KIRIN688

引用:

原帖由 鴻略 於 2023-2-23 20:15 發表

頭關465.5+139.5=605
次關                      120.5
二串三合收        8015.75

上面過尾關全退，即前後中三條二串三合收24047.25

成本260-20=240

兩皮幾嘢.......真係無得好講 仲諗住藍海搏落五班
星期日兩場大賽 金杯繼續搏支鎗叮 上次賺盡形勢加上對方跑法失誤都係僅勝 搏條三重獵人成一對加今季跑兩場有起色嘅龍鼓飛揚 賭Q就浪漫加龍鼓

第二場三班突分1650泥地 無心睡眠同何堯合拍 先揀  王炸上場已經有諗 雖然貼欄贏但實在輕鬆 今場抽最外檔換嚟分頭可謀定而動 賈傑美肯留低嘅話一定有競爭力 當然當事人無諗咁長遠
第五場直路賽又見到虎頭蛇尾嘅八駿巨星 一味得個快字 初出大勝後兩場無影 唔排除初出對手太水 跑法單一俾其他馬搞就88  心水336場次同程碰頭兩隻 怡心聲同程準 唔一定要前置 三檔留後一格搵到遮擋唔係無機 另一隻凱旋時光嗰場重飛結果塞車  今場排中檔其實都有被圍風險 但腎虧潘唔放手擺明搏命格
第九場經典杯 頭關一哩遨遊氣泡雖然賺步速但平磅下都輕勝 似乎再進一步 主動跑法又可以守好位好難唔揀 選其他馬就頭痛 嗰場入Q自勝者強腎虧潘即刻攞嚟騎 一檔表面有利但再增程二百反而爆發力未必有千四咁勁 計fit新力高升又係上緊但光頭蘇谷馬跑大賽能力比起師父方仔差一截 不明份子就係安遇 上季尾千六可以殺低自勝者強事後睇唔係符籙 今場上千八表面檔位普通但如果蘇兆輝同肥文把心一橫索性自己放頭控制步速要偷雞並非不可能 而且遨遊同樣初上千八 戰術上如果安遇想放頭話唔定馬王輝可能搵安遇做遮擋都唔奇

[ 本帖最後由 KIRIN688 於 2023-2-25 21:37 編輯 ]

KIRIN688

星期三又三條單棍

第八場先  赤馬雄風同冠寶駒上星期同班同程發生墮馬取消賽事就匆匆再戰 赤馬雄風都係上次同樣評價 135磅係難題 頂多三重彩腳 半冷心水二雋 今季幾場重磅但都例衝一段 減下減下嚟到72分而負磅下調127磅明顯有利 抽最外檔搵賀銘年肯定有分頭 Q腳就係配班德禮全上名嘅川河冠駒 同程首本而呢個分孭輕磅成日衝近 A欄排外檔相對安全 要殺入一席唔難

第四場四班二千二 418場次一降五班同程贏馬嘅奇妙年華雖然換蔡仔但本身第一W都係蔡仔經手 繼續跑二千二孭磅輕左仍然有突擊能力 Q腳龍船快 谷戰比沙田跑高一班 上場跑谷千八撻得遲睇嚟路程嫌短 上二千二係正路部署
尾場三班千二反而形勢唔複雜 386場次前三再碰頭 檔位磅位調整後嗰場頭馬戰熊三千加到129磅檔位大幅外移大大減低爭勝機會 第二嘅電氣騎士勝在呢場快馬少 頂盡都係內側加州一寶 估計可順利埋二疊跟放甚至自己放頭 133磅係難題但馬處上升期而韋賊呢晚手馬幾強 嗰場第三嘅嫡愛心形勢不利下殺入一席 今場檔位有利得多而田雞無左浪漫勇士帥權必然大打爭氣波
PS：第八場加多隻天天得樂 除左檔同磅有利 四眼綸呢條鳳凰友近期忽然搏命 反正同場嘅領航宇宙唔係穩陣 家陣仲大熱對賭攻擊

[ 本帖最後由 KIRIN688 於 2023-3-1 07:41 編輯 ]

KIRIN688

頭盤超級星期六 多巴先生同將王再戰 當中將王已經有司馬經典邀請卡 出路程嫌短嘅傑貝哈特錦標志在熟悉場地 反而多巴先生如果呢場黃金之都錦標都無嘢睇基本上旅程完結 兩場賽事都係圍著高多芬馬海嚟買 當然係主副帥布宜學同杜俊誠 係傑貝哈特嗰場加埋上年女皇安妮錦標輸俾勝千里而杜漢培騎開嘅實實在在
星期日本地賽第三場一班千二睇到時時滿意緊張大師兩隻快馬喺度 咁咪買後追馬 師徒Q駿馬風采搭風火戰駒

另一場一班第七場1650泥地禪勝寶駒呢隻泥地王嚟到呢個分都係得呢個路程有競爭力 冤家好好心得勝在fit同路程準 但賭Q肯定無肉食 要返呢個路程贏過柏林探戈 124場次同程廢柴十磅仔根本舞唔掂隻馬 布文繼續騎都要昅實

第八場健康快駒上場布文係騎得一絕但今次對手換另一批又繼續135磅 搵支槍指住都唔敢買 本場放頭馬唔多估計龍船狀元應該輕鬆領放 上二班輕磅始終有利 半冷腳爆熱 今季幾次出賽次次都雙位數字檔位無抽檔命 終於今次排個二檔唔駛留咁後 而今場係打比最後搶分機會梗搏老命
尾場三班千六平均水準唔高 得三隻贏過同程而晴王係其中之一 都係嗰句升班輕磅始終有利 雪茄鄭可用兵源唔多 起步順利搵到遮擋嘅話坐位望贏 Q腳方面揀返皇帝金 勝在有一檔可以跟前啲 四眼綸近期賽事咁積極無奶油唔要 至於上場不留而放嘅日日美麗 換布文上去又睇效果如何 但個人覺得隻馬留好過放

[ 本帖最後由 KIRIN688 於 2023-3-4 17:42 編輯 ]

KIRIN688

引用:

原帖由 鴻略 於 2023-3-5 03:30 發表



第八場我較喜歡駿馬快車，輕磅馬之一，贏二班谷草千八姿態好，上仗千六路短後上不俗，回到千八兼田草長直路更好追，有贏面。

尾場三班千六晴王及日日美麗比較正路，Q大熱但仍有分頭，換布文預期回復首仗留前鬥後跑法，檔佳中置不 ...

本來有諗駿馬快車 但上星期跑完匆匆再戰 有啲補鑊味道 同埋涼瓜跑幾次都唔上名 隻馬啲內閃問題無乜改善 日日美麗睇布文點教馬 但好明顯嘉里呢條友絕對唔係可靠投注對象 另外講返尋晚杜拜 多巴先生呢啲澳洲馬跑二千以上遠征真係唔夠揪 反而將王有啲驚喜 千八咁短又有意外咁都有第五 司馬經典對手好強如果有獎金已經有交代 而好眼光喺阿喬斯短途搵莫雅跑 呢隻都有啲期待

KIRIN688

星期三心水最後四場
第6場都係黑桃火箭 布文繼續騎開一定合拍 唯一擔心係上場傾盡全力都要輸俾波爾多 希望頂埋呢場 Q腳百勝名駒 兩週前大傷復出買左注結果跑到中途墮馬取消 反而因禍得福當熱左場身 今場上千八留得好有權一網打盡
第7場又向輕磅馬埋手 奇寶今季搏得少而上場跑同程唔知點解腎虧潘拎條鞭出嚟成9日亂哂籠 上返三班輕磅用賀銘年係奇兵一路 另一隻友心友型跑咁耐贏得一場同程但上名比率唔差 不明係馬雅呢場可以騎反而俾班德禮
第8場方仔拍布文另一隻紫雲冰又係準開 抽四檔好跑 而之前騎開紫雲冰嘅阿仔去騎順勢贏呢隻其實唔敢低估 今季轉白頭佬後遲復出熱身兩場 之後366場次跑得唔差 雖然輸五個幾馬位但實際同第二嗰隻動感先鋒都係差個幾馬位證明仲有啲戰力 上場轉跑無根據泥地千二當試閘遊馬河 返嚟谷千二終於等到個一檔 希望靠形勢同埋評分跌到新低突擊

尾場二班一千相當亂 無乜邊隻話一定有三甲 但始終都有馬跑一二三返嚟 照追嗰隻賺步速有形勢之利電源之駒 係估唔到今季喺神仙度有馬贏而371場次輸完就即轉肥文 似乎係馬主唔多滿意幾場重飛都失手 仲要係其中兩場跑出同馬房嘅馬 肥文接手後當然唔敢怠慢係咁力磨 大細閘樣樣齊 3檔好跑只要唔慢閘守二疊45位已經有勝算 Q腳諗一大輪本來想要一檔好跑艮志騰雲但134磅係一大阻力 都係要同程兩戰都入Q嘅心之行 同友心友型一樣勝出率低但入位率唔差 買QT唔揀都唔得

[ 本帖最後由 KIRIN688 於 2023-3-7 17:44 編輯 ]

KIRIN688

跑星期六 最高班第七場嗰場千四買告仔Q算 廢柴十磅仔距離升格好似差三兩場 中華盛景跑返二班賽再減十磅 理論上機會大過綫路之星 呢條廢柴騎過兩次都前列返嚟 唔存在騎唔起嘅問題
第四場四班千四第一組 廢柴十磅仔騎兩次健康之星非W即Q 跑法簡單又好檔 唔該好自為之 414場次馬主雄風贏馬而快錢就大熱死火 兩隻今場再碰頭 快錢繼續孭重磅就唔睇好 馬主雄風加磅但有好檔 如果出彎拎到生位掟出去追仍有再捷機會

第五場樂善堂杯四班千八 前置馬少 搏有形勢之利金德義 老苗可以用嘅馬少而布文又肯繼續騎 上場輸俾勤德威力而負磅差距拉開 11檔如果盡早殺到埋欄控制步速就好跑 Q腳縱橫十六 轉肥文後有進步 以前一場五班同程大勝嚟計返四班唔蝕底 今場前置馬少又睇田雞走位 但計馬係FIT
第九場三班千四 腎虧潘騎返紅運帝王點都要搭返票 始終跑千二嫌短 跑千四均速前置應該係佢家陣最好跑法 四檔好跑 半冷心水馬爾代夫 66分孭123磅明顯有利 上場後去從化做嘢 阿仔繼續騎而十檔更好追

[ 本帖最後由 KIRIN688 於 2023-3-10 19:25 編輯 ]

KIRIN688

星期三賽事又四條單棍
第三場四班千二第二組 正路都係能文能武 擺明跑形勢又有一檔 上場381場次跑1650竟然被捧成熱門根本唔合理 抖個半月落返千二好難唔揀 至於Q腳 燉馬馬房嗰隻旅遊高球兩星期前同程走光 黃俊仲要被問話告誡 爆冷不成索性搵布文 抽十檔希望分多幾蚊
第五場四班一千 愛爾蘭錦標杯仔場合 幾隻快馬喺度必然有步速 對同程三戰未甩Q嘅育成精彩有利 反正都係留後爆一段 Q腳之中就搏仲未贏過嘅特攻 希斯轉白頭佬係一大變數 換另一套手法操馬希望帶嚟新鮮感 喺希斯嗰陣成績最好都係谷一千 抽三檔更好跑 希斯隨時又一次被爆樽
第七場嫡愛心基本上穩膽 係睇搵邊隻串Q 都係要好檔初跑谷戰嘅步履如風 204場次入Q之後接連三場都係輸際遇但又所負不遠 初跑谷戰終於排返個好位 以入Q嗰場級數 換埋更硬淨嘅涼瓜 加埋馬房聽晚個陣 要串Q非難事 至於喜蓮系新貨喜蓮勇感個績兩歲已經跑六場擺明跑早熟 喺葉森呢個急彎馬場跑落斜千四贏馬睇嚟獵人成對佢一出就跑谷戰幾有信心 只係之前布文操開但最後磅位問題換腎虧潘 人馬仲未溝通未知效果如何 Q腳唔揀就係呢個原因
尾場信心之選係將王嗰類要偏軟場地先發揮真正實力 沙田場長期地快相當蝕底 轉谷戰靠級數換腎虧潘又好檔 三甲份子 銀鎚仔逐漸上力上場已經有提供 墮馬取消當試閘 今場再抽三檔好跑 呢個時候高佬新點都要交成績出嚟 連星期日隻福逸都換埋莫雅跑肯定有壓力 銀鎚仔家陣個分未必等到落四班先搏

[ 本帖最後由 KIRIN688 於 2023-3-15 06:53 編輯 ]

KIRIN688

星期日大賽日 但女皇銀禧杯得五隻跑好睇唔好賭 主力睇兩場三班賽同打比
第六場三班85分二千米 錶之五知上場跑二班同程雖然慢步速但負磅咁有利都俾健康快駒一嘢過哂算失望 今次85分賽事布文騎返上去發揮有保證 Q腳波爾多 今季遲復出但一場比一場好 跑法可以跟前啲其實452場次千八唔係有塞車可以有爭位置機會 上場轉谷千八外檔焗留喺尾有追勢 再加程二百理應更合 負磅有利 又好檔 換埋連達文呢幾個利好因素實在不能不揀
尾場步大威猛上場全面優勢都要輸俾吉龍 似乎依家跑千二略為短 加程二百合理 布文再騎無乜死磅仍然首選 腎虧潘隻色種笑上場四班贏嘅姿態比預期吃力 嚟到三班唔同環境再成熱門就唔值搏 半冷份子宜春火力 睇嚟隻馬同希威森唔夾 騎五次全輸 反而俾布文同賀銘年都贏 上場雖然贏嘅距離少但當時困到最後百幾米望空一爆就有 嗰種短程爆發唔係講笑 抽11檔仲好留後追問題不大
戲肉打比二千米 焦點梗係喺新力高升同永遠美麗 但預無錢分 二揀一就揀永遠美麗 近幾場越贏越輕鬆 神仙對上兩次贏打比都係隻馬連千八都未跑過就上二千 練馬功力點都比大賽隱形嘅光頭蘇更可靠 腎虧潘嚟到呢啲場合諒佢唔敢玩嘢 至於新力高升上場經典杯係贏左 但考慮到嗰場咁快步速都係贏前置蝕哂形勢嘅知足常樂少少 嚟到打比抽九檔 仲有無咁好際遇？加埋嗰條仆街香土小雲貼佢擺明想登隻馬 我就一定唔揀 Q腳方面當然要返知足常樂 經典杯快步速前置幾乎得米可見隻馬能力唔簡單 抽六檔而型佬全喺四歲賽成績唔輸蝕比師父 永遠美麗有閃失呢隻可取而代之 三選諗左兩晚後信神仙加莫雅嘅自勝者強 上場經典杯檔位跟前但快步速 返到嚟第四算唔差 神仙呢場賽前功夫似乎幾有信心 就算永遠美麗失手都有plan B 又即管睇下郭家能否一嘗心願贏打比

[ 本帖最後由 KIRIN688 於 2023-3-19 01:19 編輯 ]

KIRIN688

引用:

原帖由 只說地不談天 於 2023-3-19 11:50 發表


情意結一定係想新力高升贏，始終係以前有性格家族成員

呢樣當然 不過光頭蘇練馬跑大賽實在俾唔到信心 真係贏唯有拍掌 但投注就不了

KIRIN688

引用:

原帖由 鴻略 於 2023-3-19 17:19 發表

一地眼鏡碎，重現經典一哩步速，前三段慢，鬥兩段，再次跑出千四馬

呢場打比我覺得有兩隻今季可以繼續追
知足常樂同直線力山
知足常樂今場布文做左老襯
前四馬好老實今場各自打真軍 用力咁多
起碼下場佢地再出都唔敢買住
尤其永遠美麗 就算二千真係唔多到 隻馬如果超班大可以質搭夠 今場只係對同齡馬 步速非常有利都跑到咁 直頭係失望 可能只係隻110分馬
PS：幾位老兄 覺唔覺得呢條友留言咁熟口熟面？😆

[ 本帖最後由 KIRIN688 於 2023-3-20 01:00 編輯 ]