KIRIN688

星期三谷戰研究三場一千米
第八場嘅三班就係上星期打風無得跑所以今週專登加返呢場原組再戰 而犧牲左五班1650唔拆組 上星期如果唔打風嘅話心水就係天火同人同皇龍上將 但檔位重抽之後檔位外移 揀英雄豪邁先 個檔由上星期六檔變今次三檔形勢截然不同 當然上場65場次初出同程三疊望空都係輸俾神仙一對難怪腎虧潘攞馬騎 加埋布文麥道朗殺到呢排腎虧潘諒佢唔敢玩嘢 Q腳又係要有好檔嘅奇寶 上季四月後抖暑之後今季喺從化操兩個月 睇上季成績似乎谷一千比千二更好衝 抽二檔而神仙少有搵火車潘 留意飛數
第五場嘅第四班一千 勢成大熱必然係黃腳鱲 已經係揀無可揀有近績 呢組對手其實好水要揀Q腳其實好困難 本來佳運發落班照計係有利但馬本身又係早熟無進步 仲要得一味前置 出閘有乜意外係咁先 扒冷門諗一輪 最後揀神舟時代 同程跑過一場不入三甲基數太少難作準 三個幾星期前復出跑直路賽無乜前速但反而有啲後勁 左穿右插之下跑第七輸三個馬位左右實在唔差 呢場有令才 怪獸媽媽 萬事有 佳運發呢啲放頭前置步速相信幾快 谷一千排外檔影響唔算大 足足有四百米直路大把時間攝位 殺入一席肯定和味
第七場二班一千 單係快馬隨便數已經有南區寶 艮志騰雲 利氣生財 經典之星呢四隻 向後上馬埋手 再追多次宜春輝煌 今次上班輕磅又好檔 同上場65場次三班135磅係兩個世界 嗰場起步縮後兜大彎蝕位返嚟所負唔多 同場跑第二志勝時機俾自己友夾完再衝入Q反映狀態起得早 同樣賺步速要殺入一席唔難做到

[ 本帖最後由 KIRIN688 於 2022-11-9 07:04 編輯 ]

KIRIN688

引用:

原帖由 鴻略 於 2022-11-9 18:19 發表

今日好幾場大部份馬揀不上手，變成個別馬匹非揀不可，黃腳鱲便是。我講另外兩場。

第六場龍船狀元上次田草劣檔放入跑第四但僅負短馬頭，今次轉谷草更有利放頭又有好檔，另外兩匹放頭馬都不會搶得快，不難一放到底，首選。疾風 ...

皇帝金轉第一個彎想頂蘇兆輝點知就撞欄咁就收工 龍船狀元放咁快都唔知做乜
今週跑星期六 揀5,7,8呢三場 最後兩場全無賭頭 留啲子彈等星期日嘅日本賽女皇伊利莎伯二世杯
第5場三班直路賽繼續要龍騰飛翔 連同上兩場四戰直路賽未甩P 今場搵鍾仔減十磅又執貼看台13檔 望佢走位醒啲 上場96場次同程爆冷嘅怡心聲上返三班睇往績未有證明 不如搏下八月嗰陣腎虧潘已經攞嚟操嘅百發百中 澳洲嗰邊只係跑場喺鄉下馬場嘅賽事左轉千二輕勝似係攞夠資格運嚟 今季試三個大閘反覆試準 執埋12檔更好跑
第7場老牌贊助賽一班讓磅千四米 告仔一對應該控制大局 中華盛景同霍阿仔合拍 負磅只係128仍然有利 馬少易走位 自己友綫路之星上班孭105磅好好跑 前置主動跑法靠千六氣量合哂十磅仔發揮 第三勢力就係有好檔而同程上名率高嘅北極光
第8場三班泥地1650 先要極速飛彈 上場79場次同程雖然俾盈嵐同禪勝寶駒彈甩但當時隻馬中段望空左形勢不利 入到位置似乎泥地性能唔差 今場際遇好啲嘅話贏面唔低 另一隻要跑形勢就係安遇 草地評分有阻力轉泥地無可厚非 官方血統簡評認為呢隻馬泥地都可應付 檔位算唔差而火車潘攞返嚟騎隨時回馬槍

[ 本帖最後由 KIRIN688 於 2022-11-11 20:51 編輯 ]

KIRIN688

話咁快嚟到日本女皇杯 其實JRA之前有計劃將今屆女皇杯加名為慶祝事頭婆登基70週年 最後當然係事頭婆身故作罷 兩場心水
黃菊賞 兩歲跑二千 首選李慕華揀騎嘅照天下 出自神威啟示 初出同場同程贏得幾輕鬆 隔左一個月出嚟繼續跑阪神同程而出自練大賽有一手嘅友道康夫 先選 Q腳之中要野田拼得純粹係買擺莫雅上去跑高好多

戲肉女皇杯二千二 想講下謀勇兼備今年傷後出返嚟表現不過不失 上場產經賞騎師歸咎場地問題但產經賞歷嚟水準都唔算高 今場加埋新世代三歲師妹角逐 係勝在檔位唔差 但頂多三三四四 秋華賞包Q嘅高野友和一對先選 艷玫華彩數據幾強勁 阪神場四出三勝 配坂井更加三出全勝 係十檔比較麻煩如果順利泊到有cover就幾大勝算 加上獲大機構邀請跑瓶 戰意無疑問 自己友匯兩川其實都算準 三冠馬女雖然櫻花賞跑第十但實際只輸兩個馬位 之後優駿牝馬同秋華賞都有位置證明隻馬遺傳到父系無敵先鋒嘅長力 橫山武史今年跌左WATT只贏三場分級賽算失望 今場成敗真係睇佢 三選方面Sunday racing另外兩隻用到莫雅同杜滿樂應該有支持飛 但都有隱憂 吉典娜出自滿樂時加貴婦人血統一流 但跑落無想像中咁勁 上場產經賞靠內檔慳哂先爆 今場整個18檔係咁先 指環魔力往績都係跑千六到二千 初上二千二血統理論上係得 但始終初跑 搵莫雅都係盡人事 所以第三選就搏下自從飛雪仙蹤後第二隻外隊馬出戰呢場嘅神奇湖 貴為愛爾蘭橡樹盟主計卡士當然同飛雪仙蹤無得比 約克群橡樹對著登山英雌 戰神日唔夠揪算正常 因為對手實在強勁 登山英雌之後贏凱旋門而戰神日贏BC馬女草地 所以夏寧敦夫人索性將目標擺呢場 距離上場有三個月時間有足夠FRESH 霍禮義之前有喺日本搵食知道點跑 抽五檔仲要跑阪神內回對前置有利

[ 本帖最後由 KIRIN688 於 2022-11-13 07:35 編輯 ]

KIRIN688

腎虧潘中招 被迫停兩日 預賽無法上陣 但啱啱好布文殺到可能分到啲馬
PS：依家有風吹出嚟話星期日賽事可以照入紙 但加後備騎師 星期六日如果check左無嘢就照跑 另外布文仲有無黑啲 屋企人確診成為緊密接觸者 星期三又出唔到 講最後三場
第七場越駿知己計近績無疑係好 但上場贏馬形勢配合哂都贏唔甩增有 加磅又檔位外移 機會止於一席 增有跑谷戰真係特別醒 跑法係被動W唔駛買但Q點都要拖 另一隻Q選美麗邂逅 用徒弟減十磅再抽埋最易跑嘅一檔 咁都輸得嘅話唔該返屋企反省下
尾場都係要兩週前打風取消同班同程嗰兩隻燊榮之星 幸福老撾 當中燊榮之星真係一波三折 打風無得跑之後再出腎虧潘中左換布文 點知布文屋企人中埋又無得出家陣換未跑過谷戰嘅麥利奧 有利條件係呢場過半馬匹孭磅都過130 對佢嘅影響減低 另一方面估計換呢個人隨時分多幾蚊
第八場柒頭公子出一對 包裝智威一換馬雅就爆激到彈下彈下 但加到134磅又初跑谷戰 連谷閘都無太多變數 不如要返同主包裝大獎 起碼路程有根據 好檔 負磅唔重 馬房要贏馬護級戰意一定有 Q腳方面搏下上場初出跑谷千二後上唔差嘅星運子爵 跑完一場上力就跑首本路程 二檔更有利佢跟前跑法

[ 本帖最後由 KIRIN688 於 2022-11-16 07:53 編輯 ]

KIRIN688

引用:

原帖由 遊 於 2022-11-16 22:47 發表
何良D 包裝場場去
馬真係 估你唔到

要護級都唔會容許玩燉馬

KIRIN688

國際賽預賽雖然無外隊但騎師陣容算係近年最勁 三場G2之中一哩嗰場睇馬算 其他兩場算有投注價值 另外心水頭場同第三場
馬會杯先 將王孭128磅上返二千 又叫薛恩返嚟戰力提升 首選 Q腳方向獵人成全日強陣 但浪漫勇士今個暑假備戰出問題要到依家先跑 反而飛輪閃耀同樣受惠賽制而最賺磅好跑 搏佢 婦女銀袋包Q嗰兩隻發財先鋒美麗同享都搏得幾盡下 隔兩星期再跑回氣時間短 T腳嘅話就要美麗同享
頭場三班二千米 錶之五知季內初出就跑谷二千二未開氣就跑咁長當時唔睇好 沿途三疊望空蝕到喊但居然唔斷得哂輸唔夠三個馬位 返嚟沙田大場又執埋一檔仲用蘇兆輝 首選 Q腳算難搞 決定信獵人成大賽日大搏殺嘅信心之選 既然喺愛爾蘭嗰場一出千六即贏 有理由相信呢隻馬根本係千八二千更好 換埋麥道朗更有信心
第三場都無乜懸念 健康快駒再撼同舟共濟單打獨鬥 計磅死數同舟共濟再贏機會不及上場但換個更好身手麥道朗威力無法估計 健康快駒勝在腎虧潘肯接而上季用得多今季仲有貨應該仲有揸拿
馬會短途福逸必成一面倒大熱 上場孭135頂磅都當金鑽貴人無到 今場呢兩隻形勢排檔一模一樣 但福逸再受惠賽制只讓五磅相當有利 金鑽貴人再抽外檔形勢進一步不利 高佬新就算受蟲草成名轉倉傳聞困擾但相信無礙福逸繼續搏殺 蟲草成名嗰場真係無乜籍口 跑啱哂都埋唔到身 如果最終真係拉走唔意外 顯心星同樣賺磅但13檔注定縮後兜大彎追形勢蝕底 Q腳之中會搏下隻有好檔嘅聚才 同上季同期比skip左精英碗留力呢場隔左七星期做嘢 換更好身手麥道朗仍然有機會殺入一席

[ 本帖最後由 KIRIN688 於 2022-11-19 19:45 編輯 ]

KIRIN688

引用:

原帖由 鴻略 於 2022-11-20 02:16 發表

不管是否夠實力，像頭場的木火兄弟會繼續搏，機會馬。

木火兄弟應該係搏嘅 但初上二千又十檔 估計縮後跑 呢啲馬做配腳還可 有無能力上去跑四歲系列真係天曉得
另外簡單講埋日本一哩冠軍錦標 買三重彩三隻複式要三個鬼佬算數 戰舞者搵返莫雅搵啱人 當年同場同程朝日杯就係莫雅贏 速度大師上場無神神跑中山短途馬錦標擺明唔啱路程 當試大閘 5檔算理想 而喺今年安田以三歲身份挑戰年長馬跑得接近之後喺前哨戰富士錦標輕勝嘅秀逸小島飛起藤岡佑介換上連達文 係第三勢力

[ 本帖最後由 KIRIN688 於 2022-11-20 05:38 編輯 ]

KIRIN688

引用:

原帖由 遊 於 2022-11-20 14:18 發表
何良真係估你唔到殺完又殺

有人計過今季勝出百分比何良最高 似乎今季成功護級嘅機會審慎樂觀

KIRIN688

星期三預有雨 三班嗰三場擺第四場嗰組全無睇頭 美麗系兩隻玩哂 索性買最後三場算順便買條三寶
第六場三班千二第二組形勢無第一組咁簡單 但都唔難揀 銀進一連兩場四班同程都喺好後位置爆上贏馬 升班只孭119磅有利 本場得十隻跑估計留五六位 要再贏非難事 Q腳方面敲下魅力寶駒 雖然上三班三場令人失望但上星期日167場次所見中置返嚟第四輸兩個馬位又唔算太差 轉谷戰水準低加埋又拆組 巴度騎唔到換副帥波仔上去分多幾蚊
第七場余伯又揼本用700萬買入拍賣馬雪勇神駒入倉後係咁磨 前後三個大閘包括兩個谷閘相當有速度 遺傳父母兩線都係短途血統 隨時一出就監生吞 對手之中福滿寶上場贏得清脆利落 雖然贏馬加磅但換布文減少死磅 有一定威脅
尾場再揀赤馬雄風又係擺明形勢搭夠 上星期三形勢不合一早收工 換廢柴騎師減磅又一檔 機會嚟了 Q腳唔講太多 揀返二雋算

[ 本帖最後由 KIRIN688 於 2022-11-23 12:42 編輯 ]

KIRIN688

香港國際賽正式名單
香港瓶
香港：多巴先生 勇戰神駒 勇猛神駒
日本：耀滿瓶 瑪蓮必勝
愛爾蘭：石器時代 波爾明 翩然舞姿
法國：重禮 植物科研
德國：山海小區

香港短途錦標
香港：顯心星 金鑽貴人 錶之未來 福逸 聚才 當家猴王 好眼光 韋小寶 蟲草成名
日本：齊叫好 拉丁城市 險峰懸壁 日照飛駿
新加坡：林家準將

香港一哩錦標
香港：金鎗六十 加州星球 夏威夷 美麗同享 勁搏 幸福笑容 都靈太陽
日本：速率大師 戰舞者 野田赤蠍
澳洲：指數定律
英國：嬌紅灘

香港杯
香港：浪漫勇士 飛輪閃耀 將王 嘉應之星 發財先鋒 玖寶
日本：金積驥 本初之海 麗冠花環 地標圖形 野田小子
愛爾蘭：澳國勳章