死仔又係一担沙糖一担屎，我再撥佢冷水話：你唔記得咗之前我哋返香港嗰晚，你俾人打到標晒血暈响地嗱，依家你直頭擺明車馬撬人牆腳，你唔怕再俾人尋仇呀？秋仔死頂話：我知道呀！條友已經俾Amy飛甩咗，根本冇再來往，關我咩事呀。我寸佢話：你咪下巴輕輕，成件事因你搶人條女而起，本來佢哋拍得好好地，上次用拳頭，呢次升級用刀斬你都似，到時斷手斷腳就弊傢火。呢鑊嚇得秋仔幾應下，佢有少少口窒窒話：廢話！嗰次條仆街玩偷襲我先中招之嘛，試吓再嚟隻揪我唔打L死佢。我話：條友無聲狗孔武有力，你打得過佢先算啦，不過佢啲性能力真係好L勁抽，喺台灣晚晚都開幾鑊面不改容，玩到成地避孕套，你都聽到格。秋仔好唔順話：癡L線，你喺現場睇住呀？又知人哋開幾鑊成地避孕套？佢哋開完一鑊我哋都瞓着啦，喺度作故仔，你條仆街又想打殘我呀？食屎啦去。

我反駁话：乜作故仔呀！最尾嗰日你拖住條台灣妹去happy ，我執完行李諗住過隔離睇下色慾男女咩環境，點知見到個執房阿嬋喺度炒蝦拆蟹，我問佢咩事，佢叫我周圍睇吓，我嚇咗一跳，原來嗰兩條友做到邊啲避孕套掉到邊，所以成地都係，然後瞓嗰張床仲離谱 , 都唔知係咪有心唔用套射，射到成張床都係精，周圍一撻撻好核突，難怪阿嬋媽聲四起，做死人咩！不過話時話色慾男真係好L犀利，射啲量多到一次等於我兩次，真係甘拜下風，唔怪之得Amy咁冧佢啦，秋仔呢次你有難喇，佢前任咁勁抽，依家你想接手如果冇咁嘅表現，我諗你都幾大鑊，Amy姐上到床唔係嘢少，淨係用對大波已經可以夾到你乾塘，加埋雙纖纖肉手，未玩到下面已經將你搾乾搾淨提早收工，如果佢用埋口呀，你死得仲快。終於成功挑動秋仔情緒，佢臨尾失控大聲嘈話：吊你講夠未呀？講埋一大堆垃圾，你以後唔使旨意再問我借錢，食自己啦仆街！

秋仔惱羞成怒冚電話，衰仔收我咁高息唔玩下你，好嘞錢就收咗，但係加加埋埋得嗰四皮，要繼續努力先得，Amy又唔喺度，冇法啦唯有搵幾個豬朋狗友度下先，呢班友個個唔生性，三更窮五更富，以投注站為家，波馬之外出糧仲過埋大海，人工唔高最低投注更高，幾鋪落嚟已經洗袋收場，好彩嘅話執到多少就周圍搵女賀埠，亦都係洗袋收場，不過呢次係洗乾春袋收場，咁嘅環境有女吼先奇啦，所以只有用錢搞掂，成班單身狗群埋一齊唔係赌就係色，無所作為，搵到一個叫文仔嘅叫做有啲担當，佢話：唔係嘛？我有冇聽錯，你都要問人借錢？搞邊科呀？睇你個衰仔都係為女忙，為女搞到乾晒塘，喂兄弟！色字頭上一把刀呀，不如好似我咁，鋪鋪清，無牽無掛仲好過啦。我回應話：我唔同你，你唔知咁多㗎喇，到底借唔借先？文仔爽快答話：你好彩我啱啱出糧，喺我未清倉之前借五千都得，係咁多架咋。有五千我多謝都嚟唔切啦，文仔又話：講真嗰句，嗰五千唔借俾你，咪又係進貢晒去賭場，賭少幾鋪咁解。

唔係個個好似文仔咁疏爽㗎，有啲知你借錢運路行，有啲係慳儉賭仔，慳慳埋埋寧願賭輸都唔願借俾你，結果幾經辛苦炒埋一碟都係得嗰一皮野，仲差四皮點算，好彩有張太筆錢頂住檔，可以冚住Irene 條數先，唔知點解自己會搞到咁仆街，掙到周街街數，還都還唔清，唯有等Amy姐返嚟先，不過佢依家咁憎我，肯唔肯借都成問題，唔好諗咁多，早啲瞓聽日要返工，冲完涼啱啱撻落床，電話又響起，早知熄機大覺瞓，原來係呢排最驚見到嘅老友記，性格變晒好難相處，佢話：林仔！我好頭痛，你幫我買啲止痛藥上嚟。我反應係：唔係嘛！好夜咯喎，我聽日仲要返工，點解你唔搵老豆老母幫你買？老友好燥話：佢地喺度駛L搵你呀？返咗鄉下呀，要下個月先返。我問：點解你自己唔落街買呢？你樓下都有藥房啦，我好攰聽日要返工㗎。老友再次燥火話：返工大L晒呀！我好L頭痛呀，落倒街嘅話駛L搵你啦仆街，你到底幫定唔幫先？我解釋話：唔係唔想幫，不過來來回回起碼幾粒鐘，返到嚟都半夜，我驚聽日冇精神返工呀！老友寸我話：你就好啦，有工返咁L幸福！我就慘啦，俾你累L到俾人炒L埋，工都冇得返。

大石擲死蟹，即係唔幫唔得啦，佢老味我住旺角佢住觀塘，夜麻麻山長水遠地鐵又要轉車，人已經攰到死，都唔知要幾點先有得瞓，唔明點解地鐵日夜都咁L多人，旺角站上車一路企到觀塘站，攰到隻狗咁，吊！大廈下面已經有柒記，條衰仔連落一落街都懶嘅，求其幫佢買咗盒止痛丸上去，點知撳極鐘都冇人開門，搞乜鬼呀老友？打佢手機佢老味，話爆緊石再等多陣添喎，結果等咗十分鐘先嚟開門，死仔態度寸寸貢仲話：你唔好再遲啲先過嚟，幾點呀依家？頭痛到嘔呀！藥呢？攞嚟啦仲企喺度。吖頂你個肺，當我工人咁駛呀？我質問佢話：你係咪懶成咁呀！樓下有舖頭自己唔落去買，要我嘥成粒鐘搭車過嚟就買包藥，過唔過份啲呀？老友義正詞嚴話：睇吓我個樣點落街呀？唔係你條仆街我都唔會搞成咁啦，你唔好諗住縮沙呀，你走唔甩架。唉仆街喇呢次有排攪，老友個樣望落去差咗，面凹之外面色好差，叫做好彩冇打爆眼球，否則盲咗仲大鑊，條女真係殘忍，摺櫈背全部都係鐵通，點解可以揸住兜口兜面大力車落老友度。

我問老友：你老豆老母唔喺度，你又唔出街，點搞掂三餐呀？老友答話：佢地幫我準備好晒，有成兩箱即食麵，一箱罐頭，其他好似冰水餃雲吞，叮叮餐盒咁，仲有一大堆零食同啤酒汽水，餓我唔死嘅。我問佢，你諗住就咁樣落去呀？其實戴個口罩咪得囉。老友話：食屎啦你！落街唔L駛食嘢呀！人哋一見你個貓樣走都走唔切啦，我冇自尊㗎吊你。唉條友咁極端勸都冇用，我再問：咁藥呢？點解唔買定多少少。老友話：有嘅，不過呢排食多咗，所以咪要麻煩你呢個大帝囉，買包藥都阿之阿佐。老友停咗一陣突然聲氣溫和話：你上次俾我啲藥….仲有冇貨？可唔可以彈多幾啦過嚟。我笑笑口話：係咪好L正呢，射多成倍都唔止，不過冇喇，台灣貨最後六粒都俾埋你，第時有機會先啦。老友嘆氣話：乜咁冇癮㗎，玩得嗰十次八次就冇貨。我問：十次八次？一粒cut 四份，六粒都玩廿四次啦，點十次八次呀？老友愕然話：你又唔講，我每次都係食半粒，唔怪之得射L到我腳都軟！

明明同你講咗又話冇講，唉條友依家都sort sort 地，講多都嘥氣，我話：冇咩我走先，家陣好夜趕地鐵呀。老友反問：啱啱嚟趕住走？陪下我唔得嘅，我日日喺屋企好L悶，想搵人傾下謁都冇。講講下老友喊咗出嚟，佢話：呢次我老豆老母返鄉下睇吓咩環境，順便搵埋屋，遲啲或者考慮返去長住唔再返香港，佢哋話上面物價平生活容易好多，唔使喺香港坐食山崩，仲話養咗我咁多年，係時候我要照顧返自己，林仔我以後點算呀？嗚嗚…..男人老狗流馬尿好難頂，佢再話：以前打算過幾年娶番個老婆，生番一件半件，過番啲正常生活，依家…仲邊有人要….乜都冇，生活都成問題，林仔我點算呀？好L慘呀。老友講到我都有啲眼濕濕，我安慰佢話：或者咁啦，你遲啲搵啲社福機構，睇下幫唔幫到手，多啲搵其他朋友好似文仔咁傾下謁囉，老友一臉不肖話：嗰班友？挑！個個當我瘟神咁避而不見，直頭當我發咗瘋咁。老實講依家你咁嘅狀態古古怪怪，係人都怕咗你唔出奇，包括我在內。

準備出門口之際，老友嗌話：咪走住！乜你咁L孤寒㗎，買得一包止痛藥！一次兩粒食得幾多次，快啲幫我整多兩包啦，你都唔想我再搵你買藥架。麻L煩，買就買啦，結果落去整多兩包，即係一共三包駛咗我舊幾水，我嘗試問佢收番錢，老友老馮咁話：唔係嘛兄弟，你同我計數？遲啲我飯都冇得開，大把嘢搵你幫手。條友擺明食住上，我奈佢唔何，我問佢：點解你呢排成日頭痛？咩事？老友話：我都想知點解，成日都攰瀨瀨，尤其一到黃昏就好L頭痛。我有啲諗到話：你條友係咪日日喺度啪春藥呀？啪足兩個星期呀？冇理由格，啲藥我好耐之前俾你，你應該一早食晒啦。老友認同話：我諗可能係，之前我老豆老母喺屋企我唔敢食，係上兩星期佢哋走咗我先開始食，食咗幾日開始頭痛。我肯定話：你真係唔識死，嗰隻藥好L犀利㗎，我喺台灣懵盛盛啪晒成粒，結果玩足成個晏晝，出足三次出極都有，俾條女搾到我變人乾咁滯，你仲連續啪足十幾日，真係命都冇。

老友回復招積樣話：你都儍嘅，我哋出嚟玩慣唔識睇路咩，試過你隻嘢梗知咩路數啦，點會蠢成咁日日食，係隔住嚟食嘅，不過真係好L犀利，人哋偉仔係得個硬字，冇乜料到，但係你嗰隻完全唔同，硬到條鐵之外，射完仲不斷補充，個春袋長期keep住大把貨，過癮好多㗎，隔日食半粒玩足兩個星期，日日維持興奮狀態，硬到碌鐵棍咁狗都仆死隻，谷到就爆咁就睇住啲性感女相或者4仔，射佢兩嘢清咁啲貨，好快又再嚟咁就自己控制住注碼，射係過瘾但係keep住硬唔射一樣咁好玩，真係頂唔順咪射佢兩嘢咯，嘩啲精多L到我都嚇一跳，我知係透支咗少少搞到頭都痛晒，不過我已經長期冇女埋身，自己玩番鋪勁嘅，唔過份係嘛？喂你幾時再過台灣，記得買番一兩打返嚟救劑下你老友我呀，知唔知呀？死仔包發你個春秋大夢啦，一兩打！你估傷風藥呀，幾L貴你知唔知呀？係買都益自己啦仲益你。老友又話：冇就買啲偉仔俾我頂住檔都得，你知我一個人喺屋企幾L悶先得㗎。

聽條友發完噏瘋之後，心諗大貪得你呀！唔使錢買呀？你估我係你老豆老母呀？要乜買乜呀？成份人工俾理你都唔夠啦，頂你半夜喇阿哥，聽日唔使返工咩！老友問我幾時再嚟，我話下次先啦，佢提議話：我下載咗兩套正嘢，諗住老友鬼鬼益下你，記得下次帶幾粒偉仔上嚟，一人啪番粒再一齊睇，過癮好多㗎。心諗你都癡L線，兩條麻甩佬睇到一齊起晒機，搞機呀？我冇你咁癲，敷衍咗兩句之後嗱嗱聲走人，東九龍唔熟，齋知觀塘隔離就係牛頭角，上秋仔度？唔得！萬一撞正佢同Amy扑緊嘢, 我一撳鐘嚇到條友標晒嘢亂咁射早洩咗，咁咪嬲死Amy ，該當何罪！癡L線Amy去咗旅行呀，同第二個扑緊嘢就真，秋仔有冇咁好福份呀？地鐵變的士嘥多成舊水，條氣認真唔順，不期然諗起幾次同Amy坐夜的，茵茵每次瞓着都挨住我，我梗唔客氣啦，又攬又摸係最低消費，條女香氣四溢聞到我暈陀陀，家陣諗起都硬硬地，咁就坐幾多錢都值啦。