引用:
原帖由 小Koey 於 2024-11-6 08:22 發表 
erm。。。我突然想到一个问题。
有些人拥有可以看见“好朋友”的阴阳眼，如果用科学来解释的话，我记得科学家们曾经说过那些“好朋友”是辐射之类的，那问题来了。。。
1. 为什么只有某些人能够看到呢？
2. 为什么那些“辐射 ...
試一下
:
1. 为什么只有某些人能够看到呢？
> 呢個問題既本身就有bias, 你係何以證明果d 自稱見得到既朋友說話內容屬實? 就算佢亦覺得自己誠實, 就唔可以係某種幻覺?
> 我可以同老公嘈交, 話佢講過帶我出國旅行, 我好肯定佢有咁講過, 其實只係一個好真實既夢中出現既情景
2. 为什么那些“辐射”可以伤害特定的人呢？
> 冇記錯的話輻射本身唔係一種特定物質, 而係一堆高能量wave 或者粒子既統稱, 本身就具有穿透傷害性
3. 神学里的“驱魔”要怎么用科学来解释呢？
> 同 (1) 差不多既道理, 宗教神學既野, 本身就存在bias
4. 更过分的来了，那些所谓的“鬼上身”和“鬼投胎”之类的，在科学家的眼里是怎么一回事呢？
> 本宮唔係科學家, 但我覺得呢, "鬼" 既身份都係人賦予既, 未必一定係曾經在生既人類
> 如果高維度高等生物係存在, 佢地穿越過黎唔係無可能, 現今科學對呢樣野所知甚少, 只可以話 "科學仲未解釋到" 囉, 但未來或者可以都唔定
5. 与宗教无关，但为什么很多科学家都有相信神明存在的宗教信仰呢？比如佛教基督教伊斯兰教印度教甚至是邪教，都有自己的申明吧
> 我聽過一個咁既concept, 神明在科學而言係一個代數, 情況類似細個做數學題寫既第一句話 "設糖果總數量為 X"
> 神明就係呢個 X
> 我地講地球起源來太陽系既一D 唔知咩物質, 果D 物質既來源又來自外太空唔知邊度, 一層一層咁推出去, 會推到一個點比如話就係big bang然後就推唔到啦, big bang 點黎仲未有人知, bang 之前宇宙係點樣又冇人知, 於是就假定係上帝所造囉
> 另一個講法話科學家點解相信有神存在, 係因為巧合: 人類既出現係無數個巧合既生成現象, 地球咁岩出現係溫度適中既地帶, 咁岩有木星土星吸走來自外太空隕石保護左地球安全, 又咁岩吸漏左一粒正好wipe off 晒曾經出現過既巨無霸恐龍, 之後出現既人類先有生存空間等等, 彷彿就係冥冥中有股力量做出黎咁, 呢股力量唔晒講就係神
> 再有一個講法, 係出於自身安全佢地唔得唔咁講 
好多出名既科學家都係歐洲人, 中世紀歐洲有個叫宗教裁判所既機構, google 一下果位提出地球唔係宇宙中心而係環繞太陽公轉既學者係點樣離開人世...
