠駒又有好檔先揀 本來有諗無心睡眠但130磅係最大阻力 就算腎虧潘騎都唔睇好 如果真係贏到上岸唯有當抽水 至於兩個星期前748場次開始接近嘅大學生證明個分已經減過籠 嗰場其實隻馬內閃無法全力衝刺 換霍阿仔又睇搞成點

[ 本帖最後由 KIRIN688 於 2023-6-27 17:32 編輯 ]

KIRIN688

引用:

原帖由 鴻略 於 2023-6-28 01:04 發表

你入場是否要兼顧拍照？選馬時間或不及留在家多。

第五場仍覺飛來勁不夠班，當然排一檔而大冷則一拖無妨。樂捉鳥上次輸外檔而前次中上級別內檔入Q，今次中檔屬前列份子，際遇好則有機爭勝。同場最看好金德義，田草千六屢有好 ...

無乜關係 三星期前入場食餐廳都係輸 無心睡眠睇臨場飛數先決定係咪加埋

KIRIN688

引用:

原帖由 鴻略 於 2023-6-28 19:59 發表

第四場首選的迎樂，今日落飛甚多，但仍超值。配腳揀三匹，勇眼光及勇威神駒近仗連番外檔都有兩仗後上入Q，跑出相若水準都屬前列份子，另外再跟星際精英，前仗檔劣甚有水準但上仗檔佳反而沿途人馬角力大敗，今次縮程而同場有快馬拉 ...

勇威神駒真係超 又有排贏
賽事頻密 71只賭三場
第四場爛杯仔二班二千米 第一隻劃走一定係晴王 上二班 千六跳程二千 仲要整個14檔 雪茄鄭要上岸睇怕要等愛馬善跑星期一晚嗰場先有機會 首選當然係遮打杯輸俾將王同浪漫勇士跑第三嘅錶之五知 G1降格跑二班只孭多四磅著數到暈 12檔反正縮後追問題不大 Q腳方面百勝名駒呢個分本來可以報谷戰煞科場1650但就決定跑呢場 差唔多兩季無跑沙田但其實初嚟香港跑幾場沙田都唔差 喺愛爾蘭贏千六估計香港跑二千應合 2檔啱哂佢守好位 黑馬 補充返T腳勇猛神駒 上場落完雨完全無得追難作準 沙田二千跑七場雖然未贏但都有三場入Q 換布文未可忽視

第八場本季最後一場直路賽焦點必然係實現夢想 初出靠天生速度已經贏到甩哂 到上場刻意教馬留都照贏 呢場幾隻快馬開路佢就好跑 雖然加到132磅但影響估計不大 相信都無乜邊隻贏到佢 Q腳都係呢個路程準又好檔 上場輸變化地嘅不可擋 雖然呢場有輗多福喺度但馬本身只要跑啱自我節奏足以入位 當然要贏實現夢想應該好難
第五場四班直路賽 步速應該幾快下 要兩隻貼看台檔位嘅 第一隻精英至尊 以485場次嗰場三班被夾跑第五計呢度根本超級 貼看台14檔睇希威森係咪兵行險著跟前啲咬住放頭嗰幾隻 高佬新就88點都要搵水尾 另一隻就係近期馬房好手風嘅添開心 上場有飛無影後上從化 周仔連從化個大閘都照上去試幾有誠意 11檔十分好跑 本來計近績善財童子喺呢組係機會馬可惜執個1檔難跑 焗住縮後面太被動 成熱放棄

[ 本帖最後由 KIRIN688 於 2023-7-1 10:23 編輯 ]

KIRIN688

星期日三歲G1愛爾蘭打比只賭呢場三四重彩 其實都係葉森打比入哂前四嗰三隻控制大局 多產巨匠嗰場大幅跳程哩半都贏 返到主場單係自己友都有六隻護航 咁都輸得嘅話真係抵打 葉森打比分列三四嘅高樺勝雪同狂放球星如果計配搭嘅話狂放球星同霍禮義騎開會好啲 至於高樺勝雪就係差在無一個固定騎師打理呢隻馬 上場入位嘅簡國能不幸停賽無得跑 連埋今場已經用五個騎師 還好就係演出仲算穩定 呢位Dylan mcmonagle又即管睇發揮差唔差得過簡國能 買四重彩嘅話多產巨匠指定第一應該走唔甩  高樺勝雪同狂放球星買複式指定二三 至於指定第四搏好分少少就揀岳伯仁另一隻 上場女皇瓶有揀跑得差嘅京劇 可能二千八對佢嚟講太長 縮返嚟哩半而無啦啦叫馬昆過嚟愛爾蘭跑肯定有古怪

[ 本帖最後由 KIRIN688 於 2023-7-2 13:02 編輯 ]

KIRIN688

下星期一賽事
講第三場先 雪茄鄭要上岸最大機會一定係愛馬善 連個天都幫埋再抽三檔 雖然上場好似贏得險但腎虧潘睇著嚟食 最強對手就係神仙嘅連連勝利 上場起步大漏閘早已斷送爭勝機會 兩星期後匆匆再戰換布文 起步無乜意外嘅話以田草夜馬普遍利前置嘅形勢佢有權偷襲
第四場都無乜好評正路都係能文能武 雖然加到133磅但上場贏馬姿態嚟睇加分阻力唔大 Q腳方面燉馬馬房啱啱大豐收食埋馬房Q但仲要追數護級 一舖縱橫上場同能文能武同場臨尾緊迫發揮唔到 今場3檔相當好跑 場地有變嘅話可能仲大威力

第七場喜蓮勇感又係正路選擇 第一季香港服役以愛爾蘭馬嚟計已經算係咁 距離上場隔五星期休息夠時間回氣 11檔搵到cover嘅話贏面唔低 Q腳又係布文隻特別美麗 738場次落狗屎後場地有變雖然受惠走有利場地但證明呢啲地都得 呢排天氣不穩如果又有雨就同隻一舖縱橫一樣機會大大提升

尾場都幾多好近績嘅馬 不過都揀唔到咁多 當中威力奔騰初上千四而上場贏嘅只係祥勝霸駒 水準未必好高 呢場太多千四好手而佢就初跑呢個路程 投注價值唔高 首選有好檔添濼意 爆缸後抖夠復出孭頂磅都贏 體力嗰方面仲係十足 上二班減十磅又五檔好跑 Q真係不作他想 至於757場次同程前三再碰頭 嗰場慢步速就係前面呢三隻返嚟 九五赤兔今場檔差左而上場用力唔知係咪keep到 美好世界贏馬後加到132磅同樣檔位外移機會無上場咁好 縱橫天下係準但分飽和頂多三重彩腳 反而紅愛舍呢隻越贏越易 同添濼意一樣上場頂磅贏唔知仲有幾多在手 呢排個地偏淋對佢發揮有利 一檔多數跟前啲  如果立心唔要欄可能仲好

PS：尋日報紙影到飛機陳真係老當益壯 98歲都唔駛篤拐杖 要問下鴻兄佢贏老魔頭攞冠軍嗰年 其實贏幾多場？當中聽講話畢奇嘅功勞唔小

[ 本帖最後由 KIRIN688 於 2023-7-2 20:51 編輯 ]

KIRIN688

引用:

原帖由 鴻略 於 2023-7-3 19:02 發表

見到三人照片，摩加利慣常熱情搭住飛機陳肩膀。78-79年度飛機陳以62比50壓倒老摩，畢奇當季來港先是代替受傷的摩加利，為老摩贏6場，摩加利復出就騎其他馬房，前後為飛機陳贏14場(頭幾匹是一騎就贏)，另為其他7個馬房各贏1匹。 ...

畢奇唔係遭逢不幸嘅話成就肯定更高
星期四晚谷戰尾場全不好賭 集中雙數場次場合
雪茄鄭成功上岸之後得返四個賽日佢啲馬唔駛睇 反而燉馬馬房會留意下
第二場二班一千 先劃走三隻跑唔返嘅精靈勇士 平海歡星同狀元及第 短途跑火氣 再劃走就係上場谷千二守好位騎落唔多嘅伊臣 仲要縮落嚟一千睇怕落腳唔夠快 餘下Q之選就係呢條695場次直路賽翻版Q勝不驕搭當家精神 當中當家精神其實兩場同程表現唔算差 今場得六隻跑攞位應該相對容易 勝不驕更唔駛講 連直路賽都贏得 今季跑得三場又係贏體力
第四場四班二千二 腎虧潘又揸住隻管之友呢隻牌面馬 742場次未到終點就收韁擺明仲有分喺手 隔三星期休息時間夠又例課無缺 Q飛唔甩 另一選本來諗香港精神但一嚟預計成熱門條Q肯定唔好分欠值搏率 二嚟個幾月之內連撼兩場勁嘅 休息時間係管之友嘅一半睇怕未必回夠氣 搏分頭就要燉馬馬房嘅電訊犇豹 季初肌腱受傷到四月出返嚟跑幾場唔算輸到離行離列 上場對著管之友仲有衝勢實在唔差 當然小疑點就係跑完隔成11日先出返嚟係問號 不過今場個一檔算好跑 馬房仲要追數護級梗搏盡
第六場四班一千 絕大多數馬都似是而非 上場力拼僅敗嘅胡椒軍曹整個11檔未跑死一大半 搏隻好分啲就係爆缸抖左三個月復出嘅為你鍾情 草地只跑兩場沙田未證明到谷戰唔合跑 爆缸後返從化重頭做起 返嚟水準最低嘅谷一千加埋五檔 憑新鮮感加布文之助 殺入一席唔奇 另一隻就係前速夠快 呢個路程更有證明嘅顏色王子 擺明唔叻係睇際遇 放得出嚟就有胡叫
第八場四班千二 歡樂至寶初出啲步法仲係生但輕易彈甩後面 雖然由冷變熱但今周四班千二又拆組拉低水準好難唔揀 Q腳方面日新月著雖然未贏但例衝一段 呢場電子兄弟同上校呢兩隻電兔快放對佢有利 三檔可以守五六位上山嘅話位置一席應有

[ 本帖最後由 KIRIN688 於 2023-7-5 21:49 編輯 ]