我咪講左囉，要似個男人。
可能你想問既係有咩具體做法；但係老實講，seduce 異性比較似一種 art，好難簡化做一堆 how-to 既 instructions。如果真係咁容易簡化，咁你求其搵個勾女王 friend，叫佢寫一 list 步驟畀你，咁只要佢肯寫你又肯學，應該無往而不利啦，事實上咁 work 唔 work 呢？如果我話有個 step-by-step 保證成功既方法，你都唔會信啦。
或者我由「似個男人」開始 elaborate 先。點為之「似個男人」呢，好簡單首先你要有 self-respect，識拒絕無理要求，唔會為左追女啗女就自貶人格，叫你做乜都制。
可能你會話呢啲係做人最基本既野黎，但就我所見，真係有好多狗公畀「追女仔」呢個概念洗左腦，以為女仔係要委身去「追求」，於是就降低自己曲意逢迎，以為咁就博得歡心，又送禮又挽袋又管接送做哂觀音兵，咁就完全錯哂，無論女人男人都只會睇你唔起。女人係不可能對一個佢睇唔起既人發生性趣。
如果我熟你，我或者可以針對你既弱點去講；但我唔識你，唔知你邊方面弱又唔知你喺認識異性方面去到咩程度，所以其實好難可以講中對你有用既野。
