KIRIN688

重心第二場四班直路賽 預計海豚星 不可擋 電路七號甚至初出而試閘相當有前速嘅超能勇士擺前 步速應該會快 要返部署上幾易估嘅連利福將 抽最近看台檔位路段係好跑就睇馬雅功夫  三隻初出馬石師傅明顯未夠 超能勇士前速夠快但本場有幾隻快馬喺度形勢唔算有利 就搏下轉組過嚟勝利神駒 喺從化做左幾個月功夫 三個大閘都幾肯走 抽著同樣近看台十檔用埋跑直路賽有一手嘅賀銘年 肥航想食大茶飯一啲都唔意外

KIRIN688

引用:

原帖由 鴻略 於 2022-9-30 23:07 發表

跑谷草，前領馬夠快可以搶欄，慢開大後上馬可以留到尾貼欄，中置馬若非一檔則永遠有被頂出外疊的風險，有口馬更甚，梁家俊兩匹較有爭議的都有類似情況，相信賽前練馬師已評估及選擇有風險而有得博的跑法，反正非上風，博錯就乘勢減 ...

魔頭呢排密密入場 今日又現身 魔太同魔女喺度 反而魔仔唔知死左去邊 九成同告女玩船P😆

聽日海外馬集中凱旋門 今日先講總獎金50萬歐元嘅馬女G1 二千米歌劇錦標 對比凱旋門會係膽易腳難場合 雖然出16隻但凌雪飛可以講一枝獨秀 雖然未跑過隆尚但上場跑同樣上落坡古活場嘅蘭秀錦標居然後發先至贏得仲輕鬆 呢隻馬女認真進步驚人 13檔預佢縮後面入直路發難 杜苑欣騎開自然知點跑 Q腳方面反而會諗喺之前嗰場法國橡樹僅僅輸俾凌雪飛嘅花城仕女 出道五場入哂前三準到不得了 法國橡樹之後再跑紅寶錦標其實已經跑得唔錯 原本想跑凱旋門可惜評分啱啱差一位出唔到就轉跑今場 老巫真係跑埋今年就收山轉練馬 鬥志唔需要懷疑 三重彩揀多隻傾向同樣未甩前三但要讓師妹五磅嘅星輝明
戲肉凱旋門 今年出夠廿隻 勝千里唔跑係典型大混戰 場地持續偏軟爛對上年盟主驚世詩才更有利 主戰騎師龐可立要騎波士馬房嘅馬所以今年搵FRANKIE押陣 雖然近年FRANKIE啲水準有向下趨勢但始終經驗老到 抽著18檔易走生位 衛冕難度唔低但三甲一席應有 三歲馬陣營之中吼今年巴黎大賽盟主誠實心為次選 血統雖然嚟自FRANKEL但母系係海都之星嗰邊遺傳到一定長力 巴黎大賽已經證明呢點 上場跑愛爾蘭冠軍錦標路程稍短都贏奮蹈厲而幾乎殺低古摩隻盧森堡 柏士祺經常被外界低估但話哂都贏過凱旋門 返上哩半絕對係黑馬份子 三選其實諗左一輪 日本隊四隻本來對緣厚情摯有少少期望話哂上年同場福伊錦標係贏馬 但川田將雅實在難令人投信心一票 所以要返今年跑得少嘅登山英雌 上場約克郡橡樹贏戰神日似乎未夠說服力但今日個場地仍然軟爛對佢有利 今年只跑兩場體力係另一樣有利條件 鞍上人第一次出戰凱旋門希望佢鎮定從事

[ 本帖最後由 KIRIN688 於 2022-10-2 10:45 編輯 ]

KIRIN688

星期三心水6,7,8呢三場 都係向內檔馬諗

第6場杯賽場合斛斗雲四平八穩又好檔 上個月試谷閘做哂嘢而嚟 有皇寶開路會好跑 Q腳川河冠駒同拉哥係火星撞地球 同程其中兩場走去擺前唔輸先奇 換班德禮又一檔現真身
第7場先要順勢而飛 42場次嗰場直路賽跑得唔錯 返嚟谷戰跑高啲又好檔 Q腳杭州飛輪 12場次贏佢嘅紫雲冰再出再贏 第三嘅晉神都補中 升返三班輕磅又好檔好難唔要
第8場繼續向一檔馬埋手 喜盈於心睇過往賽績又係要靠形勢搭夠 上季476場次田草千二排檔好少少就剷入Q 之後幾場抽檔運非常差結果成日望空唔輸先奇 呢場難得有一檔 寶樹系支持肥文咁耐點都要有個交代 Q腳方面精明勇駿同程未上名皆因又係要好形勢配合 呢場有三檔而陣上有南華之光 有鴻利 顏色王子呢啲放頭馬開路相當好跑 柒頭叻馬房手上可用籌碼唔多 出得到就搏
PS：蘇仔上星期五開肘搞到對家落樓 除重罰停賽兩個月無得去日本外  所屬波士阿加汗陣營亦宣布請左佢食豉椒炒魷 當年同蘇仔開片嘅魔仔趁機抽水😏

[ 本帖最後由 KIRIN688 於 2022-10-4 19:41 編輯 ]

KIRIN688

引用:

原帖由 鴻略 於 2022-10-5 14:46 發表

蘇銘倫確實似發神經，對手封住本來就更有利穩定自己馬匹，聞說涉私怨，我也因此想到當年夜店打架之事，今日野蠻就變相一定程度還摩仔清白。另你的照片是入場拍嗎？現摩太比前「師奶」了一點。

今日第八場我也揀精明勇駿，過去 ...

魔太嗰張當然唔係我拍 除國際賽外都無乜動力入場

KIRIN688

星期日賽事揀三場泥地另外搭尾場二班千四
第二場四班泥地千二 得力寶駒算係少有嚟自美國PPG 一出即贏後都係得嗰近字 終於向現實低頭轉泥地 開季跑兩場草地跑得唔差 父系仲要出左隻泥地幾好嘅滿冠熊 預計唔大熱都次熱 Q腳本來諗再大大但操練停左幾日有疑點 要返腎虧潘攞馬騎嘅火鑽 上季724場次嘅千四對著勁快聯盟都唔輸得遠 暑假上從化做功夫而馬房星期日擺出嚟嘅陣算強 估計會有攻勢配合出擊
第六場三班1650泥地杯賽場合禪勝寶駒搵場千四開氣hea跑 依家呢個分泥地同程唔多 搵返馬雅騎上去必會好好把握 對手之中盈嵐同樣得泥地出路 上場初出草地都有買但可惜草地真係跑低一截 但輸兩個幾馬位反映有基本狀態 腎虧潘少有接兩隻鵬哥嘅馬睇嚟唔會因為拉哥唔喺度就放軟手腳
第八場又係杯仔場合三班85分泥地千二 揀兩隻因為突五分賽事個負磅變得有利嘅馬匹 第一隻醒神 上場134磅變今場只孭126磅非常好跑 即使換希威森都無所謂 又係賽程唔多梗係搏盡 半冷心水紅運大師 神仙到依家未掃似乎仲有揸拿 幾季落嚟都係跑兩三場上力 今季初出孭134磅同程遊馬河 但上場谷千二追一段只輸三個幾馬位其實開始上力 之後到今場首本路程因為突五分賽事 個負磅比初出一場已經少孭12磅十分有利 加埋騎師已經開齋壓力細左 本場有新力寶 萬眾力得同八卦幾隻快馬喺度步速必然快更好跑 Q腳之選
尾場二班千四柒頭公子隻包裝智威上季搏完四歲三冠就抖暑 新季重頭做起 腎虧潘未開鑼已經攞左嚟操又試閘 久休跑千四有新鮮感加上一檔好跑 Q好難唔拖 其他對手之中型佬全一對抽外檔睇際遇 當中美好世界已經有二班證明同埋可以中置後上 唔係好明隔夜票數點解比瑪瑙冷咁多 唔通係蘇兆輝呢個原因？

[ 本帖最後由 KIRIN688 於 2022-10-8 21:52 編輯 ]

KIRIN688

引用:

原帖由 鴻略 於 2022-10-9 14:28 發表

第六場三班1650泥地，禪勝寶駒及盈嵐都是上季場次777強組三四名馬匹，再兼顧跑第五的幸運傳奇，預期後者今次會有較好形勢。


第五場永遠美麗是初出的神仙馬，操好而臨，試閘勢好，有力一出即勝。另兼顧喜傲龍及佐治勇駒，尤以後 ...

都知道腎虧潘大開殺戒 但無諗到贏咁多 去到尾場已經擔心係咪會無影 結果開包裝長勝 局外馬迷屌哂鬼
星期三嗰幾場二三班完全唔好賭 將重心留喺下半場嗰三場四班賽

第六場嘅千二第一組隻三劍俠前場爆完上星期三唔買住睇下先結果啲走位奇差 唔駛老香港出聲個個都屌涼瓜 用力唔多下原庄再來匆匆再戰 排乜檔都無乜分別但A欄希望有得追 Q腳簡單啲 喺財駿同銀進選擇下要財駿 主要都係睇比對上場走勢 銀進慳哂情況下都對頭馬無威脅 而財駿兩週前輸俾晉神確係搏失但純粹晉神走位好 而本身喺四班頗有份量 獵人成打破無馬贏悶局而全晚強陣 又睇啲運係咪返嚟
尾場千二第二組睇埋排位後都係要返上季820場次同程包Q嘅鈁糖武士同當家信心 廢柴騎師未開齋呢隻鈁糖武士贏完加磅再搵佢減幾磅抵消返 又試埋大閘跳埋三段仲唔係搏殺信號？？？當家信心嗰場中段望空形勢不利都入Q可見評分有利 雖然只試一個閘但課期正常 加埋檔又唔差唔塞車嘅話應有一席
第八場嘅千八 48場次同程跑入二三名嘅度新訂做同九龍神駒又碰頭 雖然度新訂做換四眼綸但檔位繼續有利 而九龍神駒負磅同檔位又一次不利 比對之下仍然係度新訂做秤先 Q腳方面搏下隻三零部隊悅風雲 當初85分插班到上季季中開始有嘢睇 同程跑過一場輸俾嘅馬皇帝金呢啲全部係三班中堅份子 落四班後跑兩場已經顯示評分有利 只係隻馬太尺寸 要睇際遇

[ 本帖最後由 KIRIN688 於 2022-10-11 19:57 編輯 ]

KIRIN688

引用:

原帖由 鴻略 於 2022-10-12 18:14 發表

上次忙於看不同球賽疏懶累事，明知樂天派實力上風但熱門兼更怕希斯維持不到馬匹健康，同時又忘了補另兩匹冷門位置Q，另一場有好賽績的知道再勝竟沒有留意是冷門，遇上對賭對象電路九號應是最佳投注場合，最終觀望完事。


...

呢排本地賽幾難賭 星期日只賭沙田錦標同尾場算 反而星期六嘅英國冠軍賽日更有睇頭 集中三四五場呢三場G1

KIRIN688

引用:

原帖由 鴻略 於 2022-10-14 16:27 發表

是，馬匹狀態似乎變化大，很多馬匹初出遠離水準而熱身後繼續沉淪，但亦有翌仗變身，天足貓上次看好但表現太駭人，如果今次排好檔都可能死追一次，以上季尾賽績揀馬就確實要旋里多彩及天足貓這兩匹，見雙黃又檔劣就觀望。另外形 ...

見隔離馬彼德兄返嚟開帖講呢場就搭下咀
聽晚英國賽事
第四場先 總獎金超過110萬鎊女皇伊莉沙伯二世錦標 事頭婆身故後第一場 高仕登拍FRANKIE三隻勝望最高都係7戰6W1P嘅旋進軌跡 反而上流貴婦就唔多睇好 稍後再講 繼續專注一哩仲要係三歲馬女賺上賺 Q腳方面爭功名踏入今年fit到爆燈 舊年跑得一場 今年上半年完全無出 一出就落三W個勢頭好勁 小缺點就係未跑過雅士谷直路一哩 但之前去唔同馬場都一樣準繩 杜俊誠早前墮馬抖到較早前復出 熱夠身應該到位
第三場G1冠軍馬女錦標 獎金比起冠軍錦標少一大半 50萬鎊跑哩半 第一隻劃走當然係嗰隻澳洲馬后雍容爾雅 凱旋門因為評分低跑唔到轉跑水準低一大截皇家地錦標一樣三甲不入證明呢個國際評分113無死錯人 幕後死心不息繼續跑純粹想向當地國民交差 嗰場皇家地錦標頭馬海都薔薇又係崔家所有 預計今日個場地非常啱跑 係落返哩半未知有無影響但報得呢場唔需要懷疑戰意 高仕登兩隻當中FRANKIE嗰隻上流貴婦上場英皇錦標實在輸得非常難睇 好懷疑係咪之前葉森橡樹跑得太盡 雖然隔左差唔多三個月 老實講能否由蟲變龍都無法估計 反而馬房副帥havlin騎嘅變裝寶擺明跑際遇 今場個一檔有遮擋好好跑 人馬合作兩場全勝而havlin早前終於贏到騎師生涯第一場G1 又睇能否乘勝追擊
主題戲肉總獎金130萬鎊冠軍錦標二千米 十戰無敗勝千里以呢場為告別戰 主戰騎師JIM CROWLEY賽前訪問話「賽馬無必然，最後一仗、亦是最重要一仗、最嚴峻一次考驗。」面對來勢洶洶高多芬嘅雅大爺當然不敢掉以輕心  一檔到底會點跑係關鍵 雅大爺搵場唐加士打讓磅賽三隻馬場合(試個閘)就跑呢場 以上年個績跑出水準當然俾勝千里好大威脅但跑唔出水準隨時影都無 值搏分頭唔高 環繞同場份子就搏同勝千里同馬房又係崔家嘅喚雨呼風 聖占士皇宮錦標唔係塞車早已贏馬 但都反映隻馬有增程必要 上場過法國跑尤金阿當錦標用一個唔算最佳跑法放頭都贏當然對手較水係其中一個主因但放頭贏變相跑法彈性 本場放頭馬唔多隨時用上場戰略順便同勝千里造個合適步速 計馬就唔夠勝千里揪但求一席P唔算難

[ 本帖最後由 KIRIN688 於 2022-10-15 09:21 編輯 ]

KIRIN688

無乜時間打 沙田錦標鐵角要都靈太陽 勇猛神駒同幸福笑容 同樣孭磅有利而呢場唔搏 之後嘅大賽平磅更難搞 本來無諗住刨第九場但自勝者強退出即刻好玩得多 選擇係天天得樂同閃得快 尾場首選好拍檔 14檔係難搞但之前跑後追效果唔差 變相有分頭值得再追 Q腳揀返檔位有利嘅錶之科學

KIRIN688

引用:

原帖由 鴻略 於 2022-10-16 14:39 發表

勇猛神駒跑千六可近但要入Q似乎就難，我在美麗同享與勁搏之間選了前者代替，美麗同享是可再上之馬，跑千四在不可能位置反勝對手而千六更佳，勁搏計死數應甚惡，但疑問是似反方向地「不受負磅影響」，輕磅助力相對較小。

第六場 ...

加州星球無馬搞就好跑 但比起美麗傳承仲有距離 嚟緊再對支鎗絕對好睇唔好賭
星期三最後三場單棍
第六場都無乜好講 越駿知己同鴻運飛鷹同程近績好又好檔 熱食都無計 至於黎昭昇初出PP星之寶做哂嘢又去埋試谷閘 仲要出自滿樂時可能一出就監生吞 睇飛數做人 但鐵角就無乜回報可言
第七場大多數馬唔係近績普通就無路程根據 先要返四平八穩又好檔嘅川河冠駒 半冷心水美麗喝采 愛爾蘭個績一出已經一哩反映隻馬之後越跑越長 嚟到香港後都係偏向均速 跑千四當然唔夠爆 上場其實唔差 全程望空都係輸三個幾馬位 終於跑返首本路程又好檔啱哂前置守好位有權變身
尾場威力奔騰操足但孭133磅係阻力 欠值博分頭 要返同程準嘅有主意 雖然八月停過幾日但近期操練正常 Q腳方面揀多利神駒 季內初出53場次啲跑法似開氣但直路被阻後撲返上嚟個勢都唔差 今晚個檔好過上場應有一席

[ 本帖最後由 KIRIN688 於 2022-10-19 10:06 編輯 ]