star_platina

Gina

1.
話說Cassy好中意去一間酒吧度飲酒，話呢度嘅音樂非常勁，酒吧氣氛非常之好，比起平時去嘅酒吧炒熱氣氛程度好高。阿星收工同Cassy兩個拍住拖咁去到，阿星見到未到七點個場已經好爆，人頭爆，音樂爆，氣氛爆，好正。

Cassy去同酒吧入面嘅調酒師傾咗幾句，調酒師就帶咗Cassy同阿星去間貴賓房度坐。間房其實都冇門，只係門口有一排吊鍊輕輕咁遮住，隱約都睇到出面飲酒嘅人同個酒吧，仲有打碟果個靚女。Cassy坐好咗，同阿星咬耳仔傾閒計，啤酒未到，阿星喺度四圍望，八下。Cassy同阿星講，呢間酒吧係佢嘅朋友開嘅，佢朋友係香港人，一陣介紹俾阿星識。阿星都希望可以識多幾個香港人，話哂叫做他鄉遇故知吖嘛。

聽咗一陣歌，飲咗一round酒，阿星就出去酒吧度同酒保講要多兩杯啤酒，叫佢送入去貴賓房，酒保話依家好忙，冇人送酒啦，一係自己攞啦。阿星都見到酒吧真係好忙嘅，咁好生意一定係因為果度打碟果個女仔啦，啲男人個個都走埋去同佢打招呼，又請佢飲酒咁。阿星攞到啤酒，就返入去貴賓房度揾Cassy啦。飲下飲下，都已經九點幾，你個朋友仲未得閒咩？阿星望出去，酒吧依然咁忙，啲人依然咁多，睇嚟Cassy個朋友今晚可能都未必得閒見阿星地。

等咗咁耐，阿星都有啲急，要行出去解決下。穿過人群，行到去打碟台附近嘅厠所，始終榴槤之國嘅厠所設計都係比起香港差啲，而且踎厠阿星都仲係去唔慣。洗乾淨對手，阿星行出厠所，正準備由打碟台行返去貴賓房度，行下行下，有個瘦小嘅身影衝埋嚟，阿星當時真係睇唔到佢衝緊埋嚟：第一，因為人太多；第二，個場燈光好暗；第三，個人影真係好細個，以阿星嘅身高，都好難睇清楚。

阿星嘅大踏步，瘦小身影嘅急急腳，最後一腳踩落阿星隻腳度，然後阿星因為俾人踩住隻痛腳，唯有嚟個緊急剎車，即刻企定定，不過喺阿星嘅經驗入面，每次阿星因為特殊情況要企定定，通常都會有人俾阿星撞親飛咗去。


2.
嘩，阿星你講到咁，唔通你係一架貨櫃車？呵，貨櫃車又唔算嘅，阿星身形唔算巨型，只係比較高大，同埋比較重磅啲啫。所以同呢個瘦小嘅身影碰撞嘅時候，佢真係俾阿星撞到向後退咗兩步，而阿星，亦都以更快嘅速度，向前伸出手，一手捉住呢個瘦小嘅身影嘅手，將佢拉返埋嚟阿星身前。

“I am terribly sorry, are you okay?” 撞到人當然要講聲對唔住啦，阿星成日覺得同人有身體碰撞唔緊要，意外嘅嘢總會有，之但係撞到人之後孤勿論係邊個嘅責任都好，確保對方冇受傷都係非常之重要嘅。隻手其實都幾好摸，又細又滑，顯然係一隻女人嘅手，不過佢都揸到阿星隻手好實，你話如果揸落小星星度都咁用力，啲星塵應該會四下飄散。

阿星耷低頭望下俾阿星揸住隻手拉咗埋嚟嘅瘦小身影係邊位，感覺到佢貼住阿星嘅身體好似有啲奇特，好似…………係著住件外衣之外，裡面係真空嘅。乜榴槤之國嘅女仔都係中意唔著嘅咩？天氣係熱啲，阿星都著返件叔叔V領底衫索下汗，但係呢個瘦小嘅身影同阿Louise一樣，中意唔著。嬌小嘅女人入面，Louise係屬於嬌小而豪華嘅肉感豐滿型；Miss Tang就係嬌小而健美型；眼前呢個阿星仲揸住佢隻柔滑小手嘅，就係嬌小而充滿彈性嘅甜美型。阿星望住佢，見佢好似仲未喺頭先突發情況定到神，就拍拍佢個頭，將佢拉番開少少，等佢望到阿星，然後阿星先留意到，原來差啲俾阿星撞到飛咗去嘅，係果個靚女紋身打碟。

阿星放開咗佢隻小手，烏低身然後再用英文問佢：”Are you alright? I am sorry that I startled you, if there is no other issues then I shall take my leave.” （你冇事吖嘛？唔好意思嚇親你，如果冇咩事阿星告辭先。）禮貌嘅嘢唔少得，而且係個靚女，仲好似俾阿星嚇親，道句歉都好正常。然後阿星再冇理佢企喺度做乜，行咗返去揾Cassy坐低繼續飲酒。阿星見時候都唔早，就同阿Cassy講話都係早啲走啦，聽日仲要開會，Cassy話等埋佢朋友嚟，不過唔知佢搞乜咁耐。呢頭講完，就有個人揸住幾支啤酒行入嚟。咦，係頭先個打碟女仔喎。

1684715343949.jpg (68.24 KB)

2023-10-17 13:13

3.
Gina係呢個場嘅星級打碟，亦都係呢個場嘅老闆娘，廿七八歲做老闆娘真係本樹，阿星就冇咁叻叻喇。Cassy同Gina又攬又抱，呢啲場面阿星都見慣見熟，Cassy 同阿Erieann係咁，同Miss Tang又係咁，對住成日黑口黑面嘅Louise 都係咁，對住Elly就更加啦，所以阿星一啲都唔奇怪。今次終於有一次阿Cassy 同女仔傾計係唔用家鄉話㗎喇，大家知唔知，Cassy ，Elly ，Miss Tang，Louise 同埋Erieann地都係講同一種家鄉話，而阿星係唔明佢哋講緊乜嘅。阿星叫佢哋一係講廣東話，一係講英文，但係佢哋幾個從來都唔聽阿星嘅要求，而且仲要越講越興奮，通常之後就係決定點樣處決阿星，唉。

話說Gina 係識講廣東話嘅，而且口音非常之香港，傾傾下Gina 問阿星係香港住邊，阿星講咗俾佢聽，然後佢話俾阿星知佢住喺邊，阿星都識嘅，不過唔知點去啫。飲到咁上下，Gina 起身離開Cassy 行過嚟同阿星坐，捱住阿星嚟傾偈。阿Gina 嘅身材頭先阿星捉住佢嘅時候已經大概粗略估計過，大概係34B左右，阿星隻眼同觸覺好準嘅，睇過摸過嘅好少會錯。Gina 越捱越埋，支啤酒就嚟餵到去阿星個咀，而佢係咁用佢嘅34B請阿星食波餅。阿星望下Cassy ，見佢一路喺度笑，咪住先，你啲笑容咁熟口熟面嘅？

Gina似乎對阿星嘅事好有興趣，除咗係咁對阿星問長問短之外，仲係咁叫阿星多啲嚟捧佢場。阿Gina姐，你會唔會急咗啲呢？雖然阿星確係覺得佢幾正，而且紋身呢家嘢好啱阿星嘅口味，Gina嘅左手都係紋身，喺佢見到阿星一路望佢手嘅紋身嘅時候，即刻就同阿星講：「我心口紋咗隻蜘蛛嫁，喺泰國紋嘅，你睇，係咪紋得好靚呀？」一路講一路拉低件黑色Tee俾阿星睇，喂喂喂，雖則阿星係鹹濕，但係都叫做有分吋，大庭廣眾睇又真係唔係幾好，你話關埋房門嘅話…………唏，你睇，阿星又喺度亂諗嘢喇。阿星一路同佢講唔使唔使嘅時候，Cassy就開聲話：「不如去食宵夜啦。」都好嘅，飲完酒都有啲餓，食啲嘢都好嘅。

（待續）😬

star_platina

引用:

原帖由 QQ馬化騰 於 22/10/2023 21:25 發表
非常精彩嘅故事. 支持

多謝騰師兄讚賞，難得師兄有興趣睇亦都肯留言，阿星一定繼續努力，越寫越鹹濕😬

star_platina

Gina

4.
榴槤之國夜晚有好多大排檔式食肆，可以講話你去到邊都有得食。Gina間酒吧附近有兩個呢啲夜市係夜晚先開嘅，阿星知道，因為阿星住喺兩條街後面，有時會同Miss Tang或者Louise過嚟食嘢，所以阿星都幾熟路。Cassy勾住Gina隻手喺前面行，阿星一個喺後面欣賞Cassy左右擺動嘅實體股，至於Gina，佢一件黑色oversized Tee加條鬆身baggy牛仔褲，乜身材都睇唔到。佢已經細粒，仲著到咁鬼鬆身，鬼睇咩？不過阿星知道，禾稈冚珍珠。行咗出嚟，阿星先睇清楚，Gina都係短頭髮，比起Miss Tang長。Miss Tang嘅係短到唔可以紮起，而Gina嘅就啱啱可以紮到條馬尾仔，前面有兩塊頭髮，藍色髮腳，睇嚟都好玩得嘅款。

入到去大排檔坐低，有人走埋嚟問minum，即係飲乜，阿星除咗識叫kopi冰（凍啡）之外，真係冇乜嘢叫得出。Cassy叫咗杯桔仔酸梅水，而Gina就飲薏米水。嘢飲嚟咗，阿星俾咗錢，就行出去睇下每一檔有啲咩食，企咗喺一檔炒貴习嘅檔前面睇下個師傅炒成點，然後發現Gina企咗喺阿星隔離同阿星一齊睇。阿星望下佢，佢又抬頭望下阿星，然後同阿星笑。阿星見佢都笑得幾甜，啲牙都幾整齊，比起阿星棚烏卒卒嘅牙，又真係幾好睇。

「你食咩呀？」Gina捉住阿星隻手搖咗一下。

「都係炒貴习啦，唔要螄蚶（廣東話讀做see hum）」阿星望住個師傅炒緊，口水已經流緊出嚟。

「唔該，要兩份炒貴习，唔愛螄蚶吖！」Gina即時落單，然後捉住阿星返去位度坐。Cassy呢個時候就問阿星：「你嗌咗咩食呀？」點知Gina即刻搶答：「炒貴习走螄蚶呀！你食咩我同你去買啦！」然後Cassy起身笑住同Gina講：「唔使啦，我去睇下有咩食，你同阿星傾下偈先啦。」然後就起身行咗出去揾嘢食。Gina一路望住阿星，望到阿星有啲唔自在。雖然阿星中意俾女仔望，而且越靚嘅阿星越中意，不過好似阿Gina咁主動而且行動咁快捷嘅又真係令到阿星覺得怪怪地。然後電話響起，係Gina個手機，佢接電話同人傾計，一路叫佢早啲瞓，媽媽今晚會遲少少返，聽朝返學記得鎖門咁。唔，有個小朋友喺屋企等門就唔好咁夜返屋企啦，小朋友要媽媽㗎。

Gina講完電話，見阿星望住佢，笑住話：「我個女呀，都成16歲啦，仲要黐住媽咪嘅。」哦，你個女掛住媽咪，都成16歲，吓，佢16歲，咁你12歲生佢？「唔係呀，我23歲生佢嫁，我就嚟39啦。」Gina真係笑得好甜好天真無邪，你話俾阿星知你39歲，阿星真係要頒個美魔女獎過你先得！


5.
呢個時候，Cassy點完菜返到嚟，見到阿星傻咗咁款，就問：「做咩呀你？」
「你知唔知Gina幾多歲呀？」阿星非常之驚訝。

「我知呀，39嘛。我同佢唔似兩姊妹咩？」Cassy望完Gina，再望住阿星。似，不過似係Cassy係家姐Gina係妹多囉。Gina真係令阿星十二分驚訝，個樣好似27-28，行為就比起年輕女仔大胆主動好多，原來佢同阿星嘅年紀差唔多。餐宵夜都係Gina同阿星傾計多，Cassy只係有一句冇一句搭咀。食完宵夜，阿星要送Cassy返屋企，Gina就話要同Cassy傾計，夾硬上埋阿星架車。送咗Cassy返上去，點都要親下攬下先肯走，臨走Cassy同阿星講：「Gina好需要你幫佢，我想你幫手照顧佢。」即係點？阿星唔明。不過呢啲嘢真係唔明好過明，有時唔知係Cassy太過相信阿星嘅能力，定係佢覺得同人分享阿星係一件光榮嘅事，佢嘅好姊妹都同阿星關係密切，而且都會中意黐住阿星唔捨得走。

阿星返落樓下訪客停車場度，Gina坐咗喺車度等，係時候送埋佢返屋企，聽日阿星要同Cassy一齊去見客，都要早啲返去瞓。阿星返落架車度，見到Gina已經喺阿星架車度瞓著咗，唯有揸住車返去佢間酒吧度先。大家都明白，酒吧間唔中都會有人搞下事，有時阿星唔多想太夜去飲酒嘅原因，其中一個都係因為咁。喺阿星架車停低咗，正想叫醒Gina 嘅時候，Gina 原來已經醒咗。阿星望望佢，問佢落唔落到車，佢即刻笑住跳落車，問阿星一陣去邊。阿星話返屋企囉，聽朝仲要同Cassy見客。然後佢問阿星可唔可以等埋佢落場送佢返屋企，家下先11點咋喎，你唔係諗住要阿星等到你4點下話？

Gina嘅意思，係等佢落場打多一段碟之後就會收工，啲伙記會幫佢清場，佢話請阿星飲支啤酒，叫阿星捧下佢場咁話。又好，見你講到咁，又請阿星飲啤酒，等埋你。阿星企咗喺人群入面，大部份時間阿星只係望到眼前有好多個頭殼頂喺阿星嘅附近。阿星嘅視角係咁上下，除咗啲頭殼頂之外，十零呎之外就係個打碟台，Gina已經行咗上台喺度打緊碟。Gina放番啲紮起嘅頭髮落嚟，好陶醉咁喺度打碟，左手嘅紋身喺紅黃藍綠嘅燈光底下變得好怪異，但係Gina嘅專心真係令阿星好尊敬，呢啲咪叫做專業囉。Gina打完最後一隻歌，落咗打碟台，即刻跑到嚟阿星面前，同阿星咬耳仔：「我打碟叻唔叻呀？」叻，有個咁靚嘅打碟，阿星日日落嚟啦！Gina聽完之後非常之開心，趁阿星烏低身講嘢嘅時候即刻雙手攬住阿星條頸，然後喺阿星耳仔話：「阿星你真係好，你要晚晚嚟睇我喎！我哋走得啦！」


6.
Gina去換咗件黑色吊帶背心，一條牛仔短裙，同埋一對黑色及膝嘅長靴。以前阿星喺英國做嘢嘅時候，有個鬼佬同事對於長靴非常之情有獨鍾，佢成日同阿星出去食晏一見到鬼妹著啲長靴，佢就會概嘆”Oh, fxxk me boots!”然後露出非常鹹濕嘅表情。家下阿星睇住Gina 行出嚟又係著住對fxxk me boots行出嚟，仲要一出嚟就即刻勾住阿星嘅手，非常之親熱，直頭女朋友feel到爆。原來Gina 有好多粉絲嘅，一見到佢行出嚟已經即刻圍埋嚟係咁想同佢傾偈，又想同佢影相又要同佢食嘢，阿Gina 即刻攬到阿星實一實，然後大叫：「我有男朋友嫁，佢嚟接我收工啦！」然後即刻拖住阿星就行。呢啲咁嘅情況，阿星唯有照住佢嘅劇本做啦。

Gina 一路勾住阿星隻手，一路拖住阿星行出去，一路笑到唔識停。你就好笑得過啦，阿星頭先感覺到好多唔友善嘅目光，而且阿Gina實在係冇戴胸圍，吊帶背心只係勉強遮住，但係34B嘅形狀，突出嘅小小一點，所有都暪唔過阿星嘅雙眼，況且Gina咁落力勾住阿星隻右手，你話阿星點會冇感覺呢？去到阿星架車，阿星巡例都會開門俾女士上車，對住阿Gina都唔例外，不過打開咗車門之後，Gina並冇上車，而係仍然勾住阿星隻手唔放。阿星望下佢，佢攬住阿星隻手耷低頭望都唔望阿星，究竟搞乜鬼？

「Gina，上車啦。」阿星有啲唔耐煩，阿星隻手又唔係肌肉盤結嘅大隻佬手，做乜攬到咁實唔放？然後阿星望住佢，見到佢喺度流眼淚，啲眼淚滴咗落阿星嘅手度。突然之間咁嘅你？阿星拍拍Gina個只得一條吊帶嘅膊頭，然後問佢：「你冇嘢吖嘛？」Gina抬起頭同阿星笑笑，但係啲眼淚一路唔停咁流。阿星見到佢咁，一時間都唔知可以點樣做，唯有喺褲袋度攞咗條阿星攞嚟抹咀用嘅手巾仔出嚟，幫Gina抹下啲眼淚。冇錯，阿星都叫做係一個英國紳士，條西褲入面係時常袋住一條手巾仔嘅，抹下咀都好吖嘛。阿星一路同阿Gina印乾淨啲眼淚，而Gina就一路望住阿星，佢嘅雙手一路攬住阿星冇放開過，車門打開咗，冇人上到車，究竟阿星同Gina仲要喺度企幾耐？

（待續）😬

star_platina

Gina

7.
攬住阿星攬得咁實，阿星人非草木，俾阿Gina咁樣攬住，點都會有感覺嘅，而且阿Gina又咁樣望住阿星，你唔好咁樣星星眼咁啦，阿星唔可以俾星星眼望㗎。各位，大家知唔知咩係星星眼呢？星星眼，就係果啲淚眼汪汪嘅眼，通常喊完前後嘅雙眼就會出現好似星星咁嘅眼喇。阿星望住Gina，而Gina又靜靜咁望住阿星，時間過得好慢，好慢。阿星已經唔知過咗幾耐，Gina嘅雙手越攬越實，阿星望到佢咁，唯有袋番好條手巾仔，然後將隻手遞上去Gina嘅額頭附近，伸出隻食指，然後同佢講：「阿星依家………會慢慢將隻手指…………放上你雙眉………嘅眉心………呢個動作………會好慢………好慢………好慢………請你盡量集中精神………望住隻手指…………佢會慢慢…………慢慢………慢慢………接近…………而你嘅雙眼…………會變得好沉重…………而慢慢…………合上…………」Gina慢慢合上雙眼，企咗喺街度俾阿星催眠咗，然後阿星用上漸進式放鬆法嘅技巧，令Gina嘅情緒放鬆落嚟。

如果阿星冇睇錯，Gina應該有情緒問題，而且需要藥物去輔助。阿星終於明白Cassy話Gina需要人幫助係講緊乜。好，既然Cassy咁信阿星，為咗你，點都要幫下Gina。

喺街頭做催眠，阿星好少喺香港做，以前做假鬼佬喺英國就有，而且揾人拍嚟做網站宣傳，喺榴槤之國阿星唔係為咗玩催眠而嚟，所以就冇喺度玩過。查實要催眠一個人並唔係咁容易，最起碼對方要相信你，願意交出意識，讓你去撫摸佢嘅潛意識。Gina可能從Cassy度聽過唔少有關阿星嘅嘢，對阿星可能好早就已經有啲信任，所以阿星先咁容易將佢催眠。夜晚一點，條街已經唔多人，阿星企喺架車旁邊同Gina做催眠，都並唔係做得咁自在，始終呢個環境並唔係一個合適嘅環境，唯有做一啲緊急措施，幫Gina解決咗佢呢刻嘅情緒先。呢一刻，阿星幫Gina抒解咗情緒上面嘅不安，令佢放鬆心情，亦都放鬆佢用34B緊緊攬實嘅阿星嘅雙手。完成嘅時候，Gina打開雙眼，望下四周圍，然後望住阿星，有啲迷惑。阿星摸摸佢嘅短髮，然後問佢：「你有抑鬱症幾耐？」


8.
Gina望住阿星，然後話：「都年幾啦。食咗藥好啲囉，Cassy話你醫呢啲好勁，叫我同你講。」阿星明白，阿星嘅催眠治療同身心語言程式技巧冇錯係可以治療情緒問題，但都唔係萬能，而且如果需要用藥物治療嘅情況，催眠治療最多只能夠作為輔助性質咁用。

Cassy可能真係太信阿星，覺得阿星咩問題都可以解決，上次應付Erieann都已經差啲搞死阿星，家下又嚟多個Gina，阿Cassy，查實你中唔中意阿星嘅呢？俾咁多麻煩嘢阿星搞嘅？阿星同Gina講：「阿星送你返去先啦，聽日阿星要返工，呢幾晚幫你唔到啦。遲下你得閒過嚟揾阿星幫你催眠執一次好冇？」

Gina聽完即刻笑住點頭，衰妹，笑得咁燦爛。

送阿Gina返屋企真係好鬼快，二十分鐘已經到，原來你住得咁近阿星屋企。阿星送佢落車，佢硬係好似唔多捨得入屋咁，係咁同阿星吹水，咩打碟呀，啲熟客約佢出街想滾佢上床呀，然後終於講到男朋友三年前著草，壓力由果度開始。阿星一路聽，一路喺度釣魚，阿Gina，你講完未？就嚟四點啦，阿星同你坐咗喺車喺你屋企門口都有成兩個鐘啦，你係咪應該俾阿星返屋企瞓覺呢？

終於，阿Gina喺阿星不停喺佢面前捽眼捽到眼都就嚟甩嘅時候話會落車喇，不過都仲要阿星陪佢行過去等佢入埋屋先好走。夜麻麻又真係危嘅，好，送你一程。喺門口都要嚟多個親吻要攬下，阿小姐，阿星未係同你好熟，攬下都還可以，錫就真係咪。最後阿星抵受唔住佢嘅星星眼，蜻蜓點水咁錫咗一啖佢個咀。Gina個樣真係唔似就嚟40，雖然行為大胆作風豪爽，睇佢都係唔開心。有人講過：幸福嘅人，全部都係一個樣；而不幸嘅人，就有千百萬種不幸嘅樣。阿星喺度諗，係咪要照顧下Gina ，幫佢執執啲情緒問題呢？

終於可以返屋企冲個涼休息下。斟咗杯紅酒，阿星想用15分鐘整理一下呢一刻為止阿星知道Gina嘅事，寫低佢，萬一真係要做治療就靠呢啲資料幫手。寫寫下部爛舊手機響起，Gina打電話嚟：「你瞓未呀？」

「都未嘅，不過就瞓，有咩事？」

「冇呀，睇下你瞓未啫，有嘢俾你睇。」

「睇咩？」

「你睇完唔準delete嫁。」

「咩嚟嘅先得㗎？」

「總之唔準delete啦！」

阿星真係冇咁好氣：「好啦。」

「你應承我嫁，早唞！」

咁究竟你俾啲咩阿星睇㗎？

1698398534118.jpg (266.92 KB)

2023-11-8 16:35

然後阿星就收到個短訊，一張Gina嘅自拍，應該係啱啱影嘅，相入面嘅Gina仍然著住對黑皮長靴，牛仔短裙，揸住個手機對住個鏡影哂佢身上面所有嘅紋身俾阿星睇，下面留言話：「靚唔靚？」

望住Gina有線條嘅手瓜，34B上面隻蜘蛛紋身同埋佢有馬甲線小腹嘅健美身體，你叫阿星點答你？


9.
今朝阿星真係攰到甩轆，臨瞓仲收到一張Gina 嘅健美胴體嘅相令到阿星異常興奮……………係小星星興奮先真。俾小星星折磨咗一輪先瞓得著，認真攞阿星老命。喺公司出車嘅時候阿Cassy 問阿星尋晚係咪玩到好夜，阿星望住佢，問佢做乜又介紹個怪人俾阿星識。點知阿Cassy 竟然話：「我話介紹個香港人朋友你識，你話好嫁。」

阿星搲哂頭：「係啫，阿星冇諗過係bipolar disorder（雙極性情感性精神病，或簡稱燥鬱症）吖嘛，麻煩嘢，唔搞少麻煩。」

Cassy隻手摸下阿星放喺波棍度嘅手話：「你咪幫下佢囉，佢好慘㗎。」阿星知道佢慘，都決定幫佢，老實講，唔係有少少因為佢張相，就呃人嘅。

星期六同Cassy，Miss Tang地去學打拳，查實阿星對呢啲周身郁嘅運動真係麻麻地，一嚟搞到週身汗；二嚟呢啲地方其實好大陣汗味同好重男人嘅體温，令到阿星有窒息嘅感覺，不過Cassy同Miss Tang話要嚟打泰拳，咁唯有跟住嚟睇下啦。間健身中心係Cassy去開嘅，Miss Tang以試堂身份嚟上堂，話學下打泰拳，聽聞榴槤之國都有好多泰拳師傅，而且都係師承大家，有信心保證。

阿星本住嚟觀摩阿Cassy同Miss Tang對打嘅美景，點都要睇下嘅。泰拳導師係正宗泰國人，kap koon kap，拳霸咁嘅樣全身冇多餘嘅脂肪，應該都真係又打得又睇得。阿Cassy同阿Miss Tang都係頭套背心拳套短褲仔咁，非常之養眼，導師一路教，佢兩個一路揮拳踢腿，然後又走多一個女學生過嚟跟住喺度練。三個女仔背心短褲仔，真係好有節奏咁跳動…………冇冇冇，阿星講緊佢哋泰拳嘅節奏啫。

阿師傅要三個女仔互相對打sparring，咁Cassy同Miss Tang互相對打，仲有一個女仔落單冇得對打，個女仔望下阿星，跟住行埋嚟阿星面前企咗喺度，查實阿星冇留意佢，剩係望住Miss Tang同Cassy兩個練習就夠啦，仲邊樹得閒望第二個呢？朋友們，俾係你，相信你嘅一雙眼除咗望住Cassy同Miss Tang健美嘅身體做出有節奏嘅運動之外，都唔得閒再四圍望啦，啱唔啱先？

個女仔見阿星冇理佢然後就行開咗喇。冇幾耐佢又行返嚟，將啲嘢好用力咁掉落阿星度，嚴格嚟講，係掉落小星星度先啱！嘩！阿小姐呀！阿星同你無怨無仇，整乜鬼你打小星星呀？無可奈何之下，阿星唯有望下呢個唔知點解同阿星有仇嘅女仔係乜水。

唔望猶自可，一望，哼！乖乖不得了！你知唔知掉個拳套頭套腳套落小星星度果個係乜水？

（待續）😬

[ 本帖最後由 star_platina 於 2023-11-8 16:35 編輯 ]

star_platina

Gina

10.
掉拳套掉頭套掉護腳落小星星度果個女仔，係早兩晚同Cassy去飲酒識嘅酒吧老闆娘Gina。阿星見Gina戴住頭套，真係睇唔到原來係佢，佢企喺阿星面前雙手叉住條非常之幼嘅纖腰，望住阿星話：「我企喺度咁耐，你都睇唔到我咩？」堅係睇唔到，阿星掛住望阿Cassy同Miss Tang，完全漠視咗Gina嘅存在。阿星望下Gina，真係有啲唔係幾好意思，唯有開聲道歉：「Well，係呀，掛住望Cassy同個朋友地，冇留意到你添。」原諒阿星咁簡單直接，因為阿星係唔講大話嘅，有睇到就有睇到，冇睇到就冇睇到；絕對唔會係冇睇到就話有，有睇到又話冇嘅。呢個，係阿星嘅優點，亦係阿星嘅缺點，要做到身心一致（congruence）係要付出好大代價嘅，因為真係要做到言行一致，先可以空出大腦嘅空間嚟思考其他嘅事。講咗咁耐，都係想講俾大家知，好多人心口不一，容易露出蛛絲馬跡俾人發現；而當你做到心口如一嘅時候，冇嘢隱瞞，就自然唔會咁容易俾人睇透喇。

Gina望住阿星，然後行埋嚟捉住阿星隻手，話：「你陪我練習吖，冇人陪我練呀。」吓，你講笑咋下話？阿星嚟睇咋喎。你硬係要俾啲星星眼阿星睇嘅？唉，好啦好啦，怕咗你，阿星戴番個頭套攞個墊陪你玩喇，唔係你一路星星眼對住阿星，一陣又俾Cassy地話阿星冇風度。大家唔好以為阿星高高瘦瘦唔多打得，查實阿星都叫做練過下拳嘅，雖然日子唔長。阿星揸住個拳墊俾阿Gina踢，左一腳右一腳咁，佢都幾好力水，下下踢到阿星手震，跟住Gina開始用組合技，左拳右拳左腳右腳咁，越打越快，越打越好力，喂喂，阿Gina，唔好打咁快…………阿星太耐冇練，俾啲咁多時間阿星適應……………………………………

阿星最後聽到嘅，係“嘭”一聲，跟住到阿星再望嘅時候，已經係望住Gina，Cassy同埋Miss Tang三個頭圍埋一齊望住阿星。咩呢？唔俾阿星太耐冇運動，反應生疏咗啲啲咁多多嘅？大家都知阿Gina都係非常健美，雖然冇阿Miss Tang咁勁有馬甲線咁犀利，但係都有健美嘅身材…………阿星當然知啦，有睇過相喎，而且瞓喺Gina大脾上面，頭下面墊住嘅係充滿彈性嘅一雙大腿，阿星想起身，但係點解個鼻咁痛嘅呢？好似對眼有啲矇，望人都望唔清嘅？個眼鏡呢？正喺阿星四圍摸想揾眼鏡嘅時候，Miss Tang交咗啲嘢喺阿星手度，阿星即刻起番身，望住手上面Miss Tang俾阿星嘅嘢，個眼鏡……………斷開兩截，發生咗咩事？


11.
嚴格上嚟講，唔係阿星發生咗咩事，而係阿星因為Gina嘅關係承受咗一啲不必要嘅傷害。都～～～～話最近少運動，令到運動神經短暫緩慢咯，咁啱阿Gina個戴住拳套嘅冇乜力嘅粉拳，咁啱就咁唔小心打落阿星個鼻度，然後咁啱個鼻係阿星唯一小小嘅弱點，又然後咁啱阿Gina嘅直拳打中阿星個鼻之餘仲打爆埋阿星副眼鏡啫。你問阿星咁高阿Gina咁細粒點會打到阿星？咪就係因為佢細粒，阿星做好人，特登“烏”低嚟就佢練習囉。大家都知阿星高啦嘛，習慣用高角度向下睇嘢，家下突然之間要阿星用同Gina差唔多水平嘅視線同佢練習，咁咪出事囉。意外嘅嘢，總會發生嘅，唔係阿星唔小心，見到靚女眼甘甘，更加唔係因為阿星少做運動，反應唔夠，絕對唔係！

阿星揸住副一分為二嘅眼鏡，喺度慨嘆緊竟然俾個細細粒一拳打暈，實在非常之失禮，而且眼鏡都爛埋，一陣揸車就麻煩。終於等到佢哋幾個練完拳，阿Miss Tang話佢揸車載阿星，由原本阿星車埋Miss Tang去阿Cassy度接埋佢嚟打拳，變成要Miss Tang車Cassy去做嘢然後再送阿星返屋企。Gina呢個時候走埋嚟問：「一陣一齊去飲茶囉？」Cassy搖搖頭：「我唔得咗，我愛返去咗。」佢嘅意思係話要返鄉下。其實Cassy攞咗大假返去接近冬蔭之國嘅鄉下籌備婚禮嘅嘢，今朝係想同阿星Miss Tang地練埋拳先走，查實行李都放哂喺阿星架車度。「噢，咁即係冇得食晏？」Gina講完之後一路望住阿星。Miss Tang搖搖阿星隻手，同阿星話：「不如你同佢去啦，我載Cassy去，揸車返你度再會合？」咁…………唔得嘅，唔通要阿Miss Tang自己一個捱餓咩？所以最後阿星推咗Gina：「唔啦，今日要送Cassy去機場，而且你睇阿星咁，去睇唔到幾多嘢，不如過兩日先啦？」推搪嘅層次就係如果你唔想應籌呢個人嘅話，你只會俾個唔太說服到人嘅藉口話唔得之餘再加句“下次先”之類咁無寧兩可嘅結語嚟耍走對方；如果真係有嘢做而因為唔得閒而推辭，就會用“不如改………”之類嘅會俾確切日期對方嘅結語；如果人哋係好想去嘅話，就會即刻應承添啦，仲講咁多嘢替死咩？

阿星知道Gina諗緊乜，佢想阿星幫佢做催眠，但係唔好意思開口，查實有咩唔好意思呢？阿星收費㗎嘛，收你平啲囉最多。不過今日真係唔係咁好日子，一嚟Cassy要返鄉下，二嚟阿星因為最近又忙少咗練習，之前一晚又唔夠瞓而一個唔留神俾Gina嘅唔太好力嘅粉拳打中鼻樑，仲要打爆埋副眼鏡；查實阿星係見佢打極都打唔到阿星，所以先特登哄埋啲俾佢打一下啫，鬼知佢唔識就住嚟咩？冇咗眼鏡，做催眠冇辦法觀察受者嘅情況，冇辦法即時作出判斷，事實上係困難好多。所以阿星就算用無寧兩可嘅方式應答Gina，佢仍然會嚟揾阿星嘅。朋友們，你哋有冇試過俾人推搪嘅時候用啲不確定時間嘅詞彙答覆你呢？


12.
Miss Tang見阿星都推阿Gina推得好直接，行去攞車嘅時候忍唔住問阿星：「你真係唔同Gina食晏？我可以車Cassy去機場喎，你同佢去食啦。」阿星笑笑，話：「俾人質咗一拳，鼻痛，唔啦。」Cassy開口：「佢好需要你嘅幫助，你唔好對佢咁冷淡啦。」阿星瞇起對近視眼望住Cassy話：「阿星知嘅，但係唔想同佢太近距離。」Cassy好奇：「點解呢？」阿星捉住Miss Tang膊頭做盲公竹，一路行一路話：「你介紹親啲人個個最後都同阿星上咗床，好似阿星係條淫棍，係女都啱咁，再係咁落去阿星遲早俾你哋幾個榨乾。如果佢需要治療，可以正式約個時間，叫埋佢上嚟睇住啦。」最後果句係對住Miss Tang講嘅。如果阿星第時做老闆，一定會請Miss Tang呢類人做秘書，佢私底下幫阿星打理所有事都井井有條，可以話個心放到唔放。

Miss Tang拍拍阿星搭住佢膊頭嘅手，表示多謝阿星嘅信任，Cassy望住阿星，一路行一路講：「你覺得Gina點呢？」「幾好呀，幾靚女。」「咁點解你會拒絕呢？」阿星笑笑：「你走咗之後阿星只會同Elly，Louise同埋Erieann地間唔中見面，至於佢，」阿星再揸揸Miss Tang嘅膊頭，「佢嘅治療都差唔多完成，都係時候要開始分離啦。」Miss Tang按住阿星隻手，擰轉頭望住阿星話：「你自己照顧唔到自己嘅，你未走我都會去你處照顧你，幫你執下屋。」唉，俾人睇穿哂阿星籠嘢，呃到其他人呃唔到Miss Tang。

送咗Cassy入閘，阿星搭住Miss Tang膊頭好似個盲公咁跟住佢行去停車場，一路行嘅時候Miss Tang再次開聲問阿星：「你真係唔諗住幫Gina？」阿星好奇點解Miss Tang會咁問，Miss Tang嘅答案令到阿星啼笑皆非：「你對佢好似好冷淡咁，佢咁靚女，又係香港人，唔會親切啲咩？」親切感係有嘅，不過個個都親切感，咪個個都免費治療，阿星咪白做？你唔係諗住個個都攬攬抱抱就免費治療啩？

Miss Tang笑住話：「哦，我知啦，有人驚自己鹹濕忍唔住手！」阿星望住Miss Tang，不得不寫個服字，咁都俾你發現到，唔讚你醒目都唔得。喺阿星同Miss Tang講講笑笑嘅時候，阿星個爛舊電話又響起，果位唔肯放棄嘅人又再打嚟。

（待續）😬

star_platina

引用:

原帖由 月影偷情 於 8/11/2023 11:33 發表
…👏🏻👏🏻👏🏻😌師兄又一精彩時

客氣客氣😬

star_platina

Gina

13.
「阿星你可唔可以幫下我呀？」Gina兜口兜面就係咁問，而且有啲想喊咁款。「有咩事慢慢講，深呼吸先…………慢慢放鬆………係喇………啱喇………再深呼吸多一次………每次呼氣………代表你嘅煩惱被你呼出一分………而每次吸氣……～就會令你吸入更多嘅新希望…………非常之好…………」電話嘅另一面，傳嚟Gina焦慮嘅聲音，阿星唯有隔住電話同佢做簡單催眠，等佢情緒穩定咗先。查實阿星係催眠唔到人嘅，阿星嘅能力，係透過語言技法幫助對方自己催眠自己。咩話？唔係啩？阿星你唔係話識得催眠嘅咩？你俾阿星講埋先啦，大夫…………催眠嘅首要條件，係對方對你嘅信任，同埋佢明白你會幫助佢進入催眠狀態；更重要嘅係，你嘅聲音，會全程伴隨佢去走呢個催眠嘅旅程。著名精神病醫生兼艾力克遜派催眠療法嘅始創者艾力克遜醫生（Milton H. Erickson M.D.）寫過一本書叫做My voice will go with you（催眠之聲伴隨你），裡面詳細描述催眠治療師點樣用聲音由語言技法幫助受者進入恍惚狀態，治療師嘅聲音就係受者嘅導航，因為受者進入恍惚狀態之後需要治療師嘅帶領，所有治療師嘅話語將會決定受者療程嘅成功程度。

講咗咁耐除咗想講俾大家知，其實唔係催眠師催眠受者，而係受者自己催眠自己；催眠師嘅責任，除咗帶領受者完成整個旅程之外，亦都有責任喺受者出現情況（例如偏離旅程方向之類）嘅時候伸出援手，幫助受者重新進入旅程嘅方向，完成旅程。喺冇辦法親自會見受者嘅時候，阿星先會用單單靠聲音去做催眠治療，你睇唔到受者嘅情況，又點知道點樣落藥呢？Gina嘅聲音慢慢平伏落嚟，阿星能夠了解初步能夠逹到控制情緒嘅效果，但係隔住電話嚟做始終都只係應急辦法，對於整個治療過程其實完全冇幫助………well應該都有少少嘅，起碼呢一刻佢嘅情緒穩定咗。

Miss Tang對於阿星嘅催眠都已經領教唔少，知道阿星做緊乜，但係受過催眠嘅人再次聽到同一個催眠師嘅話語係好容易再次進入恍惚狀態嘅，所以Miss Tang不停搖頭同捉住阿星隻手，阿星要同時照顧兩個進入恍惚狀態嘅人，其中一個仲要揸緊車，呢鋪玩得大，而且如果Miss Tang一合埋眼，嘅話分分鐘炒車都有份。咁阿星點做好呢？照顧打電話嚟，但係情緒波動，啱啱因為阿星電話催眠而開始進入恍惚狀態嘅Gina好；定係停止催眠，照顧因為阿星催眠Gina而貪心“lam”埋阿星啲催眠汁而開始進入恍惚狀態Miss Tang好呢？


14.
「非常之好……當你進入狀態嘅時候………雙手會揸實個軚盤………………好小心咁揸實個軚盤……………好專心咁望住前方……………掌握好方向…………好小心翼翼咁樣駕駛……………非常之好………………（阿星用力握下Miss Tang嘅手，示意佢小心翼翼揸車）小心駕駛…………直到你到逹目的地為止…………都會好小心……………」真係差啲俾Miss Tang嚇鬼死，邊有人咁貪心，趁阿星喺電話度催眠人嘅時候“lam”埋啲催眠汁㗎？終於返到屋企，揾返副士啤眼鏡出嚟，係就係老土咗啲，總叫做有得用，用住先囉。阿星戴番副士啤眼鏡，當堂即刻一個高大威猛嘅叔叔返哂嚟啦，即刻打俾Gina睇下佢點先。Gina嘅情緒穩定咗，可能聽到阿星把充滿磁性嘅聲音，係呀，阿星後生嘅時候（家下阿星仍然好後生好冇？）曾經做過廣告獨白，亦都曾經試過打電話俾朋友，俾朋友個妹話有把好磁性嘅聲音揾佢。阿星慶幸生成一把充滿磁性嘅聲音，喺催眠治療上幫咗阿星唔少。

電話嘅另一邊傳嚟Gina嘅聲音，Gina嘅聲音話俾阿星知，佢嘅情緒已經穩定咗好多，適合做催眠治療。舞台催眠同催眠治療嘅分別，就係喺催眠嘅用法上，舞台催眠可以令到受者變成人板硬直，甚至放個人板喺兩張櫈上面當係櫈咁坐都得，催眠嘅深度去到第5-6級，屬於深層次；而催眠治療會利用言語技巧去帶領受者改變認知，比較用淺層次嘅深度，大概第3-4級。Gina講俾阿星知佢返咗屋企，阿星同Miss Tang攞完眼鏡之後就去睇下佢嘅情況先。

Gina住嘅地方早幾日阿星先去過，所以好快就到。同其他榴槤之國嘅居民一樣，Gina間屋嘅大門打開咗，鐵閘同前面泊車嘅前院大閘都鎖咗。阿星同Miss Tang落車之後行到大閘前面，大叫Gina個名，冇幾耐有個女仔走出嚟望下阿星同Miss Tang然後用英文問：「Who are you looking for？」口音非常美國，樣貌都有幾分似Gina，阿星估計佢應該係Gina個16歲嘅女。

「Yes，well，阿星係你媽咪Gina嘅朋友，佢係患有抑鬱症嘅，頭先情緒出現問題你知唔知？阿星嚟睇下可唔可以幫佢做治療嘅。你可唔可以入去問下佢依家做治療得唔得？」對住陌生人大家都會特別留神，因為你唔知係乜水，阿星用yes set去降低小妹妹嘅戒心，最後請求佢去詢問媽媽嘅意見，咁做嘅話會比較單刀直入要求開門嚟得舒服，對方亦都唔會太抗拒你嘅要求。Gina個女打量下阿星同Miss Tang，然後開聲：「你就係阿星？」咦，乜原來阿星已經咁出名，連個16歲嘅少女都識。「噢，你媽咪有介紹過我？」Gina個女點點頭，然後話：「佢一早就話哂俾我知啦，你係香港人，高高瘦瘦嘅叔叔嘛，係Cassy姐姐嘅朋友。」「你同Cassy都好熟？」Gina個女一路點點頭，一路用鎖匙打開前院大閘，然後話：「你哋入嚟先啦，佢喺入邊。」Gina個女叫做Bernice，喺國際學校讀緊大概係中三嘅課程，樣貌同Gina非常之相似，如果唔細心觀察，你會諗住Gina同Bernice係兩姊妹。

榴槤之國嘅排屋大概都係咁上下，同香港一樣，越新年期嘅就越細。Gina兩母女住嘅，應該係比較舊年期，大概廿幾年嘅排屋，裡面好整齊，比起Miss Tang未幫阿星執屋之前簡直係一個天一個地。大廳係白色簡約油漆，正中有一張藤製梳化，配搭紅色花嘅座墊，靠牆身一個組合櫃，一台50吋平面大電視，組合櫃隔離係一張書枱，有電腦打印機果啲，仲有一份功課打開咗，應該係Bernice做緊功課嚟應門。大廳嘅後面傳嚟音樂聲，Bernice行埋嚟同阿星話：「媽咪喺後面玩緊音樂，你過去睇下佢？」

阿星跟住Bernice入到後廳，後廳入面仲有間房，通常係預俾啲工人姐姐或者老人家住嘅，呢度變成Gina嘅音樂室。門板關咗，強勁嘅節拍由門嘅另一邊傳出，但係聲音鬱悶，應該係有隔聲綿之類阻隔嘅效果。Bernice打開門，Miss Tang即刻掩住耳，佢其實唔太受得大嘈吵嘅聲浪，之前去Gina間吧度都試過。阿星同Miss Tang跟住Bernice行入房，就見到Gina喺度練習打碟。


15.
Gina好專注喺打碟混音上面，完全冇留意到阿星同Miss Tang跟住Bernice入咗嚟。呢個時候嘅Gina散發住一種獨特嘅氣質，阿星望住佢，不自覺眼定定，直到Miss Tang揸住阿星嘅手為止。阿星望下Miss Tang，佢俏皮咁同阿星單單眼，個咀郁郁指向Gina，然後忍唔住掩住咀笑。咩啫，望下唔得咩？阿星俾Miss Tang笑到有啲唔好意思，咁阿Gina又係幾靚女，阿星望多兩眼都好正常啫。

「阿星！你嚟咗嗱？」Gina停咗音樂即一路走過嚟一路叫，行到埋嚟仲要捉住阿星隻手係咁搖。Gina嘅態度同反應可能會令人覺得做作：都係一個媽媽啦，有個16歲嘅女，點解仲可以成個少女咁呢？不過阿星睇到嘅，就唔係咁，而係直率嘅態度，唔受世俗嘅界定，邊個年齡層就一定要做某啲事，以某種態度示人。其實阿星好喜歡Gina呢種對任何人任何事都一致嘅態度，唔會因為乜嘢因素而有所妥協，真我個性，簡單爽快。阿星見佢捉住阿星隻手不停搖，知道佢對阿星嘅信任係源自真心，冇半分造作。所以阿星都對佢笑，然後拍拍佢個頭同佢話：「今日狀態都唔錯喎，不如今日開始療程好冇？」Gina聽到阿星肯同佢做療程，即刻跳上嚟用力攬住阿星大叫：「阿星你真係好！」使乜講，搞掂好請食飯添呀！

Miss Tang幫阿星同Gina做咗一啲簡單嘅催眠評估，例如叫Gina用靈擺嘗試學習同潛意識溝通，簡單嘅開眼催眠令到Gina雙手合埋之後打唔開，同埋合眼令Gina一隻手上升一隻手下降等等。每樣測試都做到阿星要求嘅標準，証明Gina依家呢一刻嘅狀態適合進行催眠治療。正式嘅催眠治療當然係阿星操刀啦，雖然Miss Tang都跟阿星學咗一段時間，已經掌握咗好多經驗同阿星嘅催眠治療技巧，對於Gina呢類受抑鬱折磨嘅人，阿星親自操刀示範俾Miss Tang睇，一嚟可以令Gina安心，二嚟示範一次呢類比較複雜嘅客戶俾Miss Tang睇等佢學習都係一件好事，而且阿星都同Miss Tang講，叫佢出去揾個正式嘅導師考取証書，或者將來有機會執業請阿星打工都未定。

（待續）😬

star_platina

引用:

原帖由 月影偷情 於 30/11/2023 09:02 發表
…👏🏻👏🏻👏🏻☕😏😋…師兄😌有冇睇過D😏某些情況下,女士在男士面前擺出"让人法拒绝的姿势"?40145240

40145241

40145239

呢啲…………令人想入……………非非喎😬

star_platina

引用:

原帖由 月影偷情 於 30/11/2023 13:18 發表
…係咪,無法(毛发)拒绝呢😅🤭

簡直係想揾窿捐啦😬

star_platina

引用:

原帖由 月影偷情 於 30/11/2023 13:49 發表
乜唔係😌想手插試水先咩😝

有啲女士唔中意用手㗎😬