KIRIN688

引用:

原帖由 鴻略 於 2022-6-28 01:11 發表

黎恩偉與白德民

回港隔離變相被迫刨馬？我簡單講兩場短途。

第四場，原班馬有得意佳作及皇龍帝國近績不俗，一追一放有好檔。年少有威初出，試閘頗勁，雖曾缺課但對手亦弱，搗亂大局屬此駒，兼顧。

第六場讓愛高飛 ...

無諗到黎恩偉依家喺高多芬做艾柏賓副手 之前問yuen師兄佢話黎恩偉只嚟過香港兩次 最後嗰次好記得只贏左隻真威喺董事杯 之前嗰次好似係雷誠未嚟

尾場三班一千 幾隻子彈快馬喺度華麗活力咁機動應該係最四平八穩 型6爭冠唔會保留 冷門Q搏下搵廢柴騎師減磅嘅勇創派對 個分已經差唔多 勝在呢場多快馬放頭而佢本身可以留五六位形勢有利 本來喜傲龍都有考慮但11檔焗留後面 比起勇創派對更被動 加上如果呢場無影就四班見 決定忍手

KIRIN688

引用:

原帖由 KIRIN688 於 2022-6-28 09:10 發表
無諗到黎恩偉依家喺高多芬做艾柏賓副手 之前問yuen師兄佢話黎恩偉只嚟過香港兩次 最後嗰次好記得只贏左隻真威喺董事杯 之前嗰次好似係雷誠未嚟

尾場三班一千 幾隻子彈快馬喺度華麗活力咁機動應該係最四平八穩 型6爭 ...

腎虧潘跑華麗活力九流發揮🖕
勇創派對跑啱哂無得好講
另外服大舊石練呢隻八百米馬王輗多福 同時證明希斯廢到無人有
71預有雨 揀馬又有難度
第三場二班千八 有四隻喺三週前747場次千六交手 前三段勁慢步速結果大利放頭幾隻 今場型6派發財先鋒同天駟都係前置 又唔知點搞 神仙三隻之中都係要返健康快駒 嗰場都爆到段21秒8拉士表現唔差 跑返千八賀銘年知點發揮 神仙另外兩隻醉眼光上二班輕磅本應有利 但初跑千八換另一批對手檔位外移 以拉哥作風十居其九跟前跑 笑哥兒勝在機動 嗰場違反馬性放頭但幾乎頂到尾反映個分仲有水位 依家個負磅仍然有利 至於腎虧潘嗰隻北極光上場谷千八擺明去馬但塞車 本應戰意最好但二班孭128磅以上從未入三甲 邊線

第九場三班千六 自勝者強初上千六以神仙手法必去 只係一定無肉食 刨兩隻搭佢買三重彩 先要返一先生 打比遊馬河後跑首本千四千六繼續準繩 俾返班德禮搏得就搏 同場大部份馬又似是而非 索性搏隻信和系初出嘅燊榮之星 英國賽績5戰3W而最後一W贏約克場四班一哩 舊年暑假已經開操 睇傷患紀錄話三月頭整傷條頸停一排之後重新操起 雖然話傷左搞到依家先出但如果對比同倉樂益善由開操到初次出賽只係四個月計 以獵人成手法嚟講算好少有對呢隻燊榮之星咁好耐性 前後試八個大閘其實大多數走勢OK 唔係話一出贏得但呢場自勝者強喺度肯定會冷 買Q位置Q有得諗

第七場雜種杯場地預計有變 向輕磅馬埋手 兩隻冤家夢想成金同必長勝又交手 計檔同上場走位嚟講夢想成金比必長勝稍高 必長勝個檔差但睇季中輸俾加州星球嗰場留中後都入Q 似乎跑後追唔差得過跟前 睇肥文同巴度肯唔肯變通 至於三重彩方面風火戰駒落返千二對手無咁強應該可以接近但無冠軍相

[ 本帖最後由 KIRIN688 於 2022-6-30 18:12 編輯 ]

KIRIN688

隔離完返去執下屋 星期三啲馬喺隔離期間出報名已經刨左一輪 兩組四班千二頗有賭頭
第五場分組第二組本來賽前刨三生好運 落四班有利但抽最外檔就難搞 都係睇檔做人改要人和家盛 由高峯時期71分跌到嚟54分開始反彈 當然跑馬睇檔位際遇又拆埋組更提升機會 另一選就係踏入下半季開始上力嘅鼓浪精綵 735場次同樣場地有變檔差算追得唔錯 雖然41分就落五班但睇操練肥文安排巴度連拍三課唔似會hea
第六場分組第一組同樣排位前後心水有出入 皇者驕傲落四班開始近但拉哥試谷閘後足足停左兩週先出嚟 雖然臨門拍返幾課又搵黃俊減磅但難有信心可言 另一隻南莊加好又抽11檔非常被動 向有一檔之利飛躍凱旋埋手 以對上三場沙田賽績嚟計擺落谷戰呢批對手佔級數之利 一檔更好跑 不明份子係753場次初出表現唔差嘅國大合 嗰場對美麗笑聲加州威勝見馬雅都唔係認真點騎遊馬河只輸三個幾馬位 轉嚟谷戰大樹遮蔭啱燉馬航胃口

尾場二班一千 以今季嚟計算編左唔少此班此程賽事 今場好多子彈快馬例如運利多 經典之星 南區寶 小太陽呢啲 度左之後本來心水之一係帖木兒 話哂薛恩告別戰但感覺今季走下坡 跑法又實在被動 至於勝不驕又同飛凡同場 飛凡個檔唔算太好今年又搏得多 勝不驕形勢好跑但比上場孭多13磅去到135頂磅 一於對賭 先要日日型 其實谷戰兩場跑得唔差但睇落一千米較合腳法 班德禮本來就係騎開唔擔心人馬合拍程度 冷門心水艮志騰雲 勝在抖過 上場769場次谷千二係休後復出第二場 埋尾百幾米先力弱 縮返嚟谷一千又一檔更好跑 雖然獵人成報小太陽首選但計備戰功夫一定係艮志騰雲好過小太陽 埋門俾嘉里落草地試應該係搏殺信號
PS：倪匡身故 佢又可以同古龍 三毛 金庸 霑叔風花雪月
另外大機構公布馬主抽馬名單摩仔以個人身份中左再下一季PPG籤

[ 本帖最後由 KIRIN688 於 2022-7-6 11:37 編輯 ]

KIRIN688

引用:

原帖由 鴻略 於 2022-7-6 18:23 發表

兩組四班千二我都有留意，第五場人和家盛上仗1檔入Q，今次形勢相若，正路選擇。鼓浪精綵能力早在田草顯現，過谷草兩場都劣檔就跑法混吉但仍好追勢，今次7檔，非好非衰，戰意難測，肯拼則有贏面。三生好運抽最外檔雖難搞，實力狀態鬥志 ...

摩仔同告女係咁喺IG放閃 仲要去左威尼斯玩 真係識嘆
星期日主席賽馬日四條單棍
第二場蒲偉士碟四班泥地千二 先要跑同程準繩愛馬劍 上場田雞留得太後結果返嚟無威脅 佢停賽換何堯檔位適中可收復前失 對手之中雪茄鄭收硬第二次warning但都唔理咁多照搏 再大大跑返首本路程又好檔機會提升 埋門仲少有安排多個大閘俾嘉里摸熟隻馬 戰意無疑問
第三場四班千二第一組施偉賢杯 大舊石差一場非五班頭馬就成功護級 所以上星期五大勝而回嘅奮鬥齊心即刻又攞出嚟跑 計埋今場連續三場抽最外檔真係黑 但已經搵到最佳跑法 估計今場繼續沿用後追戰略 反正當初插班評分係80分 有理由相信仲有水位反彈 本來計班數喜傲龍落四班有利但換拉哥就好唔like 改要618場次大熱死火嘅喜悅精靈 嗰場初上1650都唔知點解憑乜嘢成為大熱 睇落似係千二千四後上馬 抖兩週喺從化重頭做起 搵返騎開嘅霍公子點都要拖

[ 本帖最後由 KIRIN688 於 2022-7-8 08:02 編輯 ]

KIRIN688

第五場四班千二第二組李福深杯 鑽石寶寶同皇龍福將喺742場次碰頭結果鑽石寶寶贏 之後皇龍福將轉谷千二補中 所以負磅差距同嗰場差唔多 皇龍福將再抽12檔係麻煩 如果涼瓜把握到頭二百埋到嚟就有勝算 當然形勢上鑽石寶寶好跑但戰意就必然係皇龍福將高
第九場泥地三班千二葉錫安瓶 全季最後一場泥地有半數馬匹喺748場次同班同程碰頭 心水就喺呢場埋手 經過磅位同檔位調整後再睇片 首選揀喺嗰場初跑同程而大半條直路無騎過嘅旌鷹 嗰場馬入彎到直路頭嘅走勢相當洶湧 但喺直路坐足二百米box 一有位上就追返個第五反映泥地性能突出 今場抽六檔而前面有加州凱歌 八心之威 輗多福呢啲放頭拉快步速好好跑 Q腳方面再要牛皇頭 理由當然係雪茄鄭搵使費 出埋腎虧潘嚟跑有誠意 十檔就睇腎虧潘走位

[ 本帖最後由 KIRIN688 於 2022-7-9 16:13 編輯 ]

KIRIN688

引用:

原帖由 鴻略 於 2022-7-10 03:09 發表

第二場四班泥地千二，愛馬劍就算計上場第四已經屬表現較好一匹，前仗贏馬水準就更高，副選則揀降班的合衷共濟，休息兩個月也復操了兩個月，在停操前在三班屢有接近表現，在此有班利，從化試閘反應算好，用嘉熙負磅不太重易適，檔佳，可 ...

閃電俠檔好本來有考慮 但涼瓜之前騎幾次全部無影 所以先要返奮鬥齊心

KIRIN688

引用:

原帖由 KIRIN688 於 2022-7-10 06:23 發表
閃電俠檔好本來有考慮 但涼瓜之前騎幾次全部無影 所以先要返奮鬥齊心

屌 即刻贏埋 有無搞撚錯🖕

KIRIN688

引用:

原帖由 鴻略 於 2022-7-10 18:32 發表

閃電俠之前欠態無影不作準，有分頭真要互串；奮鬥齊心現證上仗靠地利，記存濕地高大半班。


第七場我投注了大勢至富綫路神驊包剪揼互串，綫路神驊逢內檔必近，可惜嘉熙多手用鞭，打到閃入去聞屁股，雙手推騎堅持拉出外疊一定有Q: ...

最後兩戰 煞科跑星期六都好耐無試過 睇報名有賭頭
谷戰最後一日心水5,7,9場
第5同7場單棍 尾場鐵角 第5場家樂飛駒依家跑四班谷戰始終有份量 雖然換阿仔但抽三檔好跑 Q腳方面搏下鹿鼎記 官方個血統簡評話佢可以跑到一哩 驗證返上場千四係衝得唔錯 增程更合 PAUL蘇散倉在即要搵水尾
第7場 796場次賽前有貼燊榮之星 全程無cover情況下輸俾連連行運 一先生三個幾馬位表現算唔錯 當然唔排除場地之助但以愛爾蘭馬嚟講算適應幾快 倒反映調低插班評分後有一定成效 轉跑谷千八晚間作賽無咁熱唔會太辛苦 抽三檔更易守好位 Q腳方面都係要同燊榮之星一樣都係北四馬嘅威威鬥士 又係跑際遇呢次檔位比上場好好多 機會提升
尾場鐵角其中一隻都係火車潘有份嘅包裝大獎 上季喺希斯贏馬爆缸掃埋結果今季俾柒頭叻嗰邊養返三W剃眼眉 似乎搵到贏馬竅門 上班輕磅執三檔好好跑 603場次同包裝大獎串Q嘅幸福至上早俾腎虧潘操幾課唔似收夠籌 雖然10檔但本場有合約精神 電訊巴打 手到回來呢啲前領馬喺度步速估唔會慢 正常發揮唔hea騎應有三甲 三重彩腳馬爾代夫 今季雖然未勝但整體算準繩 近六戰嘅評分喺三班要孭131至135磅不可話無影響 難得今場評分賽事係95至75終於可以上班跑 阿仔騎過兩場都接近反映人馬合拍

[ 本帖最後由 KIRIN688 於 2022-7-13 05:48 編輯 ]

KIRIN688

星期六煞科戰
第七場講起 三班千四計檔極速飛彈比上場好跑但134磅睇怕都係止於接近 比起嘉應精彩孭多十磅而檔位差唔多之下嘉應精彩秤先 750場次初出名門望族喺嗰場睇落腳慢去到最後200開始撻上嚟但臨到終點塞車 增程上千四更合腳法而本場對手未算強 有埋一檔更好跑
第八場一班千六 又係睇爆唔出樣 兩大分別騎都靈太陽發財先鋒另外加埋笑哥兒控制大局 賭單Q化算啲 都靈太陽跑千六仍屬射程範圍 上場G3精英碟火車潘出彎跑法備受抨擊 換腎虧潘必然拼個明白 發財先鋒同笑哥兒一樣前置但相比起嚟發財先鋒跑法單一 用埋拉哥更欠分頭所以寧願繼續追笑哥兒
第十場二班千二 神仙出三隻而拉哥繼續騎連連歡呼 都係秤先風火戰駒 分數差唔多見頂勝在今季fit 而呢個種嘅黃金期短 符合神仙一季揸乾作風 搵周仔應該係搏埋呢場收工 Q腳方面徒弟型佬全兩隻其實難揀 駿馬風采二班同程上過名但今次九檔隨時被頂出三疊望空 以戰養戰跑法機動又好檔但未跑過二班 睇飛做人
尾場全季最後一場三班千六又係睇落爆唔出樣 信心之選 隱形翅膀同自勝者強應該係呢三強控制大局 四重彩腳勉強提供埋川河冠駒

[ 本帖最後由 KIRIN688 於 2022-7-15 16:06 編輯 ]

KIRIN688

暑假播馬會繼續寫 但只會集中英國賽事 頭炮G1戲肉 總獎金超過120萬鎊英皇錦標六隻角逐 應該係兩隻三歲馬韋氏同上流貴婦單打獨鬥之局 另外第五場表列賽魏德禮錦標又得五隻跑 揀返有路程根據嘅勳爺魅力同高多芬嘅海霸主 尤其勳爺魅力換上FRANKIE 似係想拼個明白
主力第二場威勇錦標 條件平磅G3馬女跑轉彎一哩 較睇好韋利安倉一對 尤其咸頓酋長集團嘅白花嬌秤先 上場皇家雅士谷賽期跑沙特利咸錦標廿幾隻馬場合孭重磅都入Q 今場升格G3減12磅跑轉彎一哩好跑 同倉好意雖然初跑大場但上場大炒對手實在印象深刻 馬主仲要請易健寧食無情雞 換馬房主帥艾兆禮無需懷疑戰意 三選定情一吻 北三馬女計跑15場真係好多睇怕極早熟唔會有進步 勝在主動跑法應該幾啱雅士谷轉彎一哩

[ 本帖最後由 KIRIN688 於 2022-7-23 13:00 編輯 ]