KIRIN688

引用:

原帖由 鴻略 於 2021-7-14 17:42 發表

第八場正路就是這三匹，剛好排最差檔位，勝賢檔位相對較好兼前速較快，較易入二疊，跑出就保證有分頭，配搭就有交換意味，方仔徒弟騎1。

第九場較複雜，因為加入幾匹田草上風馬，除了你提到的紅旺及佐治勇駒，還有賽績更硬淨的牛角仔 ...

賽後檢討 臨場加埋牛角仔搏三四重彩就跑個包尾 谷戰完全唔掂 紅旺早喺隔離馬彼德兄個帖已經批死 佐治勇駒極度失望 都唔知搞乜 另外想講旗幟輝煌 走位全無誠意 早知係咁要返喜蓮慧星就算 但郭能騎瞳矓光彩又係唔知騎乜

KIRIN688

下星期開始又有越洋馬播 頭炮英皇錦標 到時都會有心水
另一邊廂魔頭繼續贏馬

[ 本帖最後由 KIRIN688 於 2021-7-17 17:24 編輯 ]

KIRIN688

今晚英皇錦標日 揀返出馬少嘅場合
先講兩場讓磅賽 第三場讓磅一哩直路 先選布宜學騎嘅最新一代 六戰只有兩場不入前三 一場二千路程不合 另一場變化地唔得 應該係少數歐洲馬應付到跑好地 另一隻好近績係今年跑草地直落贏三場嘅卡伊海島 上次贏同場轉彎一哩可能個磅影響 所以贏少少 升班減9磅好跑 再選就係上次輸俾卡伊海島嘅真大師 同樣負磅有利加强配搭換莫艾誠 三甲份子

尾場讓磅哩半雖然路遙知馬力 但曾經跑跳欄賽嘅馬跑哩半多數嫌短 所以上次跑跳欄嘅動漫獅子第一隻唔會考慮 首選幻旅途 雖然未勝但喺哩半賽事上名長力有證明 挑剔係最近兩場騎佢嘅杜漢培今天改騎闖南域 初跑哩半但似乎呢位騎師對闖南域更有信心 單Q

戲肉英皇錦標 六隻跑 場地持續偏好嘅話歡暢今宵呢隻爛地王第一隻飛得 另外萬勝飛上次跑日蝕大失所望 好懷疑年初嗰兩場沙特杯同司馬經典已經用哂 分齡讓磅個負磅更不利 古摩兩隻擺明心之所慕主力所在 本來想三歲馬仔Q但心之所慕機動跑法 要佢無Q又好似難度太高 計埋跑法比較偏向孤傲飛鷹為串Q對象 FRANKIE繼續肯騎必有見地

[ 本帖最後由 KIRIN688 於 2021-7-24 10:04 編輯 ]

KIRIN688

幻旅途退出 無乜馬可揀唯有改要女將嘅星照耀

KIRIN688

引用:

原帖由 鴻略 於 2021-7-24 18:15 發表

今晚看看

每到英皇錦標就想起爆冷

爆冷如果當年馬主係李醫生 遠征跑英皇一啲都唔奇

另外依家有啲雨 英皇錦標三重彩加返歡暢今宵

[ 本帖最後由 KIRIN688 於 2021-7-24 20:51 編輯 ]

KIRIN688

古活賽期第一日 戲肉兩哩大長途古活杯
弦樂器爭取五連霸好老實講 上次雅士谷金杯就算輸都無理由輸得咁難睇 嚟到呢個年紀能力只會有跌無升 搏其他馬 首選上年冠軍長途杯盟主真章 擺明爛地性能突出 今日如果場地持續偏軟加上平磅角逐更有利 古摩軍團四隻之中要左阿細仔訓練嘅日光天子同老豆嘅士兵之歌 兩隻同樣喺雅士谷金杯輸條街返嚟明顯無四千米氣量 落返嚟兩哩必然好跑 再加上主帥騎蛇紋石更加放心落注喺呢兩隻度

[ 本帖最後由 KIRIN688 於 2021-7-27 15:33 編輯 ]

KIRIN688

古活賽期第二日 戲肉G1薩色士錦標 千六米
第一次聽呢個名已經好耐之前 香港國際賽升格G2後第一隻以黑體G1頭馬身份贏就係出自呢場一哩G1嘅第一島嶼
今場嚟睇年長馬嗰幾隻嚴格嚟講未到馬王級數 而當中兩隻古摩馬喺變化地已經證明唔得 睇嚟佢地想贏G1要寄望聽日蘭秀錦標嘅法國橡樹盟主貞德女傑 心水都係屬意三隻三歲馬 詩情綻放  滴酒不沾同白雪燈 單計分齡讓磅已經大利 再加上變化地有根據 頭馬應該係呢三隻其中之一莫屬

[ 本帖最後由 KIRIN688 於 2021-7-28 14:11 編輯 ]

KIRIN688

光榮古活賽期最後一日 心水第三同四呢兩場分級賽

第三場 三歲G3 哥頓錦標哩半 鐵角心水第一隻揀藍營高多芬嘅伊比爾族 上次新市場輕勝G3嘅二千六米賽事似係越長越好 高多芬近排喺大賽成日有佳作 呢隻馬即使質素不及雅大爺但擺呢度有力一戰 對頭古摩兩隻秤先主帥出戰啟導浪漫 連續兩場哩半G1愛爾蘭打比同巴黎大賽都入P 再對同齡馬點都要拖 三選就係三界 葉森打比似乎對場地唔適應但都追返個第五 古活馬場哩半無葉森馬場咁難跑 要剷入一席非難事

戲肉馬女G1 蘭秀錦標 二千米 六隻角逐 反而心水同尋晚嘅薩色士錦標相反 要兩隻年長馬女 慷慨寛宏近績奇準 今年只跑過場威爾斯親王錦標賺體力 計往績嚟到呢場馬女G1應該讓得起三歲馬女嗰九磅嘅差距 古摩嘅貞德女傑呢隻法國橡樹冠軍略嫌近兩場用力唔少 而之前跑嘅馬場卻拉 李奧柏同尚蒂伊呢三個場算平坦 初跑古活呢個落坡馬場到底能否適應打問號 倒不如要返作戰經驗豐富嘅寶索夫人 一哩本來就係短所以成日後上不及 今年初出就贏新市場G3千八米早證明有長力支持 騎師熟哂隻馬 呢條年長馬女Q搏得過

[ 本帖最後由 KIRIN688 於 2021-7-29 18:35 編輯 ]

KIRIN688

星期二直播羅斯齊爾德大賽日 有隻前魔頭馬出賽 就係壯思飛 跑尾場三班膠沙地千三米 騎師當然係老巫 返法國後呢隻馬跑三場都無嘢睇

主題賽事跑馬女一哩直路 睇落1至6號年長馬女無邊隻突出 要讓三歲馬女七磅處下風 三隻心水都係三歲馬女 首選當然係古摩陣營嘅后土 雖然勝出率唔高但好準 話哂係英國一千堅尼盟主實力有返咁上下 上次跑新市場法爾曼斯錦標同佢一齊返嚟嘅白雪燈加滴酒不沾喺之後薩色士錦標分別跑一三 個formline强勁 莫雅終於過返嚟法國跑想唔搏都難 個人認為最大對手會係日本吉田家族雙雄 心起舞喺法國一千堅尼殺低后土 證明一哩能力同后土不相上下 上次跑法國橡樹大敗睇嚟氣量唔到二千一 杜滿樂見大勢已去都無點用力 跑返一哩現真身 同主緹麗驥今年直落贏三場銳氣正盛 無跑堅尼同橡樹到底仲有幾多喺手唔知 可惜蘇仔要騎返波士阿加汗啲馬被迫換雷哥 但雷哥跑大賽同老巫一樣特別醒神 連贏三重彩要預一席

[ 本帖最後由 KIRIN688 於 2021-8-3 15:12 編輯 ]

KIRIN688

8月8日主題賽事紀爾斯大賽 千三米直路
兩隻預期熱門星光俠同鈴兒花應該控制大局 尤其鈴兒花早已習慣東征西討 而呢個多維爾馬場舊年已經跑過仲贏出 場地不成疑問 星光俠啱啱贏新市場七月杯而對手正是英聯邦杯先鈴兒花過終點但被告甩嘅龍圖騰 賽績六戰五勝非常硬淨 多維爾馬場無乜上斜應該更合發揮 三重彩要返見水即生嘅塞爾河谷

PS：多維爾馬場嘅直路賽事排位號碼同香港英國有分別 細號碼係由貼看台嗰邊數起

[ 本帖最後由 KIRIN688 於 2021-8-8 15:23 編輯 ]