KIRIN688

引用:

原帖由 鴻略 於 2022-9-14 01:23 發表

常常有餘繼續好檔，正路選擇。天行健狀態仍勇銳，但有常常有餘及五門齊頂住，三檔似是偽好檔，二疊抑或再後一卡一疊難料，之前把握機會贏馬，加分後其實壓力大，需要更大進步。五門齊之前實力肯定在天行健之上，但上仗流鼻血，狀態或 ...

第七場亂局 獵人成出三隻必有所圖 信和系燊榮之星上季初出已經追 之後初跑谷戰幾乎劏人 可見水土適應快 班德禮攞到主戰唔會懷疑戰意 同倉浪漫組合跑返草地又好檔又田雞 要得燊榮之星無理由唔要埋呢隻 第三選喺牽旺加富同二雋之間選 牽旺加富本來跑法變機動理應有利但135磅令人卻步 二雋雖然都孭132磅但上季早喺三月後收工 加上同程六戰全入前四 最後決定搏二雋

KIRIN688

未望星期日排位前睇睇下星期三啲馬 終於有返80 90年代嗰啲出馬八隻九隻嘅feel 出馬成日14隻點叫人玩

星期日最後三場心水

第八場三班泥地千二雪茄鄭早早開齋捧杯減下壓 今場隻牛皇頭再搵蘇兆輝又好檔 有獎金大王放頭好好跑 呢啲死路程馬有得出實搏盡 Q腳搭返同樣泥地有根據嘅勝意龍
尾場三班千四整體水準普通 要返一對季前積極備戰嘅重磅馬駿益善同一先生

重心第九場二班直路賽 帖木兒退出得返十隻 雖然係咁但選馬範圍好廣闊 基本上除谷一千王南區寶同路程不合嘅好好心得比較下風外其他隻隻都有入圍條件 本場幾隻子彈快馬有狀元及第 南區寶 經典之星必有步速 先要嚟到八歲但初跑直路賽嘅艮志騰雲 老一輩認為老馬利季初應該適用喺佢身上 隨著又大一歲路程性能應該係一千最好 抽埋近看台八檔更有利 次選方面要同樣八歲嘅魅影揚飛 轉跑直路賽後三W又幾場入P 今場雖然係二班作賽但水準唔算高 個負磅有利 田雞騎開知點跑 三選幸運有您縮落嚟直路賽抽十檔而腎虧潘唔放手 雖然希斯已經飛去英國參加事頭婆國葬但馬本身早操好必然盡快交代

[ 本帖最後由 KIRIN688 於 2022-9-17 16:41 編輯 ]

KIRIN688

引用:

原帖由 鴻略 於 2022-9-18 04:18 發表

星期三進退失據，可能受到前面仍然贏同超班不能有其一攝入一席影響，本來三劍俠同包裝風雲都是有賽績根據的博冷佳選，最終觀望收場而走寶。

明天講三場。第二場創高峰同程前季四班贏過，上季五班亦入Q，檔好準備足，前列份子，先 ...

魅影揚飛退出埋索性就艮志騰雲幸運有您單Q
另外補充尾場加多隻半冷盈嵐 本來都係跑草地起家 季前上左去從化而上季未曾有呢個安排 今場跑無乜績嘅千四必有分頭 謀一席嘅難度唔高

KIRIN688

星期三幾場出馬九隻 所以擺四班千二喺尾場 望完排位即刻投降 專注幾場出馬少嘅場合 1,2,6,7呢四場睇檔做人
第2場二班1650 又見到連連歡呼呢隻吸飛馬 成日引人落疊 開鑼日又追一段而拉哥騎上去注定大熱 對賭攻擊 先要歡欣福星 四月跑完之後做公公抖到季尾825場次復出其實跑得唔錯 出彎勒避再掟出去追返個第五 開操後係咁磨連積奇都話隻馬好好火 巴度雖然開戰三日仲係遊魂但預計呢場火燒唔熱點都要 半冷門要突破三班重磅樽頸位嘅同舟共濟 上季731場次贏谷二千二雖然對手水但孭重磅彈甩點都係好賽績 抖三個月跑1650唔會覺得短 獵人成季初急先鋒全面開火當要重視

第7場三班千二 萬眾力得又一檔 嚟到呢個分一定要靠形勢搭夠 拉哥跑左一日賽事熱身應該上力 單Q當然係同程四戰未甩前三嘅極速奔馳 賭過關熱食都要
反而頭場四班1650算難搞 又係向檔位埋手 獵人成全晚強陣日輝煌到依家未贏但有幾個P 拉哥主動攞返嚟騎又好檔 首選 Q腳之中本來有留意超級黃蜂但跑法得一招識放唔識追 有其他馬中途上嚟搞就麻煩 要返有班底嘅9歲老嘢威進駒 退化比想像中慢 依家跌到嚟42分覺得威哥未必咁好耐性俾佢落五班孭重磅 呢場分分鐘可能係最後一擊

第6場三班1650 合夥精英上季第一季服役雖然未贏但整體演出準 雖然初跑谷戰但曾試谷閘相信問題不大 獵人成今季大力支持班德禮連上季騎開嘅何堯都唔用 就算孭到135磅仍然首選 Q腳方面合約精神睇嚟同何堯唔多夾 落返三班用返涼瓜又一檔集合有利條件於一身 合夥精英要輸嘅話就係輸俾呢隻

[ 本帖最後由 KIRIN688 於 2022-9-20 16:07 編輯 ]

KIRIN688

引用:

原帖由 鴻略 於 2022-9-21 13:48 發表

第六場嫌萬眾力得評分在泥績中上揚，回到草地甚吃虧，縱使一檔亦只覺邊線。第七場兩「合」正路，包裝風雲重拾正軌可再上，最強對手，但三匹就分頭普通。

第一場1及2檔是機會馬，我也同時考慮3及4檔兩匹。機緣巧俠已回落到低於 ...

飛輪鑽皇呢啲馬半冷嘅話仲可以拖 但到依家仲係三零部隊難言有信心 順便搭下 今季點睇肥航成績

[ 本帖最後由 KIRIN688 於 2022-9-21 15:54 編輯 ]

KIRIN688

星期日上演今季第一場G3慶典杯 可惜出馬少得可憐 連千四都咁少馬跑 大魔頭退休後無乜好馬買嚟可以預期呢幾年呢啲分級賽出馬持續偏少（唔計國際賽）呢場賭錢分頭欠奉 索性睇馬算 全日心水揀頭兩場泥地同尾場二班千二
PS：尋晚谷戰有人影到魔頭入場係咁同韋賊密密斟 魔頭似乎有好嘢益韋賊😏

[ 本帖最後由 KIRIN688 於 2022-9-22 19:06 編輯 ]

KIRIN688

頭場四班泥地1650 首選木火兄弟 開鑼日跑千四追得唔錯 今次雖然初跑泥地但試幾個泥閘都有走勢 本場出馬唔多更有利前置跑法 Q腳要返大道至正 過多三個月就8歲呢啲馬唔會有保留 本來予定俾拉哥家陣換返火車潘其實仲好 執二檔機會提升
第二場五班泥地1650 都係向獨沽一味泥地有競爭力嘅馬埋手 跑得寶寶以上季293場次同程留後彈甩贏水準計 泥地必超五班 熱身後強配班德禮正路之選 旅英系又玩轉倉 旅英福星上季霍老爺散倉去柒頭叻都係得個近字 質素唔高勝在同程有上名根據 轉威哥後手法唔同左希望憑呢樣改變會有耳目一新表現

[ 本帖最後由 KIRIN688 於 2022-9-24 12:05 編輯 ]

KIRIN688

引用:

原帖由 鴻略 於 2022-9-24 20:07 發表

大摩入場支持埋齋馬馬主，可能又有馬代購進口。

前面問及燉廄，打開馬匹列表，不少表面退步中馬匹，廄主令馬回魂能力低，老表醒好一場即大敗，這類馬無期望，只有少量未知數新馬或可爭取一點成績，整體看來會進一步向下。

明日不 ...

尾場二班千二又係混戰一場 上星期貼中艮志騰雲但本場對手比起上星期强一截 再加兩磅孭133雖然有一檔但難以睇好 首選要返少爺仔 當銳而馬雅喺上季尾拎返帥權 雖然無閘但上季除初出前嘅基本考閘外之後都無試 高佬新睇嚟係想隻馬有fresh 上季尾816場次二班半賽事千四米孭135磅都入P水準計跑返正常二班孭磅有利得多 抽二檔又睇可否跟前啲 對手之中型佬全出夠三隻 檔位計以戰養戰算好跑 上季煞科同駿馬風采同場分列二三輸俾金鑽貴人 本場走位形勢可能同上場差唔多但駿馬風采嗰場留後啲勁勢撲上睇嚟效果比跟前更好 索性一對要哂

KIRIN688

引用:

原帖由 鴻略 於 2022-9-25 13:11 發表

跑得寶寶正路，我另取同程與之跑近的日日夠，都是擅泥之馬。博冷就選八騎士，屢在四班近，後來健康有問題，現在休後降班而見試閘狂追，有權一網打盡。旅英福星及巴基勇士都屬長期似就快好而失望之馬，不否定機會，但賠率嚴重偏低兼 ...

https://m.discuss.com.hk/index.php?action=thread&tid=30677046&page=30
隔離肥航關注組幾多人 搭左兩句😆

星期三嗰兩場三班千二全無賭頭 心水揀頭兩場四五班搭尾場單棍算數 呢三場都先要左韋賊嘅馬 勝出魅力 奇妙年華同三江飛輪 尾場Q當然搭埋上場搏殺失手 今場增程更合嘅燊榮之星
頭場五班學當年熊良錫話齋 幾乎隻隻都垃垃圾圾似是而非 勝出魅力已經算庸中蛟蛟之輩 30分而竟然只孭121磅著數到暈 出閘順利嘅話贏面九成 對手之中排一二檔嗰兩隻算有威脅 一舖成名累積五W已經全場最多但步入8歲戰力只會有跌無升 加上一見個馬房唔多開胃 排隔離二檔嘅縱橫十六睇嚟係遲熟份子到上季中後先嚟了 雖然初跑谷戰但憑田草級數加檔位理應有一席
第二場Q腳要返早已操起嘅香港精神 之前試1050泥閘唔駛點俾就自動波反映個態嚟得早 田雞唔騎得換巴度影響有限
刨刨下第七場似有可博冷 美麗邂逅同鴻運飛鷹上場串Q但係咪會翻版Q未必 美麗邂逅加磅到135又檔位外移 鴻運飛鷹嗰場一支箭飛上嚟用力咁多隨時有走樣嘅可能 搏方仔嘅紫雲冰 同阿仔相當合拍升班輕磅又好檔 另一隻希斯初出PP宏才 外地贏兩場都係放但試谷閘教留好位效果唔差 隨時一出劏人

[ 本帖最後由 KIRIN688 於 2022-9-28 08:04 編輯 ]

KIRIN688

引用:

原帖由 鴻略 於 2022-9-28 17:54 發表

看到留言，個人宗旨是肥航馬若熱門又不具明顯優勢就放棄

今日繼續超亂局，尾兩場三班看賠率已覺平均。

頭場五班，勝出魅力上季首勝後兩仗近而未入Q，今排三檔預期中置二疊，機會馬但無明顯優勢。個人繼續博降班馬，盈嘉輝上 ...

涼瓜尋晚都唔知想點 無眼睇
賀佢老母賽日嗰場主題賽事基本上無乜好講 蟲草成名唔墮馬照計贏面壓一 雖然排最內欄但得七隻跑影響極有限 單Q搭腎虧潘攞返嚟騎嘅聚才 衛冕盟主而上場比卡超杯大力勒避下都有段追 其他場合集中第二三九場
第三場四班千二 同聲同氣上季一出就大熱結果不幸爆缸 型佬全無放棄等養返好隻馬操夠先出 三檔易走位 Q腳本來要跑得好但退出埋 改要有好檔而落返千二會有競爭力嘅鹿鼎記
第九場二班千六 預計個地就算落雨唔多一定唔會好快地 對一先生嚟講機會提升 當然如果場地越爛就更好 突破三班重磅樽頸位減12磅好跑好多 雖然蘇兆輝停賽換波仔都難以忽視 獵人成出三隻 快益善本身難騎搵小鐘減磅都難以睇好 路程適性應該係駿益善最好 上場孭重磅係唔差但上二班跑兩場都無威脅 睇飛做人 馬房第一選擇合夥精英就上場內閃難騎但都肯衝 千六肯定都係短但獵人成匆匆再跑又繼續俾班德禮摸住 信多一次

[ 本帖最後由 KIRIN688 於 2022-9-30 20:08 編輯 ]