LastDay
放下左少少心情，原本以為重可以好開心繼續同佢傾計，希望我o既誠意可以慢慢打動到佢。結果換黎o既係一個更沉重o既打擊。
早上同之前一樣傾計，佢訓多一陣。不過因為知道左佢另一半今日生日，所以我刻意咁唔多同佢傾，始終佢都唔係我邊個。
到左下午，大家開始傾番，早上o既佢係同另一半o既活動上，令佢揾番惜日無左o既甜蜜感覺。當佢同我咁講o既時候，本來已經沉左o既心比之前更沉，比谷底更低，而且本來約定好o既見面都取消埋。個刻o既我，眼淚慢慢咁流出黎，心痛，無助，傷心，唔知可以用乜野去形容。估唔到一次見面改變左整個局面。(就算而家一路寫，眼淚都一直咁流。)
我知道無野可以迫到，我需要o既係尊重佢o決定。無論係咩原因都好，我可以做o既只有接受。
故事其實未完，不過之後發生o既我相信唔需要再講落去。以呢個結局作為lastday，或者未必係好，不過現實終歸現實。
