Sam哥好鬼忙多野兼顧 又要為工作奮鬥
又要比時間陪屋企 又要陪我
分到咁多身 果然係我偶像!叻仔!
終於我得閒少少 等我出一篇走甜啦 嘿嘿
*
話說上次講到新年sam哥衝左入離島搵我…
甜完 其實我諗返都有啲怕怕醜醜咁
之後既日子keep住日日都有聯絡
*
Sam哥舊公司係中西區
那時我放學搭車一定會經過佢公司
咁岩就係樓下有個站
試過有一次接佢放工 由公司行返去中環
經過當時好hit既金鐘花海 又經過中環摩天輪
我地唔會拖手 唔會搭膊頭
甚至我會行後2-3個人位 即使係咁
係你身邊 總係有種安全感比到我
就算靜靜地 慢慢行 個世界都好似好燦爛繽紛咁
認識到sam哥前 其實我已經行到人生低潮 好低好暗
係sam哥唔嫌棄 仲耐心咁拉返我上來
逐少逐少加強返我自信心 找回自我
那段時間成日諗
我地去街 食飯 睇戲
我比朋友撞到 我唔緊要
我同老公關係已經差到=無
但係sam哥比朋友撞到 就大獲了
我有試過結束呢段危險關係
最後當然唔成功
幸好都無乜大事發生 只係呢個人同我心靈 行得愈泥愈埋 愈行愈近…
由我唔在乎 慢慢令我上心 繼而令我地段關係愈泥愈危險…
直到3月中 Sam哥轉工 我完成課程
仲有一件 關鍵、直接影響成段關係 既事發生左
我唔知sam哥想唔想分享
只可以講 係經過呢件事後
我 林小毛 已經註定左同 Sam 以後會有無數牽連
唔會簡單就一句分手 倔強唔搵大家 就分開到
亦因為呢件事 我開始依賴了Sam哥…
事無大小都會同佢講 做咩搞咩都想聽佢意見
驚、緊張、不知所措
有你在就什麼都不會怕！
我愛你。
