哪裡來 哪裡去 給最愛的你
我曾經向你提過
我想打一篇關於我同你既事
果時我冇的起心肝去做到
到左呢日
感覺一切已經太遲
同你
由呢度開始
所以終結
我都希望係返呢度終結
無論到最後你睇唔睇到又好
睇完之後有咩感覺都好
感激呢3年半黎
一路忍受我呢個大細路既孩子氣
唔成熟
感激呢3年半黎你對我既愛
同忍讓
下面打既野未必關性事
但希望大家可以借呢個平台比我
做我當初講左想做既事
係3年幾前,
某一日係公司冇野做亦都等緊去interview既時候,
上引版睇到你個PO當時冇諗過我同你之間會發生D咩事, 膽粗粗去PM你。亦都估唔到你亦都好快就覆左我,
係當日我地就出左第一次街。果日咩特別事都冇發生,
我地只係去睇左一場戲,
杜文澤容祖兒既diva(雖然套戲好悶),
之後再送你返屋企.
如是者,
我地出左第二,第三次街…去到八月既時候大家都相處得幾舒服幾開心,
於是我就提出想同你一齊既諗法。好好彩,
你冇派好人卡比我, 願意嘗試同我起埋一齊,
好多謝你會接受一個唔靚仔唔夠高又冇錢既我。
呢3年幾以黎,
我地之間發生過好多事。岩岩開始既時候,
你係我同你一位同學當中你再次選擇左同我一齊,
對於拍拖其間可唔可以有SP既問題
我好多謝你肯顧及我感受,
亦都體諒我對SM既興趣不大。當中,
我地亦都試過因為某D問題鬧分手,
到最後互相忍讓繼續一齊。
去到同你渡過既第3個年頭,
同你去左韓國旅行,
好對唔住我係事後先知道原來係旅途中,
你覺得我忽略左你,
過程中我竟然完全唔發覺,
亦都令你唔想再同我去旅行。我真係覺得自己好冇用。
直到最近兩三個月,
我既無心裝載更加令到事情去到一個冇辦法返轉頭既地步。當我發覺事情既嚴重性時,
已經無補於事…你不斷進步成熟,
而我既停滯不前
令大家既距離越拉越遠。我唔清楚大家之後仲會唔會起返埋一齊,
又或者以後只會係兩個陌路人。好多謝你一路以黎對既我愛,
照顧,
關心..
以後請好好照顧自己,
你實在係太易整親同太大頭蝦.
多謝各位C兄C姐肯比個位置我去打呢篇冇頭冇尾冇內容既野
希望唔會令你地難受…
有緣再見吧,
我一直愛著既你
