KIRIN688

引用:

原帖由 鴻略 於 2022-3-9 17:51 發表

闖一在11月由從化回港後第一次閘在谷草由潘頓試，同組有超額認購及佳運發，彎位稍鬆即跟貼並在終點前輕鬆越過力騎的超額認購，輕鬆程度與佳運發接近，後者隨後已出賽兼贏馬，但闖一一直未有出賽，再多兩次試閘都有不俗走勢，間中 ...

闖一呢場恰如其分 不過希斯啲手法 如果無乜進步睇怕都係三班貨色
跑星期六 嗰兩場一班讓磅賽又唔知爆乜嘢出樣 頭場千六買少少玖寶搭超好日子算 第七場千二繼續向輕磅馬埋手 韋小寶同必長勝喺二班孭重磅成日接近 今次趁近年一班賽事水準下降上嚟跑啱哂波路
尾場中華盛景有好檔而加磅後都係128唔算太重 正路之選 Q腳好多選擇 要返電路三號 睇喺最後直路衝得幾多得幾多 鵬哥係搞得好 不明係旭日昇 上場落雨場地有變又頂磅返嚟只輸兩個馬位 今場有好檔又輕磅啱哂佢前置守好位 雖然打比確認有得跑 但如果呢場有P絕對唔奇

第九場榮生隻勇闖大熟大勇 不過上場贏完加磅開始有阻力 但fit開嘅難捨棄 連連有盈預計成大熱又好檔但跑法得一招放頭唔燒得 寧願要返轉光頭蘇後養得返又有好檔嘅佐治勇駒

[ 本帖最後由 KIRIN688 於 2022-3-11 21:02 編輯 ]

KIRIN688

星期三心水3,6,7,8場

KIRIN688

引用:

原帖由 鴻略 於 2022-3-14 17:59 發表

前天自己擺烏龍，臨到尾場才知跑星期六，但亦慶幸不必輸錢，跑一三或二三盞嬲

馬後炮一下。星期三闖一一場有些犯錯，箭意、大師級、桃花盛、鴻圖巨星與自來金幾匹之間確以桃花盛有兩腳，應該可以賭T來作對沖，一隻 ...

第三場鴻兄之前有提過瑪神滿紛 今場降班 增程 換埋腎虧潘似係想搏殺 但呢場睇落無乜馬放頭 佢排最外檔好大可能選擇放 如果係咁都唔奇 照跟 心水另一隻係自然力量 開始上力而始終跑千八首本 正如之前講本場無步速 而呢隻馬證明跟前守好位一樣得 佢同瑪神滿紛如果擺到前控制步速 有機會包Q
第六場睇檔做人 本來比較睇好董大 但莫丹尼停賽換何堯即刻打退堂鼓 呢條友自從金槍六十連輸兩場後都唔知搞乜撚嘢 加埋負磅無利 要返快一步同王者奇兵呢兩隻排好檔算數
第七場四平八穩當然係伊臣 Q腳方面搏下金莊令 谷戰跑過場1650而嗰場係騎師賽 尾二返嚟難以作準係咪谷戰不合 初跑谷千二以呢隻馬咁有前速又有田千四級數 呢度要謀一席未嘗不可
第八場穿甲鷹預計成大熱但驟加11磅檔位外移 對賭攻擊 半冷追返木火同明 季初搏完回氣幾場 兩週前同程後上第四又見回起 排返三檔理應位置穩入 另一隻天行健始終有田千四級數而上場初跑同程只係輸條毛 11檔反正都係後追影響不大

[ 本帖最後由 KIRIN688 於 2022-3-15 20:53 編輯 ]

KIRIN688

星期日打比遲少少先寫
簡單講兩場先 威仔讓賽三班千六 金杯日同班同程賽前貼飛漲結果俾天寅合一殺左 呢兩隻再碰頭負磅檔位同騎師調整後似乎飛漲行情睇高啲 但又未敢抹殺兩隻再包Q嘅可能

尾場佳龍駒讓賽風火戰駒上場揼心口 錯過贏大錢嘅機會 再跑千二拉哥騎返上去 咪撚又玩出彎發力 唔係隻隻馬受得住佢啲騎法 另一隻縮程而臨少爺仔上場初上千六反而令人失望 高佬新似係向現實低頭 抽14檔而本場估計步速快 全闊A欄縮程爆一段睇追得幾多

主題戲肉打比 真正喺呢場有競爭力個人覺得會係經典杯前五名嗰五隻 形勢上加州星球再跑多二百而抽十檔 論機會已經比上場大大削弱 腎虧潘跑完上場後放哂風話對隻馬係咪到二千有懷疑 決定劃走 論嗰場表現浪漫勇士估唔到幾有驚喜 四疊望空形勢差無可差都撲上嚟有第四 今場抽八檔相信獵人成都唔敢叫田雞守中間寧願再留後啲入直路嚟大外一氣 嗰場第二都靈太陽相信韋賊會沿用同樣留後戰略 長力肯定比加州星球優勝 馬房踏入今季啲大賽運相當唔錯點都要拖 三選經典杯第三發財先鋒 上次一著夾中同樣越長越好 抽九檔而隔離就係加州星球估計起步後百幾米睇著加州星球順勢切入埋嚟前置 以隻馬咁好前速如果搵到cover佢就賺跑法 方仔兩隻同系人馬點都係多巴先生最好 嗰場傷後復出hea騎第五算唔錯 之後同黑桃火箭一齊試閘而火箭居然放頭 方仔係咪打算安排火箭去負責燒加州星球實屬難料 只係兩隻喺咁重要場合加眼罩效果係好係差唔知 頂盡三四重彩配腳

[ 本帖最後由 KIRIN688 於 2022-3-19 15:51 編輯 ]

KIRIN688

引用:

原帖由 鴻略 於 2022-3-20 01:44 發表
第三場久久為攻平穩漸進，上仗同程第二，似已排到贏馬隊頭，正路之選。美麗精神季初同程一亞一冠，贏確認眼神，實力在此組最惡，唯狀態與馬房作風反覆，之前用陳嘉熙而今次換上贏馬拍檔巴度則似到時候，次選。保險腳在都市神話、玩具 ...

你話肥航水 希斯都唔好得去邊 買希斯就真係要衡量風險 睇嚟打比應該睇唔到 唯有睇重播 尋日去睇呢條友 有人話佢好似央黨某位高官 鴻兄你覺得似邊個😇

[ 本帖最後由 KIRIN688 於 2022-3-20 14:27 編輯 ]

KIRIN688

引用:

原帖由 鴻略 於 2022-3-21 00:14 發表

似誰？想不到

打比等你看完才說，算緊張。第二場正路首次就是日日型及喜報，但還有一埋有能力邊線馬，觀望就走雞了。

有人話當年東德總理昂立克似保安局局長喎😇
睇完片 輸得服啦 加州星球咁樣俾幾隻輪流搞都係輸少少 至怕佢同浪漫勇士呢場咁砌可能兩敗俱傷 最失望係都靈太陽 話跑錯又唔覺得係 都係跟多巴先生上但打落係無 真係唔知乜事 發財先鋒步步尺七 佢同多巴先生皇太后杯見

KIRIN688

星期三晚心水頭場同最後三場
第八場先 兩大互換座騎但檔位計旋風飛影比上場差好多 孭到131磅睇怕今場未必去馬 金鑽貴人計跑法就有利 Q腳繼續要返此程特佳又好檔高耀智星
尾場二雋又撼怪獸奇兵 但兩隻上場砌得咁勁 尤其二雋再加磅小心走樣 田雞騎返包裝大獎當然有佢理由 去何良總算搞得返 上場初跑同程際遇差都贏 升班孭輕磅好跑 Q腳再追芙蓉莊 嗰場俾赤馬雄風控制哂步速返嚟輸少少但彈甩主馬群 赤馬雄風之後再出再贏 芙蓉莊繼續俾賀銘年又好檔係當然Q腳

[ 本帖最後由 KIRIN688 於 2022-3-21 23:44 編輯 ]

KIRIN688

引用:

原帖由 鴻略 於 2022-3-22 19:38 發表

人格或者似

近年很多匹打比前列馬惡鬥後都能繼續發光發熱，不必擔心。都靈太陽起步沒有拉後已經錯，否則應該佔了內欄位置，輪不到包裝智威，上兩次都等內欄，今次兩馬交換走位就交換回來位置；另外跑多二百目前亦可能稍長。 ...

第七場亂局 搏好分啲牽旺加富搭有主意算數
全晚重心頭場五班二千二鐵角 水鬥水場合 老牌馬主峰系陳生嘅靈峰算大器晚成 積埋已經四W 一用馬雅即刻又兩W 加左分仲喺五班仍然有利 腎虧潘隻一舖成名竟然大熱可能係捧人加一檔 但二千二無路程根據 搏兩隻半冷 第一隻就係廿蚊張嘅奇妙年華 444場次四班同程開始有嘢睇雖然輸四個幾馬位但其實同第二名只相距一個馬位 跑多場泥地成功落五班即刻用當旺田雞係時候 另一隻逐漸上力有得搏係世紀之威 上場二千衝得唔錯至少證明有一定競賽能力 勝在無傷病擺喺度求一席唔難
PS：大機構公布莫丹尼跑埋下星期三全泥戰就提早走人

[ 本帖最後由 KIRIN688 於 2022-3-23 15:16 編輯 ]

KIRIN688

引用:

原帖由 鴻略 於 2022-3-23 18:08 發表

騎師結構缺陷，莫丹尼短期走人屬預計之事。今期潘頓接手的上風馬，全有好檔，不知是否同類結構缺陷。


第七場我無心水，有主意則感覺不夠班，之前四班不超，上三班兩場皆放棄而表現如預期普通。
0

另多講兩場。第四場上校今季 ...

一落雨又唔知跑乜嘢出嚟 中三寶都要輸 星期日又話有雨 到時先算
先睇星期六杜拜賽事 最後四場 第七場草地大賽似乎爆唔出樣 衛冕盟主諾斯勳爵贏上屆後唔知係咪傷抖差唔多一年 高仕登安排跑場膠沙地熱身就直指呢場 呢啲公公無保留用得就用 最大勁敵當然日本軍團方面嘅速度大師 長力早有證明而本場另一隻日本馬本初之海預計拉快步速好好跑 日本隊喺呢項賽事戰績彪炳更無需多講
第六場金莎軒錦標 一有美國馬參戰步速必然快 但杜拜泥地狀況難估 唯有賽績行先 兩隻喺北風錦標一Q返嚟嘅縮程份子東世界同猛箭繼續賺氣量但東世界檔位比之前差左  另一隻同樣縮程角逐嘅永飛快近績準繩 睇埋之前場次決定點搞
第八場司馬經典賽哩半 日本大軍五隻強陣出擊 絲綢會兩隻睇嚟不分正副 李慕華主戰威信英明上次去沙特跑為今場做準備 路程稍短都一放到底 本場睇落無邊隻放頭唔排除照辨煮碗 同主耀滿瓶遠征有證明 出動到蘇仔唔係講玩 唯一可以搞寸日本party就係致勝一擊 香港瓶嗰場其實戴馬田發揮極差 上場喺沙特際遇又差難作準 今次扳到FRANKIE上去又一檔 大幅提升競爭力
尾場全日戲肉杜拜世界盃 美國隊控制大局 計跑法同檔位暢快活應有利 睇飛馬世界盃贏到無得跑 如果遠征同增程無問題應難尋敵手 強版查理有場地根據但六檔可能無咁進取 估計極可能吊住暢快活嚟二仔底死跟 另一隻美國馬一出成名跑法機動 柏列特唔騎巴富達索性擺FRANKIE上去 對手有乜差錯就係候補對象

[ 本帖最後由 KIRIN688 於 2022-3-25 15:56 編輯 ]

KIRIN688

金莎軒嗰場加多隻美國馬握分秒 但點買睇臨場
星期日本地賽 3,4,5,7呢四場

[ 本帖最後由 KIRIN688 於 2022-3-26 13:50 編輯 ]