KIRIN688

8月15日多維爾馬場主題賽事 G1傑克莫華大賽
八隻跑一哩直路 照睇都係秤先上年呢場馬嘅翻版Q 海上宮殿因為血液不正常退出薩色士錦標 變相多兩星期休息 蓄銳之下可能更好 星耀峻嶺今年上半年完全唔出 上個月約克復出跑場十化郎表列賽擺明熱身 但一樣入位 八戰未失前三實在準 詩情綻放勝在主動 但感覺今年搏得太多 一於搏唔喺度 三重彩同四重彩可以諗下藍營高多芬一對嘅總冠軍同中城

[ 本帖最後由 KIRIN688 於 2021-8-15 15:03 編輯 ]

KIRIN688

8月18日約克伊波賽期第一日主題賽事
G1 朱德望國際錦標 2051米

三隻年長馬對四隻三歲馬 第一隻劃走阿倫克爾 喺巴黎大賽雖然第三但輸條街 級數上似乎比同場另外幾隻三歲低  無懈駒上次同今場其中一隻馬大航海家喺前哨戰約克錦標碰頭 有受讓之利同無乜跑錯之下竟然齊齊輸俾二線馬曼谷市 實力要重新估計 滴酒不沾上次薩色士錦標賽前貼左結果表現出色 但今次包義定又嚟上年佳明驥翻版增程上二千多啲打問號 三四重彩可以考慮但W唔值捧 愛爾蘭二千堅尼冠軍文政兼從增程上哩半失敗 落返嚟二千多啲應該好少少 勝在有戰意但無冠軍相 睇嚟都係萬勝飛同心之所慕兩隻之爭 萬勝飛留後威力始終比望空走更好 心之所慕唔知係咪初出用力多 到英皇錦標表現令人失望 金教堂避戰古摩就推呢隻上去 頭馬非此即彼

[ 本帖最後由 KIRIN688 於 2021-8-18 09:45 編輯 ]

KIRIN688

8月19日約克主題賽事
G1 約克郡橡樹 年長馬女撼三歲馬女跑哩半
表面睇係歡暢今宵單挑古摩今年英愛橡樹盟主雪霸天 但兩隻各有隱患 歡暢今宵呢隻典型爛地王 太受場地限制 上次出戰英皇錦標個地唔啱心水結果唔跑 尋日朱德望錦標跑出兩分鐘內時間根本係石頭地 今日個地仲係咁嘅話又可以選擇唔玩

雪霸天兩場橡樹大炒對手包括今場兩隻自己友 但呢兩場嘅對手之後無一能勝 水準打問號 反而係另外兩隻喺列普谷錦標串Q嘅馬濃情滿夢同宜先動未曾同雪霸天交手 尤其係咸頓酋長陣營嘅宜先動 到底仲有幾多暗牌在手未知數 濃情滿夢勝在跑法主動啱哂FRANKIE胃口  今場古摩出動兩隻電兔護駕雪霸天其實對高仕登嚟講可能仲好 小缺點係約克馬場最後直路足足900米能否頂到宜先動同雪霸天嘅後勁

[ 本帖最後由 KIRIN688 於 2021-8-19 08:59 編輯 ]

KIRIN688

8月20日約克主題賽事

其中一場G2 倫斯度杯 大長途三千二
12隻報名最後得返5隻出賽
基本上係弦樂器 真章同傳教團呢三傑之爭 勝負睇天氣 真章同歡暢今宵一樣 場地越爛越啱跑 弦樂器啱啱相反 個地越好就越有利 無嘢可評
戲肉G1楠索普錦標 一千米直路

指標性賽事就係上月尾喺古活上演嘅英皇佐治錦標呢場G2 一千米 上年盟主巴特殊都係有贏呢場 包Q嘅兩隻爽颯同龍圖騰喺之前英聯邦杯交過手 爽颯似係完全唔適應雅士谷上斜結果大敗 上次跑古活落斜即刻現真身 約克直路賽同尚蒂伊一樣平坦理應無礙發揮 龍圖騰八戰無甩Q但極失運 英聯邦杯贏馬結果被告甩 今年如果無場G1落袋又係講唔通 至於FRANKIE騎嘅美國馬友情比金睇賽績似係典型子彈快放馬 但約克馬場直路賽普遍對放頭馬唔多著數 能否一啖氣放返嚟實在有懷疑 加上未曾孭到135磅咁重磅 搏三甲不入 三重彩冷門考慮莫斯吉爾 純粹買佢約克同程好準 6戰全入前三 加上本身跑法後追 呢場咁多快馬對佢有利

[ 本帖最後由 KIRIN688 於 2021-8-20 09:13 編輯 ]

KIRIN688

8月22日多維爾馬場主題賽事

G1 尚羅萬尼錦標 馬女跑二千

八隻參賽馬可能會有一兩隻會嚟跑國際賽絕對唔奇

睇落算壁壘分明 寶索夫人一上到二千就喺蘭秀錦標贏得清脆利落 依家跑呢個路程威力仲强過一哩 頭號勁敵必然係蘇仔嘅倚蓬萊 賽績準繩但同尋晚龍圖騰一樣仲未贏G1 呢場要贏係要過寶索夫人呢關 上年盟主慷慨寬宏喺蘭秀錦標居然大敗唔知乜事 換返文迪沙寶正路俾多次機會 不過呢啲馬投注上點都有戒心

如果計賽績硬淨隻雷鳴夜都唔差 唔計初出之外 跑十場得上年場冠軍馬女不入前四 似係哩半唔到 跑二千米能力相信唔差得過2同3 三選揀呢隻

[ 本帖最後由 KIRIN688 於 2021-8-21 21:05 編輯 ]

KIRIN688

咁就一季 星期日開爐
全日戲肉淋病市長杯
希斯隻肥仔叻叻殺聲震天咁喎😆

[ 本帖最後由 KIRIN688 於 2021-8-30 16:51 編輯 ]

KIRIN688

引用:

原帖由 鴻略 於 2021-8-31 22:38 發表

錶之未來已補中，叻叻升班補加3磅(配明綸？)仍是最惡一匹。

今日831。

肥仔叻叻俾田雞 買佢叮
831現場所見 雖然話著藍衫 但全副裝備幾乎著哂 驚死多個被人捅😆
新一季伊始 無理由唔支持原班人馬嘅新馬經✌

KIRIN688

引用:

原帖由 鴻略 於 2021-8-31 22:38 發表

錶之未來已補中，叻叻升班補加3磅(配明綸？)仍是最惡一匹。

今日831。

市長杯初步傾向錶之未來同夢想成金呢條Q 其他心水方面 第九場又唔似會爆 兩大座騎呢條Q走唔甩


尾場賽事有五隻馬喺上季805場次交手 當中贏馬雪山飛狐嚴格嚟講唔係用最好跑法贏 嗰場排外檔被迫放頭而最後頂到尾 個分明顯仲有喺手 今次抽四檔跑法更有利 首選 嗰場第二加州得迅勝在有拉哥但再抽11檔隨時三疊望空 同場跑第三隻包裝太保操足但一見希斯就
冷腳又係嗰場有份跑但名次後嘅電子群星 似係孭130磅影響發揮 跑返正常二班負磅有利加埋一檔 契弟豐騎上去都要揀
第二場待續

[ 本帖最後由 KIRIN688 於 2021-9-2 18:43 編輯 ]

KIRIN688

全日重心第二場三班直路賽 上季七一當日尾場796場次前五名喺四份三馬位分勝負 其中四隻再度交手 磅位調整後嗰場贏馬嘅會長之星睇落形勢唔算太有利 加埋輗多福在陣步速應該幾快 先要嗰場走哂光嘅勝意龍  搵位論盡之下由包尾衝上嚟造出全場最快尾段21秒6 今場勝在得八隻角逐搵位易得多加埋換巴度 QT膽 腳方面嗰場跑第二嘅佳景福星當日形勢差劣都幾乎贏埋 抽一檔如果班德禮留得好必然構成威脅 另外嗰場第四嘅合衷共濟轉跑法後威力更强 腎虧潘唔玩嘢當然有力一爭

KIRIN688

引用:

原帖由 鴻略 於 2021-9-4 22:56 發表

田泰安跑短途一般不會低過其他好手，肥仔叻叻主要看練的能力，目前是大熱門，上次退出應無問題，贏面較高。另兩熱門磅位一升一降，機會相若，若嫌熱門欠分頭，博冷腳可考慮有理共想。 ...

錶之未來忠心到無人有 三疊望空都保到Q 跑短途威力唔講得笑 夢想成金就大失所望 咁靚位騎落去無嘅 睇嚟行人止步 肥仔叻叻出閘順利就贏 輸錢輸得服


PS：官方賽馬結果今季大縮皮 只揀幾場嚟分析 夾埋半個鐘都無 雖然都知無乜人睇😈