KIRIN688

第二場魅影揚飛上場黃俊發揮無乜大錯 雖然呢場繼續買但拉哥咁樣搶馬騎似乎馬王輝無乜義氣 對黃俊有啲不公 單Q要涼瓜萬眾力得 騎師賽嗰晚檔位抽得差焗住搶返嚟雖然尾二但只輸三個幾馬位唔算太差 縮返嚟跑首本直路賽如果唔盡搶留住中間位置唔係無得爭

第三場 巴度停賽拉哥即刻搶穿甲鷹 三檔的確形勢非常好跑 對手之中初出嘅加州時佳喺澳洲已經係梁公子所有 試夠四個大閘功夫一絲不苟 抽一檔大大有利 告仔PP一出就搏例子實在太多 買過關比較化算

第五場四班直路賽 四隻初出馬之中睇操練進度天足貓試幾個閘展現好速度抽九檔預期放頭 但本場都有幾隻子彈快馬例如狀元及第海豚星富存英雄呢啲都係前置 隨時出現互燒 就搏希斯新貨東方飛影 早已經俾薛恩操住教馬留力可惜停賽就換涼瓜接手 呢類馬正合佢最擅長嘅後追 而馬房向來都係呢啲賽事出擊 舊馬之中要返直路賽準繩嘅連利福將 班德禮兩次騎都上名人馬合拍 唯一缺點抽12檔近看台位置對呢隻跑後追嘅唔算太好 但預計有分頭點都要返


第七場二班千六 有五隻四歲馬符合資格跑今年四歲系列 就咁睇喜譽寶應該成熱門但上場面對百步穿雲受讓咁多都輸 實力未如想像中咁高 本場睇無乜前置馬好大可能都會係佢放頭 學張福元不變應萬變 先要涼瓜嘅黑桃火箭 初出已經有提供可惜千四實在短搞到臨門先撻得著 增程上千六合理 威利系不惜工本引入佢同多巴先生爭打比唔需懷疑戰意 分分鐘今季同下季齊齊用哂 單Q心水包裝智威 初出未夠又檔差之下幾乎一出就劏人 呢系人同樣駛錢唔手軟但同美麗系 蕭家比無乜大賽命水 今年總算有佢同包裝長勝有機會跑四歲系列 加上威哥食著呢兩年氣勢無辦法唔預一票

[ 本帖最後由 KIRIN688 於 2022-1-7 16:23 編輯 ]

KIRIN688

引用:

原帖由 KIRIN688 於 2022-1-6 15:31 發表
第二場魅影揚飛上場黃俊發揮無乜大錯 雖然呢場繼續買但拉哥咁樣搶馬騎似乎馬王輝無乜義氣 對黃俊有啲不公 單Q要涼瓜萬眾力得 騎師賽嗰晚檔位抽得差焗住搶返嚟雖然尾二但只輸三個幾馬位唔算太差 縮返嚟跑首本直路賽如 ...

黑桃火箭搶口搶到傻 有排搞🖕 包裝智威拉士21秒4嗰段爆發力唔係講玩 柒頭公子今年總算佢同包裝長勝呢兩隻喺四歲系列叫胡
星期三晚繼續四條單棍 1,7,8,9場
頭場四班二千二 整體水準隨時接近五班 腎虧潘復出接左紅褲之王算有近績但初跑二千二路程打問號 成熱就攻擊 都係要返有路程根據睡眠攻略 霍老爺散倉後俾高佬新接手操練正常 隻馬依家先大熟跑千八至二千二係射程範圍 單Q要返此程贏馬最多嘅賞心星 上返四班孭輕磅始終有利 波仔呢條友唔玩左望右望其實有一定贏面
第七場都無乜懸念 奇寶 有主意同進優自在三雄鼎立 鐵角嘅話唔抵玩 搏好分一啲就要有主意同進優自在 隻奇寶上場臨尾幾步斜跑 係咪貫注力未夠無從考證 再加磅更無利可言
第八場三班一千 幾隻子彈快馬例如你知我勝 胡椒軍曹 紅酒之寶呢啲頭六百米必然搶到傻 要返賺步速之利嘅飛凡 上星期三跑完匆匆再戰符合神仙勤跑作風 暫時計都係谷戰短途比較有把握 單Q徒弟型佬全嘅以戰養戰 抽返四檔更好發揮 上場千四擺明當試閘跟跑 落返嚟首本谷一千隨時回馬槍 希望呢條師徒Q有啲分頭
尾場首選馬爾代夫 整體表現穩定而千六始終好過千四 二檔又好跑 霍阿仔只要走位上無乜差錯以呢隻馬跑沙田級數 返嚟水平較差谷戰有一定贏面 對手之中冠寶駒同馬爾代夫一樣 近幾場都受制檔位 呢次個四檔同樣好跑 拉哥連上次贏嘅追風驥足都唔騎 而晨操出動埋老苗搏殺專用彈泥閘400嚟磨 備戰誠意十足

[ 本帖最後由 KIRIN688 於 2022-1-11 13:00 編輯 ]

KIRIN688

引用:

原帖由 鴻略 於 2022-1-12 18:11 發表

上一期有點不適就休息了，現在先馬後炮。極爽及美麗多多上次貼了但失望落敗，今次補中，有被騙之感，尤以後者最嘔血，上次賭總理搭美麗多多頗有信心但美麗多多跑出一副內傷模樣毫無能力，賽前不敢再期望短期變身。另外幾場則正 ...

似乎家陣賭四班可能仲易搵寶藏 星期日心水4,7,10場呢三場三班賽


第七場三班85分泥地千八 296場次同樣突分嘅1650泥地有八隻再交手 場地如果一樣利追嘅話都靈紅星只加四磅孭125仍然有利 繼續有二檔賺形勢 韋賊搞呢隻馬係搞得好 嗰場入Q嘅天天精彩喺之前41場次同232場次已經引證跑後追威力好過守三四位  本場有保羅承傳 盛大光輝 友港友笑 雙天至尊幾隻放頭對佢發揮有利 呢條翻版Q希望過廿倍啦 三重彩腳有幾隻揀 加返跑泥地比草地威力低啲但有形勢之利嘅跨渡口

[ 本帖最後由 KIRIN688 於 2022-1-15 18:53 編輯 ]

KIRIN688

第四場三班千二 又見到連連有盈呢隻西馬 拉哥繼續騎但抽最外檔 應該無之前咁熱但頂多十倍八倍 呢啲馬長期對賭唔會點死錯人 兩隻初出嘅比較鐘意信和系嘅閃電 英國嗰邊用得唔多插班評分算有水位 腎虧潘一早試左但唔好彩墮馬就俾巴度搶左帥權 試夠四個大閘出嚟跑反映獵人成對呢啲新貨幾急進 腎虧潘無奈騎返超音鼠勝在有好檔但磅位無著數 頂盡P 另一心水就係初出唔算太差樂創未來嘅 嗰場唔上唔落之下都同連連有盈差不多到 復課後何堯一手包哂快跳相當重視 呢場咁多快馬 立心留後追嘅話有權一網打盡


尾場賽事幸運有您同浪漫勇士孭大半彩池飛 同樣初上千四而浪漫勇士喺跑法上比較機動 不過對著幾隻跑開千四嘅老手 咁嘅賠率搵鬼人買 最後揀左美麗系其中兩隻一定美麗同美麗滿滿 有路程根據而除左幸運有您外又有紅旺實力派呢啲前置馬在陣估計有一定步速 搏爆 不明份子係一先生 暑假約克賽期已經見過佢點贏 當時譯名步槍手 呢隻算係少有古摩馬俾高仕登訓練其中一隻 賣嘅原因估計係做左公公 嚟香港試閘走勢又唔算差 尤其第二個閘對著金鎗六十居然跟得住佢個幾馬位後面過終點 睇落適應得唔錯 田雞騎幸運有您所以搵賀銘年 呢啲馬要好分就係第一舖 會買少少

KIRIN688

引用:

原帖由 鴻略 於 2022-1-16 02:52 發表

我也參與第四場，閃電操好而臨，樂創未來已見好走勢，都要選擇。另兼顧無敵勇士，近兩仗逐漸回復水準，上仗水準高，若前述兩馬進度未夠亦可爭勝，兼顧。連連有盈一千能力一般，有待進步之馬再增程自然放棄，超音鼠更是多番失望，大熱棄 ...

真係頂心頂肺 買馬最怕塞車 正冚家場🖕
星期三又玩四場
第七場又見到知道必勝 實力見盡長期唔買W無死錯人 但買QT又係難飛 取捨兩難 兩週前316場次同班同程有四隻再交手 嗰場馬第二飛凡再出再贏 維港奔流抽九檔又加磅無上場咁好要睇際遇 神駿馬車跑此程準繩QT必拖 睇唔透係童話 啲賽績傾向似多跑先上力 兩週前314場次憑形勢之利殺入冷P 今場抽四檔隨時再賺形勢
頭場五班千八再追成功星駒 上場二千二衝落無想像中咁勁似乎都係千六千八比較好 抽返好檔用班德禮應該省得起隻馬 嗰場第五嘅勁叻仔開始大熟而同成功星駒一樣氣量唔到二千二 縮返嚟千八用腎虧潘 雖然呢場就算贏對護級無幫助但睇嚟雪茄鄭都理唔到咁多 交代左先算
第六場上次買黑桃火箭遇著超慢步速搶口搶到傻返嚟大敗 雖然本場有電訊巴打 又係熊 美麗同享會前置但隔得十日又換田雞 難言有信心由蟲變龍 美麗同享初跑谷戰但跑法上應該唔係單騎領放類型 連腎虧潘賽前訪問都認為可以守好位跑自我節奏 無左打比包袱點都會好過希斯嗰陣 單Q方面再追多次常拼常勇 上場再跑千八衝落唔多 縮返嚟一戰就上名嘅同程又換人可能好啲 抖過一排而上月中曾經放緩功夫但埋門又連整兩個大閘 老苗似拼個明白

[ 本帖最後由 KIRIN688 於 2022-1-18 17:04 編輯 ]

KIRIN688

第八場首選喺三班跑一哩打橫行嘅確妙星 騎師賽當晚跑返同程即現虎相 叮噹馬頭輸條毛認真失運 隔左六星期休息相信回氣足夠 腎虧潘正正經經跑嘅話呢場坐二望一 最大對手不外乎幸福至上同勝賢呢兩隻 點樣買自行斟酌

[ 本帖最後由 KIRIN688 於 2022-1-18 21:12 編輯 ]

KIRIN688

引用:

原帖由 鴻略 於 2022-1-19 18:18 發表

第七場知道必勝表面條件較好，賭QT很自然先選。童話減夠分而跑起狀態，過去是好開就好之馬，而且此程常有好表現，未贏過只是常遇強手，上仗第三的組別或高於316場次，續用減磅的黃俊而仍有好檔，後上馬希望順利取位，有力爭勝。316 ...

爆谷贏馬好有大龍鳳味道 未費半力已經輕易埋嚟咬好位🖕二雋就真係拉得太明顯 倒屎想當睇唔到都唔得 罰六日算少

星期日兩場G1求其講兩句算 主力會係第二場同第九場

百週年紀念杯顯心星以最高分兼香港短途錦標新科冠軍出戰 再抽一檔天造地設 單Q揀聚才 唔跑國際賽可能係明智 希斯無左肥仔叻叻當然全力谷盡呢隻聚才搏殺 八仟師抽八檔睇怕一係搶 一係縮後 洋紫荊錦標受讓聚才十三磅兼開埋鞭都彈唔甩 似乎個分去樽頸位 呢場平磅如果有前三已經當贏 至於福逸 雖然墮馬嗰場係有啲影響但相對輕微 返到嚟衝都唔衝下幾失望 係咪早熟早殘無進步好難講 但呢場都唔會買
董事杯金鎗六十無需多言 Q腳要返夏威夷 一哩錦標臨場換巴度全程三疊望空返嚟只輸三個馬位唔算差 呢場馬少易走位 有Q當贏
第二場二班千四 用删馬法劃走 首先1,2,3呢三隻孭磅重評分無利  順勢贏久沉 駟跑得由谷千二轉田千四對手大幅增強 餘下四隻 中華盛景上場塞車 本來搵拉哥有誠意但條友啱啱搞咁大單嘢 而隻馬跑千四又無想像中咁強 搏好分唯有就係另外三隻埋手 電路三號有好檔兼出馬少易走位 電子群星上場久休復出跑無根據千六當熱身 雖然超慢步速反而無想像中咁差 復課重養而跑返首本千四 競爭力比上場提升唔少 不明係疾風明駒 賀銘年贏過兩場 但今季神仙部署又奇奇怪怪 上千八贏完 元旦又縮返千四遊馬河 視乎飛數拖返票
PS：銀馳退出 有啲可惜 少左隻孭飛馬 另將王居然跑呢場董事杯首次向金鎗挑機 香港杯令人意外地跑第三輸俾兩隻日本馬而跑贏譽滿杜拜 到底係咪香港訓練模式令呢隻應該跑哩半變為一哩至二千最好 ？呢場就有答案

[ 本帖最後由 KIRIN688 於 2022-1-22 06:44 編輯 ]

KIRIN688

全日重心第九場 其實都無乜嘢寫 因為要講嘅都俾張基喺佢節目講哂 就係型佬全一對加飛天神駒

KIRIN688

引用:

原帖由 鴻略 於 2022-1-23 04:05 發表

其實忠誠駒也離譜，白神父騎法，現在也不算什麼了

第二場2及3號比對4及5號其實不算重磅，3上次更先於4過終點，明天都是看臨場形勢，馬少但多匹都有機會，非我投注場合。

明天我看中梁家俊座騎，第八場表面不複雜，1-2-4-10條件 ...

以戰得勝👍係戰熊三千無諗到沙田得 可能係轉倉手法唔同左 當家猴王追左幾次都係得嗰近 唔買就贏😓

KIRIN688

引用:

原帖由 鴻略 於 2022-1-23 21:12 發表

戰熊三千一隻殺三隻，超級嘔血。昨晚忘了提連連歡呼，3歲133磅已經條件差，看完試閘更是外圍恩物，出閘例慢，一個月前仍毫無速度，五班水平也沒有，埋門試閘時間慢，亦無特別進步感。

摩馬當家猴王終於贏大賽。今日香港頂班短途無 ...

當家猴王仲要爆過缸 加埋仲有J 唔知有無機會打種 😅星期三晚心水三場三班賽
講第一場先 飛凡跑谷戰似乎幾醒神 上場同程被阻居然仲可以撲返上嚟贏埋 分數上應該仲有水位上升 波仔今年做左神仙副帥搵到食 搏得就搏 勝不驕本來換腎虧潘有誠意但計埋檔位跑法上同又好似蝕左章 智醒財星同樣又係得個近跑法無殺著 倒不如要返跑谷戰同樣高啲萬眾力得