（完了吧⋯⋯如無意外）
最近係度識左個女仔 佢23歲 有個女 同老公分居緊 係度識左佢離依家大概3星期 頭一星期我無表明自己有女友 就連我旅行期間都同佢不停視像 超溫馨 落機當晚係年初一凌晨 佢係街等我幾個鐘 超級窩心 當晚我地去左天水圍一間酒店過夜 無所不談 當講到佢身世時 我覺得佢無論人生，感情定家庭都好慘 所以我做左一個好錯既決定，就係向佢坦白左我有女朋友，自從果晚之後佢開始對我有所改變，平時無論視像定見面都嘴不停，依家已經不停避我，成日仲叫我介紹d仔俾佢識，好啦，尋晚終於5男3女出黎唱k飲酒，但呢晚我相當後悔搞呢個p,因為我掂下佢都推開我，勁傷心，但佢又不停姣我d朋友又俾我d朋友摸大脾 揸波 啜事業線，但佢明知我d 朋友已經有老婆仔女，可能我真係有小小沉船啦加上又飲左好多酒 成晚又不停幫佢頂酒，我終於忍唔住發左癲，又掟杯又掟火機，依家終於清醒左，但我同佢應該都已經玩完 佢應該好憎我，今次我純粹想記錄一下呢件事 希望將來都會睇得返 警惕自己不要沉船 差唔多十年都無醉過發酒癲 睇黎今次中晒毒 希望各位巴絲祝我早日脫毒
