引用:
原帖由 小Koey 於 2024-10-30 20:12 發表 
不会阻止啦~这个帖子里唯一的规矩就是不可以侮辱其他朋友，大家互相尊重就好啦 
尋日有野做唔得閒
開始之前要講清楚, 有宗教信仰人士請迴避
其實呢一切呢, 本宮有八成肯定條友只係youtube 或者facebook 唔知邊個share link 睇返黎既
佢本身並唔係咩天文物理科出身, 所以準確程度實在好難講囉, 我自己都只係明明地:
有一個叫弦理論 string theory 既概念, 認為最基礎既微粒子其實係能量
好似小提琴一條條震動既弦線, 每一種唔同既vibration 會生出一種唔同既微粒子
亦即係話宇宙間所有既物質都係由能量組成
數學上既計算非常非常複雜, 而且要成套方程式在運算邏輯上能夠make sense
就必須要有10 or 11 個維度既存在
我地既世界係三維即係長闊高, 第四維係時間, 五維容許時光倒流, 六七八以上就平行時空多重宇宙etc
最終極既 10 or 11 就又回到一個點, 一個包括晒所有宇宙所有時間線所有無窮無盡既可能性
關鍵就係呢度啦 - 如果有五維或以上空間既生命體存在
高維度生物可以access 同 manipulate 較低維度世界入面既一切
比如我屋企係得一個微波爐, 高維度生物可以從另一個宇宙中既我屋企拿取入面既微波爐再埋係我面前
或者從呢個宇宙入面既我屋企過去或將來既時空, 將果邊既微波爐拎埋過黎又放我面前
因為我冇同樣既access, 我既認知就只會係呢條友可以無中生有, 忽然變多個微波爐出黎俾我
古今中外不同文明對神明既描述, 幾乎都離不開對時間空間物質既玩弄, 比如預知未來無中生有隔空取物起死回生呢d
所謂既神或上帝, 唔一定係唯一一個具權威性既創造者, 可能每一次出現既只係高維度生物中既其中一員
以基督教聖經為例, 舊約同新約中既上帝就好明顯似係兩個截然不同既人物
前者動不動就降洪水降瘟疫要重建世界, 後者則善良好多 - 而且多數以佢個仔耶穌既身份出現, 絕少再有提及上帝本人
皇上陞下既意思, 同羊媽媽果句其實差唔多, 都係數學可以預測/ 推算出對人類而言遙不可及既未知世界係咩樣
唔係佢既主觀猜測, 過去已經有實例証明
曾幾何時人類根本唔知道冥王星既存在, 只係觀察到天王海王星既軌道在已知力學理論上唔make sense
唯一一個可以合理化既途徑, 就係係佢地既外圍, 再加入一個距離大小同質量若干既天體重新計算,
咁樣呢兩粒星星運行既軌跡在數學上先可以成立
然後根據計算結果再去進行探測, 真係在伸手不見五指既無邊宇宙既果一個點, 搵到同計算預測非常吻合既呢粒冥王星
所以如果弦理論呢個學說冇錯, 因為佢既數學計算, 高維度空間亦必然係存在
既然存在就有可能有生命體, 有五六七八九維度生命體, 來到三維四維世界玩弄我地係好輕而易舉既事
三/四維人類相對而言孤陋寡聞, 將佢地當神明咁拜亦非常合理
佢地只係高等生物, 唔係我地身處呢個世界既創造者, 唔會對我地既所謂對錯進行獎賞懲罰
******
以本宮有限既腦袋, 我get 到既就係咁多啦
