KIRIN688

引用:

原帖由 鴻略 於 2023-1-13 00:55 發表

上次C+3，應是輪替。

未刨，但可先留意一下第三場的大千眼界，上次殺聲震天但遇上勒避意外，做了假大敗賽績，類似新力高升初出起擒撼頭，再出冷門補中。 ...

第七場要收返心水 嗰場馬刨刨下有暗湧 英雄豪傑上場蘇兆輝走死位輸得冤枉 俾返布文騎上去誓要收復前失 半冷心水就係凱旋系文氏家族自家培育PP凱旋時光 落地個幾月已經有大閘幾引人 之後仲去埋從化 今場抽貼看台檔位似一出就搏
第九場257場次成熱門嘅步履如風同逐夢年代算有籍口輸馬 當中逐夢年代連課俾腎虧潘摸住 肥文退休在即一定唔留手 步履如風上場跑到不知所謂三疊望空梗香 今場檔位好得多機會提升
第八場一出就爆嘅川河首駒雖然跳程四百但本身喺澳洲都係跑千六 上場雖然新鮮感但千二照贏反映有一定潛質 同馬房喜旺駒挑機千六失敗咁方仔喺今年四歲系列可爭份子得呢隻同爆熱叫似樣 要爭分真係刻不容緩 本來計路程信心之選都算射程但之前布文試閘後唔揀係一個疑點 寧願揀返腎虧潘嘅爽快 起碼未見哂而草地能力估計唔差得過泥地
尾場一先生11月中搏殺失手後小休上從化操一排 落返千四重配贏馬拍檔蘇兆輝 呢場幾隻前置馬綫路之星 美麗在線添濼意排哂外檔好大機會盡快殺埋欄估計有步速就好追 另一隻同樣賺中快步速後追就係喜旺駒 千六明顯唔到而上場向現實低頭縮程泥地千二又衝得勁 明顯係正宗千四後上馬 之前交俾布文試閘就係搏殺信號

[ 本帖最後由 KIRIN688 於 2023-1-14 17:58 編輯 ]

KIRIN688

引用:

原帖由 鴻略 於 2023-1-15 13:54 發表

即場先揀大千世界，試即閘仍好。帝豪寶寶兩亞追得好，兼顧。智勝龍初出不俗，保險腳取之，博其再進反先勇敢夢想。

步履如風入Q一場對手包括牠再出全軍覆沒，上次雖三疊但與紅楓勝景距離不變，感覺影響小。電氣戰士實實在在贏過 ...

呢場爆到通地玻璃 但金馳又唔覺得有乜跑錯 啲馬難賭 星期三同年三十都係縮注算數
星期三單棍最後三場
第七場三班1650 預計智勇神駒同增程四百嘅銀進會有支持飛但兩隻都毫不穩陣 智勇神駒到依家都未搵到最好跑法 對上兩場腎虧潘用放頭隻馬上哂口唔受控 即使今場用布文但距離上場得兩星期唔見得由蟲變龍 銀進之前試千六大閘備戰係幾有誠意 但嗰組馬好多好水 例如縱橫十六係五班馬 得意醒直頭仲未知競賽為何物 對著呢啲馬何堯都要騎咁我對呢隻馬跑1650能力好大懷疑 對賭攻擊 先要確妙星 呢組馬見智勇神駒 維港奔流喺度應該有步速就好追 周仔騎開知點跑 另一隻天天得樂上場真係該打 唔記得呢隻馬跑谷戰同程上名率唔低咁就走雞 重配贏馬拍檔田雞馬房要爭取頭馬護級
第六場四班1650 香港會杯 四平八穩躡景追飛 當然上場受讓悅風雲十磅贏少少確係未夠說服力 但本場水準同上場相差無幾 換返操控更好而少死磅嘅布文 三甲應有一席 另一隻主動跑法又好檔合夥年代計死數買QT無奶油唔要佢 熱食過關都要拖
尾場三班一千快鬥快場合 估計加州得力 華麗活力同靚蝦女呢三強佔大部分彩池 鐵角唔抵玩 單Q嘅話就決定加州得力同靚蝦女呢條翻版Q 加州得力有一檔好跑 蝕底在要孭134磅但距離上場有一個月時間消化評分 蔡仔唔知幾時復出霍阿仔當然唔敢怠慢有得贏盡贏 靚蝦女勝在機動咬好位又得 留後一格又得 呢場幾隻快馬輗多福 泉龍駒 人和家興步速一定快拉散馬群 上場輸俾加州得力其實全程望空形勢不利返嚟都係輸少少 隔七星期又上埋從化做嘢 重配賀銘年都係搏

[ 本帖最後由 KIRIN688 於 2023-1-17 20:29 編輯 ]

KIRIN688

年三十跑馬 大機構擺明睇錢份上

兩場二班賽出馬少 頭場二班泥地千二勝意龍必成衆矢之的 一檔其實唔太好 睇起步何堯係咪立心唔要欄 唔塞車嘅話應勝 計路程本來嘉應精英要揀但132磅係致命傷 單Q搏隻星耀王者 上場轉伍仔初出幾乎入P表現唔差 之前試兩個泥閘似模似樣 呢場雖然6隻但光頭蘇出埋經典之星肯定拉快步速 如果呢隻泥地OK有得爭
第三場二班千六 型佬全兩隻主力必然係戰績穩定嘅美麗在線 雖然排外檔但跑法多變 又跑過同程上名 Q難飛 單Q駿馬快車 282場次跳程跑谷二千二大敗擺明唔夠氣量 縮返嚟千六換埋巴度又好檔賺形勢隨時變身

第九場三班二千 告仔一對始終都要返錶之五知 跑返大場沙田再抽一檔而布文近期戰意十足 據傳會留低到季尾 必然繼續大打身價波 本場有四隻馬喺316場次碰頭 揀其中兩隻 本來龍船狀元有考慮之列但馬本身血統嚟睇似乎跑一哩會更合 不過告仔一再安排隻馬跑千八二千可能認為隻馬死步頭均速 但跑法無殺著而再孭134磅難睇好 嗰場跑第四嘅驚喜形勢不利下幾乎入P 跑返有上名根據嘅二千如果留到搵COVER有一爭 冷門就係嗰場跑第五嘅三江飛輪 明顯留後追好過跟前而負磅再減好跑 際遇同驚喜一樣搵到 COVER生位唔係無得爆
PS：細摩返嚟澳門拍住阿仔孖倉 成70歲仲返嚟做乜？

[ 本帖最後由 KIRIN688 於 2023-1-21 11:41 編輯 ]

KIRIN688

引用:

原帖由 鴻略 於 2023-1-21 15:37 發表


感覺摩加利沒有怎麼走過，我估計朋友及主要人脈都在港澳，他又喜歡熱鬧。

第九場木火兄弟跑此程似乎好過千八很多，但揀了就賠率低，機會就看俏。此場純欣賞。

尾場永遠美麗當然要，理由同上次一樣。連連歡呼落班應有優 ...

連連歡呼呢啲真係擺明水馬 木火兄弟俾老香港咁品題話馬主同練馬師會報打比笑到噴飯 之前一五老兄老早話隻馬唔應該報四歲系列 我都覺得不如留返泥地爭取頭馬 今日又係輸唯有屢敗屢戰 初三又賭三場 賀年杯嗰場1至4號呢四隻喺之前華商會杯齊齊輸俾金鑽貴人 不過呢四隻全部唔要 買三隻全部孭中下磅 形勢最賺個人覺得係北極光同綫路之星 北極光呢個分有阻力但個二檔大大有利 始終千四呢個路程十戰得一場不入前四不得不揀 綫路之星同樣勝在跑法機動而上星期嗰場馬受制檔位同重磅返嚟所輸個幾馬位實在唔差 匆匆再戰告仔忽然擺個無乜交收波仔呢條柒頭上去肯定搏你唔信 跑法簡單嘅馬啱哂佢發揮 另一選就係包裝智威 依家二班孭130磅以上基本上係無運行所以對上兩場孭重磅而輸係有籍口 今場孭返124磅好跑得多 何堯攞返帥權試埋大閘有誠意 唔多like柒頭公子不過佢鐘意威又係事實 QT實在難飛
第六場四班千八 三週前元旦同班同程311場次有八隻再碰頭 以當日走勢經過負磅調整後嗰場頭馬翔龍再現即使加多五磅仍然有條件再贏 仲有一樣就係雖然13檔但估計用返上場喺後面扔出去追 尋日所見外面啲地唔太差去到中段場次隨時飛出去追更好 對手之中上場一降五班即贏嘅龍船快會係其中一隻 以嗰場孭重磅都一樣橫掃咁睇嚟跑千八二千可能更好 威哥是日佈強陣唔講得笑
尾場待續

[ 本帖最後由 KIRIN688 於 2023-1-22 16:40 編輯 ]

KIRIN688

祝各位馬運亨通 大發橫財
尾場新力高升預計成大熱但上場千四對著添濼意雖然受讓九磅但贏得唔算輕鬆 個分開始有阻力 再加磅上千六實屬一大疑問 仲係上場2.幾W呢啲分頭嘅話寧對賭攻擊 同樣開心寶貝上次贏都靠檔 今次1檔變12檔未跑已經死一大半 要返重落三班醉眼光 連續幾場忽長忽短 跑完千八就縮嚟千四 之後大幅跳程跑谷二千二擺明想落返三班郁手 抽正1檔啱哂佢跑法 呢啲馬以神仙手法唔會有得留 至於半冷Q就係威哥另一隻威武覺醒 上場同程實在唔差而今場13檔唔駛諗肯定有咁出飛咁出去追 合哂蘇兆輝騎法 如果仲想爭四歲系列入場券一定要贏馬搶分

[ 本帖最後由 KIRIN688 於 2023-1-23 18:55 編輯 ]

KIRIN688

董事杯三強會師全無賭頭睇馬算數
反而其他四場高班賽有投注價值
第三場二班千二發叔杯 神仙出三隻都係要電源之駒 佢啲作風唔怕密密跑 準開繼續追 腎虧潘揀心之行仲要一檔預計成大熱但評分已經無利 搏下隻縮程賺級數 隔離版傻友yin成日追嘅知道必勝 205場次孭133磅跑第三水準擺嚟呢度只要搵到遮擋足以一戰 獵人成對著隻馬仲多過佢老婆點會唔知隻馬性能 搵埋周仔減磅比上場孭少9磅有利 如果爆出嚟傻友yin真係顏面掃地😆

[ 本帖最後由 KIRIN688 於 2023-1-26 20:33 編輯 ]

KIRIN688

引用:

原帖由 鴻略 於 2023-1-26 21:13 發表

董事杯三強會師帶來話題，金鎗六十檔位好但要看何是否能把握，過去多化優為劣。浪漫勇士則如日方中，尚未見頂，檔位亦機動，我較看好。

發叔杯看不通，但速看則覺發叔會的新境界狀態復起而對手轉弱，已有勝機。明天再講該場。

...

第五場泥地三班1650 美麗系屯重兵但兩場大賽應該輪唔到佢地 尤其美麗宇宙 一出即贏後就連續兩場失望 雖然用麥道朗都難睇好 呢場隻美麗喝采早已經覺得隻馬唔差但要到上場四班同程先爆 上返三班但分數比起當初喺香港初出仲有一截低位 先揀 Q腳方面鵬哥兩隻就要輕磅又好檔皮具之星 連續幾場受制檔位但都有段追 今場個一檔大大有利 機會唔輸蝕比自己友盈嵐
尾場三班千四又係大混戰 全場得隻縱橫天下今季三W但再加到134磅 就算檔好睇怕未必贏到 位置機會高 紅衣震撼就檔位麻煩跑法受制 上場落四班即贏嘅宜春火力勝在有好檔但由布文變返希威森未必交出同樣水平 一於扒冷搏一對美麗系初出 神仙嗰隻愛爾蘭PP日日美麗早已經係郭家所有 之前腎虧潘試哂所有大閘但偏偏就唔試草閘似教馬留力 愛爾蘭贏兩歲G3水準參考價值唔高但距離依家無上陣超過年半 馬主肯運呢隻過嚟而神仙少有肯收英愛PP 相信有啲前景 麥道朗順便搭單接嚟騎趁有分頭買一票 同系人特別美麗喺澳洲只跑一場兩歲表列賽入Q就運嚟 68分評磅員都幾睇好 早熟程度同日日美麗應該差唔多 之前上從化都整三個大閘去試 當然揀佢都仲有個理由就係捧下賈傑美 硬淨程度同杜苑欣不惶多讓 今次再嚟騎六隻反而尾場倒有啲期待
經典一哩待續

[ 本帖最後由 KIRIN688 於 2023-1-27 18:03 編輯 ]

KIRIN688

經典一哩賽又係一場混戰 最高分嗰隻叫蟲草成名但啲績全部跑千二樓下 連千四都未跑過 幾乎肯定季前個plan高佬新根本無諗過跑呢場 一星期後百周年紀念杯又見到佢 雖然可以主動退出但都抹殺唔到跑埋嘅可能 排位一出第一隻劃走 至於評分排二三嘅瑪瑙同包裝必勝計選擇本來應該要揀但都要面對同樣問題就係檔位 呢兩隻都係前置先行 七同八檔點計唔算太好 尤其包裝必勝 上次唔係個一檔幫好多賺盡形勢已經輸得 八檔隨時被頂出三四疊望空 瑪瑙就勝在可以留後一格 三重彩腳就揀佢 至於成場馬 個人覺得最賺形勢一定係魅力知遇 三星期前317場次嗰場四歲預演完全係輸磅位 135磅要讓頭馬飛鷹翺翔成25磅唔輸先奇 早有長力證明而神仙聽日屯重兵叫埋莫雅又抽好檔 Q就第一隻揀佢 至於腳就係嗰場跑第四 又係同樣輸135磅嘅爆熱 嗰場布文喺直路階段都係順著隻馬無死砌明顯留以有待 今場平磅角逐著數到暈 結合血統同法國嗰邊賽績睇二千長力打問號 所以呢場一哩隨時先下手為強

[ 本帖最後由 KIRIN688 於 2023-1-28 19:06 編輯 ]

KIRIN688

引用:

原帖由 鴻略 於 2023-1-29 02:49 發表

我的看法稍不同。年輕馬當然隨後會進步，但此組馬在這一刻的虛分程度有限，蟲草成名比瑪瑙已高11分，比其他對手則更多，近期雖無上名但輸得不遠，亦有追勢，如果這場是千四，相信取勝機會高唱入雲，現在則比千四多二百，縱使再增加疑 ...

真係唔識講 好爆唔爆就呢隻遨遊贏 自勝者強入Q 點計數真係計唔到瑪瑙跑平磅居然未到二百段柱就散哂
星期三玩兩場 尾場純金酒杯跑谷戰真係高一皮 好難唔揀 上場309場次輸俾佢嘅金莊令係跑fit 嗰場一檔box sit位反而都係騎落得咁多 留後一格追似乎更合 越駿知己又係檔位麻煩 呢場應該爆唔出樣
第六場三班千八義勇軍杯 黑桃火箭仲未贏馬算欠運 但上場布文跑真係好好心機隻馬跑得舒服 臨尾幾步越衝越勁掟甩後面 加多百五米仲好衝 Q腳方面爽快337場次蝕哂形勢之下都係輸個幾馬位 雖然初跑谷戰但檔位有利 呢隻可能係香港少有雙槍將 不明份子係天池怪俠 跑兩場唔啱路程田草但喺馬群堆過終點證明退化不大  減分成功落返三班惡到暈 檔位形勢有利有力突擊

[ 本帖最後由 KIRIN688 於 2023-1-31 19:30 編輯 ]

KIRIN688

星期日布文雖然得六隻騎但份量十足 攞佢四隻搭同場另外一隻串射連贏 分別係英雄豪傑 多巴先生 顯心星同步大威猛
第七場G3 百週年紀念瓶單Q都係繼續發財先鋒 主動跑法而今場最大對手就係得多巴先生 爭取連續三場G3都贏有一定機會 三重彩腳加返健康快駒
第三場三班直路賽布文再騎英雄豪傑表面排一檔好似麻麻 但另一角度睇反而覺得比貼看台外檔更好 易走生位減少塞車風險 Q腳就係上場同英雄豪傑同場跑輸三個幾馬位嘅喜喜任務 澳洲嗰邊跑十幾場已經全熟 嚟香港跑第一場出閘被夾喺後面追返個第六算唔差 再對英雄豪傑仲未夠條件反勝但要殺入一席難度唔大
戲肉百週年紀念杯 呢個杯同主席獎根本就唔應該出現（短途）呢兩個字 簡直係多餘 如果係咁嘅話三冠次關香港金杯係咪要改名（香港中距離金杯）尾關遮打杯係咪要改名（遮打長途杯）？講返馬 應該係1234呢四隻撼 之前要布文嘅顯心星 再諗多隻搏Q最終要金鑽貴人 兩個原因一買肥文好鬥志 二就步速形勢除好眼光可以放頭外都無真正快放馬 雖然抽最外檔反而可以避免起步被夾風險開順步慢慢切入 重演國際賽內欄塞車機會微乎其微
尾場本來步大威猛應該會有啲飛數俾金馳分左 但金馳退出就變成焦點 338場次前三名再碰頭但估計步大威猛都會係大熱 上場個三檔反而害左佢 今次八檔以布文穩打穩紮作風好大機會留後一格好似上星期極速飛彈咁跑 上次贏佢嘅識贏因為告仔唔放人焗換 雙重加磅第一隻劃走 嗰場跑三四嘅吉龍同大才論走勢大才更吸引 跑到尾場內欄啲地踩到八八九九可能中外欄仲好追 拖Q就呢隻

[ 本帖最後由 KIRIN688 於 2023-2-4 18:30 編輯 ]