岩啊，同意！但係我結唔結婚同拍唔拍拖唔係要討論既重點囉，重點係無論拍拖定係結婚都要搵岩人、大家都合對方既人、大家都信任對方而且想長久一起既人。講句衰D就算一夜情都要互相合眼緣兼睇下對方食唔食得入口先去做啦，何況想搵長久一起既人？所以大家想法唔合、信任唔到對方既話，唔岩咪唔拍囉又唔係死既，之但係去到某個階段就應要做決定分手定係一起想方法解決，唔好互相拖拉住咁耐，係分手就襯早，唔好阻住大家各自搵食丫嘛。:098:
男仔每日有精子生產，即係話近乎每天都有不同程度性慾(當然運動量/體力消耗量高性慾又會減DD)，但女仔就係黎月經前幾日較平時強性慾，呢個可解到點解多數由男仔主動要求上床，因為佢地較多性慾。而且我冇話過所有男仔都係為左上床先追女仔。但單單你呢句"點解下下要証明左有幾愛先上得床"，咁豈不是愛唔愛對方都可以亂同唔同人上床？唔好意思，感覺上你似乎真係有可能係果種為左上床而追女仔既類別...
事實上男同女起呢方面思想都好唔同，如果兩性思想都相似接近的話，就唔會有呢一版兩性討論區啦，正如有位網友都回過，"男仔為性而愛，女仔為愛而性"咁樣，有幾多個女仔會係為性而愛？不然你同我就唔會起度你說你所想我有我感想啦。:096:
講黎講去，你比我感覺係你覺得女仔任何情況下都唔應該拒絕男友既性要求，女方拒絕就有人惱羞成怒，認為女方唔岩咁態度/想法真係唔要得，唔好話要你平心靜氣咁尊重下對方想法，就連對方點解拒絕你地，拒絕原因你地都冇關心幾多，冇話用個心想去了解感情上出現左咩問題，因為你地個心只關心幾時可以同個女仔上床丫嘛。
有時有D野要食落肚都要用下個腦諗D計仔先有得食架，想唔洗點關心唔洗証明自己愛對方，但又想同條女上床？得！只要條女認為你愛唔愛佢對佢好唔好都可以同你上床就得勒，一係就去搵一夜情，又冇手尾跟又有得食又唔洗付責任，但都係果句啦，只要個女仔同意/唔拒絕就乜都得勒，呢D野勉強唔黎嘛，所以我先至一直強調一係要"搵岩人"、一係要大家"傾得掂數"=.=""
男女戀人上唔上床、幾時上床、幾耐先上床、婚前定婚後先至上床都唔係重點，
重點係男女雙方起性果面要大家有共識或大家都同意做(大家同意的意思係大家都心甘情願做，而唔係當女方拒絕或唔多願意做的情況下男方就惱羞成怒、比說話女方聽，話咩野你唔愛我、威脅分手呢D半迫半發皮四的方式企圖令女方就範或發泄被拒絕既心情)唔會尊重別人既想同選擇都算勒，如果就連個女仔點解拒絕自己都冇用個心去好好了解同關心，又冇嘗試解決問題既根本，只會起度埋怨個女仔拒絕自己，呢種男仔唔配做人地男朋友，同時個女仔既拒絕就更加顯得有其道理，分手都冇任何損失。
呢個topic我唔會再回，因為想表達既野都講哂勒，大家同唔同意都冇所謂，因為事實就係有冇愛情(例如一夜情)、有幾多愛情都好，呢D野係要雙方心甘情願先可以做得成，都唔係話邊個拒絕就邊個唔岩/唔夠愛對方，更唔係思想老套定新潮呢家野，又唔應該成為被拒絕一方惱羞成怒發皮氣既理由同原因，重點係願意做？定係唔願意做？協調到？定係協調唔到？事關每個人(兩性)都唔同想法同選擇，男仔想盡快上床而女方拒絕就卻惹來男方不滿，倒反轉頭問，男找女上床女就一定要應承嗎？咁點解個女既唔想上床男既就唔可以安然咁接受呢？:098:
[
本帖最後由 fortresscat 於 2009-7-26 02:02 AM 編輯 ]
