第二十九章 : 無敵柔柔之間



某睌；就係柔柔叫無敵轉到 pm 的一晚。

柔柔：「無敵，不如我哋見面吖？」

無敵：「我驚會成為一個問題」

柔柔：「好，咁你只答我一個問題」

無敵：「隨便問」

柔柔：「你愛我嗎」

無敵：「你知道的」

柔柔：「我知道你愛你老婆」

無敵：「也愛你」

柔柔：「愛我就同我見面啦」

無敵：「但因為我愛我老婆，所以唔可以」

柔柔：「唔可以？咁你又上網同其他女人傾偈」

無敵：「無錯，我的確連呢一樣都唔應該」

柔柔：「我知道你寂寞，因為我都好寂寞」

無敵：「不過即使你寂寞，都無必要化成「姣姐」，咁樣去作賤自己」

柔柔：「乜你會緊張我咩」

無敵：「係關心」

柔柔：「係呷醋，所以每次姣姐出場時，你就消失，不過，我知道你仍然睇緊我畀其他男人 J」

無敵：「點解」

柔柔：「起碼佢哋緊我」

無敵：「佢哋只想利用你滿足性慾」

柔柔：「由得佢哋滿足囉，我又唔係真正蝕底，反正，我都有需要滿足自己，不過你，你......
所以我知道你在呷醋」

無敵：「我只係唔想見到你咁樣」

柔柔：「唔想見到我點樣呀？淫賤？」

無敵：「唔想見你自殘」

柔柔：「好，咁你依家同我嚟一場吧，我今晚好需要男人緊我，我好寂寞，好想放蕩，好想自殘
如果你唔陪我，我就去做姣姐好喇」

無敵：「柔柔」

無敵，跟柔柔嘅關係，其實亦幾複雜，不過，當中曾經有人犯咗一個錯。

有人說：

「不要因為你一時的寂寞，而去接受一份錯愛，因為，一份錯愛，能令你寂寞一生。」

~~~~~~~~~~~~~~~~~~~~~

哎吔，一時犯錯，畀咗「風火輪」一個咁醜怪嘅回覆，到依家都仲未有回應，頂，差不多一日喇.....乜啲人咁無撘圾嘅啫。

不過，作為一個仍然有市場，有吸引力嘅女人，我決定咗，唔去追覆，一追，價錢就落喇。

不禁令我想到「有來有往」是禮貌啊，而我，當然是個有禮物的人，所以：

「無敵，你好， Demi 呀，多謝你先前的 pm ，「天空之誠」已經看了，嘻，但是唔多明，不過，好靚，多謝。」

嗱，嗱，嗱，嗱，呢一封咁嘅回覆，就有代表性，似返多啲我喇。

大方，得體，有禮物，可愛，仲有 ..... 好靚，嘻。

嗱，嗱，嗱，嗱，真係即時生效呀，去廁所沖個涼回來，就已經有回覆等住我喇 ..... 咁，先至係有誠意㗎嘛.....。

....咦，.....誠意？

「Demi，你好，高興你喜歡「天空之誠」，其實，作者就是我.....

若果你有邊一點唔明，我大可以跟你 .....，
。。。。。
。。。。。。。
。。。。。
。。。
。。
晚安。」

之後，我冇再去想「風火倫」。

今晚，我也無再發惡夢。

[ 本帖最後由 7色 於 2015-3-8 08:09 PM 編輯 ]

浮雲飄天空，
落花流水中，
文結意留心，
閉目喜相逢。

多謝花兄支持，後會會有期。

公開信：（也有一份pm send 了給版主先生）

版主先生，又再有事相勞，打搞了。
若是不太麻煩，可否幫幫忙搬「引人入性」一文到「子版原創區」呢？

此舉希望可以保留位置，不至沉得咁快，另外亦可帶動一班讀者到「原創區」。
帖文兩個月，雖然只是娛樂，但總跟版有份情感，拜託版主先生喇。

先行謝謝。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

下一章，大結局，兩日後，大家可能要上到 「子版原創區」，再見面喇。
多謝支持。

[ 本帖最後由 7色 於 2015-3-6 09:18 PM 編輯 ]

第三十章 : 仁者 ; 真愛      [ - 完 - ]



返工的車程，我腦海都充滿無敵的說話，他畀我想像中，更深.....而我對他的感覺，也.....比我想像中深。

不能說被他吸引，但是，有一份魅力，令我想去認識他多啲啲。

當他講到「仁者無敵」時的解釋 .......乜我啲中文真係咁差咩？但我真係唔知原來係咁解喎，仲以為啲「仁者」好好打，所以「無敵」呢。

原來是：

「仁者心中無爭，無事視之為敵，所以.....仁者無敵。」

無人為敵咁解啊。

真係好難想像佢係喺街市劏雞嘅賣雞佬囉。（我唔係話佢係，只是難以想像啫）

不過，唉，可惜吖，已經係人夫，究竟，點解佢會初次交談，就咁樣自我介紹自己呢？

唔通，佢連我依家對初相識男士，㑹留意人手上有冇戴結婚戒子的習慣也知道？哈。

桃花運，好似真的開始來臨喇，「無定風火倫」終於亦都蒲頭，仲解釋點解點解咁遲先至覆我，同覺得我個 pm 有趣。

唉，算啦，見到佢張近照，（都 ok 喎），咁有誠意，就畀個機會佢吧，嘻。

至於，他的回覆又講咗乜呢？呀.....都係一啲普通大家會覺得悶的說話啦，所以，我就此略過算喇。

而至於往後我網上的故事，亦即已經成為我現實生活的一部份。

其實，當我成為 Demi 的一刻.....Angela 就已經是 Demi。

而現實的我，已經跟網上扯結連繫我的生活當中。

現實未必是真，一樣會消失。
網上未必是假，一樣會實現。

真假虛實，在乎於一者心中的信，情愛在乎於二人心中的誠。

以上，都係無敵後來教我的。至於，我有冇同邊個邊個，乜嘢乜嘢......哈，又講呢啲？

我仍然一句，

我，就快三十歲喇，

我，是喜歡性的，

我，只是怕醜罷了。

我，未曾肛交過，ok？
（唔好再問呢條.....拜託，答過十萬次喇）

最後，我都受無敵感染，唔止單單會寫啲四年級「作文堂」咸故。我還會寫啲「催眠文」呢，送一段給大家吧。

來自我呢位曾經網上發帖徵友的女子：

交友要誠，
為人要正，
待人有寛，
愛才是真。

唯有真愛，才不枉此生。

（其實我都係抄人㗎咋，嘻。不過咁樣收場有型丫嘛）


___________________________________________________________________________________________________

多謝各位三十集來的支持，希望睇了整個故事的讀者，都能回到第一頁，「推薦」此帖，
多謝大家。

再見     :smile_o07:

[ 本帖最後由 7色 於 2015-3-8 08:19 PM 編輯 ]

我又支持。

繼續支持。

發生什麼事