KIRIN688

星期三預測有大雨 刨定游水馬都得
頭場八隻之中雖然有六隻今季贏過但近期反覆 再追多次上場際遇極差嘅平行時空 上返三班輕磅換巴度又一檔 長力早有證明可以收復前失 Q腳搏質新而路程肯定更合嘅神舟飛駒 法國兩出兩捷都贏千八以上已經表明二千打上係越長越好 喺巴黎隆尚大馬場贏得二班賽能力估計唔會差 更重要係兩場都係變化地而星期三可以預期個地有變大大提升機會
第三場二班千八 又見發財先鋒匆匆再跑 上場二千見頂磅又腎虧潘即飛 再跑呢場谷千八個人覺得有啲為跑而跑 7檔必然留無可留同確認眼神拍拖放 如果咁都喺度唯有認命 另外嗰六隻 喜駿駒上場終於喺拉哥跨下甩三甲 應該個態下滑 確認眼神勝在主動但上場砌得幾盡 隔得個兩星期休息 腎虧潘唔騎又增程更難睇好 獵人成兩隻快益善對上一場同程賺盡形勢僅勝 嚟到呢個分差唔多到頂 另一隻幸福至上睇近幾場走勢加程應更合 上場叫有籍口俾步速玩死 換巴度可現真身 餘下兩隻北極光檔利磅位唔重 上場輸場地偏差前三名全部掟哂外欄跑 佢就走內欄不利場地都唔係輸好多 腎虧潘攞返嚟騎要重視 至於天池怪俠呢隻唔識評 表現反覆但上場同程變化地中段發力孭重磅直領到底又唔講得笑 上返二班輕磅又未敢睇死 呢場唯一不明係幸福至上同天池怪俠上場都係何堯騎 但今場何堯坐櫈未知所為何事

[ 本帖最後由 KIRIN688 於 2022-6-8 02:14 編輯 ]

KIRIN688

星期日集中兩場泥地 草地方面第八場唔諗到咁多 神仙Q算數
第七場泥地二班千二 時時滿意上場揀佢結果放唔出就大敗 似乎要時間教馬留力 但今場二檔睇落無可避免放頭 都係要跑法彈性嘉應精英 放頭又得 boxsit守好位又得 班德禮上場贏完知點發揮 Q腳方面旋風飛影低估左泥地能力原來係咁勁 升班輕磅換巴度難以輕視


第九場泥地三班千二 670場次有四隻再碰頭 計當日賺蝕最蝕嗰隻係牛皇頭 全程望空都幾乎入Q似乎泥地跑高一班 之後試大閘刻意教馬留力 呢個馬主團體都幾支持雪茄鄭 出得到梗搏老命 此程好手大衆勝利喺嗰場跑第四 本來係正路之選但偏偏就搵拉哥 之前拉哥跑過一場前置就無影無蹤 呢排佢咁反覆真係買佢怕 不如要返同樣此程準繩嘅閃電

[ 本帖最後由 KIRIN688 於 2022-6-12 00:45 編輯 ]

KIRIN688

雖然本地馬停火一次 但一連五日皇家雅士谷直播賽期繼續寫
聽日揭幕戰按例都係女皇安妮錦標呢場年長馬直路一哩G1 7戰無敗嘅勝千里擺下擂台 只要出閘唔墮馬贏面九成 喺嗰場樂景傑錦標撼過勝千里嘅另外三隻實實在在 一舉殲歒同街頭藝人基本上反先機會極微 古摩嘅澳國勳章又走下坡 全場最老嘅臨時代表已見哂 倒不如搏全場唯一馬女爍爍靈光 今年復出跑G2沙丘園一哩贏拼勝者同上年薩色士錦標盟主滴酒不沾反映處於上升期 司徒德爵士拍金誠剛之前攻下葉森打比氣勢如虹 計馬應該未夠資格撼勝千里但要入Q相信唔難做到

另一場重心第四場G1聖占士皇宮錦標 三歲馬仔跑轉彎一哩 高多芬嘅英國二千堅尼盟主奪標先驅本應正路之選 但嗰場第二自己友隻原野步道之後跑愛爾蘭二千堅尼對著大冷門而今場有份出戰嘅新能源贏得唔算出色 似乎要調低評級 成大熱門有保留 計近績其實William haggas倉一對馬美駿同喚雨呼風都唔輸蝕 美駿3戰無敗新勝德國二千堅尼 睇片個變速力相當强 唯一疑問係馬昆分唔到身用范亦倫唔知有幾大影響 同倉喚雨呼風係崔氏家族嗰班人 贏得沙丘園呢個上斜場嘅表列賽估計雅士谷可應付 主帥馬昆揀得呢隻相信唔會揀錯 第三選係大賽組合FRANKIE拍高仕登嘅強者奇遇 出道四戰除左場二千米三甲不入另外三場一哩非W即P 繼續跑一哩戰線合理部署

[ 本帖最後由 KIRIN688 於 2022-6-14 03:02 編輯 ]

KIRIN688

雅士谷第二日賽事心水二三四場
第四場先 劍橋公爵錦標 G2條件平磅年長馬女一哩直路 不過全場八隻馬都係四歲馬女 WILLIAM HAGGAS拍馬昆嘅鋼琴世家應該係衆矢之的 出道6戰4W唯一無前三嗰場係跑二千睇嚟路程不合 避哂啲英愛法一千堅尼睇落似攤長嚟用 上場跑葉森場嘅伊利沙伯公主錦標贏得輕鬆 嚟到呢場條件平磅G2更有利 最強對手應該係卓普咸太座訓練嘅嬌紅灘 9戰4W2P全部都係千四千六賽事 上場遠征杜拜TURF睇嚟路程稍長 今場跑返馬女賽因為贏過G1加五磅但有贏馬拍檔布宜學押陣靠騎師搭夠
第二場女皇瓶 三歲G2跑二千八 都係睇有過哩半戰績嘅馬 雅士谷嚟緊兩日天晴 預計個地幾快 先要FRANKIE 拍高仕登嘅波海飛鳥 初出軟地大敗後連續兩場跑好地交出水準 呢啲主動跑法嘅馬啱哂FRANKIE 發揮 Q腳幾難搞 買返隻鐵證完美 純粹捧下事頭婆

戲肉所在 全個皇家雅士谷賽期最高獎金賽事 超過100萬鎊嘅威爾斯親王錦標出馬少得可憐 得返五隻跑 賽前睇無乜放頭馬步速實在難以估計 唯有睇馬匹近績參考 先講兩隻個人覺得機會唔高嘅馬 就係上場達德素金杯一齊輸俾阿倫克爾嘅氣靜心平同諾斯勳爵 岳公子搞呢隻氣靜心平算唔錯但卡士擺呢度感覺差多少 諾斯勳爵作為前年呢項賽事冠軍本應要揀 但睇杜拜嗰場FRANKIE 跑到百分之百水準都要俾本初之海分左半場頭馬 感覺似係開始走下坡 到上場達德素金杯又係砌足一條直路都要再輸俾阿倫克爾更加可以引證 作為FRANKIE 粉絲嘅小弟好老實今場唔睇好 餘下三隻偉大光榮上年日本杯路程嫌長都有第五表現唔差 一落返二千米就現真身 仲有馬女賺磅本有利 缺點係杜滿樂要騎大帝 焗換巴米高未知人馬係咪合拍 擺第三選 首選要返日本馬大帝 贏完司馬經典後一早plan定跑呢場 似乎幕後團隊對呢隻跑二千米嘅能力非常有信心 跑開哩半嘅馬喺雅士谷上斜二千照計氣量方面綽綽有餘 跑法咁機動無辦法唔揀 最強對手就係司徒SIR嗰隻直落五連勝嘅月桂橋 今季復出跑G3格烈准將錦標視對手如無物 勝在踏入四歲呢場只係跑第八場 仲有幾多唔知 小缺點係終於第一場上G1 對著幾隻能征慣戰好手必然有壓力 就睇莫雅點搞

[ 本帖最後由 KIRIN688 於 2022-6-15 00:35 編輯 ]

KIRIN688

引用:

原帖由 KIRIN688 於 2022-6-14 18:49 發表
雅士谷第二日賽事心水二三四場
第四場先 劍橋公爵錦標 G2條件平磅年長馬女一哩直路 不過全場八隻馬都係四歲馬女 WILLIAM HAGGAS拍馬昆嘅鋼琴世家應該係衆矢之的 出道6戰4W唯一無前三嗰場係跑二千睇嚟路程不合 避哂啲 ...

大帝連偉大光榮都贏返佢真令人失望
雅士谷第三日賽事心水
第三場列普谷錦標 三歲馬女G2跑哩半 比較睇好崔家嘅自家產品海行絲路 上場古活表列賽雲裳錦標越走越勁 加程應更合 最強對手應該係藍營高多芬隻活出理想 上場面對老虎上流貴婦完全捱打擺明質不如人 本來上流貴婦都有報呢場但最終唔跑 大大提升活出理想嘅機會

第四場戲肉G1雅士谷金杯大長途四千米 近日天晴地快隻爛地王真章估計極大機會繼上年後再次退出呢場 老對手三屆冠軍弦樂器 前年跑凱旋門付出嘅代價幾大 搞到沉左成年 上場約克群金杯復出似乎重拾霸氣 只係FRANKIE 頭兩日手風認真麻麻 連諾斯勳爵起步頭套都除唔切黑撚到 古摩隻饒舌達人外圍佬居然開大熱 雖然近績好勁但一下子由二千八跳到四千米 打死都唔信 倒不如要返素怡公主 話哂係上年嘅亞軍 亂局之下搏冷加多隻跑開跳欄但之前平地賽其實都唔差嘅熊熊大勝 布宜學騎上去負磅大減戰力大升

第六場漢普頓宮錦標三歲G3 跑二千 贏過G1G2嘅唔俾跑 呢場馬前年盟主就係將王 今年六隻跑又睇下有邊隻會賣俾香港買家運港服役 不過事頭婆名下馬隻摘月應該例外 今年初出輸俾喚雨呼風非戰之罪 唔跑葉森打比改跑呢場似乎高仕登對呢隻馬長力到唔到哩半有懷疑  睇事頭婆能否贏返場 對手之中本來銳意長力有證明而馬昆揀騎應該唔錯但又係場地問題 反而卓普咸太座練嘅名寶劍會賺跑法 上場法國二千堅尼外檔焗搶返嚟梗無 睇卡拉芬錦標輸俾英二千堅尼盟主原野步道而跑贏葉森打比第二嘅招財 學方生話齋係key race

[ 本帖最後由 KIRIN688 於 2022-6-16 13:15 編輯 ]

KIRIN688

香港呢邊星期日賽事排位左 寫兩場G3算數 其他場次難搞
雅士谷第四日賽事 兩場G1 打頭陣嘅英聯邦杯三歲千二直路賽出馬足足廿隻 形勢無上年咁簡單 睇左排位決定投降 只講加冕錦標同愛德華七世錦標

第四場加冕錦標 三歲馬女G1跑轉彎一哩 兩隻英法一千堅尼盟主聲馳千里同果后再交手 聲馳千里以一隻三歲馬嚟講跑11場算好多睇嚟有心用盡 本場前置馬唔少佢抽9檔唔算好 揀重心嘅話偏向老巫嘅果后 有一檔之利賺形勢 老巫跑大賽絕少揸流攤 兩隻美國過嚟參賽馬有近績但整體嚟講美國草地馬只有一千千二米可以同歐洲一戰 一哩嚟講已經差個level Q腳方面高仕登一對唔係善男信女 FRANKIE 主戰嘅旋進軌跡4戰無敗 本來想跑英國一千堅尼最終唔跑睇嚟未十足 高仕登唔會打無把握之仗 同馬房盛望才女初出同場同程贏得輕鬆 上場轉約克跑表現唔失禮 換史賓沙出戰未必副車


第六場G2愛德華七世錦標 三歲馬仔跑哩半 見到熟悉嘅練者肥胡同綵衣許公子 呢隻君寶相信志在參與 之前對著今場對手換崗儀式同遠播威名完全不堪一擊 講返換崗儀式同遠播威名 睇落遠播威名機會秤高啲 上場跑新市場表列賽賽道錦標起步幾乎墮馬 但最後都贏反映質素不俗 主帥騎返上去增程哩半更合腳法 換崗儀式勝在主動但同時暴露跑法得一招放頭 葉森打比嗰場個步速做到咁靚返嚟居然一棟都無 莫雅騎返上去肯定超買 Q腳搏好分少少強勇領軍 出道三場非W即P算準 三角帽錦標跑完後無跑打比留力呢場三歲G2 場地唔太慢嘅話有權謀一席

[ 本帖最後由 KIRIN688 於 2022-6-17 03:17 編輯 ]

KIRIN688

雅士谷最後一日賽事兩場心水 戲肉總獎金100萬鎊嘅G1鑽禧錦標今年改名為白金禧錦標 千二直路賽出馬非常多27隻 學張福元話齋勉強提供三隻算 首先係連續第三年出征皇家雅士谷賽期嘅美國馬鈴兒花 呢個場都跑到熟 上年贏英聯邦杯後唔知係咪用力太多 喺紀爾斯大賽大敗 返美國後睇嚟無走樣今年休後復出贏得輕鬆 奧天信專程喺美國飛嚟英國應該唔會空手而回 第二同三選喺縮程馬埋手 上年薩色士錦標盟主滴酒不沾今年寧願避勝千里都要縮程跑呢場白金禧錦標 賺級數之利 呢場咁多馬步速估計幾快 跑八成半水準夠做 第三選WILLIAM HAGGAS倉今年初出嘅聖駒 賽績八戰三W三Q其實幾強 不過睇嚟其一唔多㩒搏 其二路程適性應該係千二千四馬 舊年八月贏G2肯格福錦標千四後抖到依家先出 似乎幕後想一擊即中
另一場心水 皇家雅士谷賽期最後一場阿歷珊卓皇后錦標 讓磅賽跑大長途四千三米 爛地王真章因為場地太快再次放棄雅士谷金杯 但如果天氣持續天晴場地乾快睇怕又一次退出 上年呢場馬頭二名今年再跑 睇近績前騎師夏偉卓訓練嘅喚風來應該可以反先 雅士谷場跑四次全數入嚟 易健寧騎到熟 至於層層遞進近績稍為失望 但跑返贏馬路程四千三米用布宜學難以批死 開上年翻版Q唔意外 至於冷門方面老牌練馬師衛爾德嘅雙槍將飛行系統本來近績唔差 但上年跑呢場用FRANKIE完全無影  唔知係咪唔識跑雅士谷
PS：香港兩場G3繼續買輕磅馬 精英碟勇猛神駒搭都靈太陽 精英杯美麗同享搭超好日子買少少睇馬算

[ 本帖最後由 KIRIN688 於 2022-6-18 02:13 編輯 ]

KIRIN688

引用:

原帖由 鴻略 於 2022-6-19 04:43 發表

鈴兒花似乎走錯跑線，選走外欄可能已勝。

簡單頭兩場。頭場先揀兩匹四班有接近表現之馬，伊貝及威力飛馳是也，後者上兩次分別輸路短及不合泥地，大前次潘頓走位老襯，否則贏了，二千亦不會差過千八，早證足夠贏五班，前者四班賽績 ...

奮鬥雄才爆缸 呢隻PP都算失敗
星期三第七場買一二檔常常有餘同極速奔馳睇馬算 火車潘尋日跑都靈太陽真係不知所謂
尾場型佬全一對都係擺前走 係咪想拉快步速益師父真係難講 駿馬風采上場食正形勢同夢想成金一Q返飽哂 陰謀論睇呢場應該要縮 伊臣雖然上場話放唔出可能打折扣但連P都無似係個分到頂 換返拉哥又睇下點 四平八穩金鑽貴人 上場初跑田千四雖然賺形勢僅勝少爺仔 但另一角度睇其實難度唔低 跑返谷千二繼續睇好 Q腳方面齊齊友福上季煞科最後一場上二班半賽事跑檔差都有段追其實唔差 呢場返二班輕磅好檔又田雞 雪茄鄭都要搵使費 冷門志勝時機 呢隻不得不承認睇低左佢 前場同程贏得極有說服力 上場跑直路賽當試閘 本場型佬全一對加埋新力寶運利多呢啲估計步速幾快 冷門在此

[ 本帖最後由 KIRIN688 於 2022-6-22 02:13 編輯 ]

KIRIN688

跑星期六 心水最後四場
第7場三班二千 頂磅135開始實施 路程越長負重就越不利 尤其三班以上賽事 呢場合夥精英孭到135磅機會大打折扣 要返馬王輝一對磅位有利又好檔嘅機械戰士同自然力量
第8場泥地三班85分1650米 好好心得同無心睡眠又碰頭 雖然檔位會彌補重磅缺點但始終孭重磅打折 正路選華卓晴 檔位比上場大幅內移換埋巴度 獨沽一味泥地繼續孭輕磅點都有利 另一選上場泥地千二後追入Q嘅喜蓮慧星 隔離帖有師兄話目標係呢場點知上場路程嫌短爆冷腳 今場執最外檔希望換嚟分頭
第9場少爺仔搵腎虧潘感覺似係伏 倒不如要升班輕磅好跑嘅時時歡呼加埋同馬房中華盛景

尾場利害了有一檔之利 未必贏得但賺形勢好難唔買Q 配腳再追多次夏主席嘅紅運泰斗 千四比千二更合腳法

[ 本帖最後由 KIRIN688 於 2022-6-25 02:05 編輯 ]

KIRIN688

跑星期二 賭最尾兩場算數
第七場三班1650 兩隻跑法機動嘅馬合約精神同觔斗雲同樣抽好檔 買Q睇嚟走唔甩 三重彩加多隻近況大勇嘅波爾多 雖然谷戰三零部隊但全部跑一千千二難以判斷係咪場地唔啱跑 12檔都預縮後追
PS：終於返嚟 喺阿聯酋航空飛機睇到有高多芬紀錄片 仲見到呢兩位熟悉嘅名將同高仕登

[ 本帖最後由 KIRIN688 於 2022-6-27 16:45 編輯 ]