第一晚，因為舟車勞動好累，我地返房沖完涼就訓，大約係晚上十一點都未到。
由於泰國同香港有一個鐘頭時差，第二朝我地九點左右醒，其實已經係香港十點幾十一點，足足訓左超過十個鐘，所以今日特別好精神。
起身當然要去食早餐，係我地行去餐廳既途中，梗係要經過泳池目及下野啦，雖然我同女友都著住泳衣泳褲唔係赤裸，但其他人都冇理我地，照樣游水晒太陽。老實講，其實果刻我係好想試下除晒衫褲跳落池的，始終咁大個仔都未試過裸泳，況且呢D機會，一世人真係唔知有冇第二次，但最後我都係得個諗字，冇行動到。就係我地就到餐廳既時候，竟然俾我地見到有一班人係空地上面集體運動，呢度講既集體運動梗係唔係sex啦，而係有位導師係度教緊Yoga，冇錯，係全裸Yoga，連個導師都冇著衫。以我所見現場大約有十幾人跟住導師一齊做，而且仲係女既居多，可能男仔真係少玩Yoga。我女友平時一個星期都會去上一次Yoga class，於是我就問佢會唔會想試下？佢話要裸體喎，唔制。我仲同佢講笑，咁你入房裸體做啦，咁咪除左我之外冇其他人可以睇到囉，哈。天體Yogo，可能平時已經係AV情節了，但唔知點解，係度見到我又唔覺得色情喎，可能尋日已經見得太多唔著衫既人了。就係呢個時候，女友拍我膊頭同我講，個導師堅靚仔喎。我望一望，又真係唔錯，除左身型好Fit之外，廢話，Yogo導師冇可能唔fit 啦，個樣仲有D似Sporty版既黃耀明，第一時間我仲好衰咁心諗，唔知佢係咪基既呢。
食早餐既時候，由於已經冇晒二人台，所以我同女友被安排係一張四人台度食野，當我地點完餐之後，已經有另一對情侶被安排坐埋黎，男既係一個鬼佬，肥肥地又唔係高，曾志偉咁既size，佢另一半就係四眼既華人女仔，台灣人。佢地一坐埋黎，已經對住我同女友笑晒口，問我地尋日玩得開唔開心。雖然我地唔鍾意social，但呢D坐埋一台，冇可能唔傾計啦。原來佢地係住係美國LA既，因為就過年所以返左黎亞洲，見有呢個活動所以參加，原來佢地係美國已經玩過好多次，當地佢地叫呢D團做 Lifestyle Travel，簡單咁講，即係交換。老實講，一直以黎交換Partner，即係換妻，對我黎講只係存在係AV情節入面既Term，仲要係排名係人妻、野外露出同JK呢D Term之後。完全冇諗過會有一Pair生勾勾既人係我面前同我講佢地係會交換既玩家，果一刻我即係淆底，心諗死啦佢地一陣會唔會叫我同女友一齊去Playroom交流架，佢出到聲我真係唔知點拒絕，你話條女好似周秀娜咁就狗衝姐。再加上，24小時前，我仲以為呢個係普通既 Resort 假期黎架咋。好彩既係呢Pair黎自美國既情侶，好有禮儀同教養，之後完全冇提到任何關於 Sex同exchange既字樣，只係普通咁吹水。
幾經辛苦，終於食完個Social早餐，女友提議不如去游水，但我話你敢除衫咩？女友話，但個個都除晒，我地著住會唔會仲怪？
