KIRIN688

古活賽期第一日心水
第三場條件平磅G2 里諾斯錦標千四米 四平八穩應該係兩戰千四都贏嘅聖駒 上場初出跑白金禧錦標跑第五輸一個馬位算唔差 古活賽期佢都有報後日嘅薩色士錦標但面對未輸過嘅勝千里 結果都係向現實低頭跑呢場G2 難怪俾外圍佬捧成大熱 Q腳方面揀整體賽積穩定嘅盧薩城 練馬師仲要係擅長練早熟馬嘅向能家族 兩三歲搏完到四歲唔駛睇
戲肉總獎金50萬鎊跑兩哩嘅古活杯 對上五年盟主同時又係冤家嘅真章同弦樂器又交手 老實講弦樂器上場就算FRANKIE 發揮無錯都唔覺得可以贏饒舌達人 雖然換返曾經贏過嘅艾兆禮但不睇好 上年盟主真章擺明睇天做人所以擺第三選 正路都係饒舌達人 上場大幅跳程賽前係唔信結果贏左輸得服 落返嚟兩哩威力只會更强 半冷Q腳揀同雅士谷金杯一樣跑四千嘅雅士谷錦標贏馬嘅好勝駒 之後再喺沙丘園降格跑表列賽兩哩大炒對手證明近況大勇 韓比爾之前贏七月杯手風大順而馬房仲有滴酒不沾向勝千里挑機隨時係馬房攻勢 外圍佬將佢set左11倍證明唔敢睇小

[ 本帖最後由 KIRIN688 於 2022-7-25 21:01 編輯 ]

KIRIN688

打一大段聽晚嗰場G1又話未登錄 結果化為烏有 算了只提供馬名算數 Q勝千里搭猛獅闊步 三重彩加滴酒不沾
第五場亂買一通 馬昆加杜苑欣夫婦Q

KIRIN688

古活第三日戲肉 總獎金60萬鎊 G1蘭秀錦標 三歲馬女初對年長馬女跑二千  數據上對新鮮出爐法國橡樹盟主凌雪飛有利 近十屆賽事三歲馬女贏七屆 始終受讓九磅 跑法又主動 雖然之前英皇錦標兩隻三歲馬完全不堪一擊但本場嗰幾隻年長馬女唔見得有突出之處 頂多叫平穩 當中最大勁敵就係老公馬昆嘅紫花路 今年復出第二場就喺約克大場贏G2米德爾頓錦標 之後就直指呢場 雖然輸過俾同場夢泰斗但當時今年初出難作準 呢條夫婦Q睇怕無乜肉食 三重彩腳勉強提供古摩嘅合奏交響 對比同樣三歲凌雪飛 出賽次數多一倍 連美國嗰場貝蒙橡樹都跑擺明今年要用哂

KIRIN688

大機構直播三日約克賽期
第一日賽期兩場心水
第三場G2獲狄嘉錦標 限三歲馬仔同公公跑哩半 高多芬一對主帥揀騎神秘國度 計近績雖然只贏讓賽但姿態輕鬆 應該係主力所在 副帥騎星大道上場跑新市場七月跑道G3巴林錦標撼聽日又同場嘅川河威駒結果食悶棍 再之前葉森打比包尾似進度未夠 等下年 Q腳都係要返6戰只一場不入前三嘅川河威駒 三重彩腳勉強提供法國打比亞軍館子 之後再跑巴黎大賽第三對頭馬一樣無威脅 勝在跑法主動
第四場戲肉 總獎金100萬鎊朱德望國際錦標 G1三歲以上跑二千一 阿倫克爾退出埋得返六隻跑 其實都無乜好評 一哩王勝千里硬撼上年冠軍萬勝飛 勝千里雖然初上二千一但近兩場都係去到臨門二百撻上嚟 跟足當年FRANKEL部署增程合理 萬勝飛始終十化郎首本 跑返地勢平坦約克場點都好過雅士谷 三重彩腳要返上年冠軍錦標老二譽滿杜拜 同樣十化郎首本 上場同程前哨戰約克錦標僅僅輸條毛俾街頭藝人認真失運 無冠軍相但三重彩點都要返

[ 本帖最後由 KIRIN688 於 2022-8-17 18:08 編輯 ]

KIRIN688

約克賽期第二日主題賽事G1 總獎金只有朱德望錦標一半多啲 三歲以上馬女跑哩半 約克郡橡樹 膽易腳難場合 勢如破竹嘅登山英雌左睇右睇都係馬膽之選 今年上半年完全唔出擺明搏下半年 上場年內初出跑聖格盧大賽雖然呢場馬平均水準係唔高但未熱身都照贏始終可信 上年贏柏林大賽今年向更高目標進發跑呢場 距離上場足足個幾月時間休息 體力的確贏哂 Q腳方面搏下喺蘭秀錦標走位失機僅得第三嘅紫花路 嗰場過終點後猶有餘勁似乎跑哩半更好衝 只係馬昆對比上年計今年手風認真麻麻 贏唔贏睇運 另一選喺英愛兩隻橡樹盟主揀 最終揀神奇湖 純粹覺得古摩隻戰神日喺葉森橡樹同上流貴婦撼得好勁 結果上流貴婦去到英皇錦標潰不成軍 戰神日喺愛爾蘭打比輸成超過十個馬位第四 初對年長馬女受讓九磅呢個差距頂多爭下三三四四無冠軍相 至於神奇湖方面其實夏寧敦夫人練馬跑大賽能力唔差 之前嘅星耀峻嶺已經可見一班 勝在可擺前走 對手有乜閃失就有機可乘

另一場心水 第五場表列賽紀塞斯錦標 限未贏過分級賽同未喺G1跑二三名嘅馬女跑哩半 集中向三歲馬女埋手 四平八穩高仕登拍FRANKIE嘅變裝寶  前場喺希鐸贏今場又碰頭朱德望陣營嘅按時鎖上 上場轉新市場七月跑道同程讓賽贏條街 哩半能力無容置疑 換返FRANKIE上去可望三連勝 最強對手個人覺得係崔家嘅金弦天琴 雖然上場金頓贏膠沙水準一般但始終係大勝 能力仲有幾多未知 馬房鎮寶勝千里啱啱再下一城 旺勢迫人 朱德望陣營兩隻分別強配莫雅同布宜學 同樣有哩半經驗尤其伊城小村一出已經要哩半極大機會將來係大長途氣袋 今場稍秤先

[ 本帖最後由 KIRIN688 於 2022-8-18 09:10 編輯 ]

KIRIN688

約克賽期第三日 三場分級賽其中一場小玩意錦標係兩歲G2 小弟從來唔玩兩歲賽 因為太難估計馬匹進度 就好似尋晚高多芬其中一隻兩歲馬咁就大熱死火 第二場G2 倫斯度杯 跑三千三米 應該都係兩隻冤家弦樂器同真章單挑 想講嘅就喺其他六隻之中揀一隻入三重彩 除非真章又玩臨場退出 用删馬法先劃走童子偵探同利升 嚟到G2唔夠揪 再劃走係上年冠軍長途杯入Q嘅踏實驥 踏入今年戰績普通 雖然喺G2約克郡金杯上名但對弦樂器全無威脅 餘下三隻當中好勝駒上場跑古活杯有揀但表現差過預期 繼續平磅又同弦樂器真章撼唔見得有乜嘢機會 另一隻雲起有晴今年七戰近五場全部贏哂但全部都係普通讓賽 初上G2成為全場唯一三歲馬受讓12磅 到底仲有無能力再上挑戰一對主角有啲疑問 劃剩一隻亮葉仙查 以近幾場喺雅士谷 沙丘園同巴黎隆尚呢啲大場分級賽交嚟嘅水準嚟睇 跑呢場倫斯度杯入三甲難度唔算太高 尤其今年只跑四場相距出賽密度有一定時間休息 部署有備而來（弦樂器退出埋 真章雖然照跑但睇場地似乎未夠爛 搏下大霧亮葉仙查搭雲起有晴單Q)


第四場G1主題賽事 總獎金超過50萬鎊楠索普錦標 跑一千直路 正宗大混戰 全場唯一兩歲馬白金皇慶雖然兩歲賺磅 但呢項賽事近十幾年兩歲無贏過數據無呃人 其實呢啲賽事係咪俾埋兩歲馬參與都好懷疑 喺古活賽期G2英皇佐治錦標包Q嘅樂於助人同信使再碰頭 樂於助人勝在近績好而莫雅連波士古摩嗰隻都唔騎 不過感覺唔算太超級 信使近績出色但杜俊誠今日寧走去salisbury都唔留返約克跑呢場G1 有啲伏伏地 反而白金女主有啲值得搏 蘇兆輝跑埋呢場都差唔多時候飛去香港報到 買佢同吉田家鬥志一瓣已經好過白金皇慶同御讚好呢啲進度估估下 新勝紀爾斯大賽盟主喜菲皇女隔唔夠兩星期又跑休息其實差啲 但千三縮返落嚟一千憑級數氣量 再加上約克同程三戰非W即P 又唔敢批死一定唔得

[ 本帖最後由 KIRIN688 於 2022-8-19 20:35 編輯 ]

KIRIN688

仲有一星期開鑼 但聽日兩隻香港馬過韓國跑停辦兩年今年終於恢復嘅沙地國際賽
睇過往數據日本馬喺韓國國際賽成績非常好 今年雖然只派兩隻角逐但實力計比韓國主隊馬仍然勝一籌
第二場嘅韓國短途錦標衝勁魅力跑開千四 縮落嚟千二想搏級數無可厚非 睇跑法應該幾啱首爾呢啲沙地 兩隻香港馬想買錶之智能 實力見哂勝在跑法彈性可放可留 抽八檔反而覺得可望空走避免食沙 同埋話哂魔頭練過有情意結 呢場加多隻向主隊馬埋手就係莫爾菲斯 睇往績似係後追型 今場估會賺步速 最重要一點騎師係前肥胡主帥衛韜禮 硬淨程度一定比起當地土砲好得多

第三場韓國杯另一隻香港馬黃金甲得一招放頭 同場主隊馬有幾隻跑法同佢差唔多 估計極大機會互燒 今場唔睇好 日本另一隻代表 豐哥細佬幸四郎練嘅輕而鬆以年頭沙特打比水準計嚟講到韓國跑就超級 後追型賺步速 加上仲係北三身份減五磅更好跑 唯一疑問係藤岡康太第一次騎佢唔知會點 希望靠馬質搭夠 三隻外隊馬另一隻就係卓普咸前太座卓珍妮訓練嘅才智紳士 英國跑膠沙地三戰未甩P 而上屆即停辦前練者已經有派馬過韓國仲入P 呢隻才智紳士比當年參賽嘅大使威儀賽績更硬淨 鞍上人同樣係易健寧知道場地點跑 求一席位應該唔難 三重彩加入返主隊馬同樣衛韜禮押陣嘅心搏 勝在跑法彈性可以留同埋有二千長力證明

[ 本帖最後由 KIRIN688 於 2022-9-3 17:53 編輯 ]

KIRIN688

話咁快又開爐  揀四場單棍
第四場比卡超杯 呢啲一班讓磅賽都係向輕磅馬埋手 金鑽貴人以上季煞科日索性自己放頭贏馬姿態嚟睇 今季應繼續向上 肥文練埋今季退休肯定揸盡佢 Q腳方面搏下同倉嘅必長勝 實力見到8899但尚算準 連場抽檔差形勢唔就得個近字 今場終於有一檔 除非內欄場地不利 時時滿意放頭佢同金鑽貴人守好位非常有利 馬房Q 三重彩腳勉強要埋夢想成金

第七場其實評無可評 東方飛影同電源之駒單打獨鬥局面 希斯都係食季初搶攻

第八場四班千四希斯另一隻天外飛天執好檔而腎虧潘一早攞試閘 上季758場次個第三雖然無威脅但純粹係頭馬自勝者強大超班 呢場腎虧潘試過皮具先鋒最後都唔要 傾向相信佢眼光 Q腳方面反而會諗上季812場次贏千六嘅木火兄弟 嗰場檔差前置全無COVER都贏 四班留唔住 今場六檔又係好好跑 睇死隔離老辟嗰邊老香港會揀😏

事頭婆駕崩 RIP 尾場求其噏算 先要轉去韋賊後就上名嘅美麗喝采 另外嗰場贏佢嘅快搏睇功夫幾辣 同主勁搏上季交白卷睇嚟鍾生今季要拉頭馬寄托喺快搏身上

[ 本帖最後由 KIRIN688 於 2022-9-10 14:55 編輯 ]

KIRIN688

引用:

原帖由 鴻略 於 2022-9-11 02:19 發表

星期四一直不安而未看排位......


第四場一班讓磅賽通常輕磅馬揸弗，但錶之未來用十磅仔變輕磅就有機，太熱又非單純場合。第八場不否定進步中的木火兄弟，而且有梁家俊押陣，只是增程贏完再縮程於落敗路程，怕路短。我另講前 ...

錶之未來墮馬後打折 復出後三場有兩場全程望空就無影 今日係靠呢個新十磅仔睇幫到幾多

KIRIN688

星期三嗰三場三班賽 尾場嘅千二無乜好評 常常有餘同天行健排好檔呢條Q打風打唔甩
另外兩場三班值得研究
第三場三班一千 八心之威 輗多福 齊心同行仲有佳運發呢幾隻快馬喺度 搏下啲可以咬好位 小試下肥航隻龍騰飛翔 本來就係跑草地起家 雖然谷戰兩場唔上名但上季484場次同程算追得似模似樣 本場得十隻跑檔位好過嗰場 谷一千水準普遍比起泥地千二更低 搵黃俊肯定無人信  Q腳方面初出旭日光已經喺三月開操 之後上從化 試閘頗有前速而本場快馬多估算腎虧潘都會守好位 血統仲要咁早熟 初出監生吞絕不意外

[ 本帖最後由 KIRIN688 於 2022-9-13 13:14 編輯 ]