KIRIN688

引用:

原帖由 鴻略 於 2022-11-23 17:45 發表

第六場銀進如日方中，Q腳魅力寶駒亦正路，亦可兼顧神仙另一匹，電源之駒抽好檔，早段不必太後，而且贏過變化地，有場地之助。尾場赤馬雄風搭二雋翻版Q目前有28倍，賠率吸引，可加多匹友港友笑，其實長期在三班有好表現，在此評分排中檔 ...

啱啱大機構公布拉哥交返騎師牌 即今季基本上除國際賽外唔會見到佢 之前日本嗰邊已經證實有馬俾佢跑國際賽 除耀滿瓶 另外就係拉丁城市同麗冠花環呢兩隻蘿蔔會嘅馬

KIRIN688

星期日例牌贊助賽講七八十場加日本杯
第七場都無乜懸念 美麗宇宙同瑪瑙再碰頭而檔位差唔多 就算大熱Q都無計攞嚟過關
第八場同程五戰四P隱形翅膀呢幾場留得比預期後成日後追不及 太尺寸 其實上季619場次輸俾信心之選就係守5,6位入Q 足證唔一定留到無雷公咁遠爆上嚟 換上韁繩更好而孭少啲死磅嘅布文 恨贏之心昭然若揭 Q腳扒下冷搏下大力猴王 11月做公公後復出跑得唔差 雖然韋賊今季成績普通但既然明知有壓力都搵麥利奧又增程 相信唔會無的放矢
尾場四平八穩必然係美麗在線 三檔跑法主動買Q難飛 其他馬之中搏下初出嘅紅愛舍 今年皇家雅士谷賽期嘅澤西錦標殺入位置嚟 結果插班83分算偏高 跑法偏向後追型 喺英國跑11場已經好多 上手練者仲要係大倉高仕登 進步幅度對比一先生估計唔會大 要搏可能係頭兩三場黃金機會
無乜時間打 日本杯嗰場左睇右睇主隊馬唔算突出 索性買哂四隻外隊四串六連贏位置Q 三重彩四重彩睇馬算

[ 本帖最後由 KIRIN688 於 2022-11-26 20:09 編輯 ]

KIRIN688

呢排追布文唔會點死錯人 星期三嘅三場心水其中兩場都要左布文
第四場躡景追飛四班近左兩場落到五班增程強配布文 先揀 馬主星輝去光頭蘇後近期持續反彈 隔七星期休息所以整個千二泥地閘跟跑 雖然孭到135磅但排一檔難飛
第五場預計大熱係腎虧潘拍黎昭昇嘅亞洲藤王 唔懷疑馬房戰意但見佢啲馬差起嚟係差得好交關 又搏左兩舖 仲有貨賣唯有當抽水 四平八穩一定係紅衣火旺 執一檔又布文 馬本身唔會有乜嘢進步靠形勢搭夠 Q腳都係買檔位嘅南莊加好 兩星期前同程檔差但所負不遠 執二檔上名機會提升
尾場繼續追上場買燊榮之星 幸福老撾 獵人成搵鍾仔騎燊榮之星都係貪有十磅減 唔通貪騎功好咩 咁120磅係好跑 之但係呢位細路睇左咁多場 可能比廢柴騎師更廢柴 幸福老撾上場名次雖然第九但實際輸個幾馬位又唔可以話差 增程雖然11檔但C加3飛出去追可能仲好追

[ 本帖最後由 KIRIN688 於 2022-11-29 22:31 編輯 ]

KIRIN688

國際賽前夕都係編泥多過草 集中除左兩場五班外其他四場泥地賽
第四場四班千二形勢幾亂 腎虧潘揀萬市之光試幾個泥閘表面係幾好 但出賽用唔用到前速實在難講 唔排除開氣為之後1650泥地做目標 扒下冷再追美麗喝采 以上季獵人成嗰陣跑三班同程起步慢閘但所負不遠計泥地性能應該唔差 今次隔一個月而韋賊喺晨課連續摸兩課快跳都係草地似到位 今場估計有啲分頭下希望起步順利霸到好位就有機 Q腳冰雪奇遇 後追型嘅馬喺128場次同程排內檔後追走入面始終蝕底 今次變日馬光線夠而本場快馬多雖然排外檔但形勢有利可以飛出去冚 涼瓜交出水準嘅話有權一網打盡
第五場四班千八揀番兩隻喺162場次包Q嘅大道至正同日就月將 計檔日就月將好跑 但大道至正難得有第二春 雖然12檔係麻煩但預計有步速希望攝到好位 馬房要爭取頭馬護級實搏盡
第七場三班1650亂局就係最佳扒冷場合 先要皇帝金 上場谷千八咁樣俾巴度一夾大力一抽撞欄就索性跟跑而回 返嚟有根據泥地仍然有投注價值 蕭家新貨爽快睇績贏三場千四似會係一哩至二千射程 雖然排外檔但兩個泥地短途閘留前後追效果唔差 以蕭家呢啲唔冷唔去嘅作風 今場買返注應該無死錯人
尾場二班千二獵人成再整隻上駿之星俾布文 早前試閘考驗反應相當好 有時時滿意開路好跑 唯一缺點係呢場開跑時間已經入夜開哂燈未知有無影響馬匹展步 唯有信布文 Q腳之中時時滿意得一招放頭無殺著 嘉應精英個檔抽得麻麻 勝意龍計路程同狀態本應最好但對手比上場三班強一大截 不如信何堯揀騎上去嘅喜旺駒 季內兩場同班千四跑得好但一上千六就威力大減 方仔向現實低頭縮程跑泥地千二搏賺田草級數同步速

[ 本帖最後由 KIRIN688 於 2022-12-4 06:57 編輯 ]

KIRIN688

國際賽週 頭盤騎師賽都係最後三場心水 都有麥道朗
第七場嘅第三關三班1650 今季70場次中過嘅斛斗雲搭川河冠駒呢條Q今次再跟 當中斛斗雲上場137場次賽前已經講加132磅係阻力所以無買 反而係中段隻馬搶口返到嚟梗無 隔五個星期休息耐啲功夫係咁磨又草閘 抽二檔又麥道朗好好跑 至於川河冠駒實力未算高但三班企得穩 未贏過但跑同程上名率高 雖然抽12檔但A欄影響唔大 呢隻馬跑後追明顯比前置更有威力 抽到蘇兆輝更合大鞭大鞭殺落去硬朗騎法
第八場騎師賽尾關三班千二 搏少少夏主席隻紅運帝王 以呢隻馬喺大不列顛錦標跑第七水準71分有啲利 三星期前175場次初出同程又外檔 焗搶擺前返嚟都有第四表現好過預期 上星期知道正選即刻整多個閘 抽到賈傑美呢位女將希望之前場次跑幾場後知道點跑 Q腳都幾亂 再信麥道朗嘅怡心聲 十檔幾難搞但96場次贏直路賽係從後爆上 證明唔一定前置守好位 今場如果肯留住七八位SET得好未必無機
尾場無時間打 同舟共濟 駿馬快車 無心睡眠鐵角算

[ 本帖最後由 KIRIN688 於 2022-12-7 17:18 編輯 ]

KIRIN688

四場國際賽重心場合揀瓶同杯 一哩同短途簡單講下算數
短途嗰場金鑽貴人必然係衆矢之的 三檔算有利 唔會話贏硬但三甲一席應有 老對手福逸都唔知係咪精英碗嗰場新鮮感太勁 居然上場預賽一棟都無 雖然話之後賽後報告不良於行但抖一日就復課 似乎唔係好大關係 十檔就麻煩 搏冷嘅話想試下今年高松宮盟主日照飛駿 當然級數同龍王差得遠而日本短途水準始終低 之不過今年呢場馬主隊嘅其實大多都見哂而呢隻馬近一年喺千二米成績未甩過前三算穩定 預計搭金鑽貴人條Q會好分
一哩錦標金鎗同加州個個都扑住買 主隊其他四隻基本上唔駛睇 外隊之中隻指數定律又係愛爾蘭賣俾澳洲貨源 唯一一場G1勝利仲要係水準唔高嘅莊柏德大賽 去澳洲後都係平平無奇 上年第三嘅戰舞者本場本應係告別戰但腳傷退出埋咁就安安全全返屋企打種  另外兩隻日本隊嘅起碼實力未盡見 速度大師上場同戰舞者一齊跑俾李慕華激到嘔血 呢場難得保住帥權肯定砌硬 唯一擔心係一檔未必好 如果華dee起步後立心唔要欄走二疊唔係無機 最大變數外隊就係野田赤蠍 同樣跑一哩冠軍錦標而川田全程三疊望空跑法毫無誠意 今場換硬淨得多嘅布宜學又六檔 之前富士錦標已經證明同年長馬有得撼 既然頌讚火星可以同年包辦NHK一哩杯同香港一哩錦標呢個壯舉 咁呢隻投注上又無奶油飛嘅

[ 本帖最後由 KIRIN688 於 2022-12-10 13:46 編輯 ]

KIRIN688

https://asianracingreport.com/%e ... %e7%94%9f%e6%b6%af/

前大機構特約寫手莫瑾賢訪問大魔頭 就被迫退休嗰單嘢同神仙練到75歲條例炮轟夏定安
另外摩仔同告女應該成婚 有報道話告女已經有左幾個月 恭喜😆

[ 本帖最後由 KIRIN688 於 2022-12-10 08:12 編輯 ]

KIRIN688

香港瓶基本上無視主隊馬 日本隊兩隻 耀滿瓶今場告別戰 場地熟哂 但再大一歲而今年表現普通 札幌記念連瑪蓮必勝都跑唔贏 止於接近 瑪蓮必勝初初刨其實無揀佢 但再睇績原來年頭贏G2 二千五米日經賞 路程適性比耀滿瓶強 上場女皇杯換連達文就現真身入Q 而今場繼續用原班配搭加埋馬女受讓四磅 足以同歐洲隊一戰 歐洲隊方面高多芬隻植物科研喺多維爾錦標贏愚者眼界睇嗰場咁均速似乎要二千八以上係最好 山海小區喺巴登大賽贏驚世詩才純粹形勢有利而對方跑錯先偷到 至於法國馬重禮係老巫基本座騎但老巫又唔嚟係咪覺得機會唔大又唔知 但啲績又未跑過乾快石頭地 最後古摩嗰對就好明顯 波爾明見哂嚟香港估計護航性質 主帥親征石器時代必然係主力所在 上場跑BC草啲地硬到咁都入Q似係跑呢啲地最好 最大優勢就係北三賺分齡讓磅只孭121磅著數到暈 而古摩喺呢場賽事往績突出 搏W都係呢隻

[ 本帖最後由 KIRIN688 於 2022-12-10 13:44 編輯 ]

KIRIN688

最高榮譽總獎金三千四百萬港紙香港杯 單係日本軍團都有五隻嚟跑 同主隊實力相比唔需要多講 主隊係得浪漫勇士以主場同fit兩樣優勢嚟撼 唔懷疑戰意但始終第一次撼外隊馬 過份捧熱嘅話寧願睇住日本軍團 五隻之中出名單後第一隻劃走係麗冠花環 今年個form雖然都有一個位置但同前一年比真係跌得快 雖然搵返拉哥騎但拉哥係咪fit只有佢本人先知 咁多不明因素如果入到嚟當抽水 另一隻用鬼佬騎師布宜學嘅地標圖形打比後傷過 復出跑天秋已經扯個咁快步速而表現只係不過不失無威脅 難相信隔六星期過嚟香港跑會係蟲變龍 所以都係向另外三隻用哂土砲嘅日本隊做重心 本初之海都唔駛點講佢嘅大逃威力相當勁 如果呢場跑千八贏面極大 但可惜二千米始差少少 不過年頭贏嘅中山記念同杜拜草地 同埋上場天秋入Q的確無花無假 東京上斜二千都幾乎得米咁沙田二千對佢根本難唔到 吉田豐同佢夾到熟哂知點發揮 佢嘅冤家金積驥睇上場天秋咁樣輸法難怪做老豆嘅都幫理不幫親 飛起阿仔搵豐哥呢位跑放頭前置有一手嘅老將押陣 個人覺得可能比天秋再進取啲守本初之海後面主馬群一二位 呢場馬單係睇呢對冤家點互動已經值回票價 三選野田小子 到依家仲未摸索到係千六最好定二千最好 但明顯最好跑法係留後爆一段 本初之海預計放頭步速一定唔荒慢拉散馬群而今場得12隻跑 搵位上相對比較易 練馬師喺香港贏過國際賽都知點部署隻馬遠征香港 QT呢一注又係唔慳得

[ 本帖最後由 KIRIN688 於 2022-12-10 19:08 編輯 ]

KIRIN688

引用:

原帖由 鴻略 於 2022-12-11 02:55 發表

浪漫勇士雖云第一次撼外隊馬，但女皇盃拋開贏飛輪閃耀及將王，後兩者上季在香港盃負於唯獨愛你不多，間接證明實力，能跟擅鬥之馬，只忌上仗遲復出而狀態未夠下打過硬仗未復元，若狀態十足，不懼任何對手，情理上仍看好。 ...

贏都唔奇 但贏甩成條街真係無諗過😑加州梁整定無緣馬王寶座 除非加州星球遠征贏啦
聽晚繼續三場 第六場再追躡景追飛同馬主星輝 當中馬主星輝上場騎落衝刺普通可能俾135磅責死 上返四班跑會好啲 躡景追飛俾布文贏馬後腎虧潘攞嚟騎 唔係磅位問題嘅話布文根本無可能放手  只可以講腎虧潘依家呢幾年要風得風 但級數始終同布文莫雅仲有差距

尾場美麗笑聲同銀進控制大半彩池 計磅位始終銀進有利 呢條Q無肉食 所以扭一扭 搏多利神駒殺入嚟 單係檔位同換布文呢兩樣已經值得一搏

第八場無時間打 揀獎星搭大力猴王

[ 本帖最後由 KIRIN688 於 2022-12-14 17:25 編輯 ]