KIRIN688

引用:

原帖由 鴻略 於 2023-5-31 19:06 發表

第三場我另有選擇，精彩生活及中華叻叻上仗包Q，同場的星際精英後上馬排外檔改為搶放試馬，但所負不多，今次抽內檔可輕鬆貼欄留後，減夠分兼狀態回起中，可期反先兩馬，首選。威進駒又回到贏馬評分，前仗排大外檔衝勢不差，今次排一檔 ...

黑撚到 飛來勁起步撞一嘢就跌落嚟😔 艾道拿連番入位係咪逐漸掌握跑道形勢

KIRIN688

星期日第一次黃昏馬
兩場G3打頭陣獅子山錦標擺第三場仲未駛開燈 永遠美麗搭綫路之星呢條死Q走唔甩
沙田銀瓶嗰場金鑽貴人無啦啦出呢場G3都唔知為乜 你話當年大魔頭出馬海整啲高分馬頂高個磅造就自己友就話啫 但又唔代表新上嚟嘅維港智能贏面會大 要返神仙Q速遞奇兵搭好眼光算 計負磅實在有利
全晚重心第八場二班泥地千二 今季最後六場泥地全部喺六月 呢場都係買中下磅馬 型佬全兩隻各壇勝場又好檔先揀 另一隻要返勝意龍 始終呢個路程四W都有根據 348場次嗰場1.4大熱W死火似係孭磅因素多過其他原因
PS：順便祝福當日61大壽嘅立法會議員何君堯 咁盛大日子應該要好好開香檳慶祝😆

[ 本帖最後由 KIRIN688 於 2023-6-4 10:17 編輯 ]

KIRIN688

引用:

原帖由 鴻略 於 2023-6-4 18:55 發表

在某兩件東西敏感的特別日子，我就停戰，但也講講尾場，志勝時機上次初跑千四拋離贏馬，似乎不僅靠軟地之助，找對路程應是關鍵，仍有賠率不怕追寶尾。超級龍珠早前一亞一冠水準至少中上，上次大敗似輸軟地，今日場地正常，可跟多一次 ...

維港受讓20磅都無得撼 估計最多都係第二隻速遞奇兵
星期三又三場
第八場688場次同程有七隻再碰頭 加埋三隻喺671場次二班落嚟嘅 人和家興雖然呢場係三班突分減磅係好跑 但連續兩場撼四季醒用力都幾多下 至於四季醒情況同人和家興差唔多 而今場個一檔喺A欄隨時有塞車可能 搏Q嘅話浪茄仔可能仲好分 688嗰場馬形勢最差係佢都係輸半個馬位 今場檔位內移形勢好得多有力覆桌 另一隻本想揀和氣生財但退出 再追多次旋風飛影 今場85分賽事個孭磅由上場135下調到126非常好跑 而上場都係輸兩個幾馬位係唔差 換上騎後追馬幾硬淨嘅戴文高 出冷唔係無可能
尾場八駿巨昇上場完全贏形勢又一檔無馬搞 加左分後檔位大幅外移對賭攻擊 要返初跑谷戰但有好檔賺形勢明心知遇 至於傑出漢子上場係出色有諗過但再抽外檔又被動 最後轉呔要可以守好位嘅電子宇宙
重心第五場亂局 先要跑形勢搭夠嘅美麗攻略 上場個檔差啲又留後啲騎落都係得咁多 整定隻馬要跟前守好位先有最大威力 半冷心水一支箭 血統睇出自十幾年前香港瓶第二嘅紅杉木雖然媽媽嗰邊係短途但試閘見唔似短途馬 初出千四嗰場落雨都肯追下反映隻馬幾有鬥心 轉場跑谷1650合腳法 艾道拿都摸左幾課 跑啱形勢要入嚟唔意外 再多一隻又係跑際遇勁叻仔 對手有乜閃失跑錯隨時人棄我取

[ 本帖最後由 KIRIN688 於 2023-6-6 21:22 編輯 ]

KIRIN688

跑星期六
頭幾場未開燈當日馬 尾場就有啲出冷味道
頭場三班85分泥地千八烈風跑泥地起碼過百分實力 當然馬膽 Q方面無心睡眠上場田草千六有啲驚嚇 當然唔排除係變化地幫到手 但至少證明仲有作戰狀態 今場有烈風喺度佢個負磅變相有利

第三場三班直路賽實現夢想升班上嚟對手其實唔荒好得去邊 又係穩膽 搏馬房Q嘅話其實都有啲風險 因為日日型頂磅係麻煩 要返減十磅之利嘅怡心聲

第五場本來排位前諗魔頭隻豐盛多彩但一見係呢個廢柴七磅已經唔駛諗 隻馬咁尺寸極難發揮唔係佢騎得起 要返雖然係老退但仲有兩腳大道至正 純粹買雪茄鄭未上岸好戰意而星期六呢兩場泥地完左今季得返兩場三班五班泥地千二 另一隻熟口熟面嘅華卓晴上從化仲整夠兩個大閘先返落嚟 神仙擺明今季用盡

尾場二班千八見龍船狀元 保羅承傳呢啲估計步速正常 先要上班桃花雲 輕磅好跑而愛爾蘭個績早就跑千六 意味著呢個時候上千八係更合腳法 自勝者強再上千八孭頂磅就一定對賭攻擊 Q方面勇猛神駒真係難捉摸但千八又係首本路程 未必贏得但入位不能排除 半冷同舟共濟 去黎昭昇後兩場熱身逐漸上力 檔同磅位算好跑

[ 本帖最後由 KIRIN688 於 2023-6-9 19:18 編輯 ]

KIRIN688

引用:

原帖由 鴻略 於 2023-6-10 17:15 發表

頭場無心睡眠近而無威脅，步速不利，目前可能谷草千六更有勝算。希望愛馬善縮程能助鄭護級，機會不俗但賠率就偏低。

第二場我就送死。跳到第八場博冷門，年輕的赤兔猴王既未見超卓實力亦無同程賽績，一檔的信心之選連番谷 ...

美麗緣份睇落好多問題 一騎全無反應 可能又換馬
星期三話有雨 當好地為準
第二場龍船快睇最近兩場跑法未必一定要留好後衝 守好位有cover應該更好 上場輸檔焗走前面當然無 呢場四檔好跑 最強對手就係開始上揚嘅管之友 同程三零部隊但當時喺季初隻馬未夠又作唔到準 腎虧潘攞返嚟騎唔似玩玩下 白頭佬呢晚出馬似又想玩方生成日噏嘅變倍器
第五場嫡愛心搭伊臣呢條Q上次中 今次睇怕十倍都無 唯一不明就係神仙突然飛田雞換戴文高 但又已經試閘過檔 神仙呢個舉動係奇怪但必有原因 唯有信佢

第八場追返怪獸奇兵 同程首本檔好 Q飛唔甩 半冷心水博望坡 初出唔啱路谷千二入Q以為係fresh 但上場轉沙田千四又有追勁 再增程1650合哂腳法 霍阿仔唔放手當然有理由
第九場待續

[ 本帖最後由 KIRIN688 於 2023-6-13 17:29 編輯 ]

KIRIN688

引用:

原帖由 鴻略 於 2023-6-13 18:35 發表

龍船快上場再度與金德義及興高采烈以相若距離過終點，估計跑出水準但對手級數較高，今次算是對手減弱及谷草有四檔。管之友上仗路短追得勁，之前二千直路突圍入Q，相信現在千八最好，而且兩場對手都很有份量，我較看好此駒。另外 ...

同意平行時空係不明份子 如果聽晚有雨可能對佢更有利
尾場安遇雖然檔差但夠前速而又龍串鳳因應檔位盡快擺前 估計埋二疊問題不大 贏開呢個路程當然繼續追 前文提及白頭佬出馬陣容似想玩變倍 同管之友變倍機會最大估計係增有 早喺谷千二已經有證明 今趟跑1650用戴文高機會猶在
另外第五場補充返如果仲係咁樣落雨法電源之駒呢隻游水馬機會大大提升 當然睇臨場
PS：高佬新散倉 魔頭父子有份嘅豐盛多彩會去黎昭昇

[ 本帖最後由 KIRIN688 於 2023-6-14 17:39 編輯 ]

KIRIN688

引用:

原帖由 鴻略 於 2023-6-14 20:14 發表

平行時空今日迫得太前，跑千八不同二千二。

尾場增有固然有谷千二績，田草千六比千四似高一截，跑谷草1650應甚有威力。


第六場心想事成及加非凡屬正路選擇，稍嫌熱，保險腳可揀必先生，你我跟過但失望，估計不能負重，現負126磅 ...

必先生要放棄了 隻馬越弱愈弱
星期日又嚟四場單棍 但尾兩場三班賽唔識評 唔賭 之後一連五日皇家雅士谷賽期 初評福逸講真用莫雅都唔敢樂觀
第六場三班千八 呢場睇落放頭馬少 對問題馬競駿光輝嚟講可能係黃金餐士 睇同程爆冷腳嗰場根本喺三班企得穩 燉馬馬房屎忽痕跑兩場谷戰仲要搞到波仔身敗名裂 今次居然咁早搵定戴文高操幾課 依家63分真係唔敢講係咪去馬定係想輸多一兩場下季落四班 睇飛做人 反正條友今季肥左都係第一封warning Q方面周遊列國開始上力 同程三戰輸得遠嗰場都係心律不正 三班輕磅點都好過四班負重尤其季尾階段
第五場四班千六 先揀睇住呢場嚟報嘅大力猴王 落班即刻搵黃智弘減十磅對手比之前三班水一截已經虎入羊群 跑嗰陣應該仲未開燈個一檔實在好跑 Q腳都正路要發財大師 上場起步有意外結果後追不及 正處上升期而不受場地限制點都揀返
第八場二班千四 九五赤兔上場千六幾乎連自勝者強都偷到 能力嘅表現 呢場放頭馬唔多 起步只要順利帶出已經叫胡 配腳方面本來計檔縱橫天下形勢有利但近幾場都係P似個分睇嚟飽和 三重彩先考慮 要返千四能手喜旺駒 呢場得十隻跑走位容易而且跑C加3欄飛出去啲路段可能仲好追
第九場泥地三班千二 今季最後一場泥地 651場次同班同程頭三再碰頭 檔位同磅調整後秤先八心八箭 11檔變1檔形勢有利得多 嗰場贏佢嘅晶晶日上跑法機動但再加磅上到131磅隨時輸埋門幾步 配腳 不明係田大少嘅鈁糖武士 健康X所以今季出得五場 其實三班谷千二大把賽程偏偏方仔就報泥地 之前停幾日但十日前整個泥閘睇落無乜問題 11檔縮住留後衝早證明係最大威力 廢柴騎師無乜實力座騎呢隻算難得人馬合拍 真係好自為之

[ 本帖最後由 KIRIN688 於 2023-6-17 21:35 編輯 ]

KIRIN688

又到一連五日皇家雅士谷賽期
第一日三場G1最亂嗰場一定係皇席錦標 最後先評
打頭陣女皇安妮錦標四歲以上跑直路一哩 四平八穩當然係高多芬嘅現代遊戲 未去到FRANKEL呢啲馬王級數但一瓣忠心準繩 買Q係無乜可能飛 FRANKIE拍高仕登嘅旋進軌跡連熱身都唔跑就直出呢場似係想靠新鮮感務求一擊即中 抽中間六檔相信易搵遮擋 希望上年同程嗰場跑到大失水準係個別情況


第四場聖占士皇宮錦標三歲馬仔轉彎一哩 兩隻分別喺英愛二千堅尼贏馬 朱德望陣營嘅新王朝同古摩嗰邊帕丁頓 計形勢新王朝相當好跑 而帕丁頓上年跑過場雅士谷全無威脅 未知係咪未熟定係場地問題而返主場四連勝再過嚟挑戰 Q肯定熱到無味要搏叮就搏呢隻 其他馬之中法國二千堅尼第二隻建州立國可能係最有機會篤爆呢條Q 馬房趁高多芬無馬出即刻搵布宜學上去 單係呢樣已經夠誠意
主題賽事皇席錦標 三歲以上跑直路一千 今年又有兩隻澳洲馬北上挑戰但比起之前魚子精華綠化帶又有不及 麥道朗嘅富隆佳地幾個月前係贏過綠化帶但當時綠化帶走下坡 作客上斜雅士谷難度更高 四平八穩就係上年掃幾場短途G1喜菲皇女 熱身一場後就直指幾場短途G1 FRANKIE嘅馬納肯村計能力同現代遊戲一樣未去到馬王級但又係準繩 抽9檔更易搵遮擋 同場幾隻三歲馬其實可以跑英聯邦杯呢場同齢賽但都揀呢場 唔排除有啲係正宗一千馬 其中一隻演戲喺上年同一賽期同程瑪麗皇后錦標贏馬 場地早有證明 連過去美國跑BC兩歲草地短途都入Q非常早熟 杜漢培騎開都留意

[ 本帖最後由 KIRIN688 於 2023-6-20 06:04 編輯 ]

KIRIN688

皇家雅士谷賽期第二日
第三場G2劍橋公爵錦標 四歲以上馬女直路一哩 上場葉森嗰場伊利莎伯公主錦標有三隻再跑 始終對FRANKIE信賴嗰隻豐碩之行 抽中檔更合喺馬群中間突破 反而嗰場輸俾佢嘅如夢奇緣呢個第二多得對手失準就入嚟  好難再有形勢啱佢 半冷心水就係盛望才女 上年場太陽戰車錦標係先過隻豐碩之行過終點 高仕登同樣操而不戰等今場 跑出嗰場水準有得爭
第六場G2女皇瓶 三歲賽跑二千八長途 先揀古摩嘅京劇 今年初出跑二千六表列賽詩人作家錦標贏得輕鬆 增程二百用返主帥就算唔贏應該有位置 對手之中FRANKIE嘅貴格兒一出已經哩半整定會係長途氣袋 有無弦樂器咁勁言之過早 上場三角帽錦標又係越走越勁 高仕登將佢擺呢場二千八而唔跑愛德華七世錦標哩半必有見地
戲肉威爾斯親王錦標二千米 一對喺三星期前達德素金杯包Q嘅盧森堡同月滿橋再碰頭 但講形勢嘅話以戰養戰嘅雅大爺可能更合 今年備戰功夫算係近年最完整而喺上場熱身哥頓李察錦標達到預期目的 都係集中喺二千米大賽進發 另一隻崔家嘅喚雨呼風跑二千同樣首本 未去到馬王級但相信仲有進步空間

[ 本帖最後由 KIRIN688 於 2023-6-21 06:44 編輯 ]

KIRIN688

皇家雅士谷賽期第三日
只分析第四場戲肉G1雅士谷金杯 四千米超長途上年盟主饒舌達人傷左出唔到 焦點落喺前年盟主主觀主義同近幾場超長途都有穩定表現嘅好勝駒 主觀主義大傷年幾後復出喺中東跑兩場不過不失 同前年贏呢場馬水平嚟睇仲未去到當時狀態 膽一定係好勝駒 上場熱身薩嘉羅錦標贏得清脆 上年贏同程雅士谷錦標已經有氣量證明 繼續用莫艾誠發揮上肯定更好 其他馬之中真章計路程合適但要視乎天氣係咪落雨 半冷心水本來要踏實驥但退出 改要機智飛鷹 有跳欄賽嘅賽績希望幫到隻馬應付呢場四千米平地賽

[ 本帖最後由 KIRIN688 於 2023-6-22 20:22 編輯 ]