188Channel Board

標題: 送給她的最後禮物[完](#101給各位最後的說話) [打印本頁]

作者: 萬洛豬 時間: 2019-8-30 01:28 標題: 送給她的最後禮物[完](#101給各位最後的說話)

本主題需向作者支付相應積分才能瀏覽

作者: 萬洛豬 時間: 2019-8-30 02:35

當年E應該都係做左一年半載就轉左公司，正如我所講，我地係普通到唔會私底下聯絡，所以都冇再接觸過佢，淨低既只係起FB到得閒望到佢分享下佢去旅行既泳衣照，去玩去夜蒲既戰衣照。
同E既再見面已經係隔左兩三年後，點解記得咁清楚？無錯！又係本人既生日party喔😂
（致於我自己嗰兩三年間變化都不少，可能職位上高左一級，起公司想深入認識一個女仔都比較容易左，加上有段時間好熱衷於Clubbing同埋交友app岩岩興起，身邊的確出現過好多既過客，最後當時既女朋友都感受到大家既感情已經變左，所以都分開左。）
接觸女性既次數多左，個人自然比以前大膽啲無咁怕被拒絕，所以嗰年我都有send個message去比E，抱住食白果既心態反而有驚喜，E竟然都一齊黎玩。當然我明白佢會答應並唔係我起佢心目中有幾特別，只係純粹佢爛玩...

當晚E又係比較遲黎，一般依啲聚會為左遷就晒返唔到更既同事，都係大約八九點開始玩到凌晨三四點先散，但對E而言，十一二點先係佢開始活動既時間，不過都好既，可以有時間先比我處理好應酬好各枱既朋友仔。
時間差不多就收到E既Message話到附近，不過唔多搵得到地點，咁我當然自動請纓落去接佢啦，比啲時間我哋獨處下都好吖嘛。
其實當晚都冇乜特別事件發生，只係好普通咁玩，所以我記憶都已經比較模糊，不過都因為依一次再同E既見面，我地之後嗰一年都會私底下兩個約出黎食下飯、飲下酒傾通宵，但礙於大家亦有另一半，所以一切一切都只係我地兩個人知，亦唔會做啲咩留倩影打卡依啲自尋死路既行為，加上都係凌晨見面，去既地方更加少人，成個世界好似得返我地兩個咁，其實都幾舒服幾自在架。當時我同E一個月左右都有機會見一次，見面多左，互相了解多左，發覺大家既性格好相似，傾起好多問題上來想法都好接近好舒服，依個亦都係可能E都仲一直同我見面既原因，不過正因了解深入左，就更加明白要食佢係非常困難。
第一，雖然佢爛蒲爛玩，但係佢從來都唔會係one night stand既人，唔好話搞野，就算要打到個茄輪喔，我諗佢都要係對你非常有好感，甚至要去到有愛意先有機會。
第二，佢真係唔多熱衷於性愛，以我所知E同佢男朋友都甚少行埋。
（致於嗰段時期既我轉左去啲luxury brand，同宜家既女朋友開始行得成熟，我亦唔想對佢太不忠，已經再冇做啲周圍識女仔喔依啲行為，文章一開始提過既另一位綿綿波sp都斬埋欖。但唯獨E我依然忍唔住想偷偷地去搵，可能係大家性格相近傾談舒適？可能佢真係好正令我有一絲希望食得到？又或者係想完整完成唔想有個遺憾吧）

作者: 04329234 時間: 2019-8-30 09:28

Ching, 我又係愛大波之人，你啲SP點樣識架？都係朋友？
我覺得，香港真係少大波女仔.....可能我一來要求高啦，32D我都係覺得唔夠大.....二來，我公司做左幾年，都見到不少女同事，真係無乜幾個有E cup

作者: jeamjeam1228 時間: 2019-8-30 10:49

慢慢被時間逐少逐少咁侵蝕我地之間既記憶，慢慢被歲月令我地之間既片段變得模糊~~~師兄呢句好感慨~~故仔寫得好好~期待更新

作者: 萬洛豬 時間: 2019-8-30 11:12

引用:

原帖由 04329234 於 2019-8-30 09:28 AM 發表
Ching, 我又係愛大波之人，你啲SP點樣識架？都係朋友？
我覺得，香港真係少大波女仔.....可能我一來要求高啦，32D我都係覺得唔夠大.....二來，我公司做左幾年，都見到不少女同事，真係無乜幾個有E cup ...

如果真係計持續有keep住交手既partner⋯全部都係舊同事😅
我諗都要講比例既，我文中提及嗰兩位都係24-25腰加上胸大，所以整體視覺效果唔錯。
曾經食過一位上圍有H，當然都係膽拖身材偏肥，好唔好食就各花入各眼啦

作者: 萬洛豬 時間: 2019-8-30 11:16

引用:

原帖由 jeamjeam1228 於 2019-8-30 10:49 AM 發表
慢慢被時間逐少逐少咁侵蝕我地之間既記憶，慢慢被歲月令我地之間既片段變得模糊~~~師兄呢句好感慨~~故仔寫得好好~期待更新

多謝你支持，希望你能夠完整睇晒（亦希望我能夠完整寫得晒）
賣個小關子，我同E個結局都幾特別
所以依編文章係真心希望送比佢最後既禮物，記錄住我地既故事

作者: Ida挨打 時間: 2019-8-30 12:49

師兄文筆細膩，鋪排流暢，祈待更新

作者: hipocat 時間: 2019-8-30 13:12

繼續加油寫呀！好耐無長篇睇！
師兄加油💪🏻

作者: JackLam/: 時間: 2019-8-30 13:42

提示: 作者被禁止或刪除內容自動屏蔽

作者: 無袖 時間: 2019-8-30 23:20

慢慢寫好佢

作者: 萬洛豬 時間: 2019-8-31 10:41

同E之間既突破終於起翌年十一月，一次單獨旅行所發生。

一來E主動約我去玩，二來有得去旅行實開心啦，泰國既布吉我就真係第一次去喇，E同佢男朋友都去過幾次，夜店同水上活動都岩晒E，所以之前見佢FB都好常分享去泰國既旅行照。
果日大家都各自同另一半「交代」完，就大約下午五點幾先出發，搭七點幾八點既機去到嗰邊都十一二點咯。E果然安排妥當，一到步已經有架車接我地去酒店。舒服既相處有兩種，第一種係全程車大家冇乜點講野都唔洗怕尷尬，我同E係另一種一個鐘車程講啲無聊話題都冇停過，好有趣係同E果一年都唔知見過幾多次傾過幾多晚通宵，但就總係有講唔完既話題。
一到酒店緊係喇喇林放低行李出去醫肚先啦，頭兩晚stay嗰間酒店起布吉市中心，所以夜一夜都仲有得活動。泰國地大啲酒店真係都大啲，幾百蚊晚既酒店已經有晒露台，廁所又勁大，仲有張雙人床添喔？！真係雙人床喎
E:我明明request左兩張單人床架喎
我:下？係呀唔緊要啦我蝕底啲同你孖舖啦
E啤一啤我，笑一笑打左我一下，然後話辛苦晒你喎。
我心諗，係喇喎酒店有咁多出錯喎你話book錯咪book錯囉
雖然係雙人床，同E以前亦試過一齊訓，不過依個女仔係唔比機會你，一齊訓埋張單人床都唔會入到手，所以當時係double bed定twin bed對我黎講分別不大。
第一晚大家食完野去左間酒bar飲左杯先返酒店，一來大家都攰，二來話就話雙人床，實質張床都king size，逼逼地四個人都訓得落，我同E中間都仲有九萬幾丈遠，所以第一晚都冇乜特別。
第二朝大家落去嘆返個早餐buffet，雖然陽光都幾猛烈，但泰國既天氣真係熱得黎都幾舒服，依種慢活既環境下嘆個早餐傾下心事都幾優哉游哉架。
食飽飽之後就向住沙灘方向出發，途經個商場又入去行下，順便比個早餐落下格，因為轉頭要玩水上活動。行過間內衣店個衰妹睇岩個款話要試下，咁我緊係非常樂意比意見啦。
E:冇你份喔你去嗰邊睇住毛公仔先啦
我:又冇人叫你試出黎我又唔係跟入去
E:廢事比你偷聽到我要咩size喔，毛公仔嗰到好喇唔好周圍行喔

(Okay！我份人好Gentleman既！行開咪行開囉唔強人所難既)

不過無耐E就走左過黎，話無佢個size就推住我離開個商場。出到室外佢突然拎左支太陽油出黎
佢話見我岩岩咁乖幫我搽太陽油喎
我地就繼續一邊行去沙灘一邊搽太陽油，咁搽好我緊係準備禮尚往來幫佢搽返啦，依啲係做人既基本禮貌！

點知E自己一邊開始搽對手，一邊望住我笑笑口話我自己搽到喎～
(Okay！我份人好Gentleman既！自己搽到咪自己搽到囉唔強人所難既)
點知佢再講不過到沙灘除左件Tee恤就要你幫手搽背脊既

有時真係比個衰妹搞到小鹿亂撞，佢彷似會比下機會你，又會得閒落下閘，有時又會覺得佢比我既機會係只係佢當我友達以上戀人未滿，不過一個女仔以朋友身分同我去依個旅行，都睇得出佢對我有絕對既信任既。
去到海灘行好張沙灘席E就背住我除左佢件白色長Tee，露出佢套碎花三點色，就扒左起到，咁我就開始我既工作啦。
咁耐以來同E身體接觸一定有，不過咁認真去撫摸佢每一吋⋯⋯塗抹先岩，塗抹佢每一吋肌膚都真係第一次，一邊幫佢搽一邊好仔細望下佢背脊、patpat、大腿。丫！個衰妹可能有跳開舞真係冇乜墜肉架喎。
搽好左就緊係喇喇林租返架水上電單車玩啦，訓起到曬太陽？冇我地份啦，因為曬黑得太明顯會同另一半交代唔到。
唔知大家有冇玩過呢？因為玩之前除左教一教你點控制之外，仲有最重要著返件救生衣背心既，嗰件背心都可以索得好實下，結果E著完成對波向內逼，成條事業線更誇張。比E發現我望到佢，佢就笑一笑咁打左我一下，我同佢對望左幾下，我實在按捺不住自己喇，我申出我對手⋯⋯慢慢⋯慢慢⋯向住佢個胸前，幫佢再索返實啲件救生衣⋯⋯驚佢鬆得濟啫。
我地兩個人玩一架，一前一後，得閒互換位置，因為架野都可以揸得幾快下，所以坐後面嗰個都要攬得好實先比較安全，如果唔係我同E之間隔住左兩件救生衣，我相信我背脊仲更加幸福。
起沙灘玩完之後，就帶住疲累既身軀返酒店沖個涼，要咋咋林起酒店做個spa再趕起露台睇返個日落，幾寫意。
（沖涼既時候E竟然主動話同我一齊沖！不過係著住泳衣沖，雖然我都唔明依個係咩舉動⋯⋯不過總算叫同佢一齊鴛鴦戲水過丫）

作者: mtvong 時間: 2019-8-31 14:43

:smile_41: :smile_41: 真係忍到咩??

作者: Godofjj 時間: 2019-8-31 16:35

引用:

原帖由 萬洛豬 於 2019-8-30 02:35 AM 發表
當年E應該都係做左一年半載就轉左公司，正如我所講，我地係普通到唔會私底下聯絡，所以都冇再接觸過佢，淨低既只係起FB到得閒望到佢分享下佢去旅行既泳衣照，去玩去夜蒲既戰衣照。
同E既再見面已經係隔左兩三年後，點解記得咁清楚？無錯！又係本人既生日party喔😂
（致於我自己嗰兩三年間變化都不少，可能職位上高左一級，起公司想深入認識一個女仔都比較容易左，加上有段時間好熱衷於Clubbing同埋交友ap ...

即係無食到無咀過？

作者: 小王子 時間: 2019-8-31 16:53

點同另一半講，同第二條女去旅行？

作者: lulu1238899 時間: 2019-8-31 22:10

如果有咁机會我就忍吾到喇😜😜

作者: 萬洛豬 時間: 2019-8-31 23:17

引用:

原帖由 Godofjj 於 2019-8-31 04:35 PM 發表

即係無食到無咀過？

比啲時間我慢慢交代，故事未完既既😁

作者: 萬洛豬 時間: 2019-8-31 23:19

引用:

原帖由 小王子 於 2019-8-31 04:53 PM 發表
點同另一半講，同第二條女去旅行？

緊係用十大籍口之首 — 同屋企人返大陸探親啦

作者: 萬洛豬 時間: 2019-9-1 00:25

睇完日落，我地都動身扮靚靚去食個晚飯再去夜蒲，嗰晚都轉左幾個場。第一個場有水煙食同睇live bar，泰國既女仔都幾nice，好快就有兩個女仔一齊過黎玩，不過睇得出其中一個係同性戀，因為佢對E非常有興趣（個女仔外型上係不折不扣既正常女仔，但後尾聽E講返閒談答過佢地，我同E只係朋友之後，個女仔就毫不客氣地firlt E🤦🏻‍♂️）所以我同E兩個飲完一杯都咋咋林轉場。

轉左第二個場係有啲變性人做景點既，佢地熱情既程度直頭係世界級，我地坐低都未叫野飲，只係眼神同佢地接觸到咋，佢地已經say晒hello要影相咁款，我揮揮手示意不需要，佢當左我同佢地say hello⋯成班落台走過黎⋯⋯頂⋯⋯又嚇到我同E咋咋林立即離開，又轉場⋯

起嗰條酒吧街轉左個圈就搵左間有Pole dancer既酒bar，同E一邊傾下計一邊欣賞下班Dancer高超既舞技，兩三層樓高既鋼管，望到都覺得危險⋯
傾左一陣計，有兩個鬼仔走黎撩下我地傾計，其中一個都真係幾靚仔，成個之前成日講外國嗰個體操王子咁。唉⋯傾傾下緊係變到E同體操王子傾，我就隔開左同另一個傾下啲無謂野啦，無謂到我都唔記得講過啲乜，途中我都閒時望下E嗰邊，比我見到佢地kiss左一下，我都真係有啲眼火爆。不過反而kiss完一下冇耐E就話要同我返酒店，就同兩個鬼仔道別lu。當然返酒店係假既，E話呀體操王子雖然真係好靚仔，不過太熱情，成個過程都摸手摸腳，仲要kiss，都有啲嚇退佢。
（其實一直同E既相處都係兩人約會，無其他人好似體操王子或者同性戀女仔咁出現起我地之間，我本以為自己當E係同以前其他出軌偷食既女仔一樣，就算E起我面前識其他男仔，我都唔會有感覺，畢竟大家都係有另一半，逢場作興本來就唔應該有愛既成份，但係點解我今次竟然有醋意架⋯）
最後我地返左第一晚去過嗰間Clubbing，依間係唯一一間有舞池，因為今晚比琴晚早左黎，搵到張舞池隔離既枱，點知玩左一陣竟然撞返嗰pair同性戀女仔⋯佢地又好熱情地痴黎張枱到玩，不過E同佢地玩我都放心過體操王子既。
玩左一段時間，幾杯到肚，我都有啲飲到到頂，不過真係基於人在異地，同埋有個女仔起身邊要睇住，所以都盡量保持清醒，不過望見E同都仲好清醒同佢地玩緊，我啲醋意又有少少湧出黎。谷鬼氣，就自己出舞池跳下啦，high下high下有個泰國妹走埋黎同我一齊跳喎，泰國Clubbing既衣著其實都幾輕便，男男女女大都背心短褲，同香港台灣有啲分別，唯一相同就係女仔都依然係著得sexy，吊帶背心熱褲仔，加上我醋意酒意溝埋一齊，我都有攬住個女仔跳，大家有啲身體接觸，個女仔都好主動轉個身同我wet kiss左幾下，當下我有眼尾望下E，我知佢同同性戀女出左黎舞池，而E亦一定望到我做緊乜。kiss完我地繼續跳舞，E襯有些少空位走左埋我旁邊，哄埋我耳邊講

E:威啦,識到女仔啦
我:成晚你威晒我都要有著落架,個女仔（樣貌）得唔得架？
E:麻麻地囉,唔多得架,洗唔洗我幫你（趕走佢）丫？
（老實講，個泰國妹係咩樣我都好模糊，一來太黑，二來我都有多少酒精到頂，三來我同E住埋同一間房，我根本就深知今晚係唔可能掉低E同個泰國妹有啲咩進一步既行為，不過能夠令E對我有多少異性關著，我都開心既）
我對住E點一點頭，E即刻攬實我，攬得好實好實，佢係純粹想幫我趕走個泰國妹，定係想宣洩主權，我都分唔清楚，當下我只係想好好咁感受E既擁抱，我雙手熊抱式咁攬返住E，我望一望泰國妹見到佢同我申一申脷就走開左，我合埋眼好好去享受左半隻歌既時間，到我開返眼，E望住我咪咪眼咁笑，E個笑容我到死嗰日都唔會忘記，每次笑得黎都好勾引人咁款，佢真係一個笑得好好睇好吸引既女仔。當下我地哄得好埋，我內心亦好掙扎，我好想錫埋去，但又怕錫落去會知己朋友都冇得做，我壓抑住自己，用我僅餘既理智哄返埋E耳邊話佢知個泰國妹走左喇。
我地鬆返開大家，互相對望笑一笑，E就拖住我離開間Club，步行返酒店。返去既途中都係跌跌撞撞，我只係依稀記得同E坐左起路邊檔到食碗粉先返去。
入到酒店房我地兩個又跌跌撞撞落左張床到，我成身都好興，亦到感受到E都一樣，我地兩個平訓左起到，再一次互相對望傻笑（又係依個咪咪眼既笑容）
今次我一個反身壓左起E既上面，試探式咁錫左佢個嘴一啖，E成個人呆左幾秒，我再想錫落去，E即刻擰開講左句「你飲醉喇」我繼續想追住佢黎錫，今次E直程用對手頂住我，我掙扎左一輪，感受到E個力度係真係唔想，而唔係欲拒還迎，最後我都無功而還⋯嘴嘟嘟咁講左句「咁小器架」就訓返落張床到，九秒九就訓著左。
（一來已經玩到真係好眼訓，二來我前文都提過依個kiss係盤死咁去馬，嗰一刻真係跌得有多少尷尬，你地見人地唔比我錫我仲話返人小器幾咁過份幾咁九唔搭八就知啦⋯⋯所以除左訓覺都唔知可以做啲咩）

如果大家有同樣被拒絕既情況記得記得唔可以怯，橫掂講啲咩唔好意思呀對唔住呀都冇分別，所以倒不如博一舖話佢小器，記住講完自己都唔可以笑，要揸緊個信念令到個女仔都要疑惑自己唔比你錫係佢小器，咁你情況就會樂觀好多架喇👍🏻
第二朝起身落去食早餐既時候，大家都好似冇事發生一樣，証明E應該都疑惑緊前一晚唔比我錫係佢小器（我估），而唔係我既錯。
食完早餐就要執拾行李，今日係行程既Day3，我地要轉去另一間山上面距離市中心較遠既resort。

[ 本帖最後由萬洛豬於 2019-9-1 12:56 AM 編輯 ]

作者: 無袖 時間: 2019-9-1 02:49

加油唔好爛尾

作者: markluk123abc 時間: 2019-9-1 12:27

等更新,今次應該有著落

作者: himazray 時間: 2019-9-1 17:16

我又覺得溝女唔係下下都要食到
有時同異性保持呢種關係都幾過引

作者: 萬洛豬 時間: 2019-9-1 18:44

引用:

原帖由 himazray 於 2019-9-1 05:16 PM 發表
我又覺得溝女唔係下下都要食到
有時同異性保持呢種關係都幾過引

同意至極喔師兄！我個人比較享受同著重溝通既過程，成功食得到咪當係Bonus或者對自己既肯定囉

作者: dragonbone 時間: 2019-9-2 16:58

引用:

原帖由 萬洛豬 於 2019-9-1 06:44 PM 發表

同意至極喔師兄！我個人比較享受同著重溝通既過程，成功食得到咪當係Bonus或者對自己既肯定囉

師兄,堅好睇,講真,唔係下下都要上床先過癮.
呢種關係亦叫人著迷~~

作者: 萬洛豬 時間: 2019-9-2 23:55

今日既行程基本上都起依間渡假村酒店入面活動，泰國既工人同地一樣真係相對廉價，我地由轉酒店、Check-in、到搬行李上房都有三四位員工服務我地，由大堂返酒店房都需要坐渡假村員工駕駛既Golf car，最厲害係間resort係依山而建，整座渡假村都係向西面，就算我地book左最平既Standard room（渡假村最低窪位置）望日落都比一般海平面高，的確一流。
但入到房發現今次間房比第一間細，同一般酒店既室內佈置無太大分別，並不令人嘩然，唯一特別在於房內露台位置係一個好細既私人泳池，但係向海既景觀比啲植物檔住左一大半，不過E就正正因為個泳池就發現唔係當初book嗰間房，打返落前台查問先知因爲冇晒Standard room，所以udgrade左我地上黎，但冇得睇日落E當然好唔開心啦，咁我只好要求要返本間房，唔需要任何upgrade，擾攘左一大輪，有個經理過左黎話再幫我地upgrade多個級別，不過我地依然要揸緊做人宗旨，唔要upgrade！要返本來間房！
經理都覺得為難，因為真係冇晒Standard room，只好要求我地不如望下間房先。如是者就跟經理架golf car做個樣望一望啦，去到間新房，一開門先黎一個玄關，行過走廊左邊一間雙人客房，右邊一個衣帽間，望見洗手間隔格分明，一個大大按摩浴缸，仲有塊大玻璃同主人房一窗之隔，主人房又一張king size雙人床行出去「露台」，直頭係用一個室外空間去形容先貼切，個「露台」大到開個二十人party都冇問題，仲有張大圓床對正個海，睇日落一流。
（各位抱歉，用左好大段去形容依間resort，除左我想用文字加深自己記憶之外，依間酒店套房真係靚得好震撼）

無錯！乜野做人宗旨、唔要upgrade！都要睇下人開個乜野offer比你先得架，宗旨瞬間就消失得無影無蹤，我地望住經理起勢點頭表示滿意啦😃
搞完一大輪起間房休息下就把握時間帶埋泳裝去游水啦，另一重點推介係resort最山頂位置有個會所係只服務套房級以上既尊貴客戶（即係我地）入面食既飲既全部免費，仲有間gym room同一個坐享180℃全海景既無邊際泳池。基本上係泳池只有幾個外國遊客，其他位置都得我同E兩個，gym room直頭連staff都冇，想點就點架😆
同E起會所玩完一大輪，天色都開始昏黃，我地都返左酒店房露台張大圓床到好好享受我地依個旅程最後一個日落。微微既海風吹上黎，周圍既氣溫都十分適中，暖暖地，整個海平面都呈橙黃色，我帶住疲倦既身軀同E傾傾下計都忍唔住恰著左⋯
到我再次醒返已經係半小時後，天色已經完全黑晒，望過去見到E點住支煙望住我，話見我訓左就冇叫醒我，食埋支煙就可以落去食飯喇。

依個旅程最後既一餐泰式晚餐，比前兩晚所食既更為奢華，飯後我地稍作散步，就叫左兩杯白酒，落返下面餐廳隔離一個大泳池到，邊飲邊浸。
玩到十一點左右，對於我地黎講先係平時節目既開始，又點會訓得著丫，所以決定步行離開resort到外面既便利店買酒同小食，嗰段路來回大約十五至二十分鐘路程，但宜家比我再選擇，我未必再夠膽行多次。
整段路街燈都唔多支，更唔好講路人，好多次只係途經其他resort時有個看更坐左起到，來回既另一邊只係會聽到海水打落岩石既海浪聲，但基本上係黑到乜都睇唔到，而整段路吊詭既地方係會旁經一個森林，睇電影就睇得多，當成個黑媽媽既黑森林起你旁邊，我地真係低頭忍住唔望過去啦，以免見到一啲唔應該見到既野啦⋯
（我又黑人憎著左對紙咁薄既酒店拖鞋出去，為免溻腳跌左落海，E同我都全程依偎住，反而令E感受得到前所未有既安全感）

旅程既最後一朝，E起身既時候唔多舒服，懷疑前一晚飲左隻便利店店員推薦既超難飲泰國燒酒⋯真係好難飲⋯好似幫條食道消毒咁。我地上會所食個早餐，但E都冇乜胃口，咁我就以有限既英文同waitress 示意E胃痛，想拎粒藥食，最後得到一杯青檸梳打...（唔好誤會我地溝通唔到，只係waitress表示酒店唔容許非專業人士處有任何藥物，even一粒必利痛，所以先用杯泰國偏坊）
結果我地都係要返房搵個護士睇一睇，由於要趕飛機既緣故，我都要開始梳洗，沖完涼出黎已經見到護士診症中，護士姐姐個樣貌真係不得了，係靚到選美都攞冠軍嗰隻，望住佢照顧住有病既E，真係感受到人靚心地好，天使一樣，我都唔知應該focus落邊個到好咯⋯
護士姐姐完成佢既工作後，我都要禮貌地送佢出門口，起門口再交代返E都係一啲小問題，食粒藥就無大礙，同護士姐姐四目交投，真係靚到「泰國最美變性人」之稱既Poy咁既樣，護士姐姐既眼神直頭想吸我左我魂魄一樣，仲呈現出一種鄙視既目光⋯鄙視？！冇理由⋯一定係我感受錯！

由離開酒店check-out到坐車去機場，我都一直小心既照顧住E，好彩去到機場佢地好返好多，可以食返少少野，閒談之間講起護士姐姐，E話佢由張床「冷」去開門比護士姐姐。
護士姐姐：Hi！Where’s the patient？
E: er... Me😬
護士姐姐扶返E返床到，然後路過洗手間聽見我沖緊涼（原來嗰個真係鄙視既目光⋯唉⋯真失敗）
上到飛機安頓好行李同E，我就伸隻手去摸一摸佢額頭

我:有冇舒服返啲？

E點一點頭，小鳥依人般俟左個頭埋我肩膀，我都由佢比佢休息下，訓返一程飛機既時間。
到landing完等落機既時候，我再摸一摸佢額頭，的確無咁興。

我:好似冇咁興喇喎，係咪舒服返啲？

E點一點頭，繼續俟住我，我伸個頭過去佢面前，輕輕再錫左佢一啖。

我:咁樣有冇再好啲？

E冇答我，只係笑一笑點一點頭，我再錫多佢一啖

我:咁樣呢？

E比左一個無我咁好氣既笑容

E: 有喇😏

最後因為大家都要交人，所以只係送左E上機場快線，而依個布吉之旅亦都完結，但我地既關係亦都無疑係起左變化。
除左E起飛機上埋冇再拒絕我既kiss之外，返到香港冇耐佢已經再約我去長洲兩日一夜，所以我都好肯定E對我萌生左愛意。

（當然正如前文所講，一個女仔願意同異性單獨去旅行，就算未到愛，都一定有好感。至於由好感去到愛，雖然日落我都冇特別fact check返E，但依我估計，我地約會間大多係由E做主導，例如揀支咩酒、去啲咩場地，主要都係E照顧我居多。但今次異地要用英文溝通關係，所以變相我做主導，加上一個女生有病軟弱既時候，作為男生做返足多少，相信係可以加到分既。我諗正正係依個反差，就令E可以躍過依條線）

當然我亦都證實唔到E係咪因爲質疑之前唔比我錫係小器，而今次冇拒絕我既⋯

你地自己揀一個合適既想法啦。

作者: brotheron 時間: 2019-9-3 01:54

師兄識到食煙既女人真係正

作者: 天河浪人 時間: 2019-9-3 02:03

咁都無鎖貼真係好特別

作者: 阿姆佛倫奇 時間: 2019-9-3 03:01

呀……若有若無的關係
睇到心癢癢

作者: 萬洛豬 時間: 2019-9-3 08:10

引用:

原帖由 天河浪人 於 2019-9-3 02:03 AM 發表
咁都無鎖貼真係好特別

我都知係長篇累贅啲架喇⋯⋯入緊正題架喇😭😭

作者: dragonbone 時間: 2019-9-3 10:17

引用:

原帖由 萬洛豬 於 2019-9-3 08:10 AM 發表

我都知係長篇累贅啲架喇⋯⋯入緊正題架喇😭😭

嚇死,我以為已出"完"字,麻煩師兄完成就update啊~~

作者: bentayga 時間: 2019-9-3 11:02

去到呢步都未扑，呢條女都好奇怪！

作者: ccy304 時間: 2019-9-3 14:34

引用:

原帖由 萬洛豬 於 2019-9-3 08:10 AM 發表

我都知係長篇累贅啲架喇⋯⋯入緊正題架喇😭😭

入緊正題......老老實實你係咪post錯版......文學o係隔離

作者: CCandy 時間: 2019-9-3 15:26

:smile_40:好睇呀

作者: 萬洛豬 時間: 2019-9-3 22:28

引用:

原帖由 ccy304 於 2019-9-3 02:34 PM 發表

入緊正題......老老實實你係咪post錯版......文學o係隔離

有啲咁既事？！文學嗰邊唔係寫故事既咩，情情愛愛嗰邊又露骨得濟。
放心啦，版主冇要求轉區證明冇人覺得我錯區既⋯我諗

作者: 萬洛豬 時間: 2019-9-3 22:30

引用:

原帖由 bentayga 於 2019-9-3 11:02 AM 發表
去到呢步都未扑，呢條女都好奇怪！

我唔夠主動啫⋯

作者: anastasia9687 時間: 2019-9-3 22:51

有好感之後發生嘅野可以落差好大~

作者: 萬洛豬 時間: 2019-9-3 23:23

距離回港後不足一個星期，我地已經迫不急待想再過下二人世界，就好似一對情竇初開既小情侶一樣，所以就揀左應該較難撞到熟人既長洲過一晚。
當日入到去都只係晏就時份，我地今次book左東堤嗰邊間酒店，間房又係有個小露台可以望海，check-in入到房，我都唔太敢有啲乜嘢進一步既行為，始終我都未完全摸清E既想法（佢起飛機肯比我錫可能佢病到”溫溫鄧鄧”，又或者佢返到香港都有後悔，覺得泰國既情就留起泰國完呢）
或多或少都有依啲想法存在起我腦海，嗰日都係做一般人入長洲會做既事情，踩下單車呀、食下海鮮呀、睇下日落呀之類，所以我都只係同以前一樣朋友既方式相處。

見到有啲師兄回覆話「咁既機會，無可能忍到」之類，老實講，如果身邊冇試過有個女仔係令你想得到佢，但同一時間又怕行錯一步會令你失去佢，可以試下換個例子，假設你同你一個好索既女上司出trip，女上司飲醉，你好想借醉行凶喎，但你又驚有啲乜野依郁令連份工都冇埋，我諗情況都差不多，比你又忍唔忍得住呢？

食埋個海鮮晚餐都已經十一點幾，又正式開始我同E既慣常節目（白酒、海邊、談心），我地開頭落左去東提個沙灘到飲，但回想起泰國resort起泳池到飲住傾都幾舒適，所以轉移陣地返酒店一樓個泳池。

E:原來泳池十一點就閂
我:係喎，個泳池閂晒燈都幾陰森架喎

我地只好又搭𨋢落返地下啦。

靈異既事件黎喇⋯我地兩個入到𨋢，㩒G制，閂門⋯架𨋢又開返，開頭以為有人要入㩒走廊既𨋢制啦（其實個走廊靜到冇乜可能有人聲我地會聽唔到）再㩒閂門⋯度𨋢門再開返，我同E對望，兩個都唔敢出聲，我個心都開始怯，第三次再㩒⋯再開⋯真係好似唔比我地走咁款，我細細聲講左句「唔好意思，我地想落返地下啫」
呼⋯再㩒多次閂門⋯仆街⋯度門直頭閂都唔閂，我同E再對望⋯

E:咁點算喔⋯
我:我地試下搭第二架啦⋯

我拖住E平排行出𨋢
（拖住佢一來叫壯下膽，二來我都有啲驚好似鬼片咁，我地其中一個行出𨋢先會突然間閂門分隔開我地兩個）

出到走廊當然係一個人都冇啦⋯
但係架𨋢keep住打開左，我地亦冇辦法坐到另一架𨋢，咁唯有再試多一次同一架𨋢啦。

我繼續拖住E再一次平排入返𨋢⋯
我呼一呼口氣，慢慢伸出手再一次㩒落個閂門制

𨋢門今次閂得到，我心裏默念「唔好開返⋯唔好開返」

架𨋢終於顯然由「1」變返做「G」

𨋢門打開，我地終於返返落大堂，但我內心都未係好踏實，我依然拖住E平排行出𨋢，我地兩個安然踏返出去，個心先定一定。

雖然有一件靈異小插曲，但都要繼續我地既行程，返落沙灘繼續飲酒談心，飲到high high地，我同E行左去海邊掂下水，嗰時開始入冬，啲海水都幾凍下，東堤啲沙都幾鬆下，個人都唔多企得穩，啲海浪一下一下打埋黎，又一下一下退返出去，感覺好似拉緊你出去咁⋯我都有啲怕E high得濟會落埋水玩，所以就拖返佢返入黎，我地兩個跌跌撞撞返返入啲，兩個都跌左起沙，跪左起到，我地再一次互望傻笑，E又係嗰種咪咪眼勾引人既笑容，我跪返直個人，一手攬住佢條腰拉佢埋黎，再也沒有任何保留錫落去，E既身體好柔軟，而佢今次亦都非常配合，曲直個人去臨合我，我地好似將過去依個星期對大家既期待同慾望都發洩晒出黎，直接就濕吻。
今晚個夜空特別多星星，身體每個毛孔都感受到香港入冬既海風，同埋E身體既溫度，耳邊只係聽到清晰既海浪聲，同埋我同E濕吻既啜啜聲，我地兩個人保持住依個姿勢，錫左好耐好耐⋯

個天色慢慢開始光，應該已經日出左，我地都慢慢停落黎，分返開再互相對望笑一笑，今次係滿足既笑容⋯
我地執拾返些少細軟，就拖住行返酒店，搭返嗰架死人𨋢返房，大家放心，今次架𨋢好聽話。
入到房我地冇好心急再擁吻，因為大家都成身沙，所以都先行沖乾淨。到我沖完出黎見到E坐左起露台到食緊個杯麵，個傻妹一定係好肚餓，我唔心急慢慢坐起床到等埋佢先，點知等等下⋯我訓著左⋯真失敗
（算啦，有啲野真係唔需要一晚做晒既）

第二日我地都有啲依依不捨要分別,都揾下唔同籍口能夠見多對方一點點時間,check-out完又要去食個晏先,食完又要坐起碼頭到傾下計先,什至架船返到中環我地都要搭多一程船到尖沙咀,就好似一般熱戀情侶一樣,哪怕能夠見多一分鐘就想見多一分鐘,但我地跟一般情侶唯一唔同既地方,係我地各自都有自己既另一半...無可奈何地都係需要交人。

下一part（時序即係下一次我地見面）會同E埋牙架喇，明白各位想睇扑野既師兄等得好痛苦既，我文筆唔好，盡我能力呈現返當時環境氣氛比各位，抱歉抱歉

[ 本帖最後由萬洛豬於 2019-9-4 12:05 AM 編輯 ]

作者: 天空次郎 時間: 2019-9-4 01:33

等你

作者: azpui 時間: 2019-9-4 03:37

引用:

原帖由 萬洛豬 於 2019-9-3 11:23 PM 發表
距離回港後不足一個星期，我地已經迫不急待想再過下二人世界，就好似一對情竇初開既小情侶一樣，所以就揀左應該較難撞到熟人既長洲過一晚。
當日入到去都只係晏就時份，我地今次book左東堤嗰邊間酒店，間房又係有個小露台可以望海，check-in入到房，我都唔太敢有啲乜嘢進一步既行為，始終我都未完全摸清E既想法（佢起飛機肯比我錫可能佢病到”溫溫鄧鄧”，又或者佢返到香港都有後悔，覺得泰國既情就留起泰國完呢） ...

好睇，等你

作者: CCandy 時間: 2019-9-4 11:03

引用:

原帖由 萬洛豬 於 3-9-2019 23:23 發表
距離回港後不足一個星期，我地已經迫不急待想再過下二人世界，就好似一對情竇初開既小情侶一樣，所以就揀左應該較難撞到熟人既長洲過一晚。
當日入到去都只係晏就時份，我地今次book左東堤嗰邊間酒店，間房又係有個小露台可以望海，check-in入到房，我都唔太敢有啲乜嘢進一步既行為，始終我都未完全摸清E既想法（佢起飛機肯比我錫可能佢病到”溫溫鄧鄧”，又或者佢返到香港都有後悔，覺得 ...

:smile_15:乖~
快D UPDATE埋佢啦~

作者: dragonbone 時間: 2019-9-4 12:01

引用:

原帖由 萬洛豬 於 2019-9-3 11:23 PM 發表
距離回港後不足一個星期，我地已經迫不急待想再過下二人世界，就好似一對情竇初開既小情侶一樣，所以就揀左應該較難撞到熟人既長洲過一晚。
當日入到去都只係晏就時份，我地今次book左東堤嗰邊間酒店，間房又係有個小露台可以望海，check-in入到房，我都唔太敢有啲乜嘢進一步既行為，始終我都未完全摸清E既想法（佢起飛機肯比我錫可能佢病到”溫溫鄧鄧”，又或者佢返到香港都有後悔，覺得 ...

師兄,係唔係已經成為過去式呢?

作者: 萬洛豬 時間: 2019-9-4 12:56

引用:

原帖由 CCandy 於 2019-9-4 11:03 AM 發表

:smile_15:乖~
快D UPDATE埋佢啦~

Yes！Mum！

作者: 萬洛豬 時間: 2019-9-4 12:59

引用:

原帖由 dragonbone 於 2019-9-4 12:01 PM 發表

師兄,係唔係已經成為過去式呢?

過左去喇已經，距離我同E既結局應該仲有三四part可以交待晒既，多謝各位支持

作者: himazray 時間: 2019-9-4 15:54

支持師兄寫埋落去
真係好好睇啊!

作者: lostergundam 時間: 2019-9-4 23:55

真係好精彩吊引，正，冇扑嘢場面都好吸引去追住嚟睇

作者: totoro2014 時間: 2019-9-5 01:16

值得等，不過唔好唔耐

作者: chanlin 時間: 2019-9-5 01:19

唔一定要急住寫扑野，寫得好好，分開時一定好痛，不過有遺憾先會到依家仲回味，可能比個好正既女你一夜情，過左十年八年你連名都會唔記得

作者: 萬洛豬 時間: 2019-9-5 02:19

引用:

原帖由 chanlin 於 2019-9-5 01:19 AM 發表
唔一定要急住寫扑野，寫得好好，分開時一定好痛，不過有遺憾先會到依家仲回味，可能比個好正既女你一夜情，過左十年八年你連名都會唔記得

岩呀，唔洗十年喔！ons既嗰啲廿個唔知記唔記得一兩個名。。。

作者: 萬洛豬 時間: 2019-9-5 02:32

聽日會出下一part（扑野篇）

多謝各位既支持，因為係寫我回憶錄既其中依個同E既故事，所以描寫周遭環境、心態、感受居多，見到好多師兄師姐留言歡喜依種寫法同我與E既故事，我真係好衷心感激。

但我亦明白有啲師兄入黎引版係想睇扑野既情節黎舒緩下既，所以我盡力加快完成好下一part，希望能夠「順得哥情盡量唔失嫂意啦」

另外本身我原意扑野情節我唔想寫得太露骨，亦怕自己唔多識寫扑野既情節，但我又擔心又話要移我去文學版又或者情情愛愛版，再唔係去移埋鬼故版，所以我都加以著眼多少少當中細節，希望大家唔會覺得太兀突啦

作者: jeamjeam1228 時間: 2019-9-5 09:47

師兄~我就喜歡你描述方式!~你鐘意點寫就點寫啦~~用你記憶就得啦~~唔使迎合人~!

作者: 萬洛豬 時間: 2019-9-5 11:30

我同E果時都係做Sales，一個星期都會有兩至三日假，長洲之旅完結後，相信係E定係我都非常囉囉攣想見對方，所以只要避開交人既日子，我地已經盡量搵一日最近既日子見面，不過唔可能短短一個月入面有咁多孖Day（兩日假期），所以今次見面只能同以往見E既節目無異，都係收工食個晚飯，再搵個少人既地方談心— 尖沙咀海傍。

基本上十次有八次都係會揀依個地方，唔知大家知唔知海傍有兩層，上面嗰層去到凌晨會鎖住，但其實你爬入去都冇乜人理，上到去冇乜街燈，黑媽媽好舒服，可以望住個維港，對住成個中環，係果到好似全個世界都係得返我地，慢慢飲支白酒，傾下心事，幾寫意架（垃圾記得帶返走）

可能每次見面之前都有幾日係正常生活，正常地返工，正常地見自己另一半，某程度上都將我抽離返現實，所以再一次見E既時候，我地都好似正常朋友咁相處，冇做過任何親密既行為，even起海傍無其他人都冇，但今日唯一唔同既係到天光要分別既時候，E主動提出跟我返屋企⋯

老實講，雖然我唔係同另一半同居，過往出軌過既女伴（同事又好、夜場識既又好、交友app既都好）我都有個所謂原則係唔會帶返屋企，算係自己對另一半既道德底線，但對住一個動左情既女仔，仲要係已經醞釀多年既女神，諗深一層機會唔係次次有，原則仲邊有可能堅守到丫。

基本上尖沙咀返天水圍嗰一個鐘車程我地都訓到豬頭咁款，落車個人清醒少少，就開始有緊張既感覺。返到入屋先行安頓好E比佢沖個涼之後，我都要調節下個心情，順便搵一搵返個condom放返起一個就手既位置以備不時之需（因為同女朋友冇用開，但好彩屋企有有一個半個陳年貨）

到我沖涼既時候，我都特別落力”省”靚細佬，話晒都有機會拎出黎示人丫。
沖完涼出黎，E已經訓左上床，我越來越緊張，我地兩個人平訓起床到，突然腦海入面諗起泰國酒店我地都係咁樣，之後佢拒絕我既畫面，始終起飛機同沙灘(一啲難搞野既地方)kiss，同起張床到隨時都可以有進一步行為既地方kiss，真係兩回事黎既，我都有啲想放棄既想法，但又諗到依個機會過左唔知要等到幾時...

我一個反身壓左上E到，毫不留情地伸晒脷咁咀埋去，依？！E無推開我不特止，仲好有回應喎，咁慢慢我再進一步移隻手落佢個胸，揸落佢對32D到（揸落一對我幻想左幾年既波係幾咁興奮）但興奮既唔止我一個，E好銷魂咁嗯嗯聲，我隻手慢慢移落啲攝入佢依衫入面繼續揸

我:做乜咁曳唔帶bra？
E:邊有人訓覺帶bra架！

我一手拉高E件衫，E對波即時成對跳左出黎，我好仔細欣賞依對幻想左多年既美胸，E既膚色偏小麥色，但個胸完全冇泳衣印，膚色非常均勻，個胸驟眼睇完全睇唔到乳暈，細細粒lin望落特別可口。
我慢慢由波邊打圈咁奶，慢慢轉慢慢轉，冇好心急進佢粒lin，E已經不斷郁黎郁去，一邊低聲嗯嗯聲，一邊抖大氣，時機成熟我就一下奶落隻lin到，再不斷吸啜，啜啜下又用牙輕輕咬下，E由抑壓住低聲嗯嗯叫，慢慢開始放鬆啲個人，越叫越大聲，用手攬實我個頭。
我見E咁享受我玩弄佢對波。我都毫不留情咁雙手一邊揸個口一邊啜，E對波既手感真係好Firm好實，正因如此，反而比以往揸過既多一分彈性。
雖然好不情願，但我都係時候要再一步佔有佢，我右手慢慢順住摸落去佢小腹，再遊走落大腿，逐吋逐吋摸入去E既兩腿之間，攝隻手摸入去有少少濕，我起外邊摸左幾下就插左隻中指入去，已經感受到嗰種壓迫感。
我個嘴冇停過咁左右交替起E對奶同粒lin到遊走，突然E伸隻手捉停我摷緊佢隻右手，怕怕醜醜好細聲起我耳邊問我屋企有冇套。Okay！佢叫到我都喇喇林起身攞套action！
我迫不急待除埋E條底褲想完完全全佔有E，我龜頭起佢外邊慢慢磨左幾下，就搵岩位置慢慢進入。嘩！雖然岩岩用手指已經感受到，宜家成條要入既時候，先明顯感覺E同佢男朋友真係好少搞野，窄到有啲唔符合佢年紀（咁其實佢當年都係廿四五啫）
E皺晒眉頭好大聲嗯左一聲，雙手攬住我背脊，仲有些少用力用指甲刮我，我都要放慢個節奏，停一停比E適應下先，再一下一下逐少逐少咁入晒成碌，好似入緊個處女咁款喔陰公⋯
我對眼望住E，等佢個樣冇咁吃力，再問佢有冇覺得適應啲，E輕輕點一點頭，得到佢既允許，我錫左一啖落佢額頭，然後成條抽返出剩個頭，再又慢慢插返下去，來來回回咁樣幾次，等E都越來越適應，開始慢慢呻吟，我都開始加快速度咁抽插。
因為開頭就住就住，加上我地都起被竇入面，都攪到我有啲汗流浹背，E見狀就示意我換一換位。女上男下相信好多男士都十分愛好，望住條女好渴望咁借用你碌野好主動咁搖，尤其是條女對波有返咁上下，一邊搖對波一邊彈下彈下，視覺效果一流。加上我眼前依個只有幻想，冇諗過食得到既女神，宜家變到完全只屬於我一個，一個主動壓住我去取悅我既蕩婦，果種反差真係更為難忘。
跳開舞既女仔腰力真係特別好，搖左幾分鐘有多都保持速度，E一邊忘懷咁搖一邊咬晒唇，個樣真係好姣好淫賤，我一邊專心玩弄佢對32D，下身一邊享受住佢條摩打腰既蠕動，我拍一拍佢條腰再示意換位作最好衝刺。
我壓返住E，再手扶好碌野對準，一下插到底，E既下面已經比我抽插到擴張左不少，冇一開始男上咁吃力，當然依然個內壁都仲好服舒好有壓迫感啦，我一下一下抽晒出黎再成條插返入去頂到盡，打樁機咁啪啪聲，E啲呻吟聲都叫到越來越大聲。

呀～～一聲我都射晒入去個套到，我地攬到對方好實好實，好好感受對方完完全全只屬於自己既依一刻。
最後不忘再望住E錫多佢一啖嘴仔，先至拔返碌棍出嚟。

簡單清潔完，都已經朝早九點幾，我地已經攰到不得了，一擁入懷就大覺訓。雖然我真係好攰好眼訓，但係唔知大家有冇試過偷食帶返屋企，我除左搞野嗰段時間好專心之外，其他時間聽覺都忽然變得好敏銳，所以走廊既門聲全部都令我驚醒，雖然我心知另一半突然殺上黎既機會係零，但係都壓抑唔到依種感覺，真係好乸驚架。

下晏訓醒，我地只係似小情侶般買左啲材料，企左起廚房一邊整部隊鍋一邊食，食完就送左E去搭車，我冇好似其他師兄咁厲害一晚四五次，訓醒又黎兩次咁款，可能性對我黎講未必要好誇張既次數先滿足，好簡單一次半次已經足夠，反而在於心靈上能夠食得到E，就好似收藏到一件心頭好一樣，對自己亦係一種肯定。

作者: 放棄2006 時間: 2019-9-5 13:09

提示: 作者被禁止或刪除內容自動屏蔽

作者: dragonbone 時間: 2019-9-5 17:08

引用:

原帖由 萬洛豬 於 2019-9-5 11:30 AM 發表
我同E果時都係做Sales，一個星期都會有兩至三日假，長洲之旅完結後，相信係E定係我都非常囉囉攣想見對方，所以只要避開交人既日子，我地已經盡量搵一日最近既日子見面，不過唔可能短短一個月入面有咁多孖Day（兩日假期），所以今次見面只能同以往見E既節目無異，都係收工食個晚飯，再搵個少人既地方談心— 尖沙咀海傍。

基本上十次有八次都係會揀依個地方，唔知大家知唔知海傍有兩層，上 ...

師兄寫得堅到肉.當然唔止床上啦,而係整個故事.
會唔會就到尾聲呢?

作者: 萬洛豬 時間: 2019-9-5 18:38

引用:

原帖由 dragonbone 於 2019-9-5 05:08 PM 發表

師兄寫得堅到肉.當然唔止床上啦,而係整個故事.
會唔會就到尾聲呢?

應該仲有三part左右可以埋尾

作者: chanlin 時間: 2019-9-5 19:43

認同師兄，啊係在於次數，係在於滿足度，寫得好好，加油

作者: 無袖 時間: 2019-9-5 23:41

之後仲有冇食？

作者: dragonbone 時間: 2019-9-6 10:20

引用:

原帖由 萬洛豬 於 2019-9-5 06:38 PM 發表

應該仲有三part左右可以埋尾

師兄加油,呢個實屬好文分享之一.

作者: 萬洛豬 時間: 2019-9-6 12:43

何為SP？何為SL？可能兩者在於多左一份愛於關係當中，與其叫Sex Lover，我倒喜歡稱之為Secret Lover（秘密情人）
我同E起往後既大半個月都盡量抽空見面，但並冇急於刻意去爆房之類，反而更享受關係改變後，嗰種更甜密既約會相處，一切隨遇而安，大家遷就得到約會既地點在家中時，先順其自然咁發生。

記得有一次見面起佢屋企，我地情到濃時就開始起梳化搞起上黎，入到戲玉之際，E因為我冇套而叫停左我（我都諗唔明當時自己做乜春咁死蠢唔買定）當時下面個頭仲硬過上面個頭，緊係半哄半強都繼續啦，但E真係好堅守依條底線，我都唔可以強迫佢既。

我:我落去買丫
E:不如我用口幫你丫，爆炸糖？

OMG！原來E既男朋友咁識玩！教識E依啲咁獨特既技能。

可惜我當時年輕，以為扑野大過天，反而情願選擇落去買套插插，都唔嘗試下啲特別技能，到今時今日我都後悔冇好好享受下E既撚手野。

我九秒九買完套就衝返上樓繼續下半場，不過今晚既E明顯地心不在焉，我都明白既，起自己主場開戰係特別地有一分內疚感同膽怯感既，我起碼抽插左超過一個鐘，乜野pose都試勻，E反而越來越乾塘，再換pose先發現帶緊個套唔乸見左喎，嚇到我地周圍搵啦（如果搵唔到，到時比佢男朋友發現就真係家散人亡）搵左十分鐘都真係唔見，乜mood都已經散晒，E去沖一沖身，我就繼續起床到搵⋯

E起廁所大叫我唔洗搵，出到黎佢先話原來個套起佢入邊⋯what the... 乜野劇情喔，可能一般女女唔會咁少水，真係唔知原來係可以甩左起入邊（最有趣係隔幾日同佢去戲院睇套西片，入面真係有同樣情節，我地都不約而同對望大笑）都算係一個特別回憶既。

當然同時keep多段關係有冇啲驚險事蹟呢？都有既，不過應該對E而言就感覺更大囉。記得過左幾日，大約係聖誕節前一個禮拜，E重感冒，咁我抽到些少時間就買個外賣比佢，順便留低半個鐘陪佢睇集動漫，老實講，基本上E叫得我上佢屋企，都百分百安全，清楚晒佢男友行蹤先會做，我諗由過往朋友開始，大大話話都秘密地上過去超過廿次，都冇撞過板既，唯獨嗰日我搭緊車返屋企收到E個Message，內容大致係我走左五分鐘，佢男友買左外賣上黎，話比個驚喜佢，神奇既係近依兩三年佢男友都唔會咁做，係嗰日咁特別，佢男友當然有好奇點解會有份外賣，不過E都係話太肚餓自己落街買耍佢。
我真係一額汗，都算好好彩，遲走多幾分鐘撞到正都唔知點交待，萬一我精蟲上腦做緊啲乜野行為，就直頭比人追斬都似。

依個可能係個天比我既小啟示啦，不過我當時未察覺得到。如是者到平安夜嗰日，我收工都有啲掛住E，就諗住比個驚喜佢去接佢收工啦，我仲記得去到個商場既舖頭偷望到得佢一個埋緊數，我起商場走廊哩埋等佢，心諗等佢落閘我先出黎，佢一定好開心啦。點知等等下，佢唔知點解心血來潮行左出走商場個走廊到，我地四目交投，比佢發現左添⋯

我:依～你做咩會行出黎架？乜驚喜都冇晒
E:佢黎左⋯
我:下？
E:佢黎左接我⋯

我當下只係驚比佢男朋友發現，懶灑脫比左個Okay手勢就急急腳咁走，到我完全離開商場，驚慌既感覺先慢慢散去，但隨之而來既係無比既失落感⋯

其實由依段關係開始既時候，大家都好清楚遊戲規則，邊個係莊邊個係閒，岩！如果女朋友同E之間，我無疑都一樣冇可能掉低我女友，但原來當望住個「莊」出現，我依個「閒」只可以鬼鬼鼠鼠咁哩埋，依種感覺一啲都唔好受。「寧俾我知，莫畀我見」或者就正適合形容我，我地不嬲都知自己要等對方唔需要交人，攝到時間先見，但親眼望住佢交人呢？原來個內心唔係自己想像咁強大架咋⋯我本身以為自己享受住兩個女人既愛，好威好有魅力，贏曬？但原來動左情就已經輸左，因為我忘記左我愛既依個女人其實都係要同另一個男人分⋯

我呆呆咁行去搭車，途中閃過好多同E既畫面，我當下唔知可以同邊個傾訴下，因為冇乜人知道我地既事，最後牽強地都有搵個同事講下（個女仔係唯一一個知少少我地既事，因為返工有時太無聊兩條友都有提過下）
搵佢傾除左佢比較知情之外，係我知道佢對我有多少好感（日後我地都有啲越軌既行為發生，不過就唔起本文提起喇）所以我都私心地知道個女仔會落力地慰藉下我心靈。

傾左一輪其實都冇乜特別，好多道理我都明白亦心知，只係當下心情忐忑，所以點都要搵人傾訴下啫。

過左一陣我都收到E既Message同我道歉，同時我都send左頗長篇既Message比佢，內容大致都係講下我既心情，我當然冇怪佢，佢冇錯、佢男友都冇錯、我都冇錯，錯既可能係依段關係⋯

聖誕節正日我當然都要交人，我已經完完全全收埋晒嗰晚既心情，老實講，如果唔能夠做到見住一個時，要完全忘記另一邊既事情，咁就最好唔好偷食，無謂傷人亦傷己。

分手總要在雨天，記得我送左女朋友回家後，我同E相約左起「老地方」見面，要見佢自然就會重拾返依段關係既感覺，特別係前一日既失落感，不太好受⋯
同一個地方、同一個對象，唯一唔同既係我地今晚既心情，個天好似要為我地贈興般落住一點一點小雨粉。
我地今日冇買酒，只係稍作見面，談及下大家既感覺，同之後落黎既方向，當然我坐去尖沙咀嗰程車已經做好訣別既念頭，但世事點會單單只係向你既想法而行丫，一段關係已經會攝及兩個人既想法，見到E之後，我啲乜野準備好既念頭早早就拋諸腦後啦。
最後我地取得一個共識，就係順其自然，保持現狀，即係講左等於冇講。合理既，因為我地都心知跟本就冇任何解決方法⋯（不過傾完見一見，的確令我個心舒服好多既）

第二日Boxing Day，我依舊都係要返工放工，返到屋企樓下，突然收到E既來電，印象中依次係佢唯一一次打比我

我:喂？
電話裏頭乜野聲音都冇，我放慢腳步⋯

我:喂喂？
電話開始傳黎好重既呼吸聲

我停低腳步，好留心聽住個電話，心諗佢搞乜鬼野呢

突然有個人從後雙手攬實我，我冇嚇親，因為從佢既高度、雙手既柔軟度、佢心口壓落我背脊既軟熟感覺，我知道係E，我會心微笑左一下

E:你行得咁鬼快，追你唔切喔！
我:我仲奇怪你打比我係咪玩啲咩刺激野添

E明白我意思，啤一啤我，然後笑一笑打左我一下

我:做乜過黎既？
E:冇架⋯掛住你，想見你架咋，要走架喇

我笑一笑，伸隻手去到佢頭後面，輕輕推前一啖錫落去，E有點兒錯愕

E:你唔驚比熟人睇到咩

我冇答佢，只係笑一笑，拖住佢隻手，慢慢行去送佢搭車。

作者: lostergundam 時間: 2019-9-6 13:24

時間嘅錯……

作者: dragonbone 時間: 2019-9-6 15:14

引用:

原帖由 萬洛豬 於 2019-9-6 12:43 PM 發表
何為SP？何為SL？可能兩者在於多左一份愛於關係當中，與其叫Sex Lover，我倒喜歡稱之為Secret Lover（秘密情人）
我同E起往後既大半個月都盡量抽空見面，但並冇急於刻意去爆房之類，反而更享受關係改變後，嗰種更甜密既約會相處，一切隨遇而安，大家遷就得到約會既地點在家中時，先順其自然咁發生。

記得有一次見面起佢屋企，我地情到濃時就開始起梳化搞起上黎，入到戲玉之際，E因為我冇套而 ...

師兄,講中POINT,莊閒,再偉大去愛都要識分,只係要唔要面對同決定幾時分.

作者: 我不是灰姑娘 時間: 2019-9-6 15:19

引用:

原帖由 萬洛豬 於 2019-9-6 12:43 PM 發表
何為SP？何為SL？可能兩者在於多左一份愛於關係當中，與其叫Sex Lover，我倒喜歡稱之為Secret Lover（秘密情人）
我同E起往後既大半個月都盡量抽空見面，但並冇急於刻意去爆房之類，反而更享受關係改變後，嗰種更甜密既約會相處，一切隨遇而安，大家遷就得到約會既地點在家中時，先順其自然咁發生。

記得有一次見面起佢屋企，我地情到濃時就開始起梳化搞起上黎，入到戲玉之際，E因為我冇套而 ...

食咗反而仲煩

作者: hipocat 時間: 2019-9-6 16:12

引用:

原帖由 萬洛豬 於 2019-9-6 12:43 PM 發表
何為SP？何為SL？可能兩者在於多左一份愛於關係當中，與其叫Sex Lover，我倒喜歡稱之為Secret Lover（秘密情人）
我同E起往後既大半個月都盡量抽空見面，但並冇急於刻意去爆房之類，反而更享受關係改變後，嗰種更甜密既約會相處，一切隨遇而安，大家遷就得到約會既地點在家中時，先順其自然咁發生。

記得有一次見面起佢屋企，我地情到濃時就開始起梳化搞起上黎，入到戲玉之際，E因為我冇套而 ...

呢份禮物真係好好！
喜歡師兄寫既文啦！
睇完有點感慨，但回憶係美好同甜蜜的。要保留著呢種感覺。應該再過多十年想返都會笑住回憶！

作者: haha.hehe 時間: 2019-9-6 17:54

好文留言支持下 💪🏻

作者: 萬洛豬 時間: 2019-9-6 19:21

引用:

原帖由 hipocat 於 2019-9-6 04:12 PM 發表

呢份禮物真係好好！
喜歡師兄寫既文啦！
睇完有點感慨，但回憶係美好同甜蜜的。要保留著呢種感覺。應該再過多十年想返都會笑住回憶！

如果佢睇到既話，我都好衷心希望佢會鐘意依份禮物

作者: 萬洛豬 時間: 2019-9-7 00:54

講多些少E個男朋友，佢就係文中一開始提及過制服party嗰一位，嗰陣佢兩個岩岩開始，時間推移到我同E發生關係既時候，佢地應該都一齊左四五年，基本上兩口子唔再有啲咩驚喜比大家，所以驚喜地買外賣同接工係好少發生，而我地大家都知道大家係邊個，thats why起商場我都咁怕比佢見到。

作者: totoro2014 時間: 2019-9-7 06:48

這是近期的佳作之一，支持。
期待更新

作者: 萬洛豬 時間: 2019-9-7 10:12

如果比我選擇最重要既節日，我一定會揀聖誕節，無論係節日既長短、周遭既氣氛等，而香港人更加假定左好多標籤性既想法去期待依段日子，聖誕節除夕要同鐘意既人倒數呀，平安夜失身夜呀之類，加上我係一個愛好打扮既男生，所以就連溫度都好乎合我既要求。

同E一齊既日子唔長，但短短既時間能碰巧遇上聖誕節，真係令我覺得好甜蜜。避開正日，基本上27-30號依啲日子就係屬於對方，我地過返聖誕節一對情侶該做既事，交換聖誕禮物啦、聖誕大餐啦，我地仲有好多約定，訂好機票下年四月熱返啲要再去泰國啦，仲有傻到有諗過一齊去紋對方個名上身（因為我地有兩個英文字係一樣代表到我地，雖然免強都叫同另一半交代到，但始終比較難實行）

時間推移到一月份尾我地既一次小旅行，我地差不多整個一月都抽唔到時間見面，要等到四月既旅行又有點兒太耐，所以決定一月返大陸黎返個溫泉之旅。
個溫泉度假村起珠海，冇記錯叫御溫泉，算係一個頗出名，頗多香港人去過既地方。我記得E訂房既時候，我都特意叫佢訂有私人溫泉嗰款，多啲花款丫嘛⋯

放低啲行裝之後，我地都換上度假村提供既衣服、木屐，好慢活咁遊走下度假村，食下野、揼個骨，感受下周圍日式建築設計。

揼完個骨個人特別攰，返到房攤唞下又恰著左，到我醒返既時候已經入黑，開房門見到E起出面個私人庭院個小溫泉到浸緊腳，我坐左埋佢身邊一齊浸下，佢輕輕挨落我膊頭到，大家都冇出聲，只想好好享受下我地既二人世界，不過其實我暗地裏覺得今晚既E係有點不一樣⋯

享受左一陣子二人世界，我地都換上泳衣嘻嘻哈哈出去浸溫泉，一有得玩E都回復返平時既佢一樣，所以對我岩岩既想法亦都不以為意。

玩完一大餐返到房，我緊係咋咋帝帝話想起房入面個私人溫泉到浸下啦，所謂私人溫泉說白就係一個有些少設計既超大型浴缸，起入面大戰一場應該都會幾開心。

可能E早早就睇穿我既想法，放好水之後，我唔記得佢用咩籍口話唔想浸，咁我唔通我逼佢咩⋯我自己一個坐左起浴缸，心不在焉睇住部電視，個腦不斷回想返今日所發生既瑣碎事，諗下自己係咪有啲咩做錯呢？應該冇丫⋯但我亦開始確實E係一丁點兒不妥既想法

出到去房陪E睇多陣電視就閂燈訓覺，攬住E雙手放起佢胸前，我又色心起，慢慢試探形式去搓下佢對波，搓下搓下就變成揸下揸下，我慢慢擰轉佢個身想同佢打個車輪，點知E叫停我，話今晚唔想搞⋯

唔乸係掛？！千里迢迢黎到珠海偷情，唔做返啲大事好似唔係幾好喎！我內心都有少少燥燥地，半哄半就移個頭落去，一邊啜住佢粒lin，一邊好模糊咁講左句「唔好啦⋯咁難得有機會⋯」

可能佢都知我今晚唔會咁輕易放過佢，所以佢個姿態都慢慢放軟，開始呻吟起來。

玩弄完佢對32D之後，我慢慢一吋一吋向下lam，lam到落佢既小腹，再到佢既大脾⋯⋯小腿，再由佢小腿又lam返上佢大脾內側，去到佢條底褲仔外面錫左幾啖，就一下拉低條底褲仔。

今次係我第一次幫E用口，亦都係第一次近距離留心觀察佢個小森林，E明顯地有修葺下毛毛既習慣，同佢下面既一線鮑比例恰到好處，我毫不客氣地一野乃落去，然後好仔細咁幫佢又乃又啜。

我知今晚E本身唔多想搞野，所以我都特別用心地手口並用去服侍佢，希望佢能更為投入，我冇要求E幫我含，只想佢全程都享受就足夠。

我帶上套就先黎男上，雖然比起第一次插入已經順利，但E緊緻既程度都真係唔講得笑。同E既交手次數真係唔算多，我一邊抽插都一邊遷就一個最令大家舒服既位置，可能佢都感受到我既落力，係時候要做返啲野⋯

佢示意左一下，就一個反身壓返住開始策騎，之前都提過E既腰力真係唔錯，女上直頭係佢既拿手體位，搖左十分鐘左右，我都差不多到，佢都應該感受到，所以更加落力去搖，對波晃盪得更為誇張⋯

既然佢都冇絲毫比我男上埋尾既打算，我就唯有配合返佢個節奏，一下一下向上頂，E啲呻吟聲叫到拆晒天，最後一齊到左，射晒入個套到。

E攰到扒左落我心口，做完一場激烈既運動，大家都唞晒大氣

E打左我心口一下，講左句「衰人」，我笑一笑錫左啖落佢額頭到，然後示意E起身拔返支棍仔出黎，再一擁而睡。

作者: 希達123 時間: 2019-9-7 13:05

其實睇ching你個標題我一直都耿耿於懷，愈睇愈覺，希望最後個結局唔會太傷感吧

作者: 我不是灰姑娘 時間: 2019-9-7 14:05

引用:

原帖由 萬洛豬 於 2019-9-7 10:12 AM 發表
如果比我選擇最重要既節日，我一定會揀聖誕節，無論係節日既長短、周遭既氣氛等，而香港人更加假定左好多標籤性既想法去期待依段日子，聖誕節除夕要同鐘意既人倒數呀，平安夜失身夜呀之類，加上我係一個愛好打扮既男生，所以就連溫度都好乎合我既要求。

同E一齊既日子唔長，但短短既時間能碰巧遇上聖誕節，真係令我覺得好甜蜜。避開正日，基本上27-30號依啲日子就係屬於對方，我地過返聖誕節一對情侶該做既事，交換聖 ...

一齊時越甜蜜，分開時越傷感
感覺到虐心部份就到喇

作者: lostergundam 時間: 2019-9-7 15:54

咁好氣氛都唔想攪有， E有啲野啊…後尾有冇傾返呢？

作者: JackLam/: 時間: 2019-9-7 18:32

提示: 作者被禁止或刪除內容自動屏蔽

作者: chanlin 時間: 2019-9-7 18:41

覺得旅行完會有問題發生，可能我代入左自已經歷

作者: dragonbone 時間: 2019-9-7 19:15

引用:

原帖由 萬洛豬 於 2019-9-7 10:12 AM 發表
如果比我選擇最重要既節日，我一定會揀聖誕節，無論係節日既長短、周遭既氣氛等，而香港人更加假定左好多標籤性既想法去期待依段日子，聖誕節除夕要同鐘意既人倒數呀，平安夜失身夜呀之類，加上我係一個愛好打扮既男生，所以就連溫度都好乎合我既要求。

同E一齊既日子唔長，但短短既時間能碰巧遇上聖誕節，真係令我覺得好甜蜜。避開正日，基本上27-30號依啲日子就係屬於對方，我地過返聖誕節一對情侶該做既事，交換聖 ...

GOD.......居然咁就完左?

作者: 萬洛豬 時間: 2019-9-7 20:29

多謝各位咁留意我地既故事，戲透既問題就先留白，賣個小關子，但我地既故事亦將近尾聲，未來一兩天都會進入結局

作者: 萬洛豬 時間: 2019-9-8 10:19

第二日又搭車又搭船咁返香港，溫泉之旅都就咁完結。
起我自己再搭車回家既車程上，回味返同E既片段，雖然冇得起浴室大戰，但E著住套浴衣黎搞，都真係值得回味既（說來小弟搞過咁多次，都真係冇試過起浴室激戰一番，真失敗）不過唔緊要，我寄望於四月既泰國之旅，嗰到啲酒店resort咁大，玄關戰到去露台都得啦！

如是者往後幾日我都正常咁返工生活，我記得只係距離珠海之旅好短既日子，有一日收到E既Message，好長篇⋯但內容大致就係「佢想好好去面對男朋友，唔想再去做一啲對唔住佢既事，四月份更加唔應該再去一個越軌既旅行，我地依段時間真係過得好開心，好多謝你」

我記得我只係好簡單覆左佢「嗯，明白，我都的確過得好開心，多謝你」

我冇作任何既挽留，正如我文中提過E係一個唔會周圍留情既女仔，佢對我既行為只係比愛情沖昏左頭腦先會發生嗰段關係，所以我知道當佢決定要斬欖，我講乜都挽救唔到，除非⋯⋯根本沒有除非，在我而言，我亦深知自己比唔到幸福佢，佢需要既係一個真正屬於佢既男朋友，我係冇可能做得到。無錯，所以沒有除非⋯

其實當日我知道E只係一時不懂如何處理我同佢男友依段三人關係，所以先決定斬欖，當然我唔會逼佢做佢不願意既事，但我總感覺佢有一日一定會再搵我，始終我地真係一對好溝通得到既知己朋友。

E就由嗰一日開始，完完全全消失於我既生活之中⋯

而我既生活亦慢慢回復正常，好好看待自己既另一半。同一年我同另一半亦一同開始開展我地既事業，兩個人一齊創業，自自然然好多地方需要磨合，慢慢性格上思想上，甚至於價值觀上都有好大既轉變，當然同另一半亦相處得好開心啦。

慢慢我都已經習慣沒有E既日子，其實不單單佢，基本上我地連以往既酒友朋友都冇再點聚會過，日子只有生意同彼此⋯

始終嗰一日都係有黎到，已經係E消失後既一年有多，我收到佢既Message「你依排點喔？」

大家閒聊幾句，得知佢同男朋友分左手，仲想約我出黎傾下計，雖然我內心好掙扎，但始終敵不過心魔，嗰晚靜悄悄都係去左搵佢（唔係話想扑野既，當關懷下E既近況既啫）

老實講，我自己都有好一段時間冇掂酒精，更諻論話凌晨仲起條街到遊蕩，的確有啲唔習慣，而得知竟然可以轉移地方去E既「屋企」，緊係喇喇林殺上去啦！

所謂「屋企」，係因為E分左手後，宜家只暫住於朋友商廈既公司單位入面⋯E既人生永遠都有都咁令我驚奇，可能我冇試過啦，住公司的確係一處特別既住所。

我地上到去仲要撞正佢朋友咁夜返公司，為免做壞規矩，我同E就唯有哩埋起後樓梯等佢朋友離開，哩下哩下就哩左成粒鐘，同佢一齊就係有咁多意想不到既事件，所以先叫人難忘、叫人又愛又恨。

嗰一晚我地訓左起地下，隔住落地玻璃望住個夜空，E永遠都係一個交到心既朋友，但再次見到佢，我就明白自己對佢既愛意早已放低晒，望住佢只係得返好朋友既感覺，唯有不變係我望住E平訓起地下胸前既起伏，可能少見佢帶住Bra平訓，件衫仲要鬼死咁緊喎，隔住見衫望你話佢有F級我都信喔，真係好想伸手去重拾下個觸感⋯

當然想還想，既然我宜家既生活變得簡單，又何必伸手令佢變得複雜丫。嗰一日見完E，終於由我做主動send個Message同佢訣別，換作E亦無挽留啲乜，亦只係簡單一句「保重」就正式斷晒我地所有既關係，淨低既只留下回憶⋯

時間再往後多兩年多，依段日子我同E完全回復到最初最初只係能夠透過FB得知對方近況既關係，宜佢亦係蜜運當中，當然唔係復合返之前嗰個男朋友啦。

人與人之間既關係就係咁奇妙，緣份來到你倆就彷似世界中最緊密既一對，但緣一盡，關係亦如同陌路，伴侶如此，朋友亦如此。

係⋯事隔兩年多，我再一次收到E既Message，不過今次唔同既係佢係以group既形式send出黎，因為佢有野要宣布⋯

各位師兄師姐睇到依到，係咪如你所估既一樣呢？

「各位我最親密既朋友，對唔住，我冇好好照顧自己，我確疹左癌症三期末，亦係最惡嗰隻腫瘤」

唔知一直留意住我地故事既咁多位，一直感受住E依個女仔既咁多位，宜家係一個咩既心情，但我當時真係覺得好震撼，一個三十歲未到既女仔同「癌症」二字係距離多麼遠，但原來當佢要黎既時候，真係會殺所有人措手不及。

第二朝我就動身去醫院搵佢，搭車既途中去搵下末期癌症既資料，越睇⋯就越驚⋯大家都知癌症係幾咁可怕，但末期「五年存活率」係幾多大家又知唔知？可以點做先幫到佢又知唔知？我只能盡量買啲可以幫手舒緩下既藥品。驚佢易嘔易暈，咩白花油紫花油都執幾款。要佢保持正面心境開朗，買啲擺設乾花之類放起病房。

去到病房，病床位置拉上左一堂簾，入面只傳黎兩個女生傾計既聲音，我輕輕叫左E一聲，雖然隔住簾，但我地又點會唔認得大家把聲丫。

諗起我都有好一段時間冇見過E，佢個女仔朋友都好識做地離開，交返些少時間比我地獨處。

我攞出一堆買比佢既物品，指示一下佢地既用途，先再仔細望返落E到，興幸既係佢並冇容顏憔悴，依然都仲係我所認識嗰一個精靈既佢，正當我想開口關懷一下佢之際，洗手間有個男仔走左出黎，同我點頭打左個招呼⋯岩⋯E既情況有個男朋友起身旁係非常合理，只係我太擔心急張先會始料不及依個尷尬既情況。

我將關懷既說話強行呑返入口，只係同E講左句「咁⋯等你舒服啲，我地再見面丫」

E又點會唔明白依個情況有幾咁尷尬丫，我同E每次見面都只係得兩個人，想講乜就講乜，宜家多多一個人，仲要係佢男朋友，點可能傾到計，所以佢都係匆匆回應一句「好丫，我再約你丫」

但我諗大家都冇諗過，依次匆匆既一別，就係我地最後一次見面⋯

當中一個原因係我唔知自己用一個咩身分去見佢，既然我已經唔可以，佢亦唔需要我用情人既身分去照顧佢，咁作為一個兩年冇聯絡既朋友，我作用何在呢？

而另一個原因，係我怕⋯我怕望住E一日比一日消瘦，而我乜都做唔到既感覺。岩⋯講好容易，但真正能夠全心全意去揹得起依件沉重事既，又有幾多個試過？幾多個做得到？

既然E身邊有一位男朋友，與其因爲我再出現令件事情更複雜，倒不如相信佢地。

創業之後，令我更相信運氣、命盤，世事有好多野都安排好，講樣有趣既事情比大家知丫。

我平時用開Safari上引版，所以係直接跳過晒主頁，一襟就直接入到，就起見完E兩個月後，我嗰日唔記得點解唔係正常途徑咁入，而改由主頁進入，正正係咁，主頁有個hot post，叫「癌症末期」，吸引左我點入去⋯

入到去見到樓主所分享既資料，我知道係佢，由於我再冇勇氣搵佢，所以只可以透過依個post一個又一個既回覆，去得知佢既近況、心情，關於佢既每一個回覆，我都好留心去睇，比我知道原來佢男朋友對佢一啲都唔好⋯

正如我之前所講，真正要陪伴住病人經歷一件咁沉重既事，當中既責任未必係旁人能夠理解，我又有乜資格去怪責人丫⋯

但我最深刻E既一個回覆，佢話「病人係最敏感，依個時刻陪伴住你個人係真心定係可憐，佢全部都可以感受得到」「佢男朋友情願約朋友打波，都唔選擇陪佢覆疹」

睇到依到，我壓抑唔到自己，一隻字一隻字去留言回覆，我用只有我倆先知道既「兩個英文字」去稱呼佢，我問佢有冇介意我冇陪住佢，有冇嬲過我⋯

佢最後起FB打左一段文字，我知道佢係打比我睇，佢話佢從來都冇介意過，反而佢亦選擇逃避我，因為佢怕我望住訓起病床，一日消瘦過一日既佢，但我卻無能為力，佢只想我地既回憶停留住最開心既我地。

佢最後同我講既說話係「唔介意活於我既回憶之中，只有我既回憶，先係佢存在過既證明」

我地之間既故事，就係佢起我身邊存在過既證明，依篇文章，就係我送比E的最後禮物，佢離左依個世界一週年既禮物⋯

後記

我好感激各位師兄師姐一直咁支持我同E既故事，亦好開心自己能夠原原本本回憶返同E既所有事情，先可以再次從雜亂既片段中，重新排序一次、細味一次。

我好怕自己會慢慢被時間逐少逐少咁侵蝕我地之間既記憶，慢慢被歲月令我地之間既片段變得模糊，所以我希望用文字去記錄我地之間既故事，即使過多廿年卅年，我都唔會忘記對你既約定，哪怕有一日見到你，都可以面對你。

E離開左一年，我真係未有勇氣見佢一面，或者係我潛意識覺得只要我冇親眼證實，就可以當佢從來都冇離開過，希望佢會可以好似嗰一晚咁跑過黎從後雙手攬實我，然後打我鬧我「衰人！我搞左咁大場大龍鳳，整埋個喪禮黎同你開玩笑，你黎都唔黎」，但我知道永遠都唔會有依一日⋯

「很感激，喜歡我十年仍不休，近日舊同學說我已，耿耿於你心六百週」

黎緊亦係我同E相識既第十年，記得當年依首「羅生門」有好大回響，每個人都揣測歌中女主角是否已經過身，而當中E最愛既一句，特意同我講

「那動人時光　不用常回看」
「最動人時光　未必地老天荒」

E起人生最後既一段路認識左另一位男生，佢地結左婚，而我相信佢先生亦照顧得佢好好，E最後既一生唔係屬於我，而陪伴住我終老既亦唔係佢，我地都只係大家生命中既一個過客，一個見證住大家成長既知己。
最老土既一句說話，動人既時光，收藏在於心中先會歷久不衰。

陪伴住我逐少逐少回憶返同E既故事既咁多位，一齊再用依首歌感受下我地之間既片段，依個亦係E活於各位心中既證明。
https://www.youtube.com/watch?v=PgGj57HKHj4

全文完

[ 本帖最後由萬洛豬於 2019-9-9 12:04 AM 編輯 ]

作者: 我不是灰姑娘 時間: 2019-9-8 10:31

多謝你同我地分享呢段往事
呢篇一定係我喺引版睇過最深刻最沉重嘅回憶
人生嘅路依然要繼續行，願E永遠喺你心裡面陪住你

作者: fathing1986 時間: 2019-9-8 11:56

RIP..

作者: 老公大人 時間: 2019-9-8 12:21

世事就係咁，時間唔岩就係唔岩，幾愛幾鍾意都冇用，timing好重要

作者: 13yo13 時間: 2019-9-8 13:02

未試過睇引版睇到喊

作者: lostergundam 時間: 2019-9-8 13:27

好sad…回憶係最好嘅禮物，時間唔啱令結局悽美…請你自行save低你嘅故事，遲吓洗版呢度會搵唔返…

作者: hongkongboy2046 時間: 2019-9-8 15:21

引用:

原帖由 萬洛豬 於 2019-9-8 10:19 AM 發表
第二日又搭車又搭船咁返香港，溫泉之旅都就咁完結。
起我自己再搭車回家既車程上，回味返同E既片段，雖然冇得起浴室大戰，但E著住套浴衣黎搞，都真係值得回味既（說來小弟搞過咁多次，都真係冇試過起浴室激戰一番，真失敗）不過唔緊要，我寄望於四月既泰國之旅，嗰到啲酒店resort咁大，玄關戰到去露台都得啦！

如是者往後幾日我都正常咁返工生活，我記得只係距離珠海之旅好短既日子，有一日收到E既Messag ...

把最美好的留在心中細味。是最好的結果了。

作者: chanlin 時間: 2019-9-8 16:02

多謝樓主，相似既經歷係我身上都有過，只係結局唔係死別，只係唔會再見，有時人就係咁，緣來緣盡，願樓主生意越做越大

作者: 放棄2006 時間: 2019-9-8 16:13

提示: 作者被禁止或刪除內容自動屏蔽

作者: hipocat 時間: 2019-9-8 16:18

估不到結局係永別。但你們大家都有互相喜歡/愛過。呢個記憶永遠都會留係你的心裡。

我覺得，有過得不到的情，會令人生加添了一點色彩。永遠都會留下美好的回憶。

相信E一定會喜歡你這份禮物。

作者: 希達123 時間: 2019-9-8 16:53

雖然已經有心理準備，但係睇完都係銀住銀住再聽埋首歌繼而。。。。相信你並唔只係E生命中既一個過客，相信你亦唔會甘心當佢只係一個過客，如果唔係你唔會重對佢 ”念念不忘“ ，希望你早日釋懷，盡快去探望一下E，相信佢亦都希望見到你，Take care bro！

作者: R.Gonzalez 時間: 2019-9-8 17:18

引用:

原帖由 萬洛豬 於 2019-9-8 10:19 AM 發表
第二日又搭車又搭船咁返香港，溫泉之旅都就咁完結。
起我自己再搭車回家既車程上，回味返同E既片段，雖然冇得起浴室大戰，但E著住套浴衣黎搞，都真係值得回味既（說來小弟搞過咁多次，都真係冇試過起浴室激戰一番，真失敗）不過唔緊要，我寄望於四月既泰國之旅，嗰到啲酒店resort咁大，玄關戰到去露台都得啦！

如是者往後幾日我都正常咁返工生活，我記得只係距離珠海之旅好短既日子，有一日收到E既Messag ...

大抵我都明白你心情同寫呢個事蹟既目的。

人生總係有一些事情藏在心裡口難開。

贈你一首歌，香港版係張學友唱既。但我想share既係日文原版。歌詞都有點意思。

この街はなれて by BEGIN

https://youtu.be/mau-6Jjqzf0

作者: 夏天真好 時間: 2019-9-8 17:20

引版第一篇令我睇到起雞皮既文章，愛在記憶中找你

作者: 天空次郎 時間: 2019-9-8 17:52

結局咁感傷，辛苦你了！

作者: azpui 時間: 2019-9-8 22:30

好sad...真係估唔到係咁

作者: elossa 時間: 2019-9-8 23:05

引用:

原帖由 萬洛豬 於 2019-9-8 10:19 AM 發表
第二日又搭車又搭船咁返香港，溫泉之旅都就咁完結。
起我自己再搭車回家既車程上，回味返同E既片段，雖然冇得起浴室大戰，但E著住套浴衣黎搞，都真係值得回味既（說來小弟搞過咁多次，都真係冇試過起浴室激戰一番，真失敗）不過唔緊要，我寄望於四月既泰國之旅，嗰到啲酒店resort咁大，玄關戰到去露台都得啦！

如是者往後幾日我都正常咁返工生活，我記得只係距離珠海之旅好短既日子，有一日收到E既Messag ...

感動到眼濕濕 ToT
佢人生中有你呢個知己都應該死而無憾

作者: Yinming9394 時間: 2019-9-8 23:47

睇到眼濕濕.... 樓主保重！！去見下E, 佢等緊你！

RIP

作者: worry26 時間: 2019-9-9 00:29

嘩屌………一口氣睇晒沉重到爆，呢d經歷唔係個個承受得起，ching 你有幸同E 成為彼此心入面特別既一位已經好難得，寫出嚟可能舒服d

作者: 無袖 時間: 2019-9-9 01:05

佢會知道你嘅心意的，思念長存

作者: Mic～ 時間: 2019-9-9 02:14

提示: 作者被禁止或刪除內容自動屏蔽

作者: 4c39 時間: 2019-9-9 03:21

加油 C兄..
RIP

作者: jeamjeam1228 時間: 2019-9-9 09:54

師兄~~我睇完結局~心好痛~想幫你打打氣, 但又唔知寫咩好! E同你有過美好開心回憶! 人生無常! 珍重

作者: dragonbone 時間: 2019-9-9 10:27

引用:

原帖由 萬洛豬 於 2019-9-8 10:19 AM 發表
第二日又搭車又搭船咁返香港，溫泉之旅都就咁完結。
起我自己再搭車回家既車程上，回味返同E既片段，雖然冇得起浴室大戰，但E著住套浴衣黎搞，都真係值得回味既（說來小弟搞過咁多次，都真係冇試過起浴室激戰一番，真失敗）不過唔緊要，我寄望於四月既泰國之旅，嗰到啲酒店resort咁大，玄關戰到去露台都得啦！

如是者往後幾日我都正常咁返工生活，我記得只係距離珠海之旅好短既日子，有一日收到E既Messag ...

師兄,我本住輕鬆心情入黎睇ending架..............
真係俾你.......搞到我心情複雜晒.
anyway,呢份禮物好有意思.

作者: QQ_EE 時間: 2019-9-9 13:55

引用:

原帖由 萬洛豬 於 2019-9-8 10:19 AM 發表
第二日又搭車又搭船咁返香港，溫泉之旅都就咁完結。
起我自己再搭車回家既車程上，回味返同E既片段，雖然冇得起浴室大戰，但E著住套浴衣黎搞，都真係值得回味既（說來小弟搞過咁多次，都真係冇試過起浴室激戰一番，真失敗）不過唔緊要，我寄望於四月既泰國之旅，嗰到啲酒店resort咁大，玄關戰到去露台都得啦！

如是者往後幾日我都正常咁返工生活，我記得只係距離珠海之旅好短既日子，有一日收到E既Messag ...

睇完樓主個post，相信每個人都會有唔同嘅感受。而我呢一刻真係覺得珍惜眼前人係最重要，唔好只記得對方唔好嘅野，因為咁樣只會蠶食左你當初對對方的愛意。亦都會忘記左自己點解會同對方一齊嘅感覺。

作者: CCandy 時間: 2019-9-9 17:21

引用:

原帖由 萬洛豬 於 8-9-2019 10:19 發表
第二日又搭車又搭船咁返香港，溫泉之旅都就咁完結。
起我自己再搭車回家既車程上，回味返同E既片段，雖然冇得起浴室大戰，但E著住套浴衣黎搞，都真係值得回味既（說來小弟搞過咁多次，都真係冇試過起浴室激戰一番，真失敗）不過唔緊要，我寄望於四月既泰國之旅，嗰到啲酒店resort咁大，玄關戰到去露台都得啦！

如是者往後幾日我都正常咁返工生活，我記得只係距離珠海之旅好短既日子，有一日收到E既Messag ...

WTF
喊左出黎:'):')

作者: 香港中心的香腸 時間: 2019-9-9 18:34

珍惜眼前

作者: JackLam/: 時間: 2019-9-9 18:59

提示: 作者被禁止或刪除內容自動屏蔽

歡迎光臨 188Channel (https://www.188channel.com/)