KIRIN688

星期日本來講兩場 但刨刨下第五場直路賽倒有啲賭頭
尾場先 兩星期前同班同程前三名再交手 評分檔位磅位調整後美好世界秤先 包裝長勝加左磅再抽外檔打折扣 Q腳北極光 同程八戰得一場唔入前三但輸好近根本路有專長 抽六檔形勢有利 換希威森只有更好分
第五場三班直路賽龍騰飛翔由黃俊變涼瓜配搭加強恨贏之心昭然若揭 計檔同步速好跑 Q腳方面扒冷要縮程賺級數嘅翩翩君子 同樣賺形勢而波仔騎一次上名人馬合作不成問題
戲肉G2讓磅精英碗 金鑽貴人再抽11檔感覺有危機 估腎虧潘都係盡早搶埋嚟 預左分頭欠奉 高佬新一對計磅始終都係蟲草成名有利 上場國慶杯巴度喺中段過早望空唔忍多一陣先爆上嚟跑得老襯 換希威森影響有限 冷門吼返錶之智能 遠征韓國嗰場留一留表現唔差 嚟香港第一季喺大魔頭嗰陣根本可以跑後追 係去告仔後變左放頭前置 本身短途實力唔係最頂級所以跑級際賽成日易位難贏 同金鑽貴人一樣檔位抽得差但一隻熱到兩倍都無 一隻冷到幾十倍 點解唔買冷嗰隻？

[ 本帖最後由 KIRIN688 於 2022-10-22 19:37 編輯 ]

KIRIN688

引用:

原帖由 鴻略 於 2022-10-23 14:55 發表

錶之智能本該有一線實力，國際賽捧成大熱可見當時成績與期望，惟不斷用放頭跑法，怕已造成傷害，轉廄後改回跑法則稍見起色。

第三針後遺症，身體不適，無力講其他馬。 ...

我年頭去德國前兩星期打第三針後嗰晚發燒 好彩啪左克痛先無事 為左去玩無計
福逸真係同佢無緣 咁就11W
今個星期又一年一週夜馬全泥戰 日馬谷戰

四條單棍 最高班嗰場1650米智慧神駒退出埋得返八隻跑 要返一對冤家好好心得搭無心睡眠算

上次泥地賽鵬哥大軍出擊就三W 兩個幾星期後差唔多原班再嚟 尾場盈嵐同禪勝寶駒呢條翻版Q睇怕都無錢分 索性提早瞓覺唔玩呢場 反而第2,7,8呢三場會有賭頭
第2場五班千八 跑得寶寶四平八穩好難唔揀 冷門帥男 上場個泥地大利前置見有段追下追返個第六 似乎有起色 上千八會更啱腳法 而個分減得太多 嘉里又係唔冷唔食
第7場四班1650 鵬哥另一隻泥地王皮具之星又有好檔難飛 Q腳得力寶駒上場初跑泥地千二已經買但起步後完全無前速跟唔到馬群 入直路輸成八九個馬位已經知死得 加程合理
第8場三班千二 又係唔駛講勝意龍上場同程贏甩哂今場繼續有好檔 Q腳方面鵬哥另一隻冰雪奇遇以季初45場次千四米對著自勝者強都跑第四輸得近 換著呢批對手級數差一截已經有競爭力 泥地喺上季跑過場1650倒唔差 縮返嚟千二而馬房擺強陣 難以捨棄

[ 本帖最後由 KIRIN688 於 2022-10-25 20:12 編輯 ]

KIRIN688

引用:

原帖由 遊 於 2022-10-26 14:55 發表

上季全泥日 全熱門都輸
拼冷門~~

R7 摯多福R8 紅運大師
R9 華卓晴

紅運大師上場有買但失望 跑多一場半場應該掃

KIRIN688

引用:

原帖由 鴻略 於 2022-10-26 19:28 發表

我面對的不止是一般反應而是後遺症，復元需時。

最高班同尾三場大熱Q都乏味，比較有興趣是第三場鋼鐵福陞，上仗路短有追勢，今次回到擅長的泥地，希望追得切。另外兩匹兼顧降班的金牌實力及見穩定的歐洲導彈。 ...

魔頭又入場陪蕭家拉頭馬 肯定又搵生意😏

KIRIN688

引用:

原帖由 鴻略 於 2022-10-26 22:39 發表

幾年前見密密招呼包裝系李老闆，但最終未有馬重投；當然蕭家關係就更緊密

澳華威威同愛馬劍都有賽績根據但上仗甚駭人，考慮過亦不敢揀

仲有牛皇頭上場輸得肉酸 可能係天雨搞到內欄啜腳 一落雨嘅泥地真係當大爛地咁賭😒
星期日谷戰尾場擺紫雲冰同桃花盛已經唔駛賭 揀三八九呢幾場同埋秋季天皇賞
第三場廣東讓賽杯兩星期半前同班同程91場次有五隻再碰頭 嗰場排11檔嘅九龍神駒今次變1檔形勢大利先揀 嗰場有揀悅風雲都無乜跑錯下仍然三甲不入 難怪又減分 可能要跌落五班先反彈 今場11檔難搞 反而金獅大將雖然12檔但何堯跑兩場都上名 今次跑谷戰日馬外檔未必太蝕底

[ 本帖最後由 KIRIN688 於 2022-10-28 17:42 編輯 ]

KIRIN688

越洋賽秋季天皇賞揀三隻複式三重彩 年長馬之中本初之海跑東京二千應該難搞 秤先金積驥同大帝 尤其大帝 明顯要有步速先發揮到威力 威爾斯親王錦標就係無電兔結果俾步速玩死 搵返杜滿樂深慶得人 金積驥勝在可以留玩先行 跑法機動 三隻三歲馬比較鐘意野田猛鯨 東京優駿嗰場雖然一度攞位唔順但爆嗰下daah唔講得笑 臨尾腳軟無P似係哩半能力麻麻 但都彈甩地標圖形 久休復出跑二千啱啱好 至於春秋分本來計能力擺喺度應有一席 但李慕華今年跑大賽啲發揮嚇死人 寧願要返川田好過
PS：本初之海 金積驥同野田小子呢三隻有報道話已經接受大機構邀請跑香港杯 落實嚟嘅話主隊馬贏嘅機會係0.1％
第9場計形勢檔位上駿之星 平常心同駿馬風采呢三隻機會應該稍高 而今季各自又曾經碰頭 磅位計上駿之星比上場孭多11磅但嗰場泥地贏得實在出色 至於駿馬風采喺46場次同上駿之星跑田草千二檔位差又唔算輸得遠本來今場檔位有利 只係呢個種平均嚟講四五歲已經係黃金期而佢六歲未必再有貨賣 所以Q腳要返平常心 去光頭蘇後跑場泥地後上如箭跑贏時時滿意實在唔差 轉嚟谷戰檔位繼續理想三甲應有一席
第8場本來計績斛斗雲應該最四正但加到132磅幾麻煩 最多拖腳 紫菜福星升班而臨孭磅輕左而本場對手唔算太強而預計大紅袍電子傳奇喺前面走拉快步速絕對有力一戰 冷門搏下一定要跑形勢嘅赤馬雄風 上場泥地洗底但有段追下個態返嚟 檔位抽得靚而希斯呢啲馬季初唔搏之後仲難贏

[ 本帖最後由 KIRIN688 於 2022-10-29 18:45 編輯 ]

KIRIN688

引用:

原帖由 鴻略 於 2022-10-30 13:31 發表

廣東讓賽「淪落」到由四班馬跑……正路馬是龍戰士及九龍神駒，前者上仗增程贏馬姿態好，後者正如你說抽一檔形勢好，會提升名次。第三選揀瑪神滿紛，四班贏過田草千八有級數，上仗三班第四，狀態已起，放頭馬能克服外檔，四班谷草同 ...

黑撚到 悅風雲偏偏就贏🖕 好彩金獅大將影相第四

KIRIN688

星期三結果跑唔成 啲子彈留返星期日朝直播美國育馬者杯草地同經典大賽 本地賽事就7,8,10呢三場心水 美麗系大軍壓境但戲肉嗰場G3婦女銀袋隻美麗同享孭到135磅又係買唔落手 基本上1,2,3,4呢四隻唔會考慮 稍後先寫 搞左BC嗰兩場先
BC經典賽總獎金600萬美元 得八隻跑形勢簡單 預計成為大熱 出道五場未輸過嘅航線喺舊年因為出道遲趕唔切跑美國三冠 之後贏馬好似食菜咁食 上場太平洋經典初上二千但一樣當其他馬無到差唔多炒成廿個馬位 難怪國際評分上到139 跑法未必一定要放 可以守好位彈性好多 配腳方面睇落係得核心之上同奧運呢兩隻 核心之上喺美國三冠頭兩關都得第二 直到上場卓華時錦標贏 跑法同樣彈性但未曾撼過年長馬係考驗 另一隻奧運喺上場馬會金杯贏得都幾輕鬆 計賽績證明似乎比核心之上更可信啲 睇臨場 至於喺肯塔基打比贏核心之上嘅致富出擊喺卓華時錦標再撼核心之上毫無威脅 之後面對年長馬跑魯卡斯經典賽僅僅輸俾強版查理係咪對丘吉爾園場跑高好多打問號 出道以嚟跑十一場只贏兩場唔似係馬王級份子 今場難以睇好
BC草地總獎金400萬美元 歐洲大軍喺呢場賽事戰績彪炳 對上兩年大利威同伊比爾族都為歐洲隊揚威 但今年最高評分參賽歐洲馬萬勝飛就唔睇好 老實講今年係走下坡 雖然英皇錦標跑第三但輸好遠 所以去凱旋門完全不堪一擊 臨退役前最後一場搵返FRANKIE都係盡人事 另外兩對歐洲大軍 古摩嗰對都係為跑而跑 波爾明雖然係上屆第二但都要拜對手失準 今年嚟講應該唔係高多芬嘅手腳 高多芬嗰對主帥騎威國之榮呢隻喺葉森打比輸完即刻過美國 上場沙拉托加跑賽馬會打比搵FRANKIE客串都可以全無對手 轉嚟堅蘭跑呢場仲要有賺三歲馬磅位之利 首選 最強對手一定自己友隻桀驁之戀 早已經同杜俊誠合作贏柏林大賽 過到嚟美國必然係高多芬嘅雙保險 主隊馬之中嘅希望應該係上年跑BC馬女草地輸俾唯獨愛你跑第三嘅好鬥女神 正宗哩半馬但今年BC馬女草地跑千九米所以向難度挑戰跑呢場 勝在跑法主動可以跟前跑而抽二檔更有利 高多芬要捧杯真係問過呢隻

[ 本帖最後由 KIRIN688 於 2022-11-4 18:33 編輯 ]

KIRIN688

本地賽事第八場先 烈風同縱橫天下估計會係大熱次熱 其他馬匹好多似是而非 本來加州紅森跑千四肯定好過谷千二但退出 唯有向老苗嘅阿根廷PP金多富埋手 年頭已經開操但一直無做快跳 傷患紀錄只話佢四月做公公 直到今季先有正常操練前後試三個大閘都係蘇兆輝包哂 路程短走勢唔算差 阿根廷嘅水準無法估計但既然已經跑到千六 初出千四已經要留神 唔敢話贏得但如果有十幾廿倍拖Q諗得過
尾場美麗系新貨南澳打比盟主美麗宇宙由摩仔買返嚟 早已經俾腎虧潘摸住試閘 揀呢啲日子初出肯定全面出擊  Q腳再追多次一先生 上場一棟都無可能隔唔夠兩星期休息未抖夠 呢次隔左一個月多啲整返個閘 班德禮騎返上去隨時回馬槍

[ 本帖最後由 KIRIN688 於 2022-11-5 17:49 編輯 ]

KIRIN688

引用:

原帖由 鴻略 於 2022-11-5 19:38 發表

我講另外兩場，其中有美麗系。第四場，先選美麗喝采，在65分左右已經屢次同程跑近，應該已找到支持點，藉檔劣或其他路程再減分降班，今抽得好檔，對手普普通通，有力開齋。次選競駿翩翩，贏馬回到此班後此程兩次第五負於強手，前後接近 ...

戲肉嗰場講真 美麗同享雖然上場嘉里跑得差 但隻馬本身咁多古怪嘢仲要初上千八又135磅 你買埋我份 要返韋賊兩隻算數 都靈太陽係咪季內初出唔得要跑一場熱身先好今場有答案 玖寶唔識評 但今場形勢似上場沙田錦標咁 步速唔荒快仍然繼續賺形勢 型6一對發財先鋒有磅位之利 T腳