引用:
原帖由 老頑石 於 2013-11-8 11:17 PM 發表 
心野問題,男同女根本沒分別.
都係o人都有性需要，都想人氹。。。
還記得我一開始寫人妻告白嗰時嘅其中一句開場白：原來就算一個去叫雞嘅爸爸都唔代表佢唔係好爸爸，佢一樣係好錫自己屋企人。
呢句說話令好多人覺得我好似幫男人講嘢咁，又突然有好多人產生共鳴。
我唔係叫你地去叫雞，亦唔係要鼓吹偷食，我只係想喺度俾大家知道呢個世界唔係得無記嘅劇集咁，偷食就永遠有錯，不能原諒。因為好多時偷食唔會只係一個人嘅問題。(係！你咪當我幫自己同啲叫開雞雞鴨鴨嘅人辯護囉！)偷食，可能代表嘅人一個人喺唔同時間嘅一啲行為，唔代表佢其他方面都一樣會唔忠誠，同樣，唔偷食嘅人唔代表佢對其他事情會忠誠同負責任，到第時有咩事佢可能仲係第一個哩埋喺你後面推你出去死嗰個添呀。(Yeh，呢啲仔，我試過！)
好多時我都聽到啲friend係咁話：嘩，呀邊個條仔呀，我成日都見到佢同啲女出街㗎，俾我係佢我就同佢分手啦。。。
又話：成日覺得阿邊個咁多人追，我肯定佢呃唔少仔買嘢俾佢啦，唉，咁雞，我係佢條仔我肯定唔會要佢囉。
頂佢個肺吖，你又知人地嘅事？乜專一就大晒咩，唔出街，唔識人，唔偷食就一定係對你好咩？
我同過不下十個男人拍拖，話多唔多，你就當係正式拍拖唔係偷食嗰時啦，有時見到啲男人好乖仔，唔會出街，唔鍾意識人，可能佢個世界就真係得你一個，連老豆老母都唔駛理，你以為，嘩，正呀！連奶奶都唔駛氹，ok喎。但係到最後你發覺佢可能連你同啲friend 出街，同屋企人食飯都唔高興，仲可能煩過啲港女。有啲好少少，有朋友，有家人，但係成日好似湊仔咁，連魚骨都要幫佢挑埋，有咩都嗌阿媽。仲有，有啲都好地地，乜都幾ok，有工返有學識，可惜，一講到將來，咪攪，你唔好阻住佢日日喺屋企打機睇漫畫，供樓定租樓？吓，遲吓樓市跌先算啦，其實屋企幾好住吖，老豆老母會同你洗衫煮飯又執屋，你搬埋嚟住仲好呀。。。死未。
其實廿幾三十歲人，唔做嘢唔搏吓，幾時先到老呢？啲男人成日話港女好市儈，又要錢又要靚仔又要有上進心，邊有咁多呢啲仔呀。但係其實男人同女人天生就係好大分別，賢妻良母想成家立室，當然會想要個養得起個家嘅男人啦。(當然人人嘅definition都唔同。李嘉欣嘅養得起同我嘅養得起又唔同層次嘅。) 唔通啲男人又會想娶嗰個日屌夜屌嘅SP 咩。其實兩個人嘅一齊同分開都有好多唔同嘅原因，唔係局内人，始終都唔會明白人地處景，唔通人地做愛嘅時候邊個懶到瞓喺度唔郁都同你講咩，我始終覺得，兩個人嘅一齊同分開，不為外人道，更冇可能用個excel嚟做comparison。你話人地條女唔好時，乜你又好x好咩？
[
本帖最後由 haileykoo2012 於 2013-12-16 03:05 PM 編輯 ]
