KIRIN688

1月最後一個賽日心水 6同7場求其噏算
主力拆局尾場

第六場老實講對非凡才子又愛又恨 未爆缸之前都中過 爆之後就無乜緣 但見今次搵周仔減磅又好檔 搞到想落多次疊 單Q要返重配郭能嘅極速王 人馬跑兩次都第二 上次蘇仔似遊魂多過乜 換返郭能見真章

重頭戲百週年紀念瓶 時時有餘上次香港瓶幾乎追及時時精綵 一分唔加出乎意料 今次受讓14磅跑千八加埋蘇仔力足反先 上年呢場老二龍鼓飛揚繼續有輕磅之利 砌得就砌 反而一月杯贏佢嘅玖寶跑返沙田換波仔呢條廢柴 機會無上次咁高

[ 本帖最後由 KIRIN688 於 2021-1-29 11:55 編輯 ]

KIRIN688

引用:

原帖由 鴻略 於 2021-1-30 18:09 發表

第六場這兩匹夠硬淨，排好檔易跑，極速王上次神蘇輸際遇，最佳選擇了，勉強搶欄或拉到尾都冇運行。

第七場始終以添滿意近績最實在，應只有時時有餘可與其爭W，時時精彩會是接近的第三。
另講尾場，韋小寶上仗應勝但形勢與發揮欠 ...

添滿意計級數係有 不過對呢隻無乜緣 都係唔買 尾場頭二選心水同鴻兄相同 第三隻要返艮志騰雲 今次跑B加2欄 計形勢有利 已經唔再一味靠快放食胡 獵人成改造佢成後上馬確有一手 至於隻大金庫近仗失望 係咪隻馬落左呢？

[ 本帖最後由 KIRIN688 於 2021-1-30 19:40 編輯 ]

KIRIN688

引用:

原帖由 鴻略 於 2021-2-1 19:46 發表
韋小寶交周仔同樣出閘論盡，又博錯大金庫，另一田草馬美麗掌聲跑出，波仔換雷神竟然加分後仍有大差距。

另一場綠豆怪傑繼續拉，有潘頓就變得冇咁覺眼。下次再跟進。 ...

波仔確係廢 勝在聽話同唔排除拉哥關照 所以神仙間唔中彈好嘢俾佢
聽晚689場心水
第6場單棍 帖木兒上場贏G3精彩 雖然今次跑返二班要頂磅但馬實在FIT 有得搏就搏 對手之中天祿告仔放棄後重頭做起 估唔到久休跑場無根據田草千二跑得似模似樣 復課再加辣證明受得住操 跑返首本谷一千又好檔 除非跑跑下腳痛發作咁無嘢好講

尾場共創繽紛繼續保持谷千二全入圍 谷戰真係跑高啲 巴度騎返上去四平八穩 最大對手一定係資本家 初出真係追得好 雖然十檔但A欄影響不大 方仔是晚强陣不容再失
第八場上次三生有運抵鴻兄中 再有好檔好跑 阿二愛駒魅影揚飛縮程真係賺級數 係11檔麻煩 另外無人信嘅騰龍超影俾波仔原來已經連續四場入嚟 學張福元話齋串QT唔加返佢違反數據🤣

[ 本帖最後由 KIRIN688 於 2021-2-2 22:13 編輯 ]

KIRIN688

引用:

原帖由 鴻略 於 2021-2-3 17:33 發表

尾三場我皆看好潘頓座騎。


第七場家樂飛駒田草績過谷草有級數之優，對手評分都近盡頭。正路腳是追風驥足及健康在望，如果臨場利追，可兼顧南莊加寶。


尾場熱門場合，鴻運飛鷹上仗贏得輕鬆而跑法簡單，共創繽紛四平八穩但 ...

腎虧潘呢條友真係又愛又恨 可以跑得精彩又可以影都無 今晚唔敢玩咁大
另外希斯搞唔掂任我行 去左PAUL蘇

KIRIN688

引用:

原帖由 鴻略 於 2021-2-3 21:31 發表

明欣賞田草亞軍轉谷，若是雷神騎，恐怕得19蚊，潘頓嚇走很多重注熱門客

任我行似搞壞，轉倉未必可挽救；本想博下開始近的金獅大將，再想想希斯，就收手，唔使輸 ...

星期六心水 3/7/9/10場
第三場算形勢簡單 應該係電路三號同星運子爵之爭 其他馬唔係久沉就未上力 不贅
第七場賽事 352場次前三再碰頭 預期都係呢三隻熱門 經過磅位調整超霸神駒雖然加15磅 但以嗰場贏馬姿態要再贏難度又似乎唔高 上千八只會更合腳法 平海同天天都係正路配腳

第九場一見人和家興出就對賭 同場跑過嘅無乜邊隻突出 就搏兩隻初出而試閘走勢相當唔錯 有權一出即食嘅極速飛彈同佐治勇駒
尾場糖糖幸運有一檔好好跑 但田雞放手走去騎榮大董嘅銀馳 初出千二路短都追返段應該有能力 復課神仙整夠兩個大閘出嚟跑夠誠意 留得好有權掃 三重彩腳搏隻健康X嘅香音 上季跑得兩場而今季搞左好耐而家先出 路程可能短啲 但講真呢場馬除左糖糖同銀馳之外其他馬見哂底牌 香音本身質素喺三班肯定夠 憑新鮮感要追一席相信唔難

PS：希斯又整彎一隻 皇者峰範傷左前腳肌腱 打比肯定出唔到

[ 本帖最後由 KIRIN688 於 2021-2-5 20:50 編輯 ]

KIRIN688

星期三預有雨 小注頭場同尾場
頭場老牌處女馬旅遊拿督算失運 買QT無佢無錢收但W倒真係商確值唔值得買落去 可能又輸俾啲初出不明物體
三隻初出 另外有兩隻跑過一場
備戰比較似樣係友誼至佳同膠囊大王
友誼至佳之前試谷閘係拉哥但再之後個閘就係周仔 似乎拉哥覺得隻馬未夠
膠囊大王初出泥地大敗到底係泥地唔得或者得一千米力呢兩個可能性都唔敢排除 轉場縮程換個皓楠仔肯定搏其他人唔信 有分頭值得一玩
尾場飛霸龍繼續跑首本谷千二QT難飛 宜春輝煌上次初跑谷戰際遇極差都有第四 今晚抽好檔換拉哥應該坐正 T腳就喺嘉應精英同年年旺之間視乎臨場個場地係點再諗

PS：摩仔喺殷利殊拍賣會用左百四萬澳紙買左五隻週歲馬 當中最貴嗰隻capitalist子嗣用六十幾萬澳紙 報導話摩仔打算將隻馬留喺澳洲跑

[ 本帖最後由 KIRIN688 於 2021-2-10 08:59 編輯 ]

KIRIN688

引用:

原帖由 鴻略 於 2021-2-10 16:15 發表

似持續有雨，變化難料，加上馬匹平均，更難選馬。回應一下你的兩場。


頭場旅遊拿督準繩有好檔，必然兼顧，開齋抑或破金鑽寶紀錄看造化。友誼至佳試閘不俗，同試的天火同人有好表現，檔位不差已可敲，剛戰有雷神棄騎的必長勝爆冷門 ...

雖然膠囊大王睇配搭唔多似 但反正呢場好多馬似是而非 依家大冷門拖多注都無壞😎
尾場嘉應精英勝在主動有好檔 但上次贏得險再加到132磅幾吃力 所以膽寧信拉哥

KIRIN688

南早報導 蘇仔照原定計劃 初三告別戰
初三心水 8/9同11場
謹此祝各馬友牛年事事順利
講第9場先 好眼光雖然拉哥停賽換田雞但勢成大熱 想搏好分唯有向其他馬埋手 392場次美麗掌聲贏馬嗰場有五隻喺今場再碰頭 當日攞位最唔順就係競技勇士同韋小寶 呢次得11隻跑雖然檔位對佢地嚟講唔算好 但想有好分頭就要冒呢個險 呢場想睇下聚才點跑 國際賽日跑一哩包尾後索性上從化由頭做起 個閘還可以 但估計呢場志在熱身


第8場賀年杯得九隻跑 123呢三隻重磅馬實力見盡 相信讓唔起打後馬匹 告仔兩隻加州雷電跑過場千四無影 跑呢場相信係同主加州得迅要出另外嗰場二班千二唯有推呢隻跑賀年杯 不過路程適性都係鐘意美麗笑容 三檔可以咬好位 雖然距離上場得兩星期回氣希望憑銳氣搏埋 對手之中輝煌星算忠心 跑返千四仍有一爭 不明份子就係初出恭喜發才 睇雅士谷場澤西錦標跑法傾向後上型 最近個閘算唔差只係韋賊呢啲PP初出多數跑一兩場 係睇呢場對手無多要殺入一席唔算太難

尾場亂局搏鐵角爆 目前大熱係上次贏同程嘅足金好球但睇返嗰場馬用左最好跑法返嚟只贏步速不利美麗日子少少 分數上似乎有阻力 加到130磅止於四四五五 美麗日子之後再跑場千六中間開兩段快步速返嚟梗無 似乎係飛數唔啱幕後胃口 今次繼續有形勢之利希望火車潘做好留放 另一心水喜蓮慧星明顯係後上馬 返嚟田草一哩長直路更啱追 蘇仔告別戰希望做返場好戲 大冷腳係駿龍飛騰 喺約克大場二班賽上名照計嚟到香港三班必夠 跑返千六更合腳法 同埋值得留意隻馬喺英國上手馬主就係肥胡 呢位馬主同肥胡咁有交情 買得返嚟估計會有進步空間 呢一注點都唔慳得

[ 本帖最後由 KIRIN688 於 2021-2-13 22:27 編輯 ]

KIRIN688

年初六心水6/7同9場

第6場亂局 扒冷先要全才 雖然檔位表面唔好但跑到二千二反而係步速決定成場走位 韋賊搵彭國年跑呢隻幾有針對性 馬又尺寸唔啱周仔發揮 單Q搭樂益善 初出跑谷1650路程嫌短完全無飛返嚟一支箭衝上就第四刮目相看 喺愛爾蘭兩戰都跑二千擺明就係氣袋 獵人成即刻安排呢隻大幅跳程唔似陪襯 只係抽一檔真係好睇田雞點攞位

第7場馬爾代夫預計成大熱但馬本身就問題多多 繼續對賭攻擊 先要同樣可以守好位嘅御風超影 明顯係要跑幾場上力 四檔跑法彈性而丁仔手風順 另一隻逐漸嚟緊就係安逸寧靜 上季未適應水土但換嚟不停減分 上場跑同程終於接近 分數由73分減到落嚟45分明顯減過籠 抽埋好檔係時候郁手

尾場一對同主但唔同倉嘅鷹同場 估計鴻運嗰隻有一檔由得金鷹嗰隻放 純粹兩隻比秤先鴻運但距離上場得兩週抖 W隨時再中伏但QT難飛 對手之中順意寶對上兩次跑同程唔差 係上一場失驚無神走去跑無根據泥地千二輸條街 唯有當試閘看待 抽好檔睇黃俊能否打開今季勝門 冷門上次有追開神舟駿星 起步漏閘已經搣飛但都追得唔錯 疑點在巴度試左課閘但最後繼續俾彭國年唔知係乜嘢玩法

[ 本帖最後由 KIRIN688 於 2021-2-16 21:44 編輯 ]

KIRIN688

引用:

原帖由 chicken0669 於 2021-2-16 15:27 發表
樓主好耐無見，特別上水拜個年
祝身體健康心想事成，買馬贏錢順風順水
樓主係友壇係咪無回覆/開post?

仲有喺嗰邊 不過抽人水多😆