KIRIN688

星期日心水7,8,10場
另外日本杯玩條三隻複式三重彩 鐵鳥翺天告別戰再抽二檔 有啲懷疑係咪造俾佢有終之美 另外兩隻都係揀返內檔馬 今年東京優駿盟主大帝 上場神戶新聞杯可以歸咎場地不合 連菊花賞都唔出直指呢場有以逸待勞之利 另一隻選擇就係外隊馬古摩陣營嘅波爾明 三檔幫助好大 加上憑主帥功力有望拉近同鐵鳥嘅差距
第8場榮生新貨驚喜貴為上年維省打比第二 神仙安排初出就千六合理 腎虧潘少有咁早就摸住 加上今年PP插班評分一律下調五分所以就跑到呢場三班相當有利 最大對手香音 開始上力而上場贏得輕鬆 雖然拉哥唔騎但繼續有好檔賺形勢

尾場風火戰駒同樂滿貫上場串Q 升班減磅本應有利 但兩隻檔位又抽得麻麻 隨時形勢唔就 先要賺哂檔位嘅糖糖幸運 丁仔搞呢隻馬係搞得好 跑法又簡單 單Q方面搏下今年昆士蘭打比第二嘅多巴先生 呢啲馬跑千四有啲短希望憑fresh搭夠 何堯雖然試左唔騎但唔代表呢場一定唔得 呢啲馬爆出嚟之後肯定無錢分

重心其士杯 神仙三隻喺之前樂聲杯揀過最後幸運快車得手 上千六老實講以目前呢個分不如跑華商會杯更合 要返勁搏 千六肯定更啱跑又好檔 唔塞車嘅話照計三甲必有  QT先要百步穿雲 暑假評分下調又估唔到即刻嚟了 呢啲馬已經無保留 另一隻星運子爵 難得有百一分一班賽孭磅有利得多 12檔當然希望隻馬縮後追 擺前走只有死路一條

PS：聚才 勝得精彩 友誼至好退出國際賽 當中友誼至好右前腳傷肌腱 估計好快會退

[ 本帖最後由 KIRIN688 於 2021-11-27 18:24 編輯 ]

KIRIN688

聽晚三條單棍
尾場先 會長之星同齊齊友福有近績又抽好檔 加上有讓我高飛喺度應該有分頭
第四場五班千八 睇落爆唔出樣 兩大座騎計似乎香港精神穩定性同跑法比非凡魅力更可靠 尤其拉哥仲未肯放手更可信 另一隻預期有飛成功星駒又係近績好加好檔 繼續留五班跑中距離根本惡到暈 會係香港精神最大對手 呢條南非馬房Q熱食都要
第八場皇寶本來就係跑法多變 連續兩場直領到底反映評分有水位 雖然換薛恩但之前有合作上名 如果有其他馬搶咪守好位 天池怪俠有近績但一嚟再加磅 二嚟呢隻馬之前搏幾場後就回氣 拉哥騎似吸飛 Q搏好分寧願要返動力飛鷹

[ 本帖最後由 KIRIN688 於 2021-12-1 08:15 編輯 ]

KIRIN688

引用:

原帖由 鴻略 於 2021-12-1 16:53 發表

這幾場部份我有不同看法。

尾場1-4號剛好排1-4檔，閃耀榮光天然一疊，亦不會輕易讓對手切入，相若速度的會長之星便多數二疊，齊齊友福中置型就相當可能3檔三疊，就算稍留二疊亦不易追趕。心之行4檔也不算有利但田草級數有足 ...

仲諗住天池怪俠搏幾場就無偏偏再贏

星期日心水 三五七場


尋日排位馬版大字標題伊臣
呢場1同2喺度 伊臣就算熱極相信都有個普 穩膽
Q搏好分想搏下另一隻初出超悅明駒 做哂嘢出嚟跑 試閘一場比一場好 講真1同2你話係咪穩陣又未必 尤其隻2 點知希斯針藥係咪到期無貨賣


PS：蘇兆輝殺到 大年初三開始騎到季尾

[ 本帖最後由 KIRIN688 於 2021-12-4 20:17 編輯 ]

KIRIN688

第五場 四班泥地千二 大部份馬匹似是而非 先要飛馬輝煌 同程跑過一場入Q 雖然嗰場利前置但由十檔切埋嚟點都要用力 今次一檔好跑好多 以呢隻馬依家能力喺四班跑泥地點都有競爭力 另一隻久休復出淺草飛 傷後留喺從化重新做起 同程三戰兩P有根據 三檔更易跟守好位 賀銘年要好好把握 有乜差池隨時又俾兩大搶嚟騎就喊都無謂

重心第七場泥地二班千二 得九隻跑但無一隻劃得死 要揀邊隻心水諗左成日 先要銀紙 都係得呢個路程出路 以老苗練馬作風谷起左就連珠砲發 磅位又唔重 首選 第二隻選醒臣 波仔一近拉哥就攞嚟騎 唔揀又怕俾佢殺左 三選諗左一輪 最後要禪勝寶駒 短期內泥地無1650焗住縮嚟跑千二 馬雅一手操最後因為做唔到磅換巴度 如果夠前速跟到馬群 剷入一席絕不意外

KIRIN688

引用:

原帖由 鴻略 於 2021-12-5 14:21 發表

簡單講，第四場原始揀法，先揀雷神降班擅泥的旅英福星，兼顧此程屢入前列的榮冠大道及幸運勝駒。

第七場較看好上仗大幅進步的醒臣。尾場都是雷神，天行健連仗證明能力，換人機會高。 ...

又係豬到呢
星期三小注算數
留返彈藥買哂國際賽外隊馬 主隊無視

KIRIN688

引用:

原帖由 KIRIN688 於 2021-12-5 18:18 發表
又係豬到呢
星期三小注算數
留返彈藥買哂國際賽外隊馬 主隊無視

騎師賽日最後三場單棍
第七場三班1650 騎師賽第三關 162場次沿途望空慘敗嘅百勝名駒抽返一檔又抽到巴米高 大大提升機會 覆卓係時候 單Q另一選要確妙星 今季總算可以有正常出賽頻率 而喺路程嫌短千四都接近 終於返嚟曾經上名路程又抽中腎虧潘 計班底十分有利


PS：一哩錦標健康愉快退出 得返11隻跑

KIRIN688

第八場三班千二 騎師賽尾關 知道必勝呢隻西馬自從新馬賽後插班只得兩W 追佢W嘅必定輸死 依家呢隻馬都係跑三班谷千二先有競爭力 連獵人成都話呢隻馬係千二千四最好 唔信佢唔通信啲傻西話呢隻跑千六千八最勁？ 有埋好檔守好位 而杜苑欣喺女騎師之中算係硬淨 贏就應該難但P相信就易 加州一寶個九檔 睇嚟告仔都諗住想搶 都係嗰句 三班谷千二個個星期都有 點解告仔偏偏就報呢場玩抽騎師 (除非有不為人知嘅外來壓力話出呢場啦)四平八穩就係木火同明 同程近績好又抽到何堯 而另一有利條件係練者喺過往騎師賽派馬成績算唔錯 QT呢一注好難慳

KIRIN688

引用:

原帖由 鴻略 於 2021-12-8 01:15 發表

加州一寶出戰，不排除幕後想重要日子威威，同場1-2-7-9-10有機會，賠率不吸引，僅觀賞。


尾場更接近，2-4-6-8-10上仗分別在兩場近距離決勝負，再加俏芳華如日中天，難賭，可以提下電訊巴打外地贏過千八，北極光則上仗落飛變大熱但走 ...

尾場係幾難搞 俏芳華整定大熱 但初上二班又增程 值搏分頭欠奉 向冷門埋手 玖寶整定得谷戰係出路 一早再搵莫雅跑又一檔分頭上必然好過俏芳華 冷門星運子爵 跑法多變而孭磅算有利 方仔呢場兩隻都搵外援必有所圖 計埋檔位同騎師功力信馬昆 至於北極光 上場落重飛失手 再上千八理應更合 不過呢場亂局 難言有信心
PS：四場國際賽心水已定 就算未排位都係圍著外隊馬嚟買 主隊係得支鎗撐起 如果佢都輸埋真係搵窿捐

[ 本帖最後由 KIRIN688 於 2021-12-8 09:58 編輯 ]

KIRIN688

全年戲肉香港國際賽 四場心水
香港瓶先劃走三隻主隊馬對比外隊明顯長力欠奉 五隻外隊之中再劃走日本其中一隻輸卡士嘅愚者眼界 而衛冕重臨業界巨頭今年大走樣劃走埋 得返耀滿瓶 致勝一擊同倚蓬萊呢三隻 講真耀滿瓶上年肯嚟衛冕根本贏硬 依家年紀再大啲戰力走下坡仲有幾多唔知 頂盡T腳 致勝一擊贏加冕杯後小傷索性抖 早部署呢場而上個月復出跑場膠沙地熱身 跑出水準呢組掃哂 倚蓬萊有馬女受讓之利 練馬師之前曾經憑自豪揚威香港杯 退休在即呢場必然好好把握
短途錦標
正宗港日大戰 老實講主隊今年短途整體水平比之前幾年下跌唔少 睇賽前外界評價都無乜邊個話呢個杯主隊一定食硬 主隊計機會最大本來係福逸 但以隻馬目前嚟睇係差一場熱身 錶之未來算係今季新勢力不過由九月開季連打四場硬仗 呢舖仲係咪頂到難講 顯心星忠心但感覺唔係最頂級 加上抽一檔喺A欄千二算危險 以各隻馬跑得小心翼翼情況下隨時塞車 日軍三隻野田重擊走下坡應該難再創奇蹟 拉丁城市同妙發靈機呢對冤家又見面 計埋檔位騎師跑法後秤先拉丁城市 蘇銘倫始終係信心保證 妙發靈機就要睇福永走位能否埋嚟前置二疊有COVER

[ 本帖最後由 KIRIN688 於 2021-12-10 08:34 編輯 ]

KIRIN688

一哩錦標
金鎗六十對著本地呢批無乜懸念 係睇今次嚟五隻外隊會俾到幾多壓力 呢五隻外隊之中古摩嘅后土賺磅但今年計實在跑得太多 日本隊四隻計往績陳年美酒輸級數 俾田雞更難有信心 冠軍車手已經六歲 能力上比起兩年前落左唔少 焦點之一野田賢君跑法多變 今年只跑兩場賺體力 跑完每日王冠後早已決定直接過嚟跑呢場誠意滿分 呢場睇落無步速 如果肯採取主動搏走甩支鎗就麻煩 另一隻戰舞者上場一哩冠軍錦標沿途望空留唔到返嚟輸三個馬位俾放聲歡呼又唔算太差 抽一檔搵返夾過嘅連達文 唔該呢條友跑得好好睇睇

最高榮譽香港杯 六隻主隊對日本大軍三隻加英愛三隻三歲馬 跑到二千米主隊馬自從魔頭退休後水準一年不如一年 連先前馬會杯俾精神威偷襲得手可見斷層情況非常嚴重 抽埋檔位後唯獨愛你同麗冠花環機會進一步提升 尤其麗冠花環一早搵定蘇銘倫跑 上年不幸中招搞到樸素無華益左腎虧潘 今次返嚟肯定場場搏盡 唯獨愛你個檔抽得好川田必會小心行事 日軍另一隻滂薄無比計喺秋季天皇賞輸俾樂透心跑第五嚟睇 級數比勝出光采更高 拉哥幾經辛苦攞到帥權相信唔會整古做怪 12檔係麻煩睇轉第一個彎能否盡快攝埋嚟二疊有COVER 三隻歐洲馬之中揀隻四重彩腳最後要馬昆押陣譽滿杜拜 場地啱跑嘅話入前四非難事

[ 本帖最後由 KIRIN688 於 2021-12-10 15:43 編輯 ]