KIRIN688

第八場幸福老撾只要唔孭過130磅樓上仲有勝算 單Q繼續要追風驥足 拉哥騎進力之城唔代表啲乜 換巴度影響有限

尾場神仙拍巴度另一隻共創繽紛跑同程三個第二 上次返沙田檔差三疊望空都係去到拉士一百先乏力 抽返好檔機會提升 配腳方面第一隻要升班而臨嘅銀河飛馬 今晚三班千二拆組水準進一步拉低 升班適應步速嘅難度相信唔高 六檔算好跑 另一隻上星期三先跑完嘅壽臣依家似乎跑後追好過守好位 涼瓜騎返上去不得不防

[ 本帖最後由 KIRIN688 於 2021-1-13 07:57 編輯 ]

KIRIN688

引用:

原帖由 鴻略 於 2021-1-13 18:42 發表

尾場共創繽紛回谷草有好檔正路，壽臣上次可能跟得急亦可能組別強而跑第五表現不差，銀河飛馬上仗對手再出全負，估計屬弱組，覺得博其他邊線馬較好，而雷神選騎資本家，或非無的放矢，試閘不差兼一檔。


第七場人和家興一枝獨秀揀 ...

人和家興無諗到P都無 但薛恩又無乜跑錯 希斯呢啲暫時避得就避
星期日心水789場 兩場直路賽同三班85分泥地1650米
第七場三班直路賽預計278場次四班賽包Q嘅當家精神同風流人物受追捧 繼續買返平海掌星同傳盛呢對冤家算數😆
第九場二班直路賽好多子彈前領快馬 想講隻福逸上場復出即勝 不過最後百幾米大局已定嗰陣腎虧潘做乜係咁打空氣鞭 唔通怕隻馬提早收工？今次估算跟萬事叻經典之星後面跑 有一定勝算但始終升班又唔係叫壓倒性 前領馬多 後上馬應該唔蝕底 大紅包喺154場次同程後上如箭第四令人側目 之後跑泥地千二擺明遊馬河 再跑直路賽其實依家檔位偏差比以往細左 排四檔後追更易搵位 再拎多隻就係會賺步速嘅公証福將

[ 本帖最後由 KIRIN688 於 2021-1-15 21:48 編輯 ]

KIRIN688

引用:

原帖由 月影偷情 於 2021-1-16 18:08 發表


第七場三班直路賽加埋隻精彩勇士啦！
可能會係1-4-14-13 🤭🥳直路賽(莫/周/賀)都贏得唔錯。

見到希斯已經唔多想理佢😑

講埋第八場 天天精彩一如預料成為大熱 但11檔非常難跑 上次四檔三疊望空隨時今場重現 首選都係要返247場次贏佢嘅都靈紅星 再之後299場次際遇極差情況下力保Q腳 肥航接手後都算係咁囉 次選有啲冒險要為食格格 左前腳有事搞到依家先出 第一個閘無嘢睇去到第二個閘總算似模似樣 光頭蘇同彭國年合作愉快 呢啲馬肯定無保留 三選搏下隻威威心得 根本喺肥佬麥練嗰陣已經喺同程接近過（嗰場贏馬又係都靈紅星）上次泥地千二衝得咁勁 呢次增程有一檔更好跑 皓楠仔要開齋可能係呢隻

KIRIN688

1月20日星期三揀七同八呢兩場玩算 留返子彈星期日三場大賽 經典一哩賽暫時睇秤先達心星同飛輪閃耀呢兩隻 董事杯支鎗一枝獨秀 單Q搏久休復出嘅跳出香港 係短途嗰場最亂 要研究下
第七場買兩隻內檔算 同樣初跑谷戰又無試谷閘但有檔位之利賺形勢嘅明月輝煌同歡欣福星
第八場共創繽紛上星期三有好檔但越跑越後 返嚟一衝啲後勁唔係講笑 只不過匆匆再戰換波仔呢條鐘意左望右望嘅粉人 守到好位仍然係機會馬 次選此程首本嘅飛霸龍  130磅係絆腳石 唔該田雞咪撚走上前面玩放頭 同自殺無分別 三選238場次初跑同程表現唔差嘅神舟駿星 元旦退出純粹血液有問題又好快操返 跑過更窄場地嘅滿利谷似乎跑谷戰跑高啲 要防

[ 本帖最後由 KIRIN688 於 2021-1-20 00:04 編輯 ]

KIRIN688

引用:

原帖由 鴻略 於 2021-1-17 00:44 發表

本來也講第八場，3-5合心水，第三選我仍在威威心得及淺草飛之間選。

另講第五場，水準不高賽事，博一匹縮程馬弗雷，上仗千四沿途前列三疊，末段轉弱但捱到與勁力威龍及大眾開心同到，有一次經驗而對手減弱，有機會爭一席甚至爆冷。 ...

嗰場居然無得追 死未 呢場抹左佢

KIRIN688

官方公布波仔 郭能 薛恩同彭國年個牌騎到季尾 另外馬雅殺到 三月三日騎到季尾

KIRIN688

呢兩日心情就好似過山車 搞到星期日啲馬無乜心機度 三場大賽噏馬名算
百週年紀念杯：有理共想 載譽歸來
董事杯：金鎗六十 跳出香港 川河尊駒(想搏方仔Q😆)
經典一哩：達心星 飛輪閃耀 喜豐寶
PS：老香港原來仲係咁小氣😆

[ 本帖最後由 KIRIN688 於 2021-1-23 21:58 編輯 ]

KIRIN688

引用:

原帖由 鴻略 於 2021-1-24 01:14 發表

老香港激起全版識同唔識都圍剿之

經典一哩三匹竟然有點分頭，包裝永勝未輸死馬迷。百週年紀念杯純粹論馬非心水，頭馬仍屬意旺蝦王，上仗跟得前又不利內疊，密博失準便蝕不起，今仗或會回復正常，其餘一堆馬接近，不如博下舊摩 ...

二郎上次跑華商會杯實在失望 就算輸都唔應該輸條街 我傾向隻馬落左 今次同錶之智能跑無法估計步速係點 隻蝦跑親G1都輸 旌暉同有理共想平磅贏得佢一次 必有第二次 尤其有理共想換蘇仔威力提升

[ 本帖最後由 KIRIN688 於 2021-1-24 09:14 編輯 ]

KIRIN688

引用:

原帖由 鴻略 於 2021-1-24 01:14 發表

老香港激起全版識同唔識都圍剿之

經典一哩三匹竟然有點分頭，包裝永勝未輸死馬迷。百週年紀念杯純粹論馬非心水，頭馬仍屬意旺蝦王，上仗跟得前又不利內疊，密博失準便蝕不起，今仗或會回復正常，其餘一堆馬接近，不如博下舊摩 ...

蘇仔同方仔今日都唔知搞乜 喜豐寶跑跑下失蹄就拉停 但又無啪針只話隻馬左前腳擦傷 神仙呢場咁樣WQ包哂飽到呢
PS：屌 南早話原來啪左針 大機構寫賽後報告係幾時開始避重就輕？？🖕

[ 本帖最後由 KIRIN688 於 2021-1-24 21:18 編輯 ]

KIRIN688

呢幾日繼續渾渾噩噩 心水講尾場算
狂舞派算係正路之選 喺一月杯呢場G3大蝕分第五但評磅員無攞盡加分上限留三班 都叫算做鼓勵拼搏嘅 再搵埋周仔減磅進一步提升機會 次選有檔位之利嘅全民佳知 單係跑法主動呢點足以投一票 三選威進駒睇嚟幾夾郭能 七檔睇攝唔攝得到 至於隻王炸 計形勢幾好跑 但蘇仔同方仔星期日黑到咁 初跑谷戰如果過份熱捧就真係棄不足惜

[ 本帖最後由 KIRIN688 於 2021-1-26 21:30 編輯 ]